18樓雞煲火鍋專門店

营业中

休息中

都多環境幾好飲品選擇都多但係茶類就有啲水，旺角依間好多靚仔服務員😂已經食過好多次辣到方面啱啱好味道重口味鍾意食雞煲可以去試價錢都OK學生哥可以去試平靚正服務都幾快

18 樓雞煲火鍋專門店一入店鋪就比咁懷舊既裝潢所吸引，有充足嘅光線及周圍環境好乾淨，地下唔會又濕又冼，食都食得舒服，枱與枱之間都幾闊落，出入唔會頂黎頂去，朋友攪聚會吹水一流👍🏻雞煲：叫左個唔辣既雞煲，二人大約有半隻雞既份量，好好味，完全係色香味俱全，一路食仲唔會話好口渴好想飲野，食晒啲雞之後就可以自己加湯轉火鍋，而佢加既真係湯黎架，並唔係加滾水，所以都 keep 到個味道👍🏻火鍋料：用 QR code 落單十分方便，分類亦都清晰，都有好多選擇，份量多數以件數計算咁叫，方便唔會叫太多而浪費，點單後上菜時間快，數量亦都跟足，另外店舖以不用點豉油作招徠，試過又真係可以，食物本身都幾有味，值得推介既係響鈴，大大件脆卜卜，落湯兩秒就食得😋 而其他火鍋料都唔差，都可以 refill.飲品及菜類都係放係雪櫃入面，一眼就望到要攞既野，選擇種類亦多，基本上唔會試得晒😂最後甜品只有雪糕，不過可以加其他配料，有原味乳酪及綠茶味可選，食完一杯又想食第二杯👍🏻👍🏻

本身就好鍾意食雞煲😋😋見到旺角有間雞煲打邊爐放題就一於去試吓去到真係有驚喜😍先試咗佢嘅雞煲，揀咗個微辣好入味👍🏻👍🏻堅正，加上自己本身唔係好食得辣，佢呢個微辣啱啱好嘢飲種類都好多😎自己出去拎不得不讚佢個烏龍茶個樽幾有特色🥰地方夠大，裝修懷舊本地特色👍🏻之後打邊爐，全部都係用QR code落order自己揀☺️大部份菜式佢都講到明係一粒定還是一份，咁樣幾好唔怕浪費，自己想食幾多粒都可以自己決定因為平時打邊爐好多都寫住半份唔係好清楚個份量，呢個我又覺得幾好👍🏻嗌咗佢份牛，又真係幾好味😋唔係普通好cheap嗰隻肥牛😍成件事性價比非常之高😍至於海鮮方面都好新鮮，選擇黎講都算多，整體上都唔錯👍🏻最後最後佢個雪糕區😍😍超級驚喜成晚最最最滿意就係個雪糕😋😋乳酪雪糕，勁好味佢嘅配料仲好出色👍🏻有椰果有爆珠呢間嘢值得再去👍🏻平，靚，正😍真心有驚喜😂

朋友約食飯但佢話因為糧尾所以要食平啲， 聽到價錢嘅時候心諗又有雞煲又有任食火鍋咁平啲食物會唔會好差呢🤔🤔 但既然朋友拍曬心口保證唔會失望咁就試下啦😋雞煲我哋選擇咗小辣，雞肉嫩滑惹味又唔會太嗆喉！雖然揀咗最平$178嘅餐，但雪花肥牛同特級肥牛都正正常常唔會淨係得啲肥肉，而且食落唔會韌！配料選擇都有好多款式，無論丸類定海鮮款款都唔錯！蝦滑彈牙有鮮味、炸芋頭芋香十足入口即化、蔬菜鮮甜！蝦片同埋響鈴炸到好鬆脆，重點係完全唔會有油益味😋平時少見嘅泰國粉絲都有✌🏻最有驚喜係估唔到連白鱔都有得任食，絕對係回本之選👍🏻飲品足足有幾個雪櫃，一定揀到自己嘅心水飲品😍個人認為今餐性價比十足，唔使等到糧尾，下次想食雞煲嘅時候肯定第一時間諗起18樓雞煲👍🏻

