影片
岩岩开，谂住试下，叫个碗仔翅同埋烧卖，烧卖就平平庸庸，同平时喺街食嘅差唔多，碗仔翅就非常之稀，见到都有啲奇怪，而且个碗个size都好细，不过又唔系好贵。个老板解释就话因为佢哋系做怀旧风味，咁所以碗仔翅就冇云耳同埋剩系得好简单嘅材料系入边，因为怀旧嘅碗仔翅系冇咁多材料。我就觉得呢一款碗仔翅唔系好啱我口味，始终可能同平时食开有云耳同埋冬菇等等材料嘅碗仔翅唔同，同埋个人觉得应该要杰少少先似返平时食嘅碗仔翅，碗仔翅太稀好似饮紧一碗中汤咁。
继续阅读
今日出屯门揾朋友仔，经过呢度试咗个冬瓜茶，好好饮，消暑解渴。每日都有自家制凉茶，如果我住屯门就好喇！好想饮薏米水，最好日日有得饮。仲试埋佢个碗仔翅同酸斋，正！个翅十几蚊大大碗，食完已经饱哂！最近由于疫情严重，没有了堂食，所以都系买返屋企，早知就买多几枝冬瓜茶啦，可以饮多几日，而家想饮又懒得煲，冇得饮。好挂住佢嘅自家制凉茶同碗仔翅。题外话，最好笑嘅系听到有个客话呢间舖啲碗仔翅好细碗，唔够三个人食，𠮶刻真系想问个师奶喺边度可以用廿蚊买三人份量嘅碗仔翅。
继续阅读