8鍋臭臭鍋 (金巴利道) (已結業)

常常跟朋友在尖沙咀覓食。有印象在OR看過這家好多好評就去試試。作為一個台灣常客，或者我不應該抱有希望。鍋物有好多款可選，配料隨款式固定。我們兩個女生選了招牌臭臭鍋跟台式麻辣鍋。再加點了台式火鍋必備鴨血一碟。朋友的臭臭鍋，偷吃了一下。不夠臭，可能係適應番香港人口味。配料很多款，每款少少。聽說沒有一款談得上特別好食。臭臭鍋都叫有點臭，我的麻辣鍋仲陰公，不香不麻，只有辣。同台灣麻辣鍋相差十萬八千里。一邊食一邊想念起台灣無X鍋。最淒涼係麻辣鴨血，花幾十元加點，一樣是沒麻辣的香氣...得個辣字。好食的話辣得辛苦都要食，唔好食真係唔想傷腸胃，最後決定放棄。不會有下次了。

朋友話帶我食好野，帶到我來到尖沙咀區，從繁忙的街道信步到靜中帶旺的金巴利道，看到「8鍋臭臭鍋」個大招牌才停下腳步，眼看台式一哥火鍋都有不少人在排隊，明顯一人一鍋在香港也挺受歡迎的吧⋯入到去店內頗闊落一眼望晒⋯燈光黃黃暗暗，裝修都偏台灣風味，有著二人枱、四人枱及一些拼枱！坐得挺舒服的一人一鍋，一共有九款全部是套餐形式兩款超人氣招牌臭臭鍋及藥膳羊肉鍋加上一款新品上市台式葱爆鍋仲有其他款既就係台式麻辣鍋、牛奶鍋、沙茶鍋等等，看到這⋯突然火鍋癮起非常快手選擇了兩個鍋店員隨即來個溫馨提示叫我們可以根據指示調教醬料完美比例混醬，3+2+1 豉油，蒜蓉，沙茶醬等等既配搭相當好味我認為沙茶醬配搭肉類是非常好食惹味的好快兩個火鍋就已經到了等多幾分鐘再滾多會就可以吃了藥膳羊肉鍋 $112真心聞落似係肉骨茶嘅味超級吸引，可能我非常喜歡這陣味吧入面放滿配料，慢慢地加熱。配料大概有包括鳴門卷、香菇、豆卜、羊肉片、粉絲、大白菜、台灣貢丸、炸枝竹、粟米等等。貢丸彈牙、羊肉又夠爽口濃味！我們先飲兩口藥膳湯底，飲落又唔算太濃，但飲到陣騷味，不錯的！湯底好快就已經飲左好多了，配料其實已經慢慢溶入藥鱔味道中⋯好夠味呀！一人

有幾臭？你真係要去試下😂咩係臭臭鍋😂真係你食過就知了😂都值得一試既，因為唔食過你就唔會知佢係咩黎，甚至究竟個鍋，有幾臭睇睇menu，原來佢係以一人一鍋既形式禁食既，所以可以自己揀返自己想食既口味先講飲品，我就揀左 : 凍既茉香奶綠，味道唔錯朋友既桂圓黑糖薑母茶，只係得熱飲，感覺都幾真材實料，唔錯唔錯餐廳都有提供醬料比客人使用既，重有份量建議添，第一次食既我，就梗係跟佢既醬料黃金比例建議調教啦我揀既係招牌臭臭鍋，入面包括左多款配料，第一眼既感覺，其實佢就係台式既韓國部隊鍋！絕對形容得無錯架，因為佢又係將多款唔同種類既食物放曬落一個鍋度當中當然有令佢臭臭既來源，台灣臭豆腐！台灣特色食物，米血糕及台灣貢丸估唔到入面d蜆都幾新鮮喎又，隻隻都幾juicy脹卜卜另外重有大腸，豬紅及白豚肉等味道相對較濃既食物係入面添，都勁惹味架呢個朋友揀既台式麻辣鍋，喜愛食辣既朋友都可以叫呢個，雖然同四川麻辣果d顯然有別，不過味道都好唔錯，都幾夠辣架鹽酥雞有驚喜，味道好正宗，非常香口，絕對值得推介👍🏿

