18樓雞煲火鍋專門店

营业中

休息中

已經成年多冇食過火鍋放題啦!…今晚朋友帶我去荃灣大鴻輝食雞煲火鍋放題!我地大約5:45分上到去18樓，其實訂咗6點2位…晚市都係剛剛開始，好快已安排我地入座!仲比咗4人卡位靠窗邊位置我坐!跟住服務員問雞煲要幾辣?(細/中/大或唔辣都得嫁)先食咗雞煲再來火鍋放題!呢間都係要用手機QR Code落單嫁!雞煲份量剛剛好，仲配有洋蔥添…好嘢味呀!整體味道好好呀!再來個火鍋放題…今餐好滿足哦!睇下點咗好多打邊爐會食嘅食物!每次d份量唔會太多可以再點過!有海蝦，是日海鮮(聖子)，鮮牛肉片，肥牛，脆肉鯇魚片，炸魚皮，魚皮餃，黑椒牛丸，魚腐，墨魚滑，花膠片，自家製響鈴，南瓜片，金菇，生菜，西洋菜，原包出前一丁…食物好新鮮及種類多!仲有雪櫃內汽水飲品任飲嫁!仲有部軟雪榚機(乳酪味同抹茶口味比你揀!)

天氣睛朗，風和日麗，約了好友郊遊去荃灣城門水塘後，他建議搭Van落去眾安街大鴻輝中心18樓雞煲火鍋專門店吃唔使點豉油 的雞煲和任吃火鍋放題。踏出𨋢外週邊貼有彩色繽紛令人垂涎欲滴的各種火鍋照片，餐廳內地方寛敞和座位舒適，現場巳座無虛席 。先嚟咗雞煲 ，㨂了少辣的雞煲，香氣撲鼻，夠味的肉質嫩滑 ，不愧是鎮店之寶。吃完雞煲跟著注入沒味精的豬骨湯吃火鍋放題，用二維碼落單，有多種火鍋配料如花膠、特選肥牛、黑毛豬片、羊肉片、魚、蝦、蟶子、蛽殻類、等等；與別不同不油膩的手制嚮玲，沾上精華濃湯更是百吃不厭😋；選擇區有不同品種的蔬菜、多款飮品、也有甜品和雪糕 ，這頓豐盛的晚餐令我倆感到非常滿足！

<<Thursday Couple 為食記😋👣>>荃灣最出名就係美食好多，我哋發現仲有一個係食雞煲嘅大廈，專打邊爐食雞煲👀😹嗰度每日都好多人排隊等， 上樓食嘢，今次我哋都唔例外，去18樓呢間18樓雞煲度食自助任食火鍋！知道佢旺角都有分店，好岀名！非常期待😋上到嚟好大個招牌，好光猛同埋見到隻雞，就知道呢度係食雞煲嘅地方啦！😍開頭等上黎嘅時候都好多人！要等成7-10分鐘先上到去，之後發現原來都好多人嚟呢度一大班人打邊爐🥰😋🥳係幾啱feel 嘅！佢有好多唔同嘅套餐俾你揀一定要食嘅奇醬雞煲，惹味，性價比高，之後你就可以揀ABC唔同嘅餐，加小小錢，就可以俾你揀食到唔同嘅牛肉！一嚟到已經聞到佢哋嘅雞煲好香，麻辣味加埋啲花椒洋蔥芹菜等等，惹味到流曬口水，我哋首先食咗隻雞，跟住之後着自己上湯開始打邊爐😚🤩成盤雞真係好惹味，好入味！😋同埋你自己可以揀辣度，我呢啲就少辣就夠😂😂😂佢啲雞都好嫩🔥加埋啲洋蔥同埋芫荽可以話係色香味俱全😍本人極推薦等啲洋蔥加左上湯煮淋左，入曬味個陣食！正到痺！🥰跟住我哋用咗QR code自己喺電話度揀嘢食，全部都係電子嘅落單 🤩叫咗你最鍾意嘅金菇同

很久之前已經很想去吃雞煲 可是家人怕辣 所以一直擱置 直到最近 發現原來小辣也不是很辣的 甚至可以選擇不辣 星期六晚便和家人一起去吃雞煲一進入餐廳 給我的第一個印象不錯 光線充足 整潔 店員也很樂意解答我的查詢 了解後 我們點了小辣 雞肉肉質不柴 好吃 小辣只帶一點點麻辣 不嚐辣的家人都能接受得到 還說下次來可嘗試中辣呢！然後 我們開始點火煱配料 配料都是一般常吃的種類 但種類也不少 也很新鮮 自家製響鈴很特別圓圓一個 好吃 肥牛美味 我們還encore了數次呢！飲品有很多選擇 如汽水 樽裝茶 OJ橙汁 罐裝飲品等等 還有他們自家製的冬瓜茶很好喝 還一度清空呢!整體不錯 價錢不貴 下次會再來

