2DP (已結業)

去過尖咀打卡素食餐廳2DP 都知佢地甜品有幾出名啦～為咗可以試多幾款，就決定連晚餐都唔食，就直接進入甜品時間！十款甜品都非常吸引，今次就叫左其中3款試下！火龍果紅茶乳酪 $48紅肉火龍果足料味道突出，乳酪味道天然唔甜，仲有少少茶味添！士多啤梨配奶油醬窩夫配鐵觀音雪糕$98窩夫做得外脆內軟，口感不錯。另外唔知點解鐵觀音會綠色，但鐵觀音茶味雪糕比較少有，茶味好出可解膩！蜜瓜牛乳刨冰 $108 蜜瓜預先挖好一球球變蜜瓜山，牛乳刨冰入口即溶好香滑，無奈笨拙嘅我食一粒跌一粒泰奶遇上豆腐花$58 豆花上灑上左少少桂花有清香嘅感覺，有3種完全不同口感嘅配料！軟糯芋圓+QQ嘅寒天仲有煙韌彈牙嘅白玉珍珠 口感豐富，提供一壺泰式奶茶，比平常無甘重甜，仍有保留泰茶茶葉有嘅獨特香氣！整體甜品都非常滿意，下次有機會再試試佢晚餐先！

2DP最近都行開健康到時當然係想搵啲健健康康又少油嘅餐廳去，依家餐廳主打嘅健康風格絕對係啱晒生銅全日早餐非常之吸睛有打卡嘅一個菜式，賠償是零嘅生果同埋奇雅子西米露，絕對係健康嘅飲食新選擇牛肝菌意粉Impossible肉碎闊條麵$10蒟蒻麵另外一度令我寄驚喜嘅菜式，佢哋嘅牛肝菌幾特別，配上肉碎醬特別入味，加上蒟蒻麵更加可以提升到口感嘅享受熱情水果茶最後係炎熱嘅夏天賠償水果茶絕對係食飯之選餐廳標榜非常之健康嘅菜式呢個絕對冇錯而且佢哋嘅菜式特別地理位置又方便絕對係健康嘅餐廳之選

最近開始搵幾日食消啲，盡量食多啲素食，等身體健康啲，今日跟同事去公司附近食呢間我就點咗牛油果楓糖芒果吐司，吐司而鋪滿一片片牛油果，仲有用牛油果打成嘅醬，中間有香甜芒果，整體好感覺健康又夠飽肚朋友就食風乾羽衣甘藍炒雜菜定食，香口微脆嘅羽衣甘藍，仲有炒得清甜惹味嘅雜菜，食素都可以好食啊，飯係藜麥夠哂健康再跟配麵豉湯㗎每個主菜都跟飲品，凍檸檬茶係我最鍾意，最近愛上走甜，夠茶味都好飲甜品就必叫蜜瓜牛乳刨冰配煉奶，一粒粒蜜瓜球好鮮甜啊，牛乳刨冰綿密又香甜，仲有陣陣煉奶味極之邪惡

泰式奶茶刨冰🍧夏天熱死辣辣 梗係想食返d涼浸浸凍冰冰 嘅刨冰雪糕la尖沙咀厚福街 D2P嘅刨冰🍧好香濃嘅奶茶 配搭一條條嘅幼細嘅冰加埋 d Oero一齊食好消暑仲可以 一次過滿足我想飲太耐嘅癮 真係大滿足啊

第一次在這些素食餐廳午餐，食物雖然是素食，但完全沒有傳統素食的感覺，有新鮮感和比較西化的素食。今日嘗試了人氣午餐（芝士炸鷄定食），可惜今日沒有芝士醬，換成泰式醬，泰式醬一般，下次希望有機會吃到芝士醬。另一方面，炸鷄非常有驚喜，內裡是菇，口感非常似雞。朋友點了牛油果藜麥沙律，這個沙律非常清新，杏仁和腰果非常多。唯一不好的是餐廳座位較窄，旁邊的客人說話很大聲，比較嘈。

