2000円料理放題專門店 (已結業)

一行七人訂了2000 YEN @ 6:45 p.m.，去到遲左少少，最後 6:55 入座，$188，加一後每位 $208，上菜速度快，待應既服務態度都好，呢個價只講食物質素算 OK，但地方細，座位迫，成餐飯比d 待應係咁撞左好多次，話明2小時放題，坐左1小時就吹我地叫 last order，一到 8:55 就叫我地走，但我地跟本未食完佢 d last order，因為佢有 d 漏單，有 d 比錯左，門口又無人等位都不停吹，我地一班人跟本唔夠時間食！order 7 件羊扒佢黎 5 件，再order 7 件佢都係只黎 4 件，但佢既魚生新鮮，而且食物賣相好，呢 d 係佢既優點，鹽燒雞翼、吉列珍珠蠔、天婦羅蝦、清酒煮蜆都 OK，最出色我覺得係羊扒雪糕相信係自制既，亦唔錯，不過要食得咁辛苦，我未必會再幫襯。

一向對放題感覺一般~~不過家姐生日話想去，就捨命陪君子啦(8:00pm後食野會勁肥)!!幸好一早已訂好台，所以等左5分鐘左右就可以入座。雖然我地只得4個人，不過竟安排我們坐6個人的大圓台梳化位，真是太好，太舒服呢!!!一坐低就係咁剔野食，款式都好多，刺生唔錯--甜蝦、纓花尤魚最好味，其他質數都ok~~特別欣賞佢對食物的色堅持，因為放刺生的盤永遠都是美美的。壽司一般--不過佢個火炙芝士牡丹蝦，很鮮甜。其他壽司不吃也罷。炸物唔掂--蝦,蠔,野菜天婦羅--是硬不是脆，是粉不是肉。應該多次翻炸才出到這效果呢~~鍋物有正野--辣酒煮螺,辣酒煮蜆夠辣，仲要連火爐上，有誠意!!清酒就不好食，叫辣酒吧!!燒物都唔錯--雞軟骨,鯖魚,三文魚頭。焗物--芝士大蝦,芝士帆立貝都不錯。仲有特大玻璃蝦送，雖然只係個頭大~~甜品款式多，雪糕都有四款，d芝麻雪糕就的很芝麻呢。仲有夾餅玩。都算唔錯啦~其實仲有好多好多野食，不過記憶有限只可以記到比較好和比較差個幾樣~~服務都唔錯，收碟都幾快。係加水次次都要叫。不過都正常既，人地都提供免費汽水，仲飲咩水呢!!!

今日一行5人去cwb新開既2000円食dinner, 因為一早book左位, 所以去到唔洗等 ~因為大家lunch都只係食左個麵, 所以都好肚餓! 一去到就狂tick野食~~ 刺身不錯, 都幾新鮮, 而且賣相好令! ~ 辣酒同清酒煮蜆就一般....冇乜味咁牛舌幾好, 口感唔錯~ 出面有得拎牛肉, 但係就一般....一拎就好大碟....炸蠔同蟹鉗唔掂~! 可以不試~ 軟殼蟹手卷好味! 另外見到人地玩鐵板燒我地又跟風...點知.......(不試也不會可惜)再一次見到有人叫d個樣幾得意既野......唔記得名, 乜乜蟹乜乜...= = (個樣好似蒸水蛋) 點知又中招= =....唔係話唔好食, 但係好滯...芝士蝦不錯, 但係後期黎果d蝦肉不太新鮮... 而且依一味送既漏單情況異常嚴重...叫兩次先黎一次...新店地方比想像中細, 不過坐位幾舒服, 侍應收碟都ok快既, 不過睇得出有幾個係新手其實整體算是不錯吧!不過再食既機會不多, 不境依個價錢仲有好多選擇 =]

1月19日 星期三 係am730 見到2000円料理放題專門店賣廣告,見佢係香港島開新鋪就打去問下咩價錢7點前188(未+1) 7點後208(未+1) 2百幾蚊諗住有返咁上下訂位星期六試下好唔好食啦...1月22日 晚上......差到爆，睇住個師父只用托盤冇用碟將兩舊燒牛肉放上托盤 由廚房羅去樓面，用手拿舊燒牛肉放上餐車待切比客人勁唔衛生結果:食物只係得個樣...大部分都係太甜或者太咸，刺身~~~ 超唔新鮮壽司~~~ 一夾就散火灸~~~ 汁太重味，燒得唔夠所有汁唔係太甜就過咸膳後餐具在樓面實在太差~~~~d火記好多都係新仔，d碟林到好高都唔收，要叫佢先識得收唔知點解整刺身位置成晚聽到有人大叫，比佢嚇左我幾次，真係好大滋擾~~~~~