759車仔麵 (已結業)

平日去759買野就多啦！估唔到今日突然間見到759車仔麵店，由於我地本身都想食個tea再回家晚飯，啊理咁多試左先講！價格其實都叫做抵食，除車仔麵仲有其仔野食，這店所有烏冬，刀削麵都係自家品牌，已出前一丁就用日版，米粉就用依款既新竹米粉，不過依幾款我地都冇叫到，叫左另類野食！西多士，外鬆趣內軟......車仔麵呢就同平時出面既車仔麵擋味道差不多，豬軟骨係鹿兒島式🤔，雞扒就...又係嗰陣蘇嗅味！娃娃菜好味！不過真係好抵食，帶會員卡有折係完全估唔到既事...好地道既風扇燈....

前幾日去左九龍灣嘅國際展貿中心買飛睇戲,嗰度睇戲好正㗎, 好容易買飛！！等開場前, 歎個下午茶先！!行過759車仔麵好似ok喎, 不過我又吾想食車仔麵, 終於叫左個火腿芝士西多士配鮮奶炒蛋加凍檸茶！！火腿芝士西多士嚟到熱辣辣, 香噴噴, 超厚身, 加埋火腿半溶嘅芝士一切食, 超match呀！！炒蛋就無乜特別, 吾夠滑身！！凍檸茶就ok好飲！！不過這裏要先購票後才可揾位坐, 有D奇怪！！

又黎Emax黎戲，不作他選，黎759醫肚先~撞岩下午茶時段，套餐由$25至$36不等，有三文治、西多士、豬扒包同幼油豬仔包等，包一杯熱飲，凍飲加$2。我當然揀左最吸引既雞脾沙律 ($30)啦，多口問句有冇得揀汽水，阿姐話加$2就有喇，用埋會員卡九五折後$30.4。朋友叫左豬手、牛腩、蘿蔔腩汁幼麵 ($33)，折後$31.4，坐低冇耐就有得食喇。 豬手大隻算入味，蘿蔔依然清甜冇渣，牛腩竟然比上次食有進步，肉質嫩滑左好多，睇黎水準都唔太穩定睇彩數。 幼麵幾爽口彈牙，冇梘水味。等左5分鐘左右，即炸雞脾終於上台。 尺吋算中等，雞肉嫩滑入味唔會太咸，面頭灑左少少香料幾惹味。 成隻雞脾都有肉汁、關節位都唔會乾，唔係炸定再翻炸到硬哂皮既貨色。 伴碟既沙律不出所料係用罐頭什果，有菠蘿、蘋果、蒟蒻等，沙律醬份量毫不手軟。成個餐最大驚喜係加$2既可樂竟然原罐上，到呢刻先明白成個下午茶餐既重點所在，比起車仔麵加凍飲要$7，的確係超值。下午茶選擇多，人少坐得都舒服，但老實講個雞脾沙律食完唔多夠飽，定價偏高。

某連鎮店除了遍佈各區的零食店外，還有一系列食店，除了雲吞麵及茶餐廳外，還有她-車仔麵。這裡三餸麵只是三十餘元，如果是阿信屋會員，還有八折，另一重點是，如果選擇圖中四款麵食，也不用額外加錢啊! 在不另外加餸及不點飲料的話，三十有找便可解決一餐了，超抵呢！抵食就抵食了，水準如何呢？在下點了生菜蘿蔔韭菜餃，另加回味豬紅配759阿信屋烏冬。蘿蔔雖然只有兩舊，但件頭極巨，而且很甜沒渣，韭菜餃也是兩顆，也是超大版，皮很薄，韭菜香滿滿的，已很久沒吃豬紅了，這裡的很嫩滑，不過對在下來說，辣了少許，而烏冬也保留了應有的彈性。

經常去星影匯睇戲，開場前想快食少少野，睇過幾間餐廳都比較貴，咁就試下759車仔麵啦~仔細睇車仔麵餸原來都好多選擇，好多都係呢度自製、睇落好惹味既餸，最後兩個人各自揀三餸都試唔哂想食既野。 湯底同麵款亦睇到花多眼亂，可選豬骨清湯、腩汁，或加$2轉秘製沙嗲王、泰式咖哩汁或四川麻辣醬。 除左一般米線、河粉、油麵、幼麵、粗麵外，最特別係可以揀759阿信屋自家麵食： 刀削麵、新竹米粉、烏冬及出前一丁。 選擇困難症既人真係要預先睇定先排隊落單喇。柱侯炆牛腩、爽滑牛孖筋、金菇菜 配腩汁刀削麵 ($32)大件牛孖筋有驚喜，夠哂軟滑入味；炆牛腩肥膏較多亦唔算腍，可以不試。 餸既份量偏少，分別只有2、3舊，金菇菜反而有半包咁多，對食肉獸黎講唔太滿足。 行開759都想試下呢隻刀削麵，但質地較硬唔算煙韌，亦吸收唔到腩汁既味道，唔會回購。南乳豬手、鹿兒島式豬軟骨、清甜蘿蔔　配豬骨清湯幼麵 ($32)豬手得一隻，尚算入味大隻，有滿滿既骨膠原。 豬軟骨冇我想像中炆得咁軟爛，仍然係煲湯瘦肉既質地，有少少失望。 反而清甜蘿蔔真係冇改錯名，簡簡單單煮到熟透已經好好味，必叫！整體黎講調味都唔錯，但份量不足、瘦肉類都比較鞋，

