2000円料理放題專門店 (已結業)

這個放題真的是太有誠意啦！！值得一讚的呢～～雖然冇碟碟都影相．．．但主要想讚既係佢每一碟捧出來係排得好靚的尤其燒烤同埋刺身．．真係好有ｈｅａｒｔ的～～燒烤係真係有一個迷你爐仔比你慢慢燒．．慢慢玩咁．．平時０個ｄ　係燒好野．．快ｄ塞飽你就算丫麻～刺身又係一絕～～佢竟然真係拎個有乾冰既盤．．仲要排得咁靚．．好有心機呀！！我ｂｕｙ　佢既服務質素同埋誠意．．加滿分～仲有0個d燒蝦,燒蠔都抵返晒~當然食物都好重要．．我覺得咁既價錢．．佢係ａｂｏｖｅ　ａｖｅｒａｇｅ的～

八位大人一致地想食日本菜就上OPENRICE search 有咩好食啦~發現左2000円~咁就本住一試無妨的心態試食~BOOK 19.30 所以等都唔使等就入得去~好易搵一出地鐵站口轉右直行就見到大大塊廣告板係外牆架啦===order紙點食物,分為刺身/壽司/特選/熱食/炸物ROUND1點了每樣16份既刺身(三文魚/黃金+櫻花魷魚+八爪魚+鮑片ETC.)每樣8份既壽司(點了三文魚,炙燒三文魚,鰻魚,玉子ETC.)炸物有天婦羅,蕃薯,炸蝦,龍蝦丸ETC.特式的有溫泉蛋,清酒煮蜆,豆腐~有個芝士焗物但忘了名字...湯有兩款,每款也點了2份(味噌湯+甚麼海鮮湯)不錯看的刺身拼拼~=] X2盤不過有一份我地食極都食唔出的刺身,一片片身上有網紋...應該是蚌類壽司比刺身好吃=P炸物不錯！不過係我影之前已經掃光光了....清酒煮蜆也是。而湯品則只上了兩個怪湯....味噌湯可能售罄...味道太怪唔識形容...飲左兩啖就放棄了﹒XC===3ROUND2大家對三文魚刺身有種強烈的渴望,咁友人就填寫三文魚刺身X8. 特式既黃金三文魚X8本人超愛好炙燒三文魚就繼續點X16.也點了個燒物拼盤在大家期待之際~~

食得放題都知一定會漏單啦，呢間都會，不過唔算嚴重野飲千其唔好叫要沖果D，叫可樂好喇燒物同串燒OK !!剌身款式太小，但都算新鮮，個盤就大一大，左住晒，循環再用見倒個底D雪有好多食剩既剌身碎，整舊乾冰上去做乜....好靚咩....埋單三個人每人$210個人覺得唔太值

食過其他放題 諗住試新野 咪試下一座低就即刻羅張紙點野食tick完發現張紙右/左下角有好細既字 原來一張紙最多可以點幾樣唔同款既野種類又唔係多人 如果想食同一款野要係咁比紙仔張台又唔係大 個剌身盤又大大個 一個人又分得兩塊 根本就係取巧突登阻住哂到最後點甜品 最搞笑係 原來最多只可以點一款真係好肉酸咁既自助餐 食唔飽 細食入去吹下水既話就ok

好友生日, 一定要好好慶祝! 朋友喜歡吃放題, 所以今次揀了這裡吃任食放題。其實我不是第一次來了, 上次感覺很好, 所以帶朋友來『見識』吓! 我們六時已到, 還未到繁忙時間, 所以我們不用等位, 立即可入座。ＧＯＯＤ～坐下已急不及待點食物了, 最可惜當日竟然無芝士大蝦, 失敗! 不能回味那大蝦!! 我們點了多樣食物, 如炸蟹鉗、多款壽司、魚生、沙律、芝士焗西蘭花、芝士青口、青魚、炸蝦丸，還有拉麵等等..... 數之不盡, 既然任叫, 我們真的不客氣啊! 哈哈~~ 出奇的, 全部也有到齊, 我說出奇,是因為很多所謂任叫, 但都會有意無意的漏單, 這裡竟然無『漏單』! 食物味道值得一讚, 魚生夠新鮮, 青魚也很鮮味, 不覺太腥, 而芝士焗的食物, 芝士味濃淡適中, 很好味呢! 花之戀的味道也算不錯, 但飯團比較易散，青酒煮蜆的酒味較淡, 但還算可接受。飲品亦是任點的, 我不喜歡飲太覆雜的飲品, 只叫了汽水吧了。約吃了一小時半, 侍應話要last order,我們點了雪糕做甜品！朋友比較細食，這餐也吃得她飽飽，而且回味無窮。總括來說，這裡的任食放題值得推介，大家不妨試試！　

