影片
以上资料只供参考，请与餐厅确认详情
食家推介
本来见到有20个好评，但无话过唔好食，所以便去试吓。叫咗个生牛肉汤河，但个生牛河完全唔好食，粉汤底除咗胡椒味就系得个咸字。无肉味。食两啖就已经口干。啲牛肉还叫可以。不过价钱就$60碗啰。
继续阅读
由于朋友住系附近，行过去深水埗十分近，走进呢一间富有越南风味的店，听到店员系度讲越南话，好似去到越南咁招牌生牛肉汤河粉朋友拣咗生牛肉河，牛得果2,3块，但胜在够大块，汤底好浓郁，加上配料，哇超好味！鸡翼汤河我拣咗呢个，但就正常发挥啦，无咩特别。如果下次食，我会拣坐招牌果个。
继续阅读
是晚老婆上堂无饭开，趁机落一落鸭寮街买啲零件，顺便就晌附近食个饭。早两个月帮衬过「澳葡牛奶餐室」时，记得路过汝州街仲有家越南菜馆，所以，专登过嚟望望，就喺呢家「1986地道越南餐厅」。内里装修简单，唔会太传统嘅越南菜馆，但胜在光猛企理，而里面最「越南」嘅嘢就喺墙上啲画作同相片。 晌门口有啲单张攞，跟餐牌嘅一样，所以，都唔需要再影餐牌。睇睇，食物都喺𠮶啲啦，越式小食、法包、沙律、汤河粉、捞檬粉、饭品同饮品。 招呼无话特别好，但叫做用心，甫坐低，一大杯热水浸坐餐具，帮你消毒埋。越北综合牛肉汤河 $65多心嘅人，自然拣款「综合」就可以试多几款食材，而呢款牛肉汤河，就包有札肉、牛丸同牛展，啲𩠌料都好多，放满碗面，另伴有青柠角同啲辣椒碎俾你调味，小弟就喜欢成粒青柠放落汤提提鲜，并有种清香味。 札肉可以讲喺越菜地道特色食材，咬落几爽口，感觉唔会喺沟粉啲平价货，而且，味道亦唔错，有微微胡椒香。 牛丸睇落就好似无咩特别，但入口肉味好浓，口感都几爽口弹牙，细嚼后仲感觉到有咗份油香，唔错！唔错！ 虽然话牛肉汤河，但唔喺预期𠮶啲牛肉，而喺牛展，一样啱我。啲牛展炆得好腍、好入味，但食落却不失咬口感，仲要有好多片添。 拣河粉钟意其滑溜感，越式嘅河粉比我哋粤式嘅幼身啲，但同样咁滑溜，瀡一声就滑落喉咙，又有米香，份量仲非常十足。此外，更加唔好错过个牛骨汤底，喺越式汤河嘅卖点，净睇汤色，清而不浊，小试一口，果然够晒浓郁清香，绝无欺场。 芒果沙冰 +$15散点正价就$22，但有加配优惠，大大杯嘅沙冰，芒果味又十足，味道好清甜，最紧要喺打得幼细，饮到尾都饮唔到咩碎冰，配热焫焫嘅汤河，够晒爽呀！ 呢餐喺快闪晚饭，一支公就梗喺快上快落，不过，仍然享受当中越式嘅地道美味。
继续阅读
食正宗越南河，环境满有越式风味，听店员对话是听不明的语言，相信是越南话。深水埗是一个颇多元化的社区，好多国家菜式和味道可以在此找到！小店在比较入的汝州街，大家在附近可以来食一食！快价比高！人均：$69.招牌生牛肉汤河粉x2友人和我一致地选生牛肉河！除了河粉，可以选金边粉、檬粉或者粉丝，下次可以选粉丝试一试。牛肉不是肥牛，是嫩牛肉片，还要大大块，需要咬2-3口的size，另外正宗越南河是没芽菜，取而代之有洋葱丝、葱丝、葱花、香叶...饮品冻柠茶，茶味香！
继续阅读
今日经开深水埗,行到咁上下有D肚饿,边行边揾嘢食,又想食碗汤粉,见到越南小店就入去食入到小店,地方唔大,但系四四正正同埋干净就已经好够,佢嘅下午茶都低食,但我突然想食好耐都无食过嘅越南名菜生牛肉汤河🤣再加多个春卷同埋越式虾米纸卷,饮品就叫咗杯越式椰汁咖啡生牛肉汤河味道正宗,唔知系唔系太耐无食,觉得好正😍米纸卷食落好清新,重点系要加个越式酱汁,咬落烟烟韧韧春卷外面够晒脆口同热辣辣,用生菜包埋我最爱嘅芫荽,宁舍正重点我系最想饮嘅越式椰汁咖啡真系唔系讲笑,椰汁沙冰底加埋越式咖啡,一D都唔甜,又够冻啱晒我,下次会再嚟试其他嘢,因为真心够正宗同性价比高
继续阅读