616牛肉火鍋專門店 (三陂坊) (已搬遷) 新店位置

開sem季節緊係約埋班朋友一齊打邊爐💛最好就搵間黃店啦💛依間舖罷過市 又同曾經合作嘅警察割蓆💛-打邊爐最緊要緊係肥牛啦依到淨係肥牛就已經有好多選擇😆小編試咗 #牛駝峰 $48 #安格斯橫隔肌 $48同埋 #匙柄 $48全部都好有肉味 而且唔韌👍🏻牛魔王一定要嚟依到食 包你滿意🥰評分:8/10

好少火鍋店係「黃」搵左好耐，終於搵到呢間啲嘢食好好味，好多唔同部位嘅牛鍾意牛嘅朋友就唔可以錯過啦😉店員服務都好好，會自動自覺幫你加湯！不過，100分鐘就略嫌趕左少少始終打邊爐都要時間去淥熟啲嘢食😉

回憶返之前去食過嘅餐廳先😋616火鍋入到去即時覺得好有親切感因為啲檯係細個時成日見嘅傳統摺檯土生土長香港人就會好熟識😌入座時已經係夜晚8點半但地下嗰層仍然人頭湧湧等咗一陣就獲安排去樓上雅座一坐低侍應哥哥就俾咗部平板電腦我哋落單好方便落完單無耐個湯底就到全名就唔記得係牛雜嗰個湯底湯頭飲落好甜!飲得出係熬咗好耐嘅簡單介紹一下啲火鍋料先安格斯橫隔肌係牛肉嗰頁第一個選項於是我哋就揀咗佢😂就咁用眼睇都可以見到脂肪唔多食落牛味勁濃48蚊碟真係超抵另外一碟叫咗嘅肉係匙柄睇完個名都唔知咩部位😂咁特別即刻叫嚟試吓可以見到好明顯肉嘅紋路上網查返原來匙柄係肩胛裏脊肉外層係接近肋骨連住頸嘅位置所以細筋比較多食落牛味重就不在話下仲好有𡁻頭一般火鍋店嘅肥牛質素真係無得比本來想試埋封門柳不過賣晒唯有下次再食另外仲有樣比較特別嘅火鍋料就係羽衣甘藍🤩唔好以為羽衣甘藍淨係可以用嚟整沙律打邊爐都超正輕輕淥幾吓就食得千祈唔好煮佢太耐啊!有行開街市嘅朋友都應該知呢款係貴價菜呢度都只係38蚊碟抵食過28蚊碟嘅唐生菜同娃娃菜好多㗎!私心推介🙈其他火鍋配料都好新鮮侍應哥哥們又好好服務成餐飯由環境到員工都親切感滿滿價錢又公道幾十蚊食到

店舖裝修好有特色，荃灣味道，多個打卡位，圓枱，啱哂一大班fd 圍爐。有兩層，有老人家就request坐下層好，得兩枱廁所，都係要等下。預先book好位，準時入得，服務員態度都ok 。有ipad自助落單，價錢，份量，牛肉部位圖片一目了然，仲要唔怕走單甩單。自助醬料吧方便，又有教點配搭至好食，火鍋工具都可以自己攞。最愛胸口撈，同埋醉雕雞，encore。唔建議叫雙併鍋，因為個「火鍋篩」放唔哂入去，變左冇得一次過淥牛肉。皇帝茶，健康，搶手，後面售完了。每人狂食，都係平均二百幾，抵！#黃色經濟圈

一坐低 見到充滿香港舊有特色嘅裝飾 已經好開心打開部平板電腦點火鍋料 唔同部位嘅牛肉 睇見都流晒口水我哋偷睇隔離枱食啲乜 就跟住佢點啲乜一嚟到覺得個樣一般架咋 但係發覺真係唔可以貌相！淥好出到嚟擺落口 我唔覺得我係食緊呢個價錢嘅牛肉！好淋，好有牛味！係會忍唔住一啖接一啖咁樣食！我覺得要讚嘅係：每碟牛上面都有一張紙，等我哋知道牛嘅部位好滿足 好好味 性價比超高嘅一餐！完全超乎我哋預期！超推介！一定會無限encore!再再再幫襯！

話咁快又一年！ 除夕真係唔知食乜好，周圍又多人又成。。。 最後上OpenRice 睇下就決定打邊爐係OpenRice book位十分方便快捷 早一日訂都訂到 早左小小去到，都幾多人！去到通知話到左，就入得不過原來係搭枱ge！ 所以都係等多陣！ 不過都好快有去到上二樓，裝修幾有特色，用iPad 叫嘢好方便！叫個最簡單ge清湯都幾好食。。d牛肉好有味！ 各方面都幾好食！ 不過有限時。。。不過唔記得幾耐。。。我地慢慢食都夠時間ge

