4號烤吧 (已結業)

冬天食完少少野，唔知點解就係好想食串燒同飲啤酒🍻跟住我地就去左依間餐廳🍴見到有羊肉串（$20/串）仲有燒羊架（$38）就覺得好吸引！我地仲叫左燒白鱔（$52）出面好少地方有架😚佢真係即叫即整，仲會落d糖去燒，令到陣陣香味更出！啤酒一枝都只係$26，的確幾抵食，我地仲叫左燒雞翼🥳不是燒羊架黎講，大份既但係幾難咬，建議廚師可以切多幾下再燒，方便食客咬淡淡肉咬得開心d la!💙店內仲有人唱k，個人覺得幾特別，啊9:30後入座食烤魚仲有8折，其實都真係幾抵！

大埔真係好多美食😍 就咁睇相係咪好似去左探魚呢，其實係入左大埔呢間環境舒服又濶落既4號烤吧，有雞煲 ，醉雞鍋 ，烤魚 仲有串燒 好多選擇，串燒好得喎，好惹味，份量都唔細碟👍 重慶豆花凌波魚 $198 少辣，少少麻辣味啱晒我，不過就越煮越辣😱另外火鍋配料都唔貴，幾抵食醉雞鍋 一隻$228 湯底都好多料，上完煲，再淋上一杯酒，水滾後落雞，湯底味道都幾好，雞件大大件又滑。串燒叫左尖椒，雞腎，乳鴨，牛脷(唔係爽口個隻，但燒得幾香) 樣樣都唔錯P.S. 白飯免費。開到零晨3點，可以慢慢坐慢慢食，服務不錯

住喺大埔嘅朋友仔都一定對呢間鋪頭好熟悉，知道呢間店舖位置非常之闊落。見到佢話係燒烤場冇諗過係一個價錢三種享受。本身以為淨係有燒烤,咁嚟到一定要試下串燒啦，佢啲價錢其實好吸引，有個串燒套餐可以俾你揀任揀五款感覺非常之抵。咁當然就咩都要試吓啦：叫咗日本番薯、秋葵、燒菠蘿、豬肉串同雞軟骨。🥢日本番薯非常之甜呀！🥢秋葵就落咗比較多七味粉，所以偏辣🥢燒菠蘿就係依舊咁好味啦🥢豬肉串同雞軟骨都燒得好好，絕對值得一食！之後再叫左椰子雞，我哋人唔多，所以就淨係叫咗半隻雞...呢個椰子雞喺即席將椰青嘅水倒落去，絕無花假，所以個湯底非常之清甜！食咗啲好清甜嘅雞之後，就可以正式打邊爐啦！🥢打邊爐當然要先食下菜打個底，等自己個肚無咁油油膩。🥢新鮮鴨血，質地比較硬身，但係打邊爐係絕對唔少得架、好入味。🥢本地手切牛肉，睇相就知唔係普通任食火鍋嘅牛肉，絕對對得住呢個價錢，啖啖牛味，非常之濃郁。🥢白鱔片，比想像中大份、好鮮甜，你睇到D相都知道佢係非常之新鮮，好食到同屋企人再encore多一碟添啊。屋企附近發掘左一間咁正嘅鋪頭，又就嚟開始天氣涼啦，絕對會同屋企人再食啦。

