616牛肉火鍋專門店

营业中

休息中

所有牛肉機切肉，唔新鮮，吊龍伴沒有什麼油份同切到碎濕濕，駝峰肉不知道切了多久放在雪櫃，肉已有點變黑，牛柏葉切到粟米粒大小，6完之後完全失蹤。肉品質差，真的失望😞。

網上見youtuber 介紹這間店質素唔錯，而且可以食牛既稀有部位，我地覺得吸引，決定黎試！店內新裝修，環境不錯。店內衛生情況良好。用iPad 落單，十分方便，想食咩就食咩。有多款醬料比你選擇。這裹講究效率同速度，如食物20分鐘後未到，該食物會免費我地太肚餓，叫左牛舌串同炸牛雲吞，牛舌夠腍，肉汁夠，炸牛雲吞新鮮炸，夠熱夠脆，配上牛肉碎到打邊爐，我地要左沙爹湯底，沙爹味濃，仲有生果請你食主角出場，牛我地叫左滑尾龍同牛朴肉，滑尾龍肉質嫩滑，夠鮮味，牛朴肉牛味濃，肥瘦均勻。其他火鍋配料都很新鮮，我最鍾意係牛丸，牛味濃，而且彈牙，有咬口，好味。牛仲有其他部位供應，種類繁多，岩晒牛肉控我地食左咁多野先$420，而且唔收加一，抵食，下次會再黎惠顧！

呢道水同醬汁係自己係出面拎。醬汁有普通的豉油,秘制牛肉汁,再按自己口味加炸蒜, 蒜蓉,蔥, 芫茜, 辣椒粒,辣椒油,青檸呢度座位舒服,每張枱都有足夠的距離,唔會覺得好迫,職員又好主動會整理你張枱,收走d碟同加湯~牛的選擇有呢D~個鍋同火鍋料好快就上枱,今日叫左個牛骨清湯($38),本身個湯入面已有清甜的粟米、白蘿白同牛肉,記住食埋d湯料呀, 粟米、白蘿白吸左湯的味道牛肉好嫩滑~放係爐入面煮的時間,每個部位都唔同牛肉的火鍋料叫左三款,牛駝峰($48),吊龍伴($68),匙皮($68),牛肉餃($48),另外都叫左其他火鍋料平時打邊爐都只係食肥牛,今次嘅牛真係好好食,新鮮而且好滑好嫩下次一定要食次

今晚有位準調酒師朋友約了我去這間店食火鍋,原因就係因為佢想試呢度嗰啲手工啤酒 ,酒名特別我哋點咗"你有壓力!我有壓力" 跟原裝出廠啤酒比較, 麥味非常飲開黑啤的朋友,相信會好鍾意啤酒入口好滑身見到幾個超大型釀酒桶,就知的啤酒唔講得笑。餐牌都係用 電子餐牌 唔使等侍應過來等到頸都長, 上菜效率都好快!鹽燒牛舌串 惹味之選調味料之中最愛 ,金桔仔, 加咗金桔仔的調味料,真係相得益彰!西瓜🍉唔係乜嘢貴價嘢,但用嚟做火鍋前菜真係諗得周到,食前清清熱!蔬菜種類亦都 算多。熟牛筋板好軟熟好滑 不過記住要煮耐啲。整體嚟講如果要種類繁多咁就唔係啦,但如果你要食得飲得講究細節, 呢度應該唔會令你失望!

平時想食全牛宴會都會諗起返大陸！系香港畀我搵到全牛宴而又好味  又唔系好鬼既~ 呢間系尖沙咀, 位置好方便. 餐廳裡面設計好特別, 而且入面有一個大大bar 臺,有著不同手工啤logo , 同埋大大個字“飲醉 食飽” 仲有自己私貨嘢賣！每張台都有個ipad！ 可以自己落order！ 因為款類太多,所以都係問下staff 有咩推薦！揀jor個清湯煲, 雖然覺得未夠入味. 但係用清湯黎食靚牛肉先品得更真. 開始之前都嗌jor 一個小食~ 揀jor 呢個燒牛舌！！ 真心唔錯！ 佢冇落好多調味料, 只系少少鹽花, 每一細舊都岩岩好厚度, 食落口唔乾身.值得一試！講到醬汁, 佢竟然有好正既 牛肉汁~ 甜甜地 加埋其他配料或者直接哉汁點肉都一流~呢個滑尾龍 真係要推介下！ 咪覺得呢個雞蛋系多餘~ 其實一d 都唔系~ 呢個牛肉加上蛋, 再放落煲時候, 雞蛋唔會多出d蛋花飄出黎. 而且牛肉食落口 真係覺得好滑 同埋好嫩.加上個牛肉汁更加一流. 更特出個牛肉味呢個系匙柄,肉比較結實彈牙.呢個手打牛滑都系推介一款, 因為佢好似魚滑咁彈牙, 因為出面好少店有呢個, 覺得好新鮮~ 佢個稻庭烏冬 我朋友就贊佢好

