33 Cubread

营业中

休息中

明星效應出爐時間竟然未有人龍我又追棒下先🤭🤭嘩🤩🤩🤩好多款口味都有得揀😋好多款口味都好想試，但係胃得一個先試左以下二款⭐️北海道忌廉粟米濃湯包 面包好鬆軟，好有口感，足料，味道好之前見啲人評論話打開個包有濃湯嘅風味但今次可能唔夠熱，內面嘅湯冇左流質感，變左少少漿。失望左少少。但食落味道都香濃⭐️開心果包出色，味夠濃，足料，鬆軟。愛食果仁嘅朋友，要買來一試雖然偏貴，未試過嘅，也值的一試😋打下咭也好呢會否再回購就睇下邊款口味中左心水🤭🤭

walked in saturday noon ,place were clean , shopfront fits upto 4-5 ppl , choose of your own , we had the earl grey cube , matcha cube , and the choc cube , these are lightly tastes of its own individual flavour as titled , texture were abit crispy outer but tender inner , the corn bread a little creamy inside outer topped with some corn flakes , and the bacon & spinach bread , it should be heated for better tastes ,as of the bacon & spinach bread were too much chunky onions not even well cooked

今日經過唔多人，大約十個左右，上個星期買咗隔離街嗰間，今日試埋依間d 麵包吖，都係果句，排隊買麵包係依個年代的定律😂😂排左十分鐘左右可以入到店內了，但已經冇咗signature 的骰仔吐司🍞麵包了🥖 ……咁見有乜就買d 試吓，買左d 乜都唔記得了🤭🤣食咗後d 飽質係可以，d 飽飽口感係高質，細細個係易入口，唔差，價錢方面我都覺得接受，最遺憾係買唔到佢出名的海綿吐司，希望下次經過又有貨，又唔太多人會去試埋。

今天下午2:30去到，完全冇人排隊，我們一入去竟然入面見到只有方包、朱古力方包、一件好似牛角包咁嘅物體。全店入邊得三款麵包給客人揀。我見佢後面有一盤幾靚的好像吞拿魚卷，之後我向收銀指住後面我話嗰個有嗎？個收銀語氣超冇禮貌話未整好，之後立即招呼第二個。但實際鋪內只得三個客。最後我只好 三款面包中揀了其中2 款面包Ok好食啦！但$55/個，價錢又唔平，仲要冇禮貌。永不會再幫襯第二次。呢D又高又有冇禮貌的食店覺得冇必要再幫襯

呢間係唐詩詠開嘅麵包舖，開張到而家都仲係好多人排隊，屋企人唔知點解可以買到兩個麵包，有得試啦香橙伯爵小吐司$36（一開始唔記得影相T.T)首先賣相好靚好精緻，四四方方嘅麵包上面有一小塊蜜漬鮮橙，切開仲見到好多蜜漬橙皮粒，仲有一粒粒黑色嘅嘢，開始以為係朱古力粒，但係原來係伯爵茶葉。用料係靚嘅，橙味同伯爵茶味互相成就，啲麵包非常鬆軟，再帶啲煙靭嘅口感，好味👍🏻Valrhona 52%黑朱古力小吐司$36呢個黑朱古力吐司嘅麵包都係咁鬆軟煙靭，佢啲朱古力粒好好味，預熱即溶、入口即化，仲要係黑朱古力，微微帶苦味，中和咗朱古力帶嚟嘅罪惡感真係好好味，但係小吐司真係小，食完兩個都冇飽肚嘅感覺，已經係一個lunch嘅價錢只可以間中買吓，當甜品獎勵自己。

一日有3個新鮮出爐時間，是日平日一於來碰碰運氣，過左第一個出爐時間半小時到達，未見有人在外排隊，於是就入舖睇睇。舖內面積雖小但整個感覺簡約舒服，再望下櫥窗內大大小小嘅麵包相當吸引，見到剛有一底招牌吐司出爐，二話不說就買左。🍞招牌海綿吐司新鮮出爐的確吸引，仲有餘溫，暖暖的；外層薄薄的輕輕的，撕開見到內部軟綿綿的一絲絲的，此招牌吐司就係走簡約風，口味都係較淡。🍞京都宇治抹茶黑豆小吐司抹茶味中規中矩，反而黑豆腍且味香濃同麵包好夾。🍞金寶椰子菠蘿丹麥酥好有驚喜，口感好豐富，先有鬆軟外層麵包，內餡有咀嚼感嘅椰子同菠蘿，好好味。一出爐就好快售罄，人氣簡直係一時無兩。不過只要係真材實料+用心製作，人氣就會持續！

真係唔會再買，味道都幾一般，非常唔明點解要標榜用北海道麵粉，咁超級昂貴嘅價錢，好多用本地食材嘅優質麵包店，都更有幫襯嘅價值。好彩無排隊已經買得到，否則更加覺得不值。

今日經開銅鑼灣專登去𥄫𥄫咁啱仲有幾個字到4:304:00個時我可以排第三個過多三個字就有20-30人準時開賣買埋一共用咗近30分鐘買咗咖啡、開心果骰仔牛角包同吐司開心果同咖啡味都好出麵包就咁食都好鬆軟不過比想像中細唔太抵食