故名是指臭豆腐🤟🏻對臭豆腐一般般， 都可以到呢到一人一鍋， 鍋物有很多不同味， 只是少量有臭豆腐。呢到lunch set有9款鍋物， 可+飯/粉絲+飲品（可+$5轉$28以上飲品）=$88臺式蔥爆鍋一上桌， 很香蔥及牛肉味肉份量黎講都多👍🏻芝士牛奶鍋芝士味比較濃， 湯底幾清甜， 娃娃菜吸引哂湯味， 唔點醬汁都好味，心型魚豆腐外型❤️因另有粉絲， 都夠飽肚😝檸檬冬瓜茶&金桔檸檬梳打冬瓜茶唔會太甜， 酸酸清清地金桔檸檬就好濃味，好香🤗

之前未食過 一路以爲係一大鍋「打邊爐」原來係每人一鍋 😲餐牌上有9款既鍋 每鍋套餐係（$88）包鍋+飯🍚or 粉絲+野飲🥤還有小食可以叫 價錢都合理飲品方面仲有其他既特飲選擇都算多芝士牛奶鍋芝士味比較重 反而牛奶味無乜鍋下面係 由店員再點火一路食 一路個鍋著住 熱住都幾熱😓另外一個鍋係臺式蔥爆鍋湯底清清地 👍不過多餸得濟 難夾底下既粉絲🤣餐飲叫左檸檬冬瓜茶 👏👏👏👏青檸梳打 👏👏👏👏飲品係好好飲既

以前響台灣食過臭臭鍋，但響香港真係好少見，今次響佐敦發現左呢間，超級抵食又好味，實在好值得一試。呢度嘅食法係每人叫一鍋咁食，份量其實好充足又唔貴，最後我同朋友都飽到食唔哂，而更好嘅係呢度嘅環境坐得幾舒服，啱哂同朋友食飯傾計。所謂嘅臭臭鍋，其實即係落左臭豆腐，我自己就幾鍾意食，不過同行朋友就唔食，所以我同朋友分別叫左一個招牌臭臭鍋同埋一個黑麻油雞鍋。招牌臭臭鍋並非浪得虛名，非常好味，濃濃嘅臭豆腐味我自己覺得好香，其實煮好一鍋根本上唔會覺得臭，好好食好值得一試，食果陣留意到都幾多其他客人都係揀呢個，不愧係招牌菜。黑麻油雞鍋同樣好正，上枱果陣一陣陣麻油香氣逼人，雞肉亦鮮嫩幼滑，認真一絕。另外再叫左一個小食炸花枝丸，熱辣辣上枱同樣相當唔錯。最後想推介一下飲品，台式冬瓜茶平時飲得多，但係我都真係第一次見到有檸檬🍋冬瓜茶，估唔到少少酸酸地感覺又幾清新，朋友叫嘅凍盆栽奶茶亦相當特別而且可口，幾有新意。

終於黎呢度報到啦！想食臭臭鍋好耐！須知要搵個志同道合鍾意食臭豆腐嘅人係幾咁難！！麻辣臭豆腐$48食得臭臭鍋，點可以唔食臭豆腐！之前喺台灣食過臭豆腐，覺得唔夠香港嘅臭豆腐濃味同臭，呢個臭豆腐絕對濃d臭d，一咬落去臭豆腐係爆晒汁！唔似港式臭豆腐咁炸到油淋淋同中間乾爭爭，加埋麻辣粉辣辣地好正！招牌臭臭鍋$112小辣當年第一次接觸臭臭鍋時，曾經好奇怪點解火鍋會臭呢？！原來！係因為加左台灣臭豆腐落去，天啊，係我最愛嘅台灣臭豆腐，居然可以用黎做火鍋！喺香港終於再食到啦！邊滾邊有陣陣臭豆腐香氣傳出，未食已經流定口水，揀左小辣岩岩好，我個人覺得有辣味成個鍋會香好多～招牌臭臭鍋仲有娃娃菜，白豚肉，台灣貢丸，米血糕，大腸，豬紅，沙白，鵪鶉蛋，蕃茄，榨菜絲，韮菜金針菇，鳴門卷，炸枝竹，粉絲，第一次見一人一鍋豐富到咁！米血糕唔係出面一般貨色，特別軟糯有咬口，粉絲索晒臭臭鍋個湯底，好味到食唔停口！大胃王如我都食得飽飽～下次心血來潮想獨食都可以黎啊～黑麻油雞鍋$112麻油雞鍋係台灣人嘅補身食品黎架，甚至坐月都係食麻油雞，所以我覺得女仔食黎補身最岩，女人唔補好易老，一年四季都要補～米酒，老薑，雞肉，娃娃菜，炸枝竹，