直上18樓，都見到唔少人等緊派位，好彩時間尚早未爆場，一陣就輪到我地入位。今日簡簡單單就揀咗A餐食，都已經有好多肉類、蔬菜同丸類等等，最緊要係有海鮮，海蝦、蟶子、脆鯇片同白鱔片等，睇落都算高，不過都要睇埋上菜速度同質素再作定論既🥸 佈置走簡約風格，木檯搭配鮮紅色既卡位，佢地既吉祥物雞仔仲會融入係餐廳中，自家茶飲杯、雪糕杯、上菜碟同洗手間都見到，幾可愛。衛生環境都相當好，地下唔會濕滑幾乾淨，特別係洗手間都清潔得好好無異味👍 海鮮類方面，海蝦幾實淨，蟶子有沙，最推薦係蟹籽墨魚滑，食落夠彈牙惹味。脆骨腩同白膳片都有鮮味，唔易散，食落幾滑🦐 雜類都有唔同特色丸，好似豆腐脆脆魚蛋同醬爆豆卜咁，呢兩款丸都幾令我驚喜。最推薦既係自家製響鈴卷，呢個卷法令響鈴可以變得外面吸汁變軟，內裏佢仍有豆香脆身，打邊爐一流🥜

今日好興奮黎到荃灣出名既美食之塔🛕全棟野包羅萬有，例如雞煲、點心、火鍋、韓燒、放題到日式燒肉都有，係樓下拎咗幾張單張睇下就決定好今日主題就係雞煲火鍋一炮過滿足🥘 🐣入座後同侍應講咗要小辣雞煲就出去行一轉，因為雞煲都係佢地新鮮即叫即炒。出面有自助醬料吧、乳酪雪糕機、蔬菜櫃同埋飲品櫃，都有好多野可以自己拎，好方便。不過美中不足既係4個飲品櫃分布得比較零散，最後我拎咗比較特別既自家製台式茶飲 - 冬瓜茶 ＆ 桂花烏龍。冬瓜茶微甜不膩，桂花烏龍有清新感覺，好好咁平衡咗重口味既雞煲🥤 🥘雞煲上檯時已經傳來濃烈香氣，店員一邊翻炒一邊介紹食完雞件後就再加上湯就可以變身做邊爐。由於睇食評教路，我點咗支竹芋絲同腐竹呢類吸味材料入去自己再炒一轉黎撈埋食。雞件好嫩滑，醬汁麻多過辣，食得好過癮，情不自禁就會愈食愈多件🐥 🥩可能因為材料吸哂醬汁，加埋上湯落去轉火鍋湯底就好淡味。呢度係用qr code落單，方便又有記錄，唔使驚漏單。火鍋料有齊牛豬雞羊魚蝦等等，雪花肥牛比較好食，有牛味冇咁多肥肉。梅頭肉有咬口，食落有勁度，點醬汁仲正🐷 🍦最後食埋雪糕埋尾，兩款雪糕都帶點乳酪酸味，唔會食滯，仲有好多款toppings

去到荃灣，經過大鴻輝中心，見到有好多火鍋打邊爐選擇，見到呢間有唔同套餐和肉類揀，加上有冷泡茶飲就膽粗粗上咗嚟啦。1745入座，可能因為early dinner嘅關係，所以唔係好多人。一入座就有得揀雞煲咩辣度，我同朋友都食得辣所以揀咗中辣，雞煲好快上咗嚟，好彩芫荽味唔重，就算煮耐左，啲雞都唔會變到好老，因為個爐有保溫嘅功能。嘢飲方面，除咗有一般嘅罐裝茶飲和汽水之外，仲有新出嘅冷泡茶款，包括桂花烏龍，茉莉綠茶同台灣冬瓜茶，同友人飲完一致覺得桂花烏龍最好飲，所以依個冷泡茶飲係值得一試嘅。打邊爐料方面，醬汁蒜蓉嗰啲可以喺自助沙律吧度拎，仲有乳酪雪糕toppings可以自己唧，最欣賞係咖喱魚蛋 豆腐脆脆魚蛋 墨魚滑 魚皮餃 同自家製響鈴。總而言之，呢間打邊爐好多選擇，嘢飲有新鮮感，絕對會返嚟再食！