呢度啲蝦好新鮮，啲蝦啖啖肉，另外啲蝦肉係爽口㗎嚟到呢度大家一定要食黑椒牛筋丸，同埋黑椒牛丸呀，兩樣牛味都好足夠，爽口彈牙，另外有啲肉汁鎖住喺裏面呀，係呢度嘅必食推介餐廳嘅上菜速度, 係好快餐廳環境有好多卡位呀，而且係新裝修，呢度嘅環境好乾淨，同埋啲枱與枱之間有一定嘅距離，好寬敞黃色嗰個芝士豆腐, 有好多芝士喺裏面㗎, 變咗啖啖都有好香濃嘅芝士味, 呢個一定要食墨魚骨, 亦都係新鮮同埋爽口彈牙雪糕方面綠茶味好香濃呀, 畀原味好食㗎, 所以一定要食綠茶味

18樓雞煲真係吸納好多年青人去食，平日夜晚約咗個朋友去食，差唔多大半間餐廳都係年青人，枱枱都好多肉，再望下我哋張枱，反而就好多蔬菜，唔通呢啲真係年齡差距有關😆？？兩人雞煲仲要係唔辣嘅，夠晒養生，食完個雞立刻整咗兩份娃娃菜響個胃打咗個底先，娃娃菜好新鮮，吸晒雞煲嘅精華，自覺聰明食法😎18樓雞煲除咗價錢平吸引之外，佢自製冷泡茶，同埋冬瓜茶都係賣點，我自己就最鍾意飲佢嘅桂花烏龍，飲完成個口腔帶點清香🌼除咗蔬菜我主攻佢哋海中蝦、白鱔片、紐西蘭羊肉片👍🏼👍🏼不過每次叫親就算打上幾多數字，白鱔都係得四片🤦🏻‍♀️而我朋友就喜歡滋補花膠，大塊及夠膠質👍🏼有一點想佢哋改善嘅係個軟雪糕🍦希望下次食到有香、滑口感啦😅

今日嚟到位於旺角嘅18樓雞煲，上網查睇原來佢兩間分店都真係18樓個喎，一上到去就係懷舊嘅裝修，見到一個過屬於香港舊地方嘅商店真係會令人好懷念，咁坐低之後職員就問我哋想要乜嘢辣嘅雞煲，我哋揀咗小辣之後就出去出邊自己拎醬料同飲品仲見到佢又得唧雪糕，心諗食完邊爐之後一定要試吓啲雪糕。咁首先講雞煲，小辣真係好啱一啲平時唔食辣嘅人，因為入口嘅時候唔會覺辣，但之後會有少少麻嘅感覺，食得我好過癮。之後打邊爐嘅部份佢落單係需要手機掃QR code，咁樣好環保，因為平時落單一定會寫好多張分開落。佢上菜嘅速度都好快而且食物亦都好新鮮，佢另外嘅蔬菜係要出面自己拎嘅。整體來講，都覺得幾好食，而且最重點嘅係佢嘅場景真係好靚充滿着香港嘅特色

同朋友成日約都唔知道去邊度 食你食去都係嗰幾間好悶呀 今次試咗喺旺角呢間雞煲 雞煲底料好鮮甜😚食個雞煲最好食之一💯💯食完雞煲仲可以加湯變做打邊爐 🍲放題嘅形式 材料可以無限添加 任飲任食 仲有啤酒任飲🍻啱晒同朋友一齊去聚一聚😋一個人只係二百幾蚊 物超所值啊‼️‼️

喺旺角搵地方食嘢，諗起呢一間打邊邊個雞煲好味道，所以同朋友嚟到呢度打邊爐。入到裏面發現裝修唔同咗，好多霓虹光管嘅招牌裝修，好有老香港嘅感覺。坐低之後要咗個唔辣嘅雞煲，冇幾耐就已經熱辣辣上枱，好惹味，食晒啲雞之後，就將啲上湯倒入個鍋裏面，開始打邊邊。所有打邊邊材料都係用電話落單，方便簡單。起身去攞飲品，發覺呢度有自家製嘅飲品：冷泡桂花烏龍茶及自家製台式冬瓜茶，我就揀咗冬瓜茶，入口唔會話好甜，又夠凍，正！打邊邊當然有好多肉：羊、豬、雞、牛，仲有不同種類嘅海鮮，蝦🦐夠晒鮮甜，但係海鮮之中我嘅至愛就係白鱔，切得夠薄，煮熟之後入口夠煙勒，好味道！咁多肉類之中，我最喜愛的就係啲滑牛🐂，冇乜脂肪，肉質又滑又可口！

態度差左好多，死都唔肯比卡位我，上次話冇訂位唔比卡位，今次訂定位去到又唔比，比埋d廁所位我，持住多人黎食，生意唔憂做咁，我話出去再等卡位佢夠膽死話唔知有冇位，激死，唔會再去，