I don't quite understand why there are so many unsatistories on this page because my experience in this place was awesome!(And if anyone thinks that I am advertising for some kind of reason.. I can tell you that I am not because I work for tuttimelon not here.)hey! that's the cheesy prawns that everyone's going on about!!!not bad n indeed veryvery cheesy!I think the soup is the best part!!! not too strong but enough to be distinguishablequite a lot of clams n not a lot of empty shells in the hot

昨晚同朋友聚餐, 歡天喜地嚟, 一肚氣走 事原一坐底, 叫姐姐比幾杯水飲, 佢態度已經好惡完全無笑容地講"咁即係要幾多杯呀!" (聲線高8度) 初時諗住佢可能咁橋大聲咗者....算了!!! 之後寫好紙仔點食物時, 朋友叫"亞姐唔該" ...(咁橋又係佢) 佢d態度就嚟料喇.."唔好再叫我做亞姐,叫到老晒" (聲線高10度加惡樣) 吓.....我心諗 "唔通叫你做靚女咩, 叫得落先得架!!" 忍忍忍....忍咗佢 之後發覺完來全間店舖既伙計都係咁樣....超黑面....莫非我入咗嚟 "太刻薄" 講返食物方面 - 刺身 : 一般, 好薄身, 有d仲好"腥" (唔知係未唔太新鮮); 問佢地攞wasabi, 仲可憐過乞衣 炸物 : 好重油一團粉, 肥淋淋, 超溜! 熟食 : 牛- 好重梳打粉, 超淋呀!唔駛咬! 仲無牛味添; 蜆 - 又細又無肉又無味 ; 串燒一般 ;烏冬唔好食又無料; 全晚唯一好少少可算是壽司 不過軟殼蟹都係得團粉呢!! 得兩個鐘, 漏單情況不斷發生, 樣樣野等咗好耐, 搞到食得又趕又勞氣, 地方 - 枱與枱之間又窄, 地下又濕又滑, 枱面又肥淋淋,

2010-10-22今日考埋最後一科Phys223,,終庾完咗mid-term la~yeah!!!雖然心情一般,,但仍同班莊員黎呢度大吃一頓=]book咗9:30pm,,但等到10:00pm先入得,,差 而且已經冇曬芝士大蝦啦,,,差 坐低就係咁tick野食啦,,好肚餓@@d野食就睇相啦=] 我覺得唔太差,,不過刺身好厚,,但就唔多新鮮啦,,熟食唔錯!但有更多更多choice

聽d fd講有間日式放題o係佐郭跟住同女朋友去試下.一去到門口己經貼左一張紙寫左冇芝士焗大蝦最想食o個樣都無跟住嗌左d刺身,d刺身唔夠新鮮又唔好食,個盤仲要霸左3份2張枱,最搞笑既係2個人都要同其他2個人張枱痴埋~隔離o個枱仲要叫到佢地張枱唔夠擺放埋過黎我張枱,最離譜係d人都食緊野d員工就開始清潔用消毒o個d水抹枱,聞到o個陣味都唔想食野啦~

10月7號係我生日後既日子~今晚我兄弟同我補祝生日, 我就揀左食日本野~梗係揀任食個D啦~咁就去佐敦, 因為貪佢無MK個D逼得咁勁同多人.同個FD6點9去到, 原來之前既IROIRO 已經變左第2間~唔知改左名都轉左手, 變左做2000円, 咁黎到未試下LOL.見入面都唔少人, 等左2分中..有個部長出黎問我地係未食..我地話係之後佢就講分2個時段6-8同8-10, 8-10FULL左..咁問我地食唔食6-8..咁我地2個男仔, 1個中頭3個字都食得晒既..所以未入去~.一坐底.個部長就過黎話我地落既ORDER 會幫我地優先~@@, (即刻加分)之後佢地D WAITER 比其他有禮貌, 每當差唔多食完, 佢地會主動黎收, 同埋見差唔多飲完野會過黎問轉第2杯定幫你加添, 唔駛你落過單...抵讚!!!好, 講食物~一黎緊係即刻點刺身啦~都夠鮮, 上個時有乾冰同擺得都幾靚仔架~另外有我中意食既火炙3文魚壽司, 唔係間間放題都有另外熟食方面..牛肉粒啦, 清酒煮蜆(唔會好少, 隻隻有肉咁仔)炸蠔唔會好多粉, DWOR 都唔錯~返而串燒方面唔係太好~比完錢既時候就會有甜品紙, 有雪糕個D, 佢會