平日中午12點幾去，前面排了大約10多人，出爐後都要等約45分鐘先入到去買，當時款式已經得返好少。骰仔牛角特濃咖啡，包面係「笠」的，完全沒有牛角包嘅基本酥香脆，比較失望。cream夠滑夠味，但份量勁少，矜貴到呢。。。黑朱古力小吐司，麵包唔係好鬆軟，味道無特別之處，貼近連鎖店嘅普通出品，唔會有咬完想再咬嘅念頭。仲有個紅豆麻薯丹麥酥，又要「笠」的，啲酥皮完全配唔上個酥字。本身都知麵包係size細（小朋友手掌大啲啦），但係價錢反映唔到佢細得嚟值得。

😋😋😋買了三款骰仔牛角包，分別是開心果, 明太子及特濃朱古力味。三款味道都唔錯，特別是開心果, 味道比較出, 又不會太甜明太子都好足料, 返去叮返熱來吃都聞到陣陣香味至於特濃朱古力味都食得出非一般朱古力，算幾有水準由於有餡嘅牛角包只可以存放一兩日，所以買住三個來試，下次一定會試埋咖啡同焦糖味整體尚算唔錯，略嫌價錢貴了一點而且人龍依然很長，排隊加俾錢都用咗大半個鐘時間。。。如果唔使排咁耐，回購嘅機會都會大一點

好開心，好朋友特登去排隊，真係唔係嘢少㗎，條龍足足過咗5個榴槤舖位，真係要好有耐性先至可以接受到，喺呢度俾返個Credit我個好朋友先😘我朋友留咗兩個quota俾我，由於「開心果」佢哋嗰日冇整，於是乎我就揀咗「和風感滿滿的紫菜明太子」同「京都宇治抹茶黑豆」。明太子真係超級好味，一食落去啲明太子已經流出嚟，我已經係隔咗幾個鐘頭先至食，食落去都係好鬆軟，有少少辣😋綠茶黑豆都好重綠茶茶味，唔係好似有啲麵包舖咁樣剩係得啲綠色，不過我係食咗明太子先，所以明太子個味仲喺個口入邊，俾佢搶咗，應該食咗綠茶先會好啲！

打開門口做生意，冇麵包賣,應該一早截人。一來不用市民等，二來不用阻街。我問職員點解不早截人？點知給職員冇禮貌回應一句“冇人叫你排隊”。嘩。。。真是大開眼界，可以服務差到咁。日後不用排隊都不會幫襯，有寶咩。。。。。。。。。。。。。。。。。。。。。。。。。。。。。。…。。。。。。。。。。。。。。。。。。。。。。。。。。。。。。

今日提早同朋友到金鐘食聖誕午飯，之後午後順道去銅鑼灣，專誠嚟試下由TVB小花，唐詩詠，主理嘅人氣麵包店33 Cubread！到達時已經係下午3:20，知道佢哋每日分三個時段售賣（10:00、13:30、16:30），足足等多過一個鐘，終於買到心頭好嘅迷你海綿小吐司！😍 推介三款必試口味：🍵 小吐司京都宇治抹茶黑豆（$36）： 濃郁抹茶帶微微甘香，黑豆粒粒增添咬口，甜度啱啱好，啖啖滿足！ 🍞海綿小吐司 （原味） （$26）： 牛奶味濃郁香滑，口感軟綿綿，簡單又令人回味～ 🍊 小吐司香橙伯爵茶($36）： 香橙清新，伯爵茶味淡雅，隱隱回甘，好似將一杯香茶化成小吐司咁！☕33 Cubread📍地址：銅鑼灣波斯富街116號地舖 🚶‍♀️交通：港鐵銅鑼灣站A出口，步行約4分鐘

店員服務完全唔襯間鋪，可能我期望高，諗住係代表唐詩詠既店員應該都有番咁上下服務，至少唔會咁Hea，零笑容，既然間鋪咁紅，更加要捉緊機會話比人知，香港服務有幾好 ，食物質素有幾好，但個感覺就係，想我哋快啲買晒啲麵包等收工咁😔話曬都排咁耐隊，啲包又吾係平🥲然後買左個伯爵香橙包，麵包軟綿綿，欣賞佢唔係空心嘅，香橙同伯爵都好香，但係全部嘅味道都係分開晒，一啲都唔夾，好似各自食緊橙同埋伯爵同埋麵包咁🥲但係如果淨係講麵包，個麵包真係幾好食，我諗佢嘅原味吐司應該幾好，但係啲味道真係要改進吓，因為食落去好奇怪

今日難得放半天假搵好友食飯順便去吓唐詩詠開嘅麵包店買包食完飯大約兩點零行到去預咗有條人龍排咗十分鐘之後店員行岀來數人數因為原來只賣剩小吐司款其他全部已售罄仲要小編係排到尾二可以買包嘅人得小吐司都照殺啦小吐司 🍞$26名正言順真係細細粒好軟熟牛油味好香撕開中間時感受到麵團打得起筋有黏性且濕潤發酵得好恰到好處係好食嘅@33cubread #33cubread #hk #hkfoodie #bakery #japanesestyle #cubebread #lovely #yummy #bread #littetoast #cwb #香港 #香港美食 #銅鑼灣 #麵包店 #包 #好味 #排長龍 #人氣 #唐詩詠