759blend (已結業)

759家下竟然連手搖飲品都有賣。 我要咗杯香蕉豆奶沙冰。點餐嗰時想同店員講要微糖， 被店員告知佢哋用嘅豆奶係無糖嘅，聽落好似幾健康。飲落味道比想像中淡， 我諗主要係香蕉唔係咁熟，所以個甜味唔係好出。 反而我真係飲到豆奶味。 市面上有好多手搖飲品將牛奶轉成豆奶之後其實都飲唔出有咩分別， 估唔到759呢邊反而真係飲得出豆奶味。 沙冰裏面亦都見到有香蕉籽， 真材實料。 而且都係只賣28蚊， 比起隔離街嗰檔咩香蕉奶茶竟然只落香蕉精好得多。

今日行過灣仔莊士敦道，見到759開咗一間有熟悉同埋咖啡嘅759 ，好似7-Eleven咁樣，見到啲咖啡價錢唔貴。當然你就唔可以expect坐係到慢慢飲，主要都係take away 為主。叫咗一杯Espresso Tonic, 有驚喜，原本以為係純粹一啲好普通嘅咖啡再加湯力水。不過飲落去杯咖啡質素又唔差，飲落去有少少果香，好順滑，以三十蚊嘅價錢嚟講，絕對係可以再飲。同場加映雞肉蟲草燒賣，如果有時行行吓街肚餓或想簡簡單單飲杯咖啡，依家759都係一個唔錯嘅選擇。

咖啡控又出動啦聽聞灣仔759 store 開咗Cafe，今日即刻去試吓。睇吓佢可唔可以喺灣仔呢個咁多Cafe嘅地方突圍而出先！個counter 喺近門口位，專做外帶咖啡，setting 都幾似出邊嘅精品咖啡店佢哋標明用嘅豆係 50% Columbia (washed) + 50% Brazil (natural)，叫759 blend我叫咗一杯凍嘅鮮奶（$28）飲落去口感都幾 balance, 唔會太過苦，好輕微嘅果香味，都算係好容易入口！又幾有驚喜喎