朋友今日放假，佢約咗我去荃灣行街食飯。呢位朋友好鍾意打邊爐，晚飯時候佢就帶左我上去呢幢大廈18樓食雞煲火鍋。呢度真係好大，光線充足，入到去覺得好乾淨。職員安排我哋坐窗口位，座位非常寬敞，坐得好舒服。可以一邊食雞煲打邊爐，一邊睇晒荃灣嘅風景，呢個景真係冇得輸。呢度係用qr code order，而調味料，乳酪雪糕，飲品，菜同上湯都可以在出面自己攞。呢度啲菜都好乾淨，全部雪曬落雪櫃度，已經預先分好咗一碗碗，食幾多就攞幾多。而飲品就分佈喺唔同嘅角落雪櫃裡面，每個角落嘅飲品都唔同，飲品種類都幾多。我就攞咗杯自家製嘅台灣冬瓜茶，朋友就攞咗罐韓國嘅烏龍茶。 雞煲有分大中小辣，兩個人大約半隻雞，我哋就叫咗小辣。雞煲嚟到嘅時候，就已經聞到好香。職員幫我哋撈勻啲雞攪勻佢，然後就可以開餐喇。雞煲調味調得好濃，雞好滑，微辣，好惹味，我同朋友真係食完一嚿又一嚿，冇停過口。食完雞煲之後，通常用返原煲倒湯落去就直接打邊爐。但係我哋怕太油，所以就叫職員換咗另外一個煲比我哋，然後响外面攞上湯返嚟，倒湯落去就可以。呢都有好多嘢食，我哋叫咗雪花肥牛，滑牛肉，脆鯇片，海中蝦，滋補花膠，魚腐，黑椒牛丸，豆腐脆脆魚蛋，自家製響

之前因為疫情餐廳晚市禁堂食，有朋友問：如果放寬返你第一時間最想食啲咩？對我嚟講，雞煲火鍋絕對係其中一樣。因為呢啲冇得外賣，就算真係有心係屋企自己搞都好麻煩，用一個唔貴嘅價錢換到美食同方便，當然揀間出名嘅雞煲火鍋專門店!套餐A成人每位$178，食足兩個鐘，選擇夠多，用電話電子落單，好快就上。食物新鮮，係唔錯嘅。雖然又愛又恨，因為好食但熱氣都驚喉嚨痛不過一次半次，唔理得咁多！唯有盡量揀食得健康啲啲1. 微辣食雞煲梗係要辣先有風味，原來微辣都好夠辣，而且帶少少麻，好香好惹味嫌唔夠辣嘅其實都可以喺出面調味料區拎多啲辣椒醬油2. 多菜少肉除咗有得自助拎一般嘅菜（油麥菜、西生菜、西洋菜等），仲有得點秋葵同萵筍！清脆爽口，吸咗啲醬汁零舍滋味。肉都係叫得一轉牛羊豬雞，對於我同朋友兩個人嚟講已經好夠食以下就揀幾樣印象深刻啲嘅點評一下雪花肥牛vs特級肥牛：前者有較多油脂所以滑身啲脆鯇片：唔係魚最好食嘅部分，有細骨，食嘅時候都要小心啲海中蝦：冇蝦腸，好食！滋補花膠：手掌size.. 好大片南瓜片：好甜推介香甜粟米：真係好甜XD自家製響鈴卷：大件咗啲，本身唔係特別鍾意食，如果鍾意食響鈴嗰啲人應該會好開心鮮淮山

今日放工，約咗朋友喺荃灣食飯，佢約我喺大鴻輝（荃灣）中心樓下等。原來呢棟大廈都有唔少餐廳選擇，但一見到「地表最強雞煲」就心郁郁，而且仲係任叫任食，係時候放縱吓自己喇！呢間18樓雞煲佔地全層，環境寬敞舒適，而且每枱都會放置一瓶上湯，方便食客食完雞煲之後打邊爐。另外，呢度係用掃QR code落單，真係好方便！飲品選擇都幾多，除咗汽水同涼茶之外，仲有自己製冬瓜茶同埋冷泡茶。我哋揀咗套餐A，有兩款肥牛（雪花肥牛同特級肥牛）選擇。因為朋友唔係太食得辣嘅關係，我哋就揀咗微辣雞煲。雞煲份量都唔少，個醬汁的確唔錯，濃濃既醬汁包裹住雞件，好惹味。雞件肉質細嫩，滋味！其實食完個雞煲都已經6-7成飽，轉打邊爐係喺原本個雞煲上再加上佢提供嘅上湯。食完雞煲後就可以用電話掃QR code order火鍋配料，配料選擇都唔少，豬、牛、羊、海鮮、蔬菜樣樣齊…呢度既上菜速度都好快，而且每款份量都少少，好啱我哋呢啲想每樣都試吓嘅人，啱食先再嗌，唔會造成浪費！火鍋配料質素都唔錯⋯自製響鈴呢個真係必叫之選！炸得好鬆化，浸一浸，索埋個雞湯，真係無得頂！海蝦好新鮮，蝦肉鮮甜彈牙，讚！花膠大大件，咬落去滿滿骨膠原，真係女士恩物，而