平時好少去九龍灣行街街，機緣巧合之下嚟到 E-Max ，當然要搵下有咩好食先見到有間759車仔麵，之前都未試過就一於試下啦。早餐時段就未有車仔麵供應，要下次晏啲嚟先試到車仔麵。咁早餐有咩食呢，有豉油王炒麵、腸粉、糯米雞、雙拼三文治、西式扒餐、雙拼麵餐。雙拼麵餐可以選擇出前一丁，重點係唔使加錢，當然不能錯過啦早餐 ($28) 午餐肉拼炸雞中翼出前一丁 & 熱奶茶茶夠香濃P.S. 759會員仲享有95折優惠！而家仲有廿幾蚊早餐，無論環境及食物質素都唔錯，真係超抵

第一次大老遠黎九展睇戲（貪平既關係），見時間尚早就決定食個便飯先入去，但又唔想食快餐喎，所以就試下隔離間759車仔麵喇~話就話叫車仔麵，但其實有其他碟頭飯選擇。作為飯桶既我就簡左個豬軟骨飯食下。呢度啲規矩比較特別，係先俾錢後拎飛入座，然後姐姐會幫你送餐。而阿信屋會員有八折優惠，好彩有帶會員卡咋😌先講下豬軟骨，煮得都幾淋，肉汁算多，絕對夠撈飯；而肉同飯既份量相當足夠，之後唔使再食宵夜haha咁抵食既晚餐，香港真係唔多，如果佢開多幾間分店就好喇

759畀人嘅感覺就係平，巧合來到九龍灣， 終於有機會試下佢嘅車仔麵 😁 三餸車仔麵32蚊， 為什麼泰式咖哩汁要加兩蚊？ 一於試下。 俾完錢坐低有服務，唔使自己拎👍 到底阿姐喺繁忙時間 係怎樣分出買嘢食嗰個人坐咗喺邊 ？ 我唔知， 總之畀個叻佢 😆😆👏👏👏麵來了， 加兩蚊要咖哩汁嘅決定係正確嘅😂 湯底味道就係 開咗水嘅一滴系列， 要讚下佢嘅冬菇，厚身 兼且入味 👍👍 泰式咖哩醬香辣， 雖然沒什麼泰式感覺 😂 但非常點題 ， 總括嚟講759車仔麵係可以同長期糧尾 做好朋友 😆😆飢Point : 6/10#hungermarch #飢詩 #非飢詩

喺Mega Box食lunch食到悶決定行遠少少去九展食車仔麵。呢度奉行先購票後入座嘅型式，買飛後侍應姐姐就會幫你搵位坐。我覺得咁樣做法又真係幾efficient，一來一個人嚟食飯唔駛擔心無位，二人同行又唔洗話我去霸位你買先再到我買咁麻煩。其實車仔麵只要夠熱，個醬夠惹味，再配搭油麵就一定唔會差，759做足曬以上要求。清湯本身已經好夠味，唔食得辣嘅人叫清湯都一樣夠曬腩味，但佢個四川麻辣醬真係不得不叫，你見佢一湯匙辣醬有花椒有泡椒，真材實料並非後期添加嘅辣醬，花椒令佢嘅辣味變得有層次，先有鮮香，後來帶有麻味，隱約亦會食到豆瓣嘅甜味，用上真正辣椒做出嚟嘅辣醬先會做到咁醇厚嘅質感，同時會有種喺個胃度暖返出嚟嘅感覺。而蘿蔔亦都好impressive，好清甜煮到好腍無起渣，索曬湯底嘅麻辣汁。冬姑好入味好厚身，亦都無腥臭味。油麵亦係大路嘢，無咩幾可會煮到難食。整體嚟講30幾蚊食到碗咁上下質素嘅車仔麵，我覺得比起我去Mega Box食啲偽日本拉麵食得仲開心喎，而且排隊時間只係幾分鐘左右，絕對啱附近返工嘅人士！我見有人話呢度啲姐姐無乜禮貌，事實又唔係喎，同行友人叫咗麻辣湯底後食唔到，姐姐亦都好幫手拎去廚

