8Five2 Restobar

营业中

休息中

平常收工都愛在尖沙咀飲野食飯最近發現天文臺道有間新開的墨西哥店環境很有氣氛 裝飾精緻很舒適餐牌款式都有多款選還有素食menu 這裡的大廚是在香港生長得墨西哥人他每年都會回墨西哥發掘些特別菜式帶回來Buffalo Chicken Nachos這個nachos很特別 是紅色和啡色的不像平時吃到的 很脆很香口配上特製醬料 少少辣 吃上癮Chicken Verde 墨西哥卷內除了雞肉還有飯 很有口感外皮很煙韌Burratta 布拉達芝士沙律很少吃這種芝士 味很香很濃郁一點膩的感覺都沒有配上火箭菜及蕃茄 非常清新開胃Mexicano Pizza是一款素食pizza薄底用粟米造 口感特別而且很香脆這裡墨西哥菜很特別 又精美下次一定要來試下cocktail ！

天文臺道近年都成為尖沙咀搵食的新熱點，餐廳款式選擇多，非常熱鬧。如果你最近有經過這裡，相信也會被地下的一間酒吧餐廳吸引。主打墨西哥菜的酒吧餐廳，當然唔少得酒吧的靈魂 - 吧位，除此之外，裝修都充滿豐富色彩，分為不同的空間。餐廳上有多款墨西哥菜，口味濃厚，同時辣辣地，夠刺激。Buffalo Chicken Nachos $118墨西哥菜的招牌Nachos，用上紅黑兩色玉米片帶來視覺衝擊，加上有雞肉，番茄，洋蔥，酸瓜等配菜，色彩吸引。再配上奶酪，豆蓉兩款醬，味道清新又開胃。玉米豆芝士奶酪番茄醬餡餅 $138醬汁蓋滿碟上，表面的芝士已經好吸引。餡餅入口時醬汁由四方八面擁入口中，清新的番茄醬和奶酪刺激口腔，再感受到濃厚的芝士味，而且非常飽肚，同時滿足味覺和肚子。豬肉墨西哥卷餅 $118卷餅拿上手已感覺到份量十足，中間有滿滿的餡料，並把餅捲完全包緊，配上醬汁和菜，口感豐富，有層次。

今日同朋友去左天文臺道既依間墨西哥餐廳,裝修風格好別緻,仲有bar枱格局好似酒吧仲有cocktail同shisha提供,而且大部分侍應都係墨西哥人,好有置身係墨西哥既感覺🥰胡椒玉米餅($78)賣相好靚啊!餅上鋪上左酸瓜同大量粟米,餅底有d似墨西哥玉米片咁口感香脆,因為加左沙律醬作調味,味道帶甜好開胃芝士菠菜墨西哥酥餅($98)墨西哥餅口感軟黏,內餡包了菠菜所以感覺比較健康,而且仲配有蕃茄醬,cream cheese同牛油果醬,蕃茄醬同牛油果醬都帶辣,但cream cheese可以中和辣味,口感更加幼滑又可以減少油膩感玉米芝士炸丸子($78)丸子新鮮炸起,外皮炸至金黃色,口感酥脆, 咬落去有熱辣辣既芝士拉絲,雖然好邪惡但食完一個好想繼續食😝而且仲有辣醬可以點,吾會太辣,蘸上後食口感更加惹味玉米豆芝士奶酪蕃茄醬餡餠($138)餡餅入面有滿滿味道濃郁既芝士,包裹左大量既玉米,蕃茄醬及辣醬,味道酸辣,而且因為加了奶酪,所以味道帶有酸奶香味,食落去口感更加豐富

天文台道有咁多好野食，今次就試咗呢間8Five2 Restobar，8點前有happy hour，同好姊妹啤一啤。咁耐冇食過墨西哥菜，當然要叫盡佢，呢度食物份量都唔細，兩個女仔都食唔晒啊！Avocado on toast - 好多牛油果🥑，加上香脆嘅多士，非常醒胃 Ceviche (Tuna) - 吞拿魚同檸檬汁好夾，食到停唔到口！Tacos (Pork) - 豬肉加上香濃嘅BBQ汁，Taco皮亦都有淡淡嘅粟米香，每件都好足料。Enchilada (Chicken) - Enchilada係我最鍾意食嘅墨西哥菜，雞肉加上入面嘅cream cheese，面頭又輕輕焗過，加上微辣嘅醬汁，推介啊 Corona 心太軟 - 最後當然唔少得甜品，心太軟嘅香濃朱古力味，再加上芒果雪糕，為今晚畫上完美句號。

