影片
759除咗车仔面外，仲有早餐同饭餐供应，我𠮶朝早入咗沙田，于是就去咗759食早餐，我叫咗个肠仔煎蛋配牛油方包+沙嗲牛肉公仔面+冻奶茶，total：$32元，759嘅公仔面，相比起其他嘅茶餐厅所用嘅公仔面，系大3份之1有多，除咗呢样之外，其他基本上同一般茶餐厅冇乜分别
继续阅读
759真系几劲，除左化妆品同日用品，连车仔面都做埋！其实我都已经食过几次，但今次真系终于的起心肝赞下佢！由于今日比较肚饿，所以叫左3个𩠌，原本30蚊2个𩠌，加多5蚊多一个𩠌，我要左娃娃菜，猪红，同埋咖喱鱿鱼，米线底。35蚊其实就唔算好底，但会员有折，都算系咁啦。份量其实就足够，菜够新鲜清甜，猪红入味，鱿鱼都好有咬口。食完一碗其实都几饱。如果平时真系谂唔到食咩，759车仔面都系一个不错的选择，仲要唔系好使等位。
继续阅读
真心好离谱,一直买开759早餐,平时份量大概大半碗多d,今日买早餐,山长水远拎到返屋企打开盖得半碗,整面个阿姨未见过,但好熟手,唔似新人,要知道759早餐外卖系所有野装哂落一兜里面,所以得半碗份量真系好夸张!唔该正视下!
继续阅读
今日好晏至食早餐，到午餐时间仲系觉得好饱， 唔想食咁多嘢，但系又唔知食乜嘢好？咁啱行过好运中心呢间餐厅， 佢嘅主打系车仔面，但我今日又唔想食车仔面，见有个常餐好似几好㖞，就不如试下常餐喇！个餐包括牛油方包、火腿奄列、沙爹牛肉米线/通粉，仲有咖啡或茶㖭。落咗柯打后好快有阿姐送食物嚟，唔使自己去攞，好方便，服务唔错。沙爹牛肉D牛肉唔靱，沙爹都几香，但系D米线就煮得太淋喇。面包质素唔错，奄列虽然火腿唔多，但以35蚊一个餐嚟计，都算好抵啦，如果你有759卡，仲有95折㖭
继续阅读
据知沙田好运中心的舖租很高而且附近好多空舖，政府怎样刺激经济了？回到正提，759阿信屋环境一般，座位不多尤其星期日难揾位食。食物种类多，可慢慢选择，食物等候时间很快有得食。虽然是自选的咖哩鱼蛋鱿鱼米线，这类食品唔算吸引但都可以。龙虾丸米线，龙虾丸算大粒且份量OK。下午茶炸鸡腿薯条，炸鸡腿肉质丰富但薯条唔多，份量适中。猪软骨、咖哩鱼蛋粗面，易饱肚且味道OK，咖哩鱼蛋够大粒。以$33来讲不算贵价。
继续阅读