呢排天氣開始有少少秋涼，屋企人想打邊爐，就試咗呢一間屋裝修好有藝術feel嘅火鍋店。店鋪非常之體貼，怕打邊爐會彈到件衫，提供左一個獨有嘅圍裙。佢的湯底並唔係普通嘅薯仔蕃茄、或者芫荽皮蛋湯底。我哋叫咗椰子雞，居然係我地面前即場開2大隻椰青，倒椰子水落去煲，再加埋佢真材實料嘅半隻雞！ 食完好fresh 嘅椰子雞之後就正式打邊爐啦！咁當然唔少得有好多唔同嘅打邊爐醬料提供，放係醬料自助區，要自己拎嘅，隔離居然仲有一個一桶白飯比你任裝！ 只要你肯食就千祈唔好怕羞，無限次數架！🥢鴨血，份量大份，好有口嚼感！🥢札幌黑豚肉，師傅手勢好，切得好薄身，所以好快都可以食到靚靚豚肉㗎啦！🥢墨汁墨魚丸，因為墨汁嘅關係，同平時白雪雪嘅墨魚丸唔一樣，千祈唔好俾佢嚇親。而係絕對比普通墨魚丸好味架，又大粒非常之滿足。🥢手切本地牛肉，見到都覺得佢花紋咁靚，都知一定好味，牛味好濃， 加想我哋控制時間非常之精準，唔會令到佢好硬、唔似食緊香口膠咁。🥢粟米，打邊爐就一定要有啦，非常之甜。食完呢間咁好味嘅椰子雞火鍋，覺得以後就唔使山長水遠北上食啦，其實喺香港都可以食到有質素架。

係太和見到呢間餐廳食雞煲邊爐賠酸菜魚，環境都好似唔錯所以就黎試一卜因為最近打左邊爐就一於試下烤魚啦一黎到枱面上擺左個即棄圍裙，咁岩呢日我著白色衫，好貼心啊好多選擇！配料都有好多，白飯係免費任裝既。我地叫左個重慶豆花烤魚小辣，挑戰一下一上到黎就見到佢湯底好紅，不過係香港食既好處就係佢唔係真係好辣對我地黎講係岩岩好啊我地另外仲叫左紅薯粉同蘿蔔片，好吸味好正另外仲有小食，呢個係烤魷魚，好似係長洲食到既咁啊，好有咬口，不過就要比較花時間食，好耐冇食過呢種烤魷魚啦呢到仲有海鮮食，蒜蓉燒蠔，食落幾甜幾新鮮，唔錯啊！呢到仲可以叫飲品，叫一渣既最抵飲，我地兩個人叫一渣已經夠晒啦。想食左烤魚好耐啦不過最近就唔係成日食到，下次會再黎食

天氣涼涼地，唔想打邊爐，醒起太和開咗間烤魚決定一試。烤魚有幾款選擇。豆腐底、鴨血底、酸菜魚，仲有幾款唔同嘅辣魚選擇，但係因為其實我哋唔係幾食得辣，所以就揀咗重慶豆花烤魚，最小辣，就算唔辣都應該好食嘅combination😂。點知最後嚟到嘅都係好辣，如果大家真係唔食得辣嘅話，一係試吓BB辣，一係就直頭走辣啦。唔知大家有冇食過大陸都幾出名嘅探魚，其實個味都好類似。魚嘅肉質都幾滑，雖然辣，但辣得黎好開胃幾好食。重點！4號烤魚嘅白飯係免費提供㗎，食啲咁辣，咁重味嘅嘢其實最好送飯，呢度白飯免費任裝呢一點真係加分。我地食完烤魚同豆腐覺得唔係幾夠喉，所以都另外加多左份豆腐同金菇，當打邊爐咁食。食啲咁辣嘅嘢又點少得飲品呢。我哋叫咗一揸檸檬蜜桃茶，侍應話係佢哋自己調配架。份量都唔少喎分到4杯。味道唔錯，好飲又解辣，推薦！我哋仲有叫啲串燒同小食試吓。燒乳鴿好推薦可惜我掛住食唔記得影相。個皮燒得好脆但肉質juicy，冇諗過喺度食到呢個質素嘅燒乳鴿，大家有興趣可以叫黎試吓。反而串燒就麻麻地，好重味精，唔推薦。我哋走嗰陣仲每人送左一個杞子雪耳桂花糕食完啲濃味野，食返啲清嘅甜品都唔錯！