非常可疑。服務不ok, 價錢超貴，食物一般。我到店里時也沒有很多客人。 長期的火熱名店會是這樣嗎？同區的mamaday 人家也是長期名店，永遠爆客，預訂也做不來，每次去都大排長龍。這個好評數量如果是真的，我會感到很奇怪。

牛油果楓糖芒果吐司 Avocado & maple mango open sandwich $98:係menu最fresh嘅選項之一！由底數上係香脆黑麥多士、加左檸檬汁嘅牛油果蓉、半個牛油果切片、面頭有啲芒果粒同沙律菜點綴～ 成件咁咬味道超夾！.瀑布芝士炸雞定食 Cheese veggie fried chicken set meal & miso soup $98:炸雞真係好似炸雞，雖然應該係用菇整出黎嘅～ 幾特別！.蕃薯薯條 +$28: 基本上去到任何餐廳見到menu有蕃薯條就必點 今次嘅質素都幾滿意，面頭香脆、裏頭甜軟，唔油膩亦唔太乾身！.黑松露薯條 + $35:男朋友就鍾意食黑松露薯條，見份量唔太多就點嗮兩款小食嚕，唔使頭痕 yeah！薯條夠粗又脆，特別值得一提嘅係濃濃黑松露醬，真係食到津津有味！.生銅防彈奶昔 (牛油果可可粉杏仁奶昔) Avocado & cacao almond milkshake $68:睇個名真係唔明咩料到，不過一見佢寫嘅餡就即刻興趣來了～ 好適合我呢種走甜嘅人飲，成個感覺超健康，真正飲到可可粉同杏仁奶嘅香味，無添加糖！

尖沙咀厚福街係一條美食街，一直以為2DP呢間店只係食甜品，行埋去望一望個餐牌先發現原來除左甜品，原來係一個食素嘅餐廳。餐廳裝修簡約，枱與枱之間都尚算寬闊。呢間餐廳鼓勵大家食素，減少碳排放，拯救地球。全日早餐好豐富，炒蛋好滑，蕃茄仔好鮮甜爆汁，大啡菇好香，好重菇味。亞麻子好特別，我仲以為係椰汁西米露。牛肝菌肉碎闊條面好好味。肉碎嘅感覺同味道好逼真，闊條面好彈牙，個汁都好好味。最後叫左個鐵觀音阿法奇朵芭菲。抺茶雪糕好香濃又滑，配埋脆脆口感好好。食晒個雪糕之後，我地加左啲鐵觀音落去，混人埋脆脆一齊食，估唔到又有另一番風味。

2DP (尖沙咀)這間餐廳是提供素食食物～見到還有甜品供應，於是便去試一試，我揀了一個茶味的甜品配雪糕，賣相和味道也十分驚喜。甜品是一個茶壺的形狀，其實是用朱古力和慕絲製成的蛋糕，有淡淡的茶香味🥰😋 再配上一個朱古力味的雪糕球，味道不會過甜，雪糕球下加了健康的粟米脆脆片，增加了層次👍🏻👍🏻下次再試一試這間餐廳的主菜～～地址：尖沙咀厚福街12至12號A藍馬商業大廈地下

2DP喺尖沙咀都開咗頗長一段時間，但人流依然唔少，除咗主食，佢地甜品menu選擇好多，可以食完飯之後去食糖水。總共試咗三款甜品，三樣都無失望🥰~𝓞𝓿𝓮𝓻𝓪𝓵𝓵~ ✨價錢:7/10👅味道:7.5/10🌌環境:7/10★西瓜牛乳刨沙 ($108)呢個夏天食解暑一流~ 呢個甜品同張相一模一樣，有滿滿嘅西瓜肉，上面加咗蜜糖，令到西瓜甜味更加出，而下面就係牛奶冰，刨冰幼細而且好濃牛乳味🍉 但刨冰份量對比返價格就細咗啲★鹹蛋黃窩夫 配普洱朱古力雪糕($98)三個甜品之中我最鍾意呢個！窩夫厚實鬆軟，鹹蛋黃味出得嚟又唔會太喧賓奪主，依然可以食到窩夫原本香甜嘅味道，配上忌廉同埋雪糕，中和返鹹蛋黃嘅膩感，旁邊仲有焦糖香蕉，好滿足~★泰式奶茶刨冰 ($78)呢個奶茶刨冰整成一個盆栽咁，上面有Oreo碎同煉奶，泰奶味香濃，每一啖都好似飲緊泰式奶茶，但我就覺得有啲太甜

