影片
更多
2024-03-31
81 浏览
之前睇過好多網上既報導，見到呢間新加坡菜好似好吸引。襯今個週末冇乜人，想自己去試一試，好食再帶家人去。中午左右到達，餐廳有超過40個座位，連我在內只有三個客人。侍應放底餐牌同點餐用QR code，繼續歡歡喜喜返水吧同同事傾計。午餐精選多數係麵或者飯，我就點咗板麵、凍奶茶同小食咖央多士。飲品好快就整好送黎。我住過新加坡，凍奶茶係我最愛，不過呢間餐廳既凍奶茶（煉奶）既冇茶味、亦冇甜味/奶味。跟餐呢杯飲品要加$20（凍飲再加$3🥤），#可能係我唔好彩，今日餐廳失水準。多士同麵差不多時間上，係QR code落單，當然冇得揀邊樣後上。呢個時候我可以揀：1）碗麵浸到淋晒；或者2）個多士凍晒。咁我揀食咗碗麵先，不過用手感覺多士既溫度，佢上菜時已經唔熱，多士亦唔夠脆。個麵好大碗，首先有幾個亮點：1）寬麵厚薄適中，冇煮過龍，亦冇痴埋一齊，幾滑+彈牙；2）半熟蛋蛋黃流心，好味；3）肉丸唔係平時超市買到既貨色，係用免治肉搓成一粒粒，食得到肉既質感；4）材料豐富，除以上材料，仲有幾條菜、冬菇、乾蔥、魚仔。但#可能我唔好彩，碗麵有個致命傷⋯⋯個湯好淡（淡到好似煮即食麵唔小心加多咗一倍水咁）。咁淡都食得既，可能有
中午左右到達，餐廳有超過40個座位，連我在內只有三個客人。侍應放底餐牌同點餐用QR code，繼續歡歡喜喜返水吧同同事傾計。
午餐精選多數係麵或者飯，我就點咗板麵、凍奶茶同小食咖央多士。飲品好快就整好送黎。我住過新加坡，凍奶茶係我最愛，不過呢間餐廳既凍奶茶（煉奶）既冇茶味、亦冇甜味/奶味。跟餐呢杯飲品要加$20（凍飲再加$3🥤），#可能係我唔好彩，今日餐廳失水準。
多士同麵差不多時間上，係QR code落單，當然冇得揀邊樣後上。呢個時候我可以揀：
1）碗麵浸到淋晒；或者
2）個多士凍晒。
咁我揀食咗碗麵先，不過用手感覺多士既溫度，佢上菜時已經唔熱，多士亦唔夠脆。
個麵好大碗，首先有幾個亮點：
1）寬麵厚薄適中，冇煮過龍，亦冇痴埋一齊，幾滑+彈牙；
2）半熟蛋蛋黃流心，好味；
3）肉丸唔係平時超市買到既貨色，係用免治肉搓成一粒粒，食得到肉既質感；
4）材料豐富，除以上材料，仲有幾條菜、冬菇、乾蔥、魚仔。
但#可能我唔好彩，碗麵有個致命傷⋯⋯個湯好淡（淡到好似煮即食麵唔小心加多咗一倍水咁）。咁淡都食得既，可能有人鍾意淡，但新加坡菜出名香濃惹味，要食淡口湯麵唔會揀新加坡菜。何況新加坡板麵唔應該咁淡。
甜品係個凍咗既咖央多士。我喜歡既版本，凍咗應該仲脆，不過#可能係我唔好彩，呢個版本只係輕微烘過，所以凍咗片麵包會韌。好處係塊牛油冇溶，仲可以食到牛油混合咖央既好滋味。不過跟餐都要加$38，以呢個質數黎講略貴。
大家可能會話，今時今日既香港，$150食個lunch唔應該有咁多要求。不過$150喺銅鑼灣仍然有好多好選擇，呢間餐廳要加把勁💪🏻
张贴
