2+2 Café (已結業)

因為見openrice 有優惠券，所以就一家四口去左食呢度嘅下午茶buffet，除返開每人$200。因為下午茶黎講，呢度都算多野食，所以$200都ok嘅。首先講下大家最關心嘅刺身，佢就有三款，分別係挪威三文魚、鯛魚同八爪魚，都幾新鮮嘅，唔錯唔錯甜品款式都有唔少。甜品櫃嘅話，擺中間嘅法式泡芙同下排中間嘅荔枝蛋糕都幾好食，下右熱情果蛋糕都ok，其他一般。法式泡芙特別搶手，手快有手慢冇，大家逢早食。左上有個寫住香芒布甸但應該係櫻花奶凍嘅白色東東，未食過用櫻花做甜品嘅朋友可能會覺得小伏，因為櫻花食落去唔係人人啱，佢咸得黎會有少少甜，我自己本身唔係太中意呢隻味，不過未試過嘅話都可以試下嘅。其他幾樣就冇乜特別，普通果凍嗰d，如果你係食buffet好有策略嘅人就自己衡量下食唔食啦。仲有朱古力噴泉。另一邊有一列蛋糕，有六、七款左右。其中檸檬撻係我最愛，裏面包住嘅檸檬醬好好味，入口偏酸，後勁帶甜，真係好好食架另外仲有千層蛋糕都ok，但係其他嗰d就一般好食啦，有d仲有少少連鎖餅店feel，特別係朱古力曲奇芝士蛋糕，根本個味同出面賣呢個蛋糕嗰間一樣（唔開名喇大家心照），都係果句，策略型嘅朋友自己考慮清楚食唔

又係係FB咩假期啲link到見到有promotion做緊summer berries tea buffet好似好正好多嘢食咁，勁期待咁去點知失望而回book咗位準時到準時入座，個場勁細，冇咩嘢食拎，甜品選擇唔多，個樣都唔吸引飲品吧得普通茶同咖啡，果汁都冇因為近期梳乎厘pancake大熱，所以我即刻去排隊拎咗件，啲配料自己揀，選擇都唔多，得少少醬，又冇新鮮berries俾人揀第一次拎個梳乎厘pancake，佢整到好核突，食落淋bek bek，真係好一般第二次見已經冇咩人排隊又冇咩嘢食，唯有再去拎多次吸取咗經驗後今次整靚咗，張想呃得下人不過入面都唔係特別好食成餐buffet除非呢碟之外就冇拎到其他嘢，極唔吸引，朱古力蛋糕，士多啤梨蛋糕同blackberry tart都唔impressive坐唔夠一個鐘走咗，係新城市food court搵其他tea食，見好多人仲早過我哋走呢個價錢自己出去cheesecake factory食件cake好過

臨近媽媽生日，家姐見有酒店房連自助餐優惠，就提議三個人去住。平日一晚酒店連3餐自助餐，每位大概$800，真係抵住！提早成個月訂房，終於到呢日，特登帶條one piece 靚靚食dinner, 喺酒店房影吓相當自己飛咗間房都幾舒適，自動upgrade 咗3人房3張單人床。至於當晚自助餐有每人半隻焗龍蝦，唔算多肉但味道ok唔少得凍蟹腳、青口、蝦，蟹腳唔錯都甜，青口好伏，無味嘅，蝦都幾爽口。再嚟刺身，都新鮮但款式唔多竟然有即開生蠔，實在驚喜！生蠔size 唔大，同Cityart 相比係爭些少，但即開即食，仲係超抵價入嚟住，都叫值回票價。沙律生果都爽甜熟食款式夠晒多，適合老人家胃口呢個川芎白芷魚頭煲雞湯真係足料夠味，超鍾意飲老火湯，所以忍唔住飲咗兩碗然後終於到餐朱古力mousse 好正，pinna cotta 都唔錯，另外兩款都幾好味分咗少少比家人，再攞多份歎同場加映夏日透心涼照一張

和朋友在這裡下午茶聊天，因這裡是我倆的中心點，而且未試過這裡的下午茶，兼且這個月優惠，二位都是四百+原價的10%服務費，所以來這裡一試。雖然致供應熱飲，但如果是咖啡的愛好者、這裡有很多選擇。因它們的咖啡機有很多款揀的。(泡沫咖啡、特濃咖啡、雙重特濃咖啡等....)魚生、凍蝦也不錯，熱盆有牛脷、炸魷魚鬚等。那個即做的芝士粉、有三款粉類可供選擇，我選了長通粉，因要了多汁，所以不會很乾身，十分美味。那個雪糕窩夫佷是脆口，可惜來遲一步，沒有好味的士多啤梨雪糕了。還有那個心太軟，裡面有很多溶了的朱古力醬。