相約朋友去尖沙咀食晚餐和購物。餐廳裝修型格，內有餐枱區、酒吧區和露天座位區，滿足不同客戶的需求。Avocado Tomato Salad 108元。牛油果🥑已熟，又軟又滑。蕃茄鮮甜。椰菜絲新鮮。醬汁有咸味。Buffalo Chicken Nachos 脆玉米片118元，色彩繽紛，鮮豔奪目，份量多。面層有醃製過的洋蔥，淺粉紅色，有少少酸味。三角形的玉米片有紅色和紫色兩款，香脆可口。雞肉軟滑，有輕微辣味。其他配料有已切片的綠色辣椒、蕃茄粒和酸瓜。Loaded Allmeat Quesadillas墨西哥酥餅 108元。外層酥餅香口，內層肉醬惹味，塗上酸忌廉一起吃，更滋味。鹹焦糖芝士蛋糕68。上層是紐約芝士蛋糕，芝士味濃，密度高，飽肚。下層是焦糖餅，香脆有甜味。巧克力軟糖蛋糕68元，熱熱的心太軟朱古力蛋糕配上冰凍的朱古力雪糕，口感層次豐富，朱古力味濃，非常好吃。總結：裝修型格，食物味道獨特，價格合理。

今日去左尖沙咀行街，陪下媽媽買野準備過年啦！下午，媽媽約左去做facial，我就去搵間餐廳坐下等佢啦！天文台道有間新開張既墨西哥餐廳，好有外國feel，環境好chill好靚。我入去本身諗住飲杯野，見到Set lunch好抵食就叫黎試下啦！前菜是雞肉沙律，配上南瓜子和nacho，生菜好爽甜，醬汁酸甜好開胃。主菜叫左辣醬玉米餡餅，焗到好靚啊！薄餅皮夠哂香軟，包上滿滿蔬菜餡，芝士好惹味好重奶香！好鐘意每口都是餡料和蕃茄的香甜味。

.胡椒肉米餅🌽🌮 $78第一次食，係一層好薄好脆嘅皮，上面張加上沙律醬，酸瓜，栗米，沙律菜，口感好清新特別，食完好開胃唔覺膩，加上擺盤好靚，食得好開心🤩玉米芝士炸丸子 🧀🌽🧆 $78一份係有四粒炸丸子，都算幾大粒，一好大碟泰式辣醬俾你點。外皮好脆，一咬落去，成口都係芝士🧀，仲拉到絲！😝基本上成粒丸入面都係充滿住芝士，無咩空氣，好足料😋 不過食完一粒都已經覺得好膩下😏墨西哥酥餅 (芝士菠菜）🌮🧀 $98一份一共四件，薄餅皮中間夾住芝士菠菜做餡🥰，皮夠薄，餡嘅份量適中唔會太膩👍🏻。佢提供埋三款醬：沙律醬，牛油果（？）加蕃茄辣醬同埋蕃茄辣醬。沙律醬以外果兩隻醬都好辣🥵，我平時都算食得辣，今次係辣到耳仔都痛埋🌶，真係有啲誇張😎所以唔食得辣嘅話就點返沙律醬啦😝不過其實個酥餅就咁食都係好食嘅👍🏻玉米豆芝士奶酪蕃茄醬餡餅 🧀🍅🌮 $138個餡餅係由個餅皮捲住啲餡料，出面就有好多好濃嘅蕃茄芝士辣醬，都係皮夠薄，餡料都算多，溝埋啲醬食完全唔會覺得又乾又硬，味道算係中上😋第一次食墨西哥菜，無比較之下覺得都算幾好，職員服務就可以好啲，可能環境太昏暗，睇唔到啲水飲