上星期六同K先生喺尖沙咀睇完戲，去咗8鍋臭臭鍋打邊爐。我叫左呢度既招牌臭臭鍋，而K先生就叫左新推出嘅臺式蔥爆鍋。呢度食火鍋係一人一鍋的，可以自己點自己想食嘅鍋。招牌臭臭鍋，入面材料好豐富，有臭豆腐、娃娃菜、冬菇、韮菜、枝竹、榨菜、蕃茄、沙白、貢丸等。我特別喜歡臭豆腐，好特別，好食，而其它配料亦都好豐富，食到好飽。另一個臺式蔥爆鍋，配料亦有娃娃菜、大腸、豬紅、粉絲、枝竹、牛肉、金菇、冬菇、魚蛋、雲耳等。呢個鍋有牛肉，啱曬K先生，份量都幾多。叫咗份炸花枝丸，很香脆彈牙。飲品我地叫左金吉檸檬梳打和巨峰提子梳打。一邊食火鍋一邊飲，真係涼到入心。

今天終於的起心肝去馳名的台式臭臭鍋一吃。排隊都排了一輪呢，很多人啊。裝修是工業風。一入餐廳便是濃濃的臭豆腐香。這兒是每人一鍋，我點了藥膳羊肉鍋，$112。鍋物上了，等到滾起便開動。鍋內的蔬菜有娃娃菜、金針菇、油豆腐、粟米、枝竹、粉絲、椎山、素鮑魚和蓮藕等。蓮藕脆脆的，吸滿湯汁的味道。丸物有貢丸，大大粒，中間有氣泡位所以很爆汁。另外還有鱈魚丸，魚丸是軟身那種。主角就是羊肉片。有兩三片。朋友點的酸辣羊肉鍋，有雞蛋，好像很不錯。但朋友說很辣，吃到咀腫了。點了鹽酥雞，$42。雞件比較大，外層的炸漿不算厚，不會吃到一口粉而滯膩。抹茶鮮奶沙冰，$35吃著打邊爐，飲著凍冰冰的沙冰，真是享受。

約班朋友食飯，最好食打邊爐！見呢間「8鍋」可以一人一鍋🍲，啱哂唔同人既口味😋好貼心既服務，响等位嘅時候有壺綠茶，可以俾客人飲用👍🏻枱上有多款調味提供客人選擇☺️。點左4個鍋。招牌臭臭鍋，原來係人氣之選，食落唔係好辣，湯底有少少臭豆腐嘅味道，感覺新鮮特別。臺式葱爆鍋，係新產品，略為遜色。只係普通清湯，唔多覺有葱味，但蔬菜比較多！如果喜歡食菜同淡味嘅可以選擇。藥膳半肉鍋，淡淡嘅藥材味道，羊肉唔羶。臺式麻辣鍋，有台灣食麻辣湯嘅感覺 叫粉絲就可以吸曬湯底嘅味道。新嘅餐牌多左臺式葱爆鍋 同黑麻油雞鍋 鍋物材料豐富 性價比高👍🏻

Came to this Taiwanese-style hot pot restaurant for dinner, and we loved it very much! There are various choices of pot with different flavour and food. The portion is big but you can side order more food. We ordered the beef and lamb pot and they were very delicious. They offer many Taiwanese style snacks and drinks as well. The price was reasonable and will visit again in future!

