A-1 Bakery & Cafe (已結業)

前晚去左荃灣呢間買左四樣野,有:1.)蕃薯蓉包~正..好好食,D蕃薯蓉好甜..好似我係日本個D麵包咁樣....總之就正..2.)火腿薯蓉包~又係好正...不過覺得薯蓉得面頭中間個些少,少左d姐...3.)芝士蛋糕~失敗...因為我女朋友一食就話冇咩野芝士味,而且仲比個蛋糕上面個層唔知咩野既味蓋過晒tim...4.)朱古力蛋糕~普普通通,無咩野特別~~!!總括黎講得d包好食,其他野都唔掂~~!!

今天放假,行開荃灣,再次被A1麵包吸引,不自主地行去看看。見之前有食評讚蕃薯蓉包好食,立即掏腰包買了一個。外形啡啡黑黑,很像煨蕃薯。咬下去,很鬆軟!包心是黄色的薯蓉,很香很甜!又一蕃薯迷不可錯過之選。$7大元,不算便宜,但以質數及創意來說,個人覺得值得的!

A1有兩款鬆餅分別係英式鬆餅同提子鬆餅, $4一個, $7兩個, 兩者冇大差別, 唯一唔同既係英式鬆餅係冇提子, 而提子鬆餅就有提子, 我每款要了一個, 第一啖咬落去, 嘩, 外面好脆, 裡面就好鬆化, 牛油味又好香, 但唔會太重! 提子鬆餅既提子份量唔算好多, 我覺得剛好, 太多既話就可能會搶了鬆餅既牛油香味! 兩款都好食, A1既質素果然有返咁上下!

呢款係此店既新產品, 好奇怪, 最初我見佢賣$8, 覺得幾貴, 所以冇買, 但後來佢賣$6, 不過size 就比之前略為細一點! 呢個價錢都可以接受, 於是就試下! 一個圓圓扁扁既包, 上面有幾粒黑芝麻, 冇咩特別, 但內裡既黑芝麻餡就非常豐富, 份量十足, 黑芝麻餡好似係一粒粒黑芝麻所磨成既黑芝麻蓉, 同一般黑芝麻醬有點分別, 黑芝麻醬係比較幼細一點, 換句話說, 呢個包既黑芝麻蓉係更加有口感, 但又唔覺得好粗, 啖啖都很有黑芝麻既香甜, 唔會有額外既甜味, 味道很好! 不過, 呢個包叫軟包, 我就覺得包身唔算好軟, 但又唔係硬, 介乎中間咁啦!

我最喜歡吃這裡的小法包，剛出爐的時時候最正，外層香脆，內層鬆軟，加上淡淡的牛油味，正！豬扒包出很出色，有兩種選擇，分別是夾蕃茄或洋蔥，我喜歡後者，因為味道較香口，記得一定要叮熱才吃，否則個包會比較硬。朱古力圈都好好味。

A1其他分店同Beckenheim 一直都有法式鮮奶樹頭包, 但荃灣千色店呢間A1就係最近先有, 所以係屬新產品, 之前見食評話呢款包唔錯, 但一直都冇機會試, 而家終於都試到喇! 一個圓柱體既包, 包外圍有裂痕, 都幾似樹頭, 但包上面有好多白色糖粉, 我覺得有d多餘, 亦唔多鍾意食d糖粉! 個包口感好似法包, 外脆內軟, 個包係一個白麵包, 不過白麵包中有少少奶黃色既野, 味道好似吉士, 但比吉士多點奶味而少點蛋味, 成個包食落去都覺得幾甜, 但我覺得甜味唔係來至白色既糖粉或者奶黃色好似吉士既野, 而係來至個包外面, 我發覺個包外面好似搽左蜜糖! 對我黎講, 我嫌個包過甜, 少點甜我會較喜歡!另外, 有樣野我覺得A1做得好好既, 就係佢既法包類, 係可以做到外脆內軟, 其他包既水準都唔錯, 我係指荃灣千色店呢間分店, 我冇幫襯過A1 其他店, 唔知其他師傅係未一樣做得咁好!

We bought 1/2 pound walnut bread ($7). The texture is good. feel happy after eating it. haha..

I bought a large garlic bread for breakfast. there is too little garlic. but i have rebake it in the oven. it is crispy outside and soft inside. good !

車輪包入面卷捲住一圈圈既朱古力醬, 份量唔太多, 味道亦唔太甜, 為普通既一個車輪包加添一點朱古力味, 唔錯! 不過車輪包既頭尾兩端就硬左些少, 其他部份都算幾軟既!

今日買幾粒朱古力味波波球,咬一啖已經覺得好失望!因為我一心諗住$10得4粒朱古力味波波球會好食過山崎d啦....點知....d 波波較山崎硬身,又唔夠煙韌,仲好似好乾咁.而d朱古力味一d都唔香.比較之下,山崎d係又抵又好食囉!!

今日收早，去完荃灣辦ｄ事之後諗住搭車番屋企經過呢度，見到ｄ蛋糕個樣好靚本來想食芝士蛋糕但又好似冇乜新意咁見到呢個朱古力千層蛋糕係today's special於是買左件試下食完之後覺得有ｄ搵笨因為成件蛋糕除左面頭係用朱古力漿造成一層皮之外入面ｄ蛋糕冇乜朱古力味只係一ｄ好普通既蛋糕咁好彩佢只係13蚊咋唔係個個食完都一定呻笨呀下次都係食番佢d 麵包好d

今日行開荃灣又入去睇下有咩食~1) 朱古力蛋糕: 透明膠杯裝住兩件，外面包圍住好多椰絲，跟住就係一層好似朱古力jam甘既東西包住件普通蛋糕，當初我重以為內裏都係朱古力蛋糕，真係有d失望...**之前見過賣$12三粒，而家就賣$7.00兩粒2) 賓納紅豆包: 有層好以墨西哥包面上既脆皮，好香好鬆脆，可惜內裏既紅豆饀少得可憐3) 提子鬆餅: 又夠提子又鬆化，唔錯

the pumpkin pie is crispy but not enough pumpkin. $7.5. i love the pumpkin pie in Sogo more but it is much more expensive ($12 if i remember right). the coconut flake flower bread $6.5 is good.there is a new A-1 in 中國染廠大廈. there are only few ppl .

一袋有四個細細個, 正正方方既小包, 佢話係麵包, 但我覺得唔似麵包, 又唔似蛋糕! 軟軟地腍腍地, 但又唔屬於軟熟鬆軟個種, 佢中間夾有兩層薄薄既朱古力醬, 一般朱古力既味道, 唔算好甜, 都ok! 但整個麵包既味道, 唔似朱古力麵包, 又唔似朱古力蛋糕, 佢多左某d味道, 但我食唔出係咩味! 個人覺得唔算好味個種, 所以唔會再食! 有冇人食過呢個包呢? 覺得味道如何?

如果想食有chocolate cream,咁不如試下佢個朱古力號角啦,入面有好多朱古力味既cream架,都幾正架~~食完又好飽肚~我最中意食佢個花兒包,差唔多次次都要買呢隻包包,不過可惜佢比以前細個左,仲越黎越貴~~其他包包都好似加晒價!