試過其他的放題，諗住試間未去過嘅，聽人地講呢間幾抵，所以一試...首先，叫咗D熟食如白酒煮蜆、天婦羅、芝士焗凡立貝等等都非常OISHII，好OK，但論到最主打的刺身就差D啦.....D SASHIMI 擺喺會噴煙嘅乾冰上菜係好特別，賣相好似仙境美食，但懷疑D咁大塊嘅乾冰唔係次次換新，所以感覺唔係好衛生。而且D SASHIMI 好似配額咁，每人每次每款只許叫一件，覺得食極都唔夠喉，非常姑寒，下次一定唔會再來，寧願去D真是任食剌身的放題再食過。最後一提就係個芝士龍蝦仔，叫咗無嚟，以為漏單，再叫都無嚟，點知原來係最後先上，結果攪到無乜癮。 下次唔會再來...

因為book左位 所以一去到就入得成10個人 當然咩都點d喇刺身,壽司,燒物,炸物...上就上得幾快ge 落左order5分鐘到就黎到成枱都係野食賣相都ok 但味道好一般三文魚刺身夠厚 但無味赤貝同魷魚都好一般 無咩味天婦羅層炸粉超級厚 同埋唔夠熱反而個金菇肥牛卷值得推介雞軟骨串燒ok 但雞腎就太乾身 仲食左其他 但印象都唔深因為有朋友仔生日 所以送左個壽司蛋糕同香濱壽司蛋糕真係一大件心形ge飯上面蓋d三文魚...好難食可能係要壓做心形喇 d飯超實 同埋面ge三文魚差過刺身ge好多不過係送ge就算喇香濱同提子味汽水無分別 有d失望位位$185(包加一)老實講 放提黎講佢又未至於係最差 但真係唔值得呢個價錢lor

同朋友慶祝生日, 當然一早book定位, 我們準時到達, 不用一分鐘已可以入座了。看了點菜紙, 食物款式多樣, 多達百多款, 有點懷疑是否點乜有乜。見到隔離枱的食客, 侍應不停的送上食物, 似乎並不是騙人的。於是我們也大胆點菜了, 我們點了多種刺身(三文魚、甜蝦少不了), 炸蝦、炸蟹拑、芝士焗大蝦、各款夀司、雜菜煲等等, 還有我的至愛『花之戀』! 味道方面, 我最欣賞芝士焗大蝦, 芝士味足夠但不會OVER, 吃一隻絶對不能滿足, 當然每人要再來一隻啦! 花之戀亦很好味, 三文魚夠新鮮, 而炸蝦亦可一讚, 但比較油膩。吃了約一小時三十分鐘, 侍應話LAST ORDER, 亦要先埋單, 但都可以接受的, 因為講明只吃兩小時。要提提大家, 有些夀司一客有四件, 要小心點選, 如果點選太多, 真係食飯食到飽!**忘記怕照, 下次一定會補上。總之, 我覺得這裡真的值得推介, 大家不妨試試。

刺生take4款三文魚,,甜蝦,,赤貝,,希靈魚得2款有黎,,我冇點的就有黎,,4個人點刺生份量得4片三文魚,3隻甜蝦,,其餘我地冇點的..樣樣order要追餐死先有得食....芝士焗大蝦由一入席已經點..,,到我地埋單先有.,,真過份,,,,,我奉勸大家不要去,,,慘過去乞....

差~~~兩個鐘頭內, 等嘢食黎架時間, 仲長過食嘢架時間, 啲嘢等好耐都唔到, 最離譜係"芝士焗大蝦", 我由一坐低就點, 到兩個鐘後要我埋單吹先有得食, 我問個waiter, 我等咗咁耐, 入咗幾次單, 係咪等陣會出返咁多, 佢跟住答我: 唔會架喎, 只會出返人頭數.....咁你一日唔出, 咁我即係冇機會re-order啦, 係咪先~~~~ 真係好嬲, 離譜~~~佢哋仲會喺半個鐘前last order, 咁即係叫我唔洗食唓~~~講真, 又唔係好平, 咁樣等法, 我覺得有啲欺騙成份囉~~~