入帝2+2都食自助餐，接待員，問我係咪住客，我答唔係，問我有冇訂枱，我答冇，只是街客，之後佢黑面答滿晒了，咁我一家五人就掉頭走之後又問番我幾位😡个接待話要坐入D喎，問我介唔介意，我话冇所謂，點知入到去大把位，出面自助餐枱有个強國靓仔向朱古力水柱吐口水，向職員反應竟答小朋友係咁，嘩！酒店？咩衛生要求！？食口水啞？！仲要唔係我一個人睇倒喎，自助餐又冇咩野食，全部平價食品，冇咩吸引，好似去咗酒樓食咁，咩豆腐花，豬腳薑，义燒蛋饭，生炒排骨，蘿蔔牛腩，水餃，西蘭花，豬頸肉，泰式鳳爪，藍青口，凍蝦，小型壽司檔，平平無其，雀巢牛奶公司幾蚊鳼既雪糕杯，完全鈎唔我既食慾，未試過去食自助餐自己會食咁少野，埋單千三元真係唔知点講，可能中咗招！去附近酒樓食我谂千三元五個人都大把野食

食開 buffet有條引。今次食正龍躉牌頭。出面買條龍躉柳都唔只呢個價啦。仲有其他嘢食。人流都好多，但未見有團購。可能係好食先多人食。waiter都好歡迎我地拍照留念。下個月再食。😍😍😍

難得兄弟姊妹加阿媽聚首一堂 搵間搭東鐵到得到嘅酒店 （因為姊妹中有生左BB嘅）於是選址帝都內嘅2+2 酒店環境尚算過得去 而且有條有蓋嘅天橋連接新城市廣場 就算比嘅小朋友跑跑跳跳都吾驚比車車親 但間2+2 cafe自助餐真係勁吾掂 首先每位收嘅價錢吾平 而餐廳地方有限不單止 就連食物供應都勁有限 我本人本身係對食物冇咩特別期望嘅人 每餐飯都係但願填飽肚子就可以個種 但係比得咁多錢去食一餐自助餐 就會唸下最少最基本嘅水準係會點？ 來來去去都係幾款腸仔、沙律、炒飯....一啲特色食物完全欠奉 食吾到正餐 唸住甜品補償！點知啲甜品晨早被人攞曬 出新甜品又確係慢！最後千幾蚊就咁雙手奉獻左比間cafe但個肚仍然空空如也😔⋯⋯最慘係個度啲職員吾比我舉機拍照 每一張檯 尤其出面攞食物個啲檯通通舉牌寫住「請勿拍照」所以總結今次選擇2+2cafe食buffet係一個錯誤嘅決定 我一定絕對吾會再幫襯

未試過食自助餐可以差到咁選擇又少仲話乜二十八周年如果係咁不如唔好搞而且又上網搞團構搞到間酒店仲差過D普通放題人多而食物少其實我坐左半個小時已經想走如果我想食叉燒反我駛乜比幾舊水入黎食

今天是丈夫生日，老夫老妻，當然要安排節目令他開心，知道沙田帝都酒店慶祝28周年推出優惠自助餐，我們行行城門河吃飯剛剛好。自助餐以龍躉海鮮作賣點，吸引不少捧場客，我們六時去到已是人頭湧湧。海鮮種類包括：熱的有龍蝦湯、海鮮龍躉腩煲、蒸龍躉球粉絲、芝士焗龍蝦憑券每位半隻；凍的有松葉蟹件、蝦等。燒味有北京填鴨，質素一般，醬汁葱瓜配料倒不錯。主食有燒牛肉及羊架，肉質味道普普通通。整體最值得欣賞的是刺身部分，有三文魚、希靈魚、鯛魚、北寄貝，款款新鮮甜美，手製的鵝肝魚籽手卷及香芒天婦羅手卷最好味，我們食完又食。最後我們以雪糕waffle 及lemon tart 代替生日蛋糕，依然甜蜜蜜！