今日同女朋友去左尖沙咀嘅一間樓上牛肉專門店，餐廳裝修似酒吧，可以見到一隻牛嘅模型，上面分開左唔同嘅部位。仲有貼心咁有張紙教你咩部分嘅肉要淥幾秒。我地就點左鴛鴦酸菜牛骨湯，酸菜湯嘅酸味唔太突出，可以見到有花辣、紅椒同酸菜。而牛骨湯真材實料好香濃嘅牛肉味，仲有粟米、蘿蔔等配料。牛柳係腰內肉，顔色鮮紅無乜脂肪。入口牛肉肉質細嫩，肉味比較濃，食落好有咬口。匙柄係牛嘅下肩胛肉，油脂比例一半一半咁。入口比較柔軟，肉質鮮嫩。吊龍伴係包住腰脊兩邊嘅肉，佢比咬爽口，油脂較其他肉豐富。封門柳係牛嘅橫隔膜下面嘅一條柳，每隻牛得兩斤左右，佢係偏向牛扒嘅質感，牛肉味比較濃郁，但又唔會太老。另外我地仲叫左一個薯角，炸得好香口，本身已經有好香嘅椒鹽味，鹹鹹地。仲有3款醬可以點。

前幾晚我同朋友想打邊爐 又廢事簡任食任飲既餐廳 因為最近有小小減肥既打算🤭 不過都係食埋哩餐先減 去咗朋友推介既616麥子☺️麥子地方唔難搵 由尖沙咀D1出或者尖東站N2出都好易到 大概都係五分鐘內既步程👍🏻 餐廳地方唔算太大 裝修都睇得出餐廳主打唔同部分既牛肉🐮 岩哂我同朋友兩個牛控 兩個都準備好大開殺戒 食盡牛肉😈餐廳設有自助醬汁區 可以任意自由調配自己想要既醬汁☝🏻 我就簡咗秘制牛肉汁同蒜蓉 兩者都幾夾 味道好好味 牛肉汁原汁原味 有少少似日系燒汁 濃得黎又唔會過咸 之後用黎配牛食係絕配😚野飲選擇唔少 朋友簡咗手工啤酒🍻 各款手工啤酒既取名都相當有趣🤣 而我就簡簡單單咁嗌咗杯豆漿 味道正常 唔會太甜 有豆味😊嗌一款小食 燒牛舌 牛舌燒得幾出色 火喉控制得幾好😬 略嫌偏咸 正好要用一旁既小檸檬🍋擠出檸檬汁 酸味正好中和返牛舌既咸香 保持咗佢既口感🤤湯底大概有六款選擇 我地簡咗牛雜湯底 因為平日少見 湯底味道唔濃 幾清但唔油膩😗 入面有唔同配料 基本既牛腸牛肚牛肺蘿蔔 湯底算係幾豐富😋 牛肉第一款嗌咗平日較少用黎打邊爐既慢煮牛腩 所煮既時間唔需要太耐 唔會太柴 肉質幾嫩👍🏻我地仲嗌咗兩

作為吃貨嘅我，其實想試616 好耐！每間主題都唔一樣，專程黎到尖咀嘅616-麥子。一入到去就見到四個吸睛大字：醉生夢死！呢間同麥子啤酒合作,店內仲有超有feel 大吧台位。店內嘅自成一角圓桌位置，挺有韓式味道。牆上掛住超有特式嘅街市牛各部位名稱嘅牌仔。呢度係電子化落單，想食咩、點咩都一目了然，既環保又減低員工工作量。醬料區都幾多款式！蒜蓉、蔥花都切得非常幼細。 濕紙巾、牙籤都係醬料區自取。呢度必沾嘅就係呢款 秘制牛肉汁，濃郁有牛味，精華盡在此汁。另一食法就係加埋柑桔汁落去提鮮。匙柄 $48牛味略微淡左d, 雖然較肉厚，但6秒就食得！牛心$48口感嫩滑爽口，都幾特別！吊龍伴$68油脂較豐富，食落口感爽口重牛味！味道似牛腩味。仲order 左娃娃菜、稻庭烏冬、同晒你冷手工啤。今晚一於牛到底，所以叫左招牌牛雜湯底 $68牛雜配料都算幾多，仲有大量羅白，食呢個記得沾秘制牛肉汁。晒你冷 $158/6有請小鳳姐屬最淡口味，最容易入口。這些機會不是屬於我飲落傳來陣陣花香，有點似1664blanc味道。好適合女士飲。有汗出無糧出：用桂圓紅棗等釀制，但有種微微鹹鹹甜甜嘅感覺。成功需父幹：飲落有dd似 這