我地兩個女仔叫咗1個蜜瓜牛奶刨冰 份量好足兩個人share已經好夠食完全冇估到啲蜜瓜肉會咁清甜 好多汁🤤牛奶刨冰食到有牛奶味 但唔會太甜 味道啱啱好食完好滿足🥰啱晒夏天去食 超級解暑👍

唔再係局限於以前既中式齋舖，而家多咗好多新式素食（雖然齋同素食𠸝口一樣）。呢間餐廳正正提供好多比較貼近香港人既口味，款式多，由all day breakfast 至意粉麵食都有，唔怕唔岩食！

為左令唔係食開齋嘅朋友仔有個美好嘅素食體驗，小金今次專程帶左佢來OP香港素食排行榜第一位嘅2DP🏆呢到唔只有超正嘅齋菜，仲有好多ig-able又好食嘅甜品，平時都吸引唔少人食完晚飯過來呢到再’擦’過架😋韓式泡菜煙肉卡邦尼意粉$118🍝因為有泡菜，所以意粉帶有微酸嘅味道，相當滋味。煙肉其實係素火腿切片，咬落都幾似火腿架😜泰式生菜包$138🥬走辣一樣咁惹味，味道唔會好鹹，口感比真肉碎稍為淋少少，生菜包亦好fresh夠曬爽口👍🏻

鰻魚定食因為見到OpenRice都比較多食評係讚間餐廳衰都好期待。同埋疫情期間見到佢話堂食有八折覺得好抵所以就試吓啦。先講吓鰻魚定食佢幾乎係成個Menu最貴嗰個。我都好期待點樣用茄子去整到成個鰻魚口感嘅定食。點知一上菜嗰下就好愕然，佢係純粹將一片茄子擺喺面度，嘗試扮成一片鰻魚。可以從相睇得出相似度唔高，好清楚睇得出係一片茄子，而且口感上完全係一片茄子，並唔係特別精製成為好似鰻魚口感嘅茄子。可能係我期望太高，所以個感覺落差好大，比$100食一片片茄子會唔會有啲貴呢？每個人價值觀唔同啦，個人就覺得CP值唔高啦。就好似素食漢堡扒，你唔會認為佢會上一片茄子俾你掛，點都會做到口感好似漢堡扒。另外我認為一間餐廳嘅飲品都好重要，照樣帶返比較普遍嘅（餐飲包埋）熱奶茶，點知上茶後發現係涼㗎！唯一好欣賞嘅係（加錢）芝麻鮮奶咖啡，芝麻味好出同埋真係有鮮奶，呢杯我覺得可以再重叫。不過買單先至咁唔開心，竟然唔係成張單八折，先計套餐八折，之後再加入，芝麻鮮奶咖啡另外加，冇八折。所以以呢個價錢咁嘅質素係尖沙咀，唔會再返嚟食。寧願排隊食對面農家莊米線

難得放假就當然揾下朋友仔食Tea，係OpenRice搜尋咗一陣，見到呢間新派素食，佢個素Menu 多完化，見到個素 burger我已經心心眼， OpenRice 訂位又有8折，一於試吓準時到達，朋友叫咗個芝士炸雞定食，我既目標當然係素burger但係唔知點解burger 到咗但無french fries，當我問佢哋無咗個french fries時 ，佢既回答係唔跟餐⋯當刻我其實有黑人問號係頭頂，唔跟？ 餐牌有寫喎⋯⋯不過既然落單姐姐係咁講，我無刻意追問，因為同朋友仔傾得好開心，唔想為咗呢小小事破壞心情，就只係哦咗一聲。素Burger 真心好食，塊‘肉’夠juice，調味唔錯。配料都好新鮮，特別係個蕃茄。至於朋友個炸雞，我個人覺得乾得滯，太韌，但尙可入口。 下次有機會再去時我一定會問個Classic burger 係咪跟薯條先⋯因為當以為有但最後係無，食完有小小失落感😅😅