最近天氣終於都有點涼意 有點秋意 既然涼涼地 當然就要食個火鍋暖一暖身 適逢老爸不在家 媽媽又不想煮飯 一於出去搵食好了走到大埔中心附近 多了不少新面孔 就好似呢間4號烤吧一樣 裝潢頗有特色同心思 四周放了不少有趣裝飾 環境舒適坐位寬敞 空間感非常充裕 而且仲有多部電視可以供客人看球賽望望餐牌 菜式都幾多選擇 除了多款招牌烤魚 仲有很多款雞煲同川式前菜、串燒 價錢唔算貴 雖然烤魚好吸引 不過份量之大 兩個人吃難免會有點兒太飽 於是點了鹹菜豬肚豬手鍋同數款串燒 呢度既調味係自助形式 乾淨企理整潔 而且呢度仲有白飯任裝 包保食得飽飽 不過食得晒先好喔 鹹菜豬肚豬手鍋 熱烘烘既胡椒鹹菜豬肚鍋 份量不少 胡椒不算很多但吃起來很香 帶有胡椒既香辛同時亦帶點鹹鮮 豬肚咬落軟腍但有口感 豬手爽口彈牙 咸菜味濃 吃到起還吃到微微豬雜氣息不過味道是偏向重口味 記得不要嚐湯就好 豬肚鍋還配有4隻法國生蠔 吃到一半放進鍋裡再吃 生蠔吸盡鹹菜味道 味道帶點海水鹽咸亦帶有胡椒辛香味 愈食愈好吃火鍋點少得枝竹、菜芯苗 火鍋必備 用來減輕油膩感手製韭菜餃初時以為是煎餃子

天氣開始涼涼地，又係時候可以食d🔥熱辣辣嘅嘢食，今日黎到呢間好多元化既餐廳，食烤魚🐠、食燒串燒🍢、抑或打邊爐🍲都任君選擇。同埋呢度好細心，每一枱都準備好一個圍裙俾客人，我地就唔會整污糟自己既衫，值得一讚👍🏻而且仲有一個醬料吧，豉油、蔥、生蒜、熟蒜、莞茜、辣椒🌶️等等，最特別係，原來呢度既白飯任裝😆，大食既朋友唔怕食唔飯🌟重慶豆花凌波魚🐠呢條烤魚一黎到，就覺得好香、惹味，因為有好多莞茜、蔥，辣椒🌶️，裡面仲有好多配菜：豆腐、洋蔥、腐皮、馬蹄等。魚🐟既size都好大，好嬾滑，而且凌波魚又冇乜骨，真係好好食😋🌟配菜我地仲加左娃娃菜、芝士腸、金菇，食到咁上下，就可以好似打邊爐咁，攞落去烚熟，由於湯底好惹味所以攞落去烚其他野，都會好好食。🌟蒜蓉燒元貝呢個元貝大大粒，而且勁多蒜蓉，所以好香，同埋燒得剛剛好，唔會太老。食落去係鮮甜、嫩口😋😋🌟牛仔骨牛仔骨調味剛剛好，帶出牛香味。不過，略嫌牛仔骨燒得太老。最後，我地埋單後，仲送左個桂花糕俾我地食😍，服務好好。

以前去食酸辣魚，多數都淨係會諗到去深圳，因為夠正宗。香港出名嘅烤魚，唔多見邊間有人提起。屋企樓下開咗間新興燒烤店，餐廳主打食烤魚，見平時好多人排隊，一直都冇機會試。難得今日早左收工，決定搶頭啖湯去試一試。一入到餐廳，各款惹味食品，全部都想食，但要取捨真係好難。我叫咗佢個酸辣烤魚，無端問我要乜嘢啦，我就問一般啲人食咩程度嘅辣，佢就建議係小辣，我試過真係好唔錯。烤魚肉質鮮嫩。仲點左啲配菜，連埋魚一齊食好正。烤蠔都唔錯，大大隻。最後補充，呢度嘅服務員態度非常之好，兩個人食完埋單都係$400有找，呢種價位來講係香港食個晚餐唔算貴。😃