行過尖沙嘴好難決定到食咩，心想食肉打邊爐，但尖嘴好似唔多出名火爐類。openrice 一睇，竟然有間叫616 似係新開，一於會一會。一入內裝修新，頗有韓式風格，門口位置一個大水bar, 唔講以為係韓國酒bar. 再睇餐牌，手工啤酒，特色調酒齊全，明顯係喝幾杯，聚一聚的好地方！價錢亦算合理。點餐先進，用ipad 落單，ipad 好處係可以放足夠資料於每一項食物。616 唔止係飲酒聚會咁簡單，睇得出其重視牛肉的質素。湯底特別，值得稱讚佢湯底夠味而不太濃，唔會太影響食料本質，亦唔會令人食到太口乾。牛肉部位選擇多，每一種size都切得比較容易入口，能夠細味品嚐。牛味濃郁，牛駝峰值得推介。牛肉水餃煮後多汁味濃，非常有驚喜。雖然唔飲酒，都能夠心滿意足地離開。

我自細皮膚叫唔差，好少會受食物影響皮膚，所以我好多謝上天同媽媽送俾我嘅禮物，就係可以不停食牛。我都算係半個牛肉控，叫做好鐘意食牛，係超鐘意。一般牛控都會去專業個西餐廳食牛，但今次點都諗唔到，竟然火窩食牛都可以咁專業。餐廳地方叫大，唔會好逼。差不多每一間個位置附近都會有呢張圖，方便之後叫野食時知道自己想食或者食緊邊個部位。好有懷舊feel嘅一個餐牌。有一份welcome fruit 。湯底沙嘜必叫。牛肉全部都好新鮮，基本上鐘意食牛嘅，都可以嚟！

麻甩佬打邊爐基本上可以分兩種，一、一個價錢吃到飽，目的為果腹；二、唔介意俾多少少錢，但真係想搵D有質素嘅打邊爐食材，616食材有質素之餘，要果腹又唔會太貴，重點係我重新認識打邊爐嘅牛肉唔係淨係分美國肥牛同本地肥牛，可以幼細到一個點。點菜係用平板電腦落單，好方便，由於人少都係點咗幾款牛，分別係牛朴肉，匙柄，尾龍同滑尾龍。睇過其他食評話薯條好食，雖則打邊爐食薯條好似好九唔搭八，但真係好食，佐酒一流。牛朴肉，即平時叫嘅牛頸脊，我認為最好食，必點item。匙柄：入口柔軟滑尾龍：有雞蛋撈埋淥尾龍：肉味較濃牛肉餃：又係必點item，極好味。豆漿：獨立包裝，甜度適中響鈴總結：由於仲有好多部位未試，一定會再嚟，牛肉好鮮味，牛肉餃必試，薯條有驚喜，佢仲有好多手工啤選擇。交通方便，環境舒適，有outdoor位(有瓦遮頭），性價比亦高，如果任食都要舊幾水，不如俾多少少嚟呢度食D高質D嘅食材。埋單兩條殺四舊三，抵食！

The restaurant specialises in beef and many different cuts of beef were available to try.We had the beef broth hot pot and ordered 4 plates of beef, 2 tongue skewers and a serving of napa cabbage between the two of us. My personal favourite was the hanging tender cut, which was tender, lean and flavourful. It is a rare cut with only a small amount on each steer.There is a sauce and condiment station where you can mix your own sauces to your liking. This particular branch of 616 also serves hous