其實都想試下759的車仔麵好久了，基於今天合巧要至九展一轉，辦妥好事後，剛巧餓了，就想起這間麵店來！先説店裡環境，其實跟普通茶餐廳一樣，先付錢，然後坐著等，其實有點兒奇怪！為什麼我會這樣説，是因為我付了錢之後有一張單據，單據上有一個號碼，跟着服務員會大叫號碼編號，然後食客就舉手示意！好像沒有沒有系統似的！食物方面，主打當然是車仔麵啦！但原來還有其他飯類套餐！我都是決定車仔麵，餸類其實不太多選擇，基本的牛腩、蘿蔔、豬紅、豬腸、蟹柳條的便宜餸菜都一應俱全！我點了豬腸、牛腩和豬紅！最低消費都要3款餸起，$32都可以接納！湯底都算清，豬紅不是太入味！但反而豬腸又點兒驚喜，因為裡面清潔得尚算好好！而牛腩都算炆得夠火路！整體吃完不太驚喜，又不算難吃，起碼吃完沒有味類口感，試過一次就夠了！令外我個人意見我上述提到的叫號碼編號，感覺很不專業，快餐店都先進過這裡！

咁岩黎開九展攞月餅上次都想試下呢間係咪好食過屯門果間點知真係好食好多個湯底濃d一碗係清湯 - 墨魚丸牛孖筋水餃河粉 熱奶茶另一碗係麻辣醬- 生菜腸仔金菇油麵 凍檸茶我仲叫左麻辣醬，要加2蚊但個醬雖然好辣，但好香好好味，佢比左成羹我，但落左少少己經好辣，勁正！相反屯門果間果3隻醬都勁似李錦記，好hea我朋友叫清湯，佢話都好好味份量亦岩岩好店內冷氣亦充足，岩哂食緊辣既人而且好抵食當日會員卡有95折，好過無佢話買左飛先好坐低，但無理到佢

睇戲前還有時間就找個地方食吓嘢先見到759，平時買嘢多，佢開左車仔麵就未試過，就即管試下先睇價錢唔係太貴，而且有759會員咭有八折添我就選左個三餸車仔麵都係$32蚊，如果想加底$7,加餸$6,選醬汁加$2,熱飲$6,凍飲$7,我要左：粗麵、韮菜餃、牛孖筋、鹿兒島式豬軟骨，另加$2選左秘製沙爹汁，買完食物先可選位坐，鋪太细冇乜位，好難先找到位，坐低大約5-8分鐘，有待應攞住碗麵叫號碼，你舉手待應就會送麵到你面前，睇碗麵已呢個價錢，餸既份量差唔多，首先試吓個秘製沙爹汁先，個味好濃好嘢味，另到碗麵提升左唔少味道粗麵既麵質都幾好，煮得恰到好處，沾上沙爹汁更好味韮菜餃好大隻好多韮菜，牛孖筋唔靭，鹵得好入味鹿兒島豬軟骨好淋，唔痴牙都好入味，整體上有d水準。

喺餸方面完全唔合格。份量很少，質素又差。我食過唔只一次，試左大部份餸先。煎蛋: 隻蛋食落感覺好腸膠，懷疑係大陸果啲.....。蘿蔔唔夠“林”，仲有渣。蟹柳一睇你就知係咩貨色，隨時差過任食火煱果種。魚旦，魷魚普通無野講，因為都係靠啲哩咖喱味。上次叫個餃試下，原來係得一粒，比預期少一粒如果跟出面做車仔麵嘅比較，759 真係輸晒

有朋友同我講過759 車仔麵好伏令我每次黎EMAX 行街睇戲, 想搵野食時都唔夠膽入去試不過今次唔知食咩好, 隔離M記又無位, 就俾次機會自己試下兩個人叫左一個E 餐, 一個F餐, 俾錢時用會員卡仲有折, 咁又幾抵食E 餐係方包, 炒蛋焗豆+雞扒, 賣相十分Hea~方包搽牛油都搽得Hea, 但整個餐味道都正常既, 又唔使$30另一個餐係F餐,  係雙併麵餐, 我揀左沙嗲牛肉雞翼, 配埋一丁唔使加錢 , 感覺唔錯因為阿信屋賣開日本版一丁, 唔知個麵係咪都日本版呢? 不過麵底煮得太硬沙嗲汁都算幾濃, 牛肉普普通通, 雞翼幾入味, 無我預計咁難食呀飲品要左熱檸茶& 華田熱華田好淡味, 無乜味檸茶就正正常常

九龍灣食肆一向價錢貴而且性價比低，尤其是商場內的食物價錢更見不值。 所以759車仔麵無擬是九龍灣食肆其中一個天堂，因為價錢相宜而且款式頗多，令我覺得價廉物美。雖然車仔麵的味道及外表不及出名的車仔麵小鋪吸引，但759車仔麵都總算對得住個價錢吧！三餸麵總共＄32 另外加熱飲就加＄6 餸菜方面簡直包羅萬有 你諗得到嘅都一定會有魚片頭爽口彈牙，有魚味。幼麵不會過腍，符合標準。價錢五粒星味道四粒星環境三粒星牛丸同樣彈牙不黏牙。