碎時去開太和食野，都會俾呢幅咁靚既壁畫吸引住，今日女友安排下，終於book左檯嚟呢度食飯！呢排食飯都係喺大埔，北區，元朗居多，唔食都唔知原來有咁多幾好食既餐廳！好在book左檯，就算餐廳面積大都好，晚上7點幾都已經人山人海，轉埋彎去到入面都係勁多人！好似我哋兩口子食飯到十人左右既檯都坐滿晒，非常熱鬧！喺門口等緊既時間，發現而家做緊抽獎推廣，消費$30, 就可以有到次抽獎機會！呢度野食選擇都幾多，主打烤魚同雞煲，仲有各式各樣既燒烤，串燒等等！一貫打邊爐既調味料都有供應，最特別既係白飯任裝，真係良心店，保證食得飽！小食首先出場，有我非常推介，甜中帶甘又爽口既華梅涼瓜！之後雞煲都陸續出場，雞煲份量都ok, 辣得嚟都幾香，配上勁多洋葱，非常惹味！配料推介鮮甜嫩滑的新鮮鴨血呢度既肉丸有得半份3粒咁上，啱晒我哋兩口子！因為叫一份6粒又太多！非常窩心的安排除左雞煲外，呢度d燒烤都係選擇多，同好食推介有燒韭菜，金菇串，燒得香又唔油膩，韭菜，金菇屬爽口！仲有燒台灣膠都係出色之作！

經過大埔做完公事，行經呢間餐廳，突然好想食串燒，就入咗去試啦。坐低見到原來好多人都喺度打邊爐或者食雞煲，不過我本身淨係想食串燒就冇食到啦。串燒嘅選擇都唔少㗎～先來一渣金桔檸檬蜜桃茶，第一渣$45，好大渣，蜜桃茶唔會太甜，抵飲！散嗌串燒好多都要兩串起，如果想食一串試多啲嘢食嘅話可以試吓呢個自選串燒拼盤。雞肉外面果層燒到脆口，但入面軟稔，好好味！大腸好肥厚，大腸味燒完之後更加濃，鍾意食大腸嘅朋友仔可以試吓。牛丸大大粒，味道不過不失。燒菠蘿：食串燒嘅話，燒菠蘿係一定要嗌，呢度嘅燒菠蘿外面乾身內裏爆汁，冇咩糖水浸過嘅味但又唔會冇味或者太酸。酸甜酸甜咁，健康又解滯，正呀！燒冬菇：乾身得來入邊軟稔有汁，燒得啱啱好。安格斯一口牛：牛味都濃，唔會燒得太過火，唔錯。燒牛脷：呢度嘅牛脷比起坊間嘅牛脷更加厚身同大塊，原本以為咁厚身一定好容易燒到硬晒，點知佢燒出嚟竟然個口感係軟稔嘅，幾有驚喜。小妹最最最推介嘅係呢個燒茄子，因為真係燒得好好。呢度嘅小茄子用咗蒜蓉醬汁係面燒嘅，成條茄子都燒到好軟熟同入味，又唔會太咸，超好味。提提大家，場內嘅白飯係任裝㗎，所以如果覺得齋食串燒好淡好濃味嘅話，可以考慮攞嚟送飯一流呀！

今日咁岩去太和探朋友，隨便在附近選了間餐廳吃飯。經過呢間4號燒烤，心諗應該是韓燒之類的東西吧,點知入到去又唔係窩，除咗環境好寛闊係賣點外，食物種類都係一個賣點，除左串燒外，連火鍋都有湯底還有很多的選擇，海鮮也有。我們今次選了醉雞湯底試一試，因為感受開始天氣涼涼地,點完菜後，侍應推咗一個大酒瓶出來。。有半個人咁高。。。原來係花雕酒，一打開好濃酒味，侍應哥哥仲倒左兩大碗酒落去。放完雞一倒數完，就入哂味，放得唔好咁耐否則好快老。除左一般火鍋，我仲叫左串燒菠蘿同羊架過下引，都好正無令我失望。。但都係嗰句。。所有野都要趁熱食呀。唔周圍望下又唔知原來仲有個小舞台可以唱下歌，一家大細都幾好呀。今餐十分滿意。。下次來試下個魚先得。