餐廳環境特別之處，有室內同室外餐枱比你選擇，水吧內有幾部大型器械，唔知係咪用來整手工啤酒？侍應服務及態度不錯(呢樣我個人好重視)另外每個座位都有一張紙，簡介牛每個部位淥幾多秒就食得，都算貼心講返食物先，今次同auntie 兩個人食，大家本身都不是肚餓，所以唔係叫左好多野:尾龍：雖然細細塊，但肉味非常濃，一個人掃十碟八碟都仲得黑百葉： 好爽口，最正係點埋個胡麻醬，食到"索索"聲牛肉餃：個皮好薄好通透，入面牛肉饀脹卜卜，夠juicy. 佢仲有個酸酸地既汁，感覺幾開胃豆腐：夠白又夠滑酸梅湯：味道同平時飲既感覺唔同，喜歡偏甜口味的你，這個一定適合你牛丸： 一碟有十粒。。食完開始飽肚，因為我鯨吞了八粒....夠彈口，我鍾意響鈴：打邊爐一點可以唔食響鈴，9秒9 ko!羽衣金藍： 食咁多肉，點都要叫碟菜。個名比我感覺好日本，作為獨男當然要try下佢，第一次食，好似係健康野黎。顏色好green, 味道幾特別，唔識形容，自己試下啦。最後食埋牛骨清湯底的超甜粟米同蘿蔔，劃上直筆甩的感嘆號！

最近失血過多😳想打邊爐又想食番d牛肉補補身，醒起呢間想試好耐既616~~佢個名真係好過癮又貼題😆，而且有好多未接觸過既刁鑽既部位，真係聽都未聽過嫁，感覺幾新鮮。✨醬料同水可以自己出去拎，位位$10好一句醉生夢醒，點可以唔beer beer 佢先🍺🍺🍺cheers～～從未飲過手工啤酒，叫左款易入口既。✨這些機會不是屬於我的（$78) : 好有共鳴既名字😢， 果然係幾易入口，帶有微微既甜味。✨牛舌串（$38): 平時對牛舌真係比較抗拒，覺得好核突😵但呢個賣相幾靚仔就放下戒心試下。加左鹽燒，咸香之餘食落非常爽口，但又唔會燒到乾，吱埋檸檬汁真係好好味！佢令到我對牛舌改觀👍🏻忍唔住食完一舊又一舊～～～✨牛滑清湯（$38): 味道清甜，本身已有有粟米同蘿白，好彩無再散叫到粟米蘿白xD。餐前仲有一人一件西瓜，清清味蕾。✨牛駝峰（$68): 特登㨂呢款，因為見佢個雪花分佈好靚，佢個肉質真係幾嫩滑👍🏻，不過太少唔夠喉。✨吊龍伴（$48): size 雖然細細塊，但肉味反而幾濃👍🏻食落帶點爽口✨皇帝菜（$28): 賣相好cutecute, 成個盤裁咁。個菜好新鮮好翠綠，平時無咩機會食皇帝菜，味道幾特別。✨

看大食朋友的FB，見他去了一間火鍋店吃晚飯，好像好豐富喎。上網查一下，原來全港有不少「616」火鍋店，看他吃得那麼高興，我也忍不住去試試看。 我選了尖沙咀的「616麥子」，貪其就腳。看網上介紹，餐廳不單會提供各式不同牛肉，而且更自設釀酒廠，供應手工啤酒，難怪有大大個「醉生夢醒」的招牌，看來這裡是牛魔王和酒鬼都會喜愛的餐廳。 鴛鴦酸菜牛骨湯 ($78)店員向我們推薦最新推出的「鴛鴦酸菜牛骨湯」湯底，才只晚上七時，已經賣剩一鍋，好吧，就試試。酸菜那邊有辣椒和胡椒等，對我來說又酸又辣，刺激又開胃，就留給朋友吃；我不太吃辣，旁邊的豬骨粟米蘿蔔更適合我，清甜又足料。 點牛肉時，的確花多眼亂，看介紹，牛肉主要來自山東的騸牯牛，很多牛的部位我都從沒聽過，如牛朴肉、挽手腩及金花趾等等。不要緊，餐紙上不單有介紹，而且還會告訴你不同部位要淥多久。 匙皮 ($68) + 匙柄 ($48) + 金花趾 ($68) 滑尾龍 ($48) 每碟牛肉的價錢不算貴，細細碟，可以讓人客嘗試更多款式，很適合心大心細的我。叫了好幾款，都是肉味濃、少雪花的，因為我本身已經夠肥美，不想再吃太多脂肪進肚子。牛肉嫰滑