每次想食雞煲，就諗起18樓雞煲，因為雞煲真係位於18樓😂其實係疫情前都成日食，而家放寬左，終於可以再過嚟食雞煲啦！等埋朋友收工，7點半上到去，都要拎飛等左一陣，平日都要等真厲害！不過都好快有位㗎啦。其實係二人細枱要等一陣，如果4人就以上係有大枱唔洗等。原來而家有分ABC餐選擇，分別就在於牛肉同海鮮種類，我地都係揀番最普通嘅A餐就得啦，因為A餐一樣有2款牛選擇，亦都有海蝦同是日海鮮食，抵食啲。之後揀埋雞煲辣度就可以坐定定等食啦我哋唔食得好辣，所以揀左微辣，岩岩好！雞煲一上枱就食得，嗅落好香好惹味，不過就咁食覺得咸左小小，所以朋友提議加啲配料落去一齊食。。。推薦大家先order土魷，牛柏葉，魷魚，花膠，腐皮，加落雞煲一齊滾，但無需要加湯住，只係用雞煲汁加熱就得，記得要撈勻，之後等佢煮一陣就食得，真係超好食！我地食左兩轉！咁樣煮啲土魷同牛柏葉都唔會過淋或者太硬，口感適中味道剛好！之後就可以用QR code 點食物，無網絡唔洗怕有WiFi可以用。手機點食物好方便，又快又無漏落，基本上落order，2分鐘食物已經上枱啦。食物都係跟人頭份量，岩岩好唔會太多。而且啲碟好可愛，有雞仔圖案，乾淨又靚。。

雞煲好食，重口味人士就岩味，如果唔係就覺得略咸火鍋配料選擇少，冇蟹子丸，海膽丸.....醬料只有:炸蒜，熟蒜，蔥，指天椒，豉油魚皮餃好難食...魚皮冇咸味，加湯個湯冇咸味飲品亦冇乜選擇冇杯裝雪糕經理直接當住客面小下屬，冇哂尊嚴，員工全冇笑容都好難做得開心總括黎講ＣＰ低，寧願去返食馬辣好過

限聚令放寬，見好耐無食過雞煲，早幾日約埋朋友一齊黎荃灣呢間雞食晚飯, 朋友食飯吹水岩晒。上到去全層都係，環境幾乾企理，座位亦好闊落。識食一定雞煲食中辣！醬汁重口味，同出面買既醬唔同，呢度真材實料好多，料頭（洋蔥，蔥，蒜，芫荽）都好足！雞件大大件，唔會無肉食！值得一讚係入座時每張台已經放左壺湯係度，方便食客自己加，唔夠仲可以去自助吧拎tim,唔洗下下叫人幫手加！食物方面，一定要推介下呢度啲海鮮！好多款式，有蝦同墨魚仔，每款都好新鮮，大推！飲品亦有好多選擇，仲有支裝飲品，讚！

屋企人好鍾意食雞煲，所以平時成家人出去食飯都好鍾意食雞煲18樓雞煲係其中一間我地鍾意既雞煲店店員安排左座位之後就會問我地雞煲要大中小辣，我地唔係好食得辣所以我地叫左小辣，佢地既雞煲好惹味，雞件啖啖肉，食完仲會有少少麻麻既感覺，正佢地既配料都好正同好多選擇，佢地既牛肉質素都幾高而家仲有鵝腸做配料，係任食火鍋真係比較少見而家仲有炸蝦片，脆卜卜，係新既配料呀鍾意食海鮮既緊係要食海蝦啦，蝦肉鮮味彈牙另外我仲好鍾意食墨魚滑，彈牙又有粒粒墨魚肉蔬菜既種類都好多，仲有淮山同萵筍飲品我就鍾意冷泡茶，解膩一流最後仲有自助雪糕機，有芒果味同埋乳酪雪糕仲有朱古力碎同醬料自己加落去，食完真係非常滿足

好多年之前我好鍾意食萬豚屋， 個陣夜晚來黎食排曬隊， 就算大熱天時都會好多人等。 近呢兩年都好少夜晚過嚟， 唔知仲有冇咁熱鬧。今次係因為晏晝嚟開尖沙咀， 想帶男朋友嚟試下石頭鍋烏冬， 一如以往， 我都係點香辣麵豉湯海鮮手打烏冬， 由我第一次嚟食之後每次都係食同樣嘅嘢😂， 記得最一開始好鍾意， 後來覺得佢哋個湯越嚟越濃， 食到底會好鹹， 今次嚟又變左淡d, 進步咗!👍🏿不過一個石鍋烏冬其實已經好飽所以就冇再嗌其他小食， 除咗播嘅歌唔係太襯個環境之外， 其實我覺得呢度都幾令人滿意😂 限聚令既唯一一個好處， 啲人唔使坐到超級逼。