今晚與友人一同共進晚餐和相聚一下。友人介紹之下，去了間台式火鍋店，第一次光顧這種一人一鍋的餐廳，氣氛不錯而且很有格調，都適合朋友聚會。芝士牛奶鍋啲料真係幾正，如果唔係好鍾意食內臟嘅朋友，不妨叫一叫呢一個鍋，絕對係你既一個好好嘅選擇，而且佢清淡嘅湯底但又唔會有味精，但又能夠帶出火鍋配料既鮮味，保證食到你飽一飽。招牌臭臭鍋食落去唔會好似傳聞中咁臭而且每一樣嘅配料都非常之新鮮同埋味美，湯底亦都好鮮甜。加上佢呢個鍋裏有好多不同嘅蔬菜令到成個湯底更加鮮甜，如果第一次打台式邊爐冇咩經驗，又冇食過臭臭鍋嘅你一定要試一試台式蔥爆鍋呢個鍋呢唔單止有我最鐘意食既米血糕，而且有好多唔同內臟嘅餡料啦，亦都會有好多蔬菜喺裏面，食落去會有兩種嘅配搭，第一就係一啲內臟嘅鮮味，另外就係一啲嘅蔬菜嘅味道混合係湯底裏面，所以如果你係好鍾意食肉類或者好鍾意食內臟嘅你一定要食一個鍋。鹽酥雞呢度嘅鹽酥雞唔單止外脆內軟，而且炸到金黃色，最重要嘅係食落，其實個口感會有啲似叉燒，炸嘅叉燒你又食過未呢？炸花枝丸食囉好似炸既墨魚丸，加埋佢個醬汁真係幾好食點知佢個醬係有啲咩構成嘅呢，實在太好食啦

8鍋臭臭鍋來自台灣既台式火鍋，有不同湯底， 共有9種，我同朋友兩個人食，各自有一個，因為呢個係一人火鍋 ，除左大型快餐店火鍋，呢次係我第一次食專門既一人火鍋 ，分別叫了芝士牛奶鍋，蕃茄白豚鍋。套餐可以揀飯或者粉絲。Menu仲有教醬汁既完美比例。芝士牛奶鍋，娃娃菜，白豚肉，心型魚豆腐等等，最重要係個湯底，上枱時有層芝士，牛奶味好重，加埋芝士味好特別，又唔會膩。蕃茄白豚鍋，娃娃炸枝竹，香菇，白豚肉等等，湯底好濃蕃茄味好濃，好清新。仲可以加點食材，有安格斯牛肉，不過本來鍋既已經好夠，所以我冇加。小食叫左台灣腸蜜味，台灣腸外皮甜甜，幾特別，係正宗台灣腸飲品叫左盆栽奶茶，冬瓜茶，大大杯，盆栽奶茶好小地方有得叫，盆栽好正，好有口感，茶都係黎自高雄。冬瓜茶好Fresh，熱氣最岩清一清。

放早，約左同事食飯，諗唔到食咩，同事就提議去試台式臭臭鍋。同事之前都食過呢間，但我就第一次食台式臭臭鍋。同事話平時夜晚黎要排隊，可能係晏晝，所以唔使排隊。但店入面都坐左約三分之一人。第一次，都算有驚喜。有好多款鍋可以揀，但得兩個人，只可以試到2款。同事唔多食得辣，叫左藥膳湯底，而我就叫左台式麻辣湯底。由於我地兩個都好鍾意食野，就叫多一碟炸花枝丸。講返味道，藥膳味道都算唔錯，但食得出係有味精。食完之後，會係咁想飲水。麻辣鍋味道就一般啦，啲料都多，食完都夠飽。材料都算OK啦，有菜、羊肉、金菇、丸、粟米……平時打邊爐會食嘅都差唔多有齊。一個人食，其實都夠飽，如果唔夠飽，仲可以追加食材。花枝丸味道就一般，唔夠彈牙。 另外，佢地啲沙茶醬幾好味。

想表達意見其實是個小事情，但都想分享分享。-今晚19:57下單，點的是一個牛奶鍋配白飯。其實點菜時服務生說白飯剛售罄，大概需時15至20分鐘重新造飯。可笑的是20分鐘後再跟服務生跟進了幾次，都還是說要多等一回。到最後牛奶鍋已加火兩次，配料亦吃光七八成了，到最後白飯到桌上時間是20:39。只是一碗白飯卻等了40分鐘時間，原來是這樣的因素，難怪平日這麼多人在等候入座？-食物本身是好味道的，最愛是牛奶鍋。喜愛8鍋會定期推出新口味。但下次必定要空出更多時間來等候了。