這幾個月以來一直沒有北上，已經好久沒有吃烤魚了！聽聞最近太和有間新開的烤魚便宜到接近北陸的價錢，儘管去吃看看吧！門口一看，哇，偌大的百人場，竟然超多人在排隊！門口有個轉盤，只要消費滿３００就可以轉一次，２人輕鬆達到目標！店內除了最有名的烤魚，還有雞煲，串燒，川式前菜，火鍋料等，選擇超多食物：毛血旺烤凌波魚（中辣）＄２０８很大的一尾魚，骨量多但都是大骨，所以不難挑出，但也因為骨多，所以肉質嫰滑。還附送少量豆芽，枝竹，血旺等等，極豐富！基本上２人吃也是會夠飽，中辣剛好小提示：如果想吃辣一點，不妨等多一會才吃，入味之後會更刺激吃辣，豆卜必不可少！吸味之後非常帶勁！蘿蔔又是另一款吸味之選，但就必須煮久一點才會稔身。紅薯粉夠煙韌，跟辣椒相映成趣重點：＄９一份！有機提子汁，酸中帶甜，味道不像外間的死甜，＄２８一支ＣＰ值很高。乳鴿（＄４５）雖然肉不多，但超軟稔嫰滑！外皮脆而不韌，好吃！豬手（＄４０）吃下去軟稔又帶點煙韌，骨膠原豐富，未至於煮得肉散無味，剛剛好的稔軟度，出色吃乳鴿戴個手套，方便又更有風味～白飯免費任裝！晚上１０時左右便會關起燈來原來有卡拉ＯＫ呢！而且還是舊式公眾區的那種，現在還有人會那

秋天點解要打邊爐？大胃諗除咗天氣開始凍，就是秋意濃，愁緒起，泛起hard feeling，打個邊爐自然hot feeling，心情都好返啲啦大胃對雞公碗有情意結好細心，有口水肩，唔怕啲汗周圍咇水果茶係用嚟救命，陣間一定辣到大胃飛起主角到，大胃揀咗凌波魚，冇咩骨又嫩口識食一定配埋薯粉仲有大量大胃最愛嘅芫荽，薯粉吸晒湯底精華，正一口芝士絕唔慳皮，每口都咇晒出嚟蠔都算大隻，連水飲一流牛脷都幾大塊鱔真係不得了，拍得住鰻魚，好好味呀食完埋單，事頭婆叫我地咪走，抽埋獎先喎，結果抽到肥牛一碟下次幫襯送

平時去開大埔都會去大埔舊墟度食飯，貪佢嗰度有好多好食嘅餐廳好集中！今日經過見到開咗間雞煲同埋烤魚嘅新餐廳叫做4號燒烤。雖然唔知道點解佢叫4號但係因為同朋友都好想食雞煲所以就入去試吓。淨係餐牌紙都已經有三張咁多，要是晒都真係有啲難度啊。但係我哋就試咗個最想食嘅肥腸麻辣雞鍋先。因為朋友唔想食太辣所以我哋只係叫咗小辣，坐左冇幾耐就已經有得食😀個肥腸雞煲一上枱已經勁香，d麻味同辣味雖然話係小辣都聞到。但係餐廳放咗好多芫荽同埋芹菜喺面，所以唔鍾意食嘅人記得叫餐廳幫你走咗佢啊。個雞煲啲雞雖然係得半隻但係我哋覺得都幾夠。而且雞肉新鮮彈牙。至於啲肥腸一樣好正🤤除此之外我哋仲叫咗啲火鍋配料等食完個雞同埋啲肥腸就可以打邊爐。睇得出啲食材都幾新鮮，魚皮連埋啲汁一齊食吸曬啲汁好好食，至於肥牛就應該等到食晒個雞煲之後先加水打邊爐。牛肉雪花均勻唔會話好肥得啲肥膏。至於個菜心苗就麻麻哋，因為佢同一般菜心無乜分別無特別嫩。除咗食雞煲之外我哋仲叫咗幾個串燒去送啤酒，推介大家呢個雞泡魚干係必試既，個雞泡魚干燒得好出色好送酒。點埋個沙律醬食同係日式餐廳食嗰啲一模一樣。另外仲叫咗個牛脷串燒，餐廳處理串燒方面都有一手，加埋啲孜