友人話要帶我食一些好少食到的菜式，今次黎到這間位於尖沙咀的墨西哥菜餐廳，實在是吃得難忘！這間餐廳有室內和室外，室內座位都算幾多，沒有想過平日晚上來到都是滿座的！墨西哥菜不論沙律、主菜，什至cocktail 都是辣的，什為特別！corn cheese tostados ，這款小食是墨西哥小食中常見的！底下是粉紅色的薄餅脆脆，上面是沙律菜、芝士等酸酸辣辣的餡料，幾醒胃！mushroom cappuccino soup，這裡的湯很特別，是會來到枱面前才會在碗中倒入湯，所以湯非常熱辣辣！個湯好香蘑菇味而且creamy，有好多蘑菇蓉，非常好喝！Buffalo chicken nachos ，這個是粟米片拌上其他材料，幾乎枱枱都有點這系列！粟米片有多款不同的顏色，黑色、粉紅色、原色的也有，很脆卜卜！拌入沙律菜、辣椒、雞絲、芝士醬，還配有牛油果醬和cream cheese可以點黎食，十分惹味！lamb mince quesadillas ，這款墨西哥餅平時係其他餐廳都有食過，今次係第一次食正宗的！羊肉的羶味都幾強烈，不過味道幾特別，再點上牛油果醬和他他醬一齊食更加刺激味蕾！The Bad Mujer

今日經開天文臺道被呢間墨西哥餐廳吸引住，因為門面開揚，睇到裡面裝飾好有格調，空間感十足，仲有大大個酒吧section，感覺好chill好適合傾計Avocado Tomato & Jalapeno Corn Salad $108沙律除左有牛油果、蕃茄同胡椒玉米外，仲加左好多生菜絲同豆苗，成個味道好清新Calamari Frito $118 好難得食炸野無熱氣/油膩嘅感覺，炸粉薄薄一層炸得剛剛好，包裹住嘅魷魚一d都唔韌，面頭灑左少少調味粉更香口Chili Lime Shrimp Quesadilla $128 呢個係墨西哥酥餅，內餡嘅蝦肉好彈牙，稍為用青檸汁煮過，清新得黎有少少辣度，加埋D半溶嘅芝士非常惹味Buffalo Chicken Nachos $118 平時會當Nachos係小食，估唔到呢份Nachos咁大份，完全可以當主食；裡面加入左雞絲、洋蔥、辣椒、芝士同Buffalo sauce等等，成個味道非常豐富雖然每款菜式嘅食材都有所重疊，但唔同嘅配搭同醬汁嘅運用又令到每道菜都各有特式，原來墨西哥菜可以咁有層次，完全愛上❤

今日同朋友試吓唔同地方嘅菜式所以我哋就揀咗尖沙咀嘅墨西哥菜餐廳內部裝修得好靚好有格調適合一班朋友過嚟食嘢傾計我哋揀咗兩個餐前小食同埋主食嚟得墨西哥餐廳 梗係要試吓佢哋地道既nachos!我哋揀咗什豆墨西哥玉米脆片要來送酒一流一塊接一塊停唔到口玉米芝士炸丸子芝士丸子係即叫即炸一上菜 丸子仲係好熱可以做到拉絲效果❤️❤️燒春雞鐵板估唔到叫主食會送埋薄餅同醬料燒春雞可以就咁食又得 加落薄餅到食又得燒雞燒得好香 連伴碟既青椒都好入味最後仲叫埋雞肉卷餅雞肉卷餅裏面除咗有雞絲仲有飯食到好飽 好滿足！墨西哥菜 正！

這間的名字很有趣，852是香港的號碼。這間餐廳是介乎酒吧和西餐廳之間，既提供大碟的墨西哥菜，也提供各式酒類。所以當日除了有不少外國人坐在高桌旁摸杯底，也有遊客和本地一家大小在這享用晚餐。我倆都沒有到過墨西哥，無法說這是否正宗，也不能說吃了這餐等於去了墨西哥。但這些食物的味道，令我不其然想起其中一年聖誕節，相識十數年的墨西哥朋友把她家鄉的醬料送給我作為禮物。外國流行吃素，這間外國餐廳自然少不了提供素食。墨西哥脆玉米片什豆口味(Tex Mex Nachos) ($108)是素菜，用上車打芝士和莎莎醬，莎莎醬是墨西哥常用的煮食和佐餐醬，由於醬料以辣椒和蕃茄粒為主，又酸又辣，拌麵食和小食都很適合。以為這碟玉米片是拌酒的份量，上桌時看到一大碟足夠兩人吃的份量，甚為划算。一大碟的脆玉米片不論在賣相還是味道絕不馬虎，火辣紅色和紫色的玉米片，正如墨西哥人的熱情好客。點了一杯菠蘿汁($58)，加上少許冰，酸酸甜甜，邊嚐辣物邊解辣。另一杯橙汁($58)，比菠蘿汁更止辣，但不及菠蘿汁開胃。青檸蝦墨西哥酥餅(Chilli Lime Shrimp Quesadilla)($128)，一看「青檸蝦」三字，便想起微