早前睇左條片介紹帝都酒店有優惠套票，就同老公兩個人參加左星期日入住『一泊四食』既套票，四餐都係自助餐，包早、午、晚、下午茶，完全食到你厭呀！早餐係我覺得最好食，又多款，有中式包點、湯粉麵、西式早餐。午餐比下午茶的款式多少少，味道亦算可以，叉燒蛋飯，舊叉燒好硬呢。晚餐就有生蠔、芝士焗龍蝦，兩樣都一般。整體：味道一般，好似比以前差了。另外，覺得奇怪既係Haagen Dazs雪糕有出芝麻味？係我孤陋寡聞，定係掛羊頭賣狗肉呢？真係不清楚了。

今日係4月1號愚人節，仲意為比屋企人玩。點解咁講呢。因為佢地為我締做咗一個肥豬嘅美好假期。入住酒店再食足5餐。最好食係 Dinner buffet。龍躉做主題，再加一堆多款好食嘅食物。真係食到肥豬咁。粉絲龍躉腩，海鮮龍躉煲，天麻龍躉煲雞。。。一個字“正”。影咗啲相比各位參考。幾個黑 jacket都好有禮貌，食足幾餐都招呼好好。waiter 們都勤奮。走個陣仲推介我睇多啲 openrice，仲將會有個$598食3餐，叫我下次黎。真係住沙田多嘢食到咁。再黎一個字“抵”。👍👍👍

因為一大班朋友想約出黎食自助餐，想搵間有蠔食既，於是有朋友book左呢間野。入到去，見佢拎野食個位置，都算細，個刻已經有d 想打退堂鼓，不過約齊曬朋友無得走。坐底後，佢有張拎生蠔咭、龍蝦咭。之後拎張咭去拎生蠔，因只食上半時段既人係不能拎生蠔。去到拎生蠔見佢放左少少生蠔係枱頭，但原來係裝飾，未見過佢開。佢水喉旁另有一盤已經開左既生蠔，咁初頭諗住佢可能怕頭段多人拎生蠔，所以頭轉開定一部分先，但點知佢拎完一盤一又盤，全部都是開定曬，都唔知開左幾耐。不過第二日無肚痛，應該都乾淨既。而且d 生蠔真係好細隻，同埋好淡味，無咩蠔味，唔知咩品種。仲有另一個最不滿就係佢個片皮鴨夾薄餅。個薄餅用個蒸籠既野裝住，點知又係裝飾黎既，塊皮都凍曬同硬曬。個片皮鴨放左一隻係鉆板上面，但原來又係裝飾。d 片皮鴨又係一盤盤係枱底拎出黎夾去薄餅到，最慘又係凍既，全晚個隻鴨都未切過，好無誠意。蟹腳係細細條個d, 不算長腳蟹吧。甜品、生果算少，豆腐花又唔滑，超市豆腐花好食過佢，熟食又唔多，味道亦麻麻地。唯一煎豬扒、煎魚、羊架個部份叫ok。另外焗龍蝦，又係要用咭去換，每人得半隻，唔係大隻，d 肉大約等同2隻蝦肉大細，味道又係普

昨晚食完，好滿意，好企理，會再去，值得推薦，現在做優惠我只是$177之內價格，最欣賞咖啡和燒菠蘿，燒西冷扒雖細塊但好香，湯亦好好飲，飲了三碗呢！大家不妨一試。

訂了八時第二輪晩餐buffet,不知何故訂咗位、到咗七點五十五分要先排隊攞籌，再去另一條人龍排隊等入座，侍應服務只有茶餐廳水準，用餐環境擠迫、嘈吵，嘈到似大排檔，顧客水平差劣，好似搶食一樣，完全不能舒適用餐，非常不值得幫襯

之前都有食過呢間自助餐，之前有做團購都係冇用到都係用正價食，嗰陣嘅服務態度都可以，係打電話去嗰個人唔清楚，啲優惠講到一嚿嚿。本身諗住約二月尾去食，今日12:11 打去訂枱，聽電話嗰個人服務態度超差，第一次打電話去被cut線，第二次打去駁上駁等左好耐先有人聽，聽電話嗰個好似好冇耐性好唔耐煩，都算大家要小心，小朋友4歲要收大人錢🙄8個人以上訂枱仲要親身or恆生過左數先訂得。。。餐廳訂位食飯咋喎。。。非常差感覺，雖然呢間餐廳唔係話特別好好食，我都決定唔會幫襯了，我好少未食已經打負評，呢件係真人真事， openrice請不要剷除我這個負評！