此店位於三坡坊，有間鶴立雞群嘅特色火鍋，專賣各種牛肉勺鑽嘅部位，店員帶我地到樓上雅座，裝修係懐舊嘅風格。桌面闊落，坐得舒服，有自助調味bar，特別在有支特制牛汁，個sauce 調出來係幾好食嘅。湯底有好幾款，order 左個鴛鸒鍋底，一邊清湯一邊沙嗲。火鍋料方面，剩係講牛都十幾廿款，另有少量海鮮同豬肉，牛以外真的選擇不多，不過冇所謂啦，因為呢間真係專做牛，有好多部位都第一次聽，睇圖叫，叫完都忘記左個名了。好幾款都好食，最有印象係肩胛翼板，好有牛味，五星推介！其實order 左好多款，不過掛住食有好多唔記得咗影相就食左。大家都食左tea先黎，四人埋單九百幾，食物有質素，都可以再幫襯。

平安夜啲西餐加曬價好彩我無講話好鐘情西餐轉場打邊爐 揾間良心鋪出黎懲罰下先其實6點半去到己經full左佢問我地搭唔搭枱 我好疑惑因為之前係元朗 食過 佢係一張枱一個電磁爐咁我唔想等就照殺! 入到去先知原來呢到用GAS爐雖然搭抬 但都好大鴛鴦酸菜牛骨湯我覺得酸菜湯底都係岩食酸菜魚雖然淥菜係幾吸味 辣辣地好過癮!但淥牛就唔太夾 唐生菜新鮮既菜肩胛翼板橫隔肌澳洲五花趾牛頸脊啲牛肉都幾新鮮 肉質各有不同 印象中牛頸脊比較鮮嫰 油脂豐富啲五花趾就比較彈牙比較鐘意呢兩款肉蝦滑好足料 有啲仲見到啲蝦肉帶子都鮮甜彈牙手打九筋丸呢個牛筋丸都幾驚喜因為佢鎖住左啲肉汁 而且好彈牙

一直都覺得呢間火鍋店個名好有趣！亦都好啱做邊邊店嘅名，淥一淥！.因為呢間餐廳都幾多牛肉食，所以真係淥一淥就得😂😂.不過其他肉類就真係要淥多幾淥先好食呀！.616有好多間分店，不過餐廳主題基本上都係以懷舊為主！.今次阿魚就同朋友去咗荃灣分店，都幾唔近mtr😂.🐟💬：.阿魚好欣賞餐廳有青檸仔提供！可以整青檸鼓油！酸酸哋好開胃❤️.重有秘制牛肉汁，都好好味😋.可惜湯底（鴛鴦酸菜牛骨湯）就好淡味😢.另外，大推牛駝峰同牛胸肉！肉質好嫩滑又有油脂，好食！但記得唔好淥太耐呀！！.五花趾都不錯！.616手工啤比較苦🥺但有果香！不過阿魚都係接受唔到⋯⋯所以都係決定飲返啲甜嘢！就係玫瑰🌹洛神花茶！好重玫瑰🌹味！但唔會太甜！酸酸哋好飲👍🏻.🐟FISH'S REMINDER🐟💡阿魚提醒💡.（1）經openrice訂位，在1700-1800期間入座，就可獲88折優惠！用餐時間90分鐘！.（2）616，都幾少人手⋯⋯所以早啲去比較好.（3）留意返，616係黃店來的💛.🐟📝：6.5 / 10.🍽🐟📝📌 616牛肉火鍋專門店📍 荃灣三陂坊14-18號安安樓地下B號舖📞電話: 90234199⏳營業時間:星期一至日，下午

星期日同班friend行完山，一行五個人去試呢間火鍋店試試。環境裝修非常之有懷舊嘅情懷，好有六七十年代嘅味道。落單係用iPad非常方便，上菜速度快。我哋叫左個酸菜湯底，有少少辣但可以接受，湯底真心唔錯有啲似食緊酸菜魚，下次會試吓其他湯底。牛方面我地叫左橫隔肌、匙柄、五花趾等等，非常正好食！肉唔算太大塊過吓口隱都唔錯呀。雖然呢間主要食牛，但我哋都叫左碟黑豚霜降肉試試，又幾好食喎有豬味唔錯。連埋其他串燒生料蔬菜嘢飲，埋單都係每人$200左右，唔算話特別貴嘅。鍾意食牛嘅朋友可以試吓！