訂位好方便，經openrice app就book到，地點容易找，就在天文臺道8號(Starbucks隔離)。雖然有少部分食物微辣，但配合醬汁，很開胃很惹味。另外，我在book位時註明生日慶祝，職員就主動在甜品上寫上happy birthday，給予我朋友一個驚喜。如果不熟悉墨西哥菜的話，建議在點餐前先向職員查詢自己想點的那道菜的製法。我點了燒春雞，廚師不是原隻雞燒，而是切開一片片來燒的，口味不同，但配合配菜，很好吃。

原來當你偶然見返舊朋友噓寒問暖既時侯，你第一句往往都會想知道佢近況點樣，生活過得好唔好。都係一句起兩句止，到底呢種係屬於相識一埸定還是泛泛之交呢？不過點都好，都係果句，珍惜眼前人。只要將利益擺係最後，將心比己，好多時呢樣係更加難能可貴。今日適逢朋友生日，就請佢去尖咀呢間墨西哥餐廳「8Five2 Restobar」Chill下，呢到環境開揚，型格裝潢配上熱情如火既氣氛，果然無揀錯！👇📌Buffalo Chicken Wings · Pickled Celery - $98👉真係「水牛城雞翼」就食得多啦，但第一次見過最有心機既擺盤，就係呢到。佢用左一個壘羅漢既手法將佢壘埋一齊，賣相相當吸引，遠睇真係唔似雞翼。即叫即整，所以外層食起上黎好夠脆口，味道加左醬汁亦唔會太膩，非常唔錯。📌Crispy Fried Fish Taco · Chilli Lime Seasoning $118👉墨西哥菜最著名之一既Taco一定要試，我揀左呢個「炸魚塊墨西哥玉米餅」口味，脆片入口真係有少少似平時食栗米片果種感覺。而意外驚喜既係裡面既炸魚柳做到香口而唔油膩，搭配埋酸酸辣辣既醬汁，特別醒胃。口感亦都好豐富，呢

見到個receptionist 少女 好friendly, 又唔駛等，就同朋友入去吃個「早段」晚餐。 餐廳地方大，可能時間早，當時冇乜人，經理走過來 好熱情咁為我倆介紹美食，所以就跟他的推介點了個墨西哥玉米片做前菜，再加些小吃，同炒雜菜。份量好大呀，惜朋友與我都吃不到太辣，（餐牌上又冇辣椒仔圖示）又忘記向經理查問，連炒雜菜都係辣的啊🥵，但能吃辣的朋友一定冇問題這款就是經理極力推介嘅玉米片，它的辣度剛好我吃得到跟兩款醬料好好味，我特別鍾意綠色嗰款帶少少酸好開胃另外想提一提，原來餐廳外的露天位，是可以吸水煙嘅，我們吃完，行出餐廳時，感覺好似在外國咁。

係尖沙咀行完街 想搵個地方chill下選擇其實唔多 因為我要求好高 又要野食好食 又想環境好好 仲要價錢相宜今次比我搵到呢一間 主要食墨西哥菜 位於旺中帶靜嘅天文臺道 附近唔會嘈雜但係又唔難去感覺好舒適我哋叫咗一碟墨西哥脆玉米片 有紅黑脆玉米配有微辣嘅雞肉絲送酒定係當小食都非常適合超級推薦這一碟送酒傾計 一流我朋友選了一個 牛油果蕃茄配胡椒玉米沙律，味道清新，醬汁可口，沙律菜新鮮，健康之選我就選了波菜芝士墨西哥酥餅作主食，配兩個醬，芝士做到搵絲但不會太heavy ，點埋醬味道更有層次，好夾，4塊2個人吃剛剛好飲品方面 我們點了一杯橙汁，橙汁好貼心地有兩枝小飲管，方便分享；另外係一杯mocha，不會太甜，好飲之外還有拉花，好有心。餐廳的環境很有特色，很chill，令我感到很放鬆，是飲野、傾計的好地方