8 Eatery

营业中

休息中

今日有啲頭痛兼有少少唔舒服，求其搵間餐廳食少少嘢就返去食藥瞓覺。點知換來惡夢🙈間餐廳嘈到七彩，我就算塞住Headphone都聽到佢哋喺度講緊乜嘢。叫咗份公司三文治加杯熱華田，三文治味道一般、杯阿華田（已經係加濃）但都係好淡，淡到好似水咁。真係求其食完就即刻走個頭痛到爆炸！呢間餐廳真係冇下次

第一次去覺得奶茶超正！野食都幾好！賣相做得最好！第二次就覺得食完超級口乾，味道差過上次，奶茶都差左唔知係咪第個沖既！第三次連我嗰四歲仔都唔點食！咁重味精app點菜無得備註走味精，不過估計都無用，啲嘢可能一早整好！少去為妙，去第一城大家樂好過！

今天下午午飯，在這店門口取票，見到票機上有牌寫著不用取票，自行入座，於是在一卡位坐下等同事來。坐了兩分鐘，正打算下單，一名女侍應問我幾個，我說4個，女侍應面帶不忿離去，不一會，另一女侍應跟我說要過半數才可入座，我以為外面很多人排隊，於是出去，途中見到幾枱卡位都空著，門口根本沒人排！女侍應要求我取票等位，簡直痴線！我頭也不回走了，永不再來！票你自己取吧！卡位你自己坐飽吧！我寧願去旁邊的麥當勞！垃圾服務，不要怪客人愈來愈少，害死香港旅遊業的，就是你這種害群之馬！

今日下午茶去咗哩間度食 點咗 溫泉蛋辣肉醬扁意粉。 本人係食得辣嘅但係第一啖都發覺對路好似食緊辣椒油咁食多三啖頂唔順同職員講你呢個辣肉醬成碟都係辣油㗎喎 。職員話係呀，近排我哋師傅係加咗辣度，亦都有客人話好辣，但係都冇辦法建議你下次點嗰陣時叫小辣。 我心諗好嘢有客人反應都要keep住係落辣油，根本都唔係食緊辣肉醬，都好冇下次拜拜😪

作為威爾斯醫院附近既屋苑，愉翠苑係餐飲既選擇不算多，基本上都係連鎖式飲食集團既天下。由於依排電療期間，自己唔想食油炸類美式快餐，所以在幾分鐘既掙扎下，最終踏入8EATERY既大門。蒜香牛油鮮蝦扁意粉 ：蒜香味幾突出，蝦仁煎香後有少少焦香味，雖然係冰鮮蝦但肉類都爽口。至於意粉本身比較油，可能係因為要維持其爽滑口感的緣故，個人認為可稍為乾身一點。凍鴛鴦味道合格，不過不失。總括而言，這頓午餐對得住$65這價位。

好難食好難食。點解叫碟carbonara都可以中伏。意粉加芫荽你真係全球首創，難食到痴晒線。喂西餐意粉加個個叫蕃芫荽，唔係芫荽呀大佬，兩隻唔同味嫁，一個英文叫parsley , 一個叫coriander, 真係食到噴火🤬寧願你乜都唔好加，大佬，你啲芫荽仲要切碎撈均，撩都撩唔走唔該正視下，唔想有其他唔食芫荽既人中招，意粉真係唔會咁樣加芫荽！！！如果成本問題唔想買parsley你真係唔加好過！👊🏻👊🏻👊🏻

食物係好食，但要等半小時起先上菜20：07分落單，叫3個扒餐，2飲品落單後黎左兩杯野飲等到20：25我追單，即刻來得一份牛扒餐20：35 冇野到，我又追單。20：39 先來第2份牛扒我再追單，仲有份雞扒到20：40先到最後一份餐

早餐點選炸魚柳，本身不好蒜頭，所以想要牛油多士。但在點餐網頁內找不到。找侍應幫忙點也說沒有。唉，餐廳能做蒜香牛油多士，有齋多士，可以不要多士，卻沒做不到牛油多士。這個奇怪安排令人費解。

外賣兩份早餐，我一直企喺門口旁邊望住收銀位置，係咪我寬容度高，等咗20分鐘先自問送姐姐，我份外賣有未？收銀姐姐call入去問係咪包緊，隔咗2秒，再問入面仲要幾耐，入面好似答唔到，我已經冇耐性，問收銀姐姐：「我等咗20分鐘，你真係仲要我再等呀？」入面比唔到時間仲要等幾耐，我忍唔住我叫收緊姐姐退返錢俾我。收銀姐姐一邊比返錢我一邊同入面講話「唔駛啦，個客唔要啦。」一句唔好意思都冇同我呢個客講，真係好服務。另外，喺等外賣期間，好多人都好正路咁㩒飛等位，點知有兩個講普通話嘅女人，行入去問職員「不用拿票吧？」問咗兩次，跟住有個阿姐問佢幾位，直接安排佢哋入座！呢位阿姐真係對等住公司嘅規矩，咁以後大家唔使攞飛自己搵位啦。餐牌同以前意八咪又係一樣，但服務態度真係差好遠，冇乜必要，我應該唔會揀佢。