本身book左8點 點知臨時有事要改遲一個中 d staff好好人咁話照留枱比我😆 舖面睇落好細間 但係原來有第二層 裝修係偏懷舊風 仲有好多懷舊既零食可以買 我地揀左熔岩沙爹湯底😋 好濃沙爹味超正呢個湯配牛肉好好食 響鈴索晒d沙爹汁 冇得頂 仲叫左2個烏冬食😛😛之後嗌左好多唔同部位既牛 最後都係亂叫😂都冇理到邊隻打邊隻 但overall都好好食比較特別係有一個要撈埋生雞蛋先淥既牛肉好似平時食既滑牛 但真係好滑除左邊爐 佢仲有啲串燒既野食 叫左燒蠔同燒扇貝 超多蒜😍個人覺得個蠔好食d 岩岩好 又juicy😆

今晚跟媽媽來這家食店，地方有點難找，裡面的裝修很懷舊。我們先去拿醬油，發現配料選擇眾多，竟然有牛汁和青檸🍋我們點了澳洲和牛牛胸肉，肉質鮮嫩，入口即溶。本來叫了封門柳，可惜售罄，唯有下次再試。另外，還叫了牛駝肉，油而不膩。魚皮鬆脆，配沙爹湯，十分邪惡我們還叫了黃喉，基本上燙十秒就吃得，非常爽口這裡的牛丸也是不錯的，大家可以一試。如果這家食店有更多菜類選擇，那就會更好因為網上訂座，還有八八折，價錢合理

全部都是牛，主打食牛肉，細分不同的部位，肉質香濃，選了牛雜湯底，十分濃郁，值得一讚。其他食品雖然選擇不多，但很新鮮，全新被 KO。提早訂位有折扣，三人行，約 $680，大滿足。

呢間火鍋店又係特別既～616牛肉火鍋專門店～🐮🐮🐮🐮🐮係呢間鋪頭可以試好多牛嘅唔同刁鑽部位～直情就係全牛宴咁！出名牛骨清湯湯底～個鍋底料都算係充足！湯底清得黎幾正，當補湯飲咗兩三碗～都冇好口渴嘅感覺，可想而知冇乜味精成份！正喎又～仲有好多其他湯底選擇！原本想試花雕醉蜆鍋～試唔到呀！😩要預先預訂架！記得啦！咁多牛牛刁鑽部位，碟碟都係$48-$68ja~~幾抵食！簡單介紹下以下兩款啦！五花趾即是金錢𦟌～位於牛大腿中間既兩塊肉，大概淥8秒左右就ok la!肩胛翼板 係牛既肩胛部份，油花分布都幾平均，好似大理石紋咁，無筋夾雜在內～其實覺得鍋清湯同滑滑豆腐又好鬼夾架啫～～火鍋既配醬料真係好好好重要，好正呀咩料都有，仲成日refill得好滿！仲有青檸～呢個醬料區俾100分！

每一次聚會都提議打邊爐 一嚟可以一齊傾計傾耐啲 二嚟係我個人真係太鍾意打邊爐 今次同男朋友再加一個準備移民嘅朋友嚟到 616 ,因為之前試過一次  所以打算帶朋友嚟一次 咁岩佢又未食過呢間鋪裝修係主打懷舊風 同埋最鍾意係呢度牛嘅選擇有很多 同埋平均都係50-60蚊一碟左右 性價比高 今次就叫左 鴛鴦酸菜牛骨湯 - 酸菜味都算重 沒有太重辣味的 同埋酸菜份量都算okay 呢個鴛鴦餃都好正 , 麻辣牛肉餃夠辣同好juicy 如果吾係個日叫嘅份量都夠飽 應該會再encore 多碟淨麻辣牛餃啲牛肉嚟到 其實我都吾係好識分到底係咩肉打咩肉 但每一款都係真心超正 , 但最最最鍾意食嘅都係呢度嘅牛丸 自從上次食過之後非常爽口 兼重牛味後 去到其他地方食牛丸都會第一時間醒起呢度 !! 雖然吾知佢有無得就咁買淨牛丸外賣 但每次都有衝動好想問佢地可吾可以買 整體嚟講 : 同男朋友係十分滿意呢間打邊爐 一嚟價錢吾錯 同埋份量都岩岩好 可以試多啲吾同嘅款 三個人食最後埋單都係600幾蚊左右 最重要係友人都覺得滿意 所以係大滿足 !!!!