至從疫情，已經好耐無食過自助餐。今日難得放假，食一食雞煲過下癮。我鍾意呢度夠空間。坐得舒服，而且裝修都唔錯。重慶雞煲惹味又香。雖然天氣依家好熱，但坐係呢度冷氣夠凍，無野可以阻止到香港人想打邊爐嘅決心。雞肉質地順滑，味道濃郁。加左少少辣，所以食得好開胃。好想再encore雞煲，整得好好味。食完要繼續打邊爐！肥牛任食，新鮮有夠滑。依家電子落單真係超方便，又環保！食左好多靚肥牛。蔬菜，丸，應有盡有，已經好耐唔食得咁開心咁放縱。仲有呢個特別嘅響鈴。浸一浸個湯底，脆身又吸晒啲汁。已經encore左幾個。出邊仲有好多唔同飲品自己攞。食完仲有甜品！開啟第二個胃。食得好滿足。好抵食又多樣化嘅食物，係一個好值得再回頭嘅餐廳。

放工就走左過嚟食喇，好正喎十八樓雞煲就開喺十分樓🤣環境幾好，牆壁有香港特色嘅佈置，靚！叫左個中辣雞煲，唔係太辣。雞件就偏細件，都多骨，不過肉質就適中，個人認為雞煲醬幾好味，不過就雞煲而言就唔夠滿足，呢個價位就冇話要求咁高啦。然之後，火鍋嗰方面可以手機落單，好方便，火鍋食材都幾齊全，亦有簡單基本嘅海鮮（蜆、蝦、魚），飲品種類都多，湯底冇乜特別，但食材都新鮮，所以整體嚟講都唔錯，都好食！但係乳酪雪糕成日都畀人吱曬，對於好想食雪糕嘅我有啲不滿，之前幾次嚟都食唔到，今次終於食到！！(￣∇￣)

同老公講講想食雞煲，又比佢搵到間又抵又高質。我哋當日大概7:30去到已經全場差唔多爆滿，好彩仲有位。由於我哋對牛嘅要求冇乜所謂所以就揀咗一個比較優惠嘅套餐A。到去店員即刻幫你落雞煲問我哋要咩辣嘅程度，飲品、雪糕、醬料、綠色蔬菜，都係喺出邊自助，你要食物都係經過QR code落單，方便又快捷。呢度嘅雞煲醬汁10分野味，食物送上速度快，而且種類都好多。呢個咁嘅價錢，海鮮種類都唔少，竟然仲有白鱔片，真係好抵食。成晚都未試過有漏單嘅情況，而且店員收拾嘅速度亦都好快。

閒日夜晚同老婆嚟食，好彩本身有book位，七點幾嚟到已經幾多人。我哋揀咗套餐A，$178加一任食兩個鐘。最平嘅套餐A嘅配料選擇都多；scan qr code落單，菜、飲品同雪糕就自己出去拎嘅。雞煲辣度我哋揀咗小辣，一上檯已經聞到好惹味，份量都幾多，淨係食雞都飽飽地～雞肉都幾嫩滑，最正係個汁，加埋啲花椒同辣椒，好濃好入味，我同老婆都食到唔捨得加湯跟個教學加兩吋高嘅雞湯打邊爐，私心推薦以下配料：自家製響鈴呢個真係必點，自家製嘅響鈴特別新鮮脆口，不過都幾飽肚，一人一件啱啱好。雪花肥牛以咁平嘅嘅任食火鍋嚟講，呢款雪花肥牛好有驚喜，牛肉冇筋，肥瘦比例恰當，唔會好多脂肪，頗有牛味。是日海鮮是日海鮮係蟶子，冇沙，有海水味，幾鮮甜。脆魚鯇肉質結實脆口，厚肉脆身。白鱔片平時食鱔都唔平，但呢度嘅白鱔片唔會將貨就價，好新鮮好爽口，絕對係回本位！！我哋encore咗3次水魷彈牙爽滑，一啲都唔韌。花膠口感偏腍，任食過吓口癮都唔錯。墨魚鬚新鮮有咬口建議再飽都一定要食雪糕，打完邊爐食杯酸酸甜甜嘅乳酪雪糕，清新解膩。整體嚟講，十八樓雞煲啲食物都幾新鮮幾好食，而且環境幾乾淨企理，加上超親民嘅價位，絕對係值得encore

荃灣18樓雞煲以往一直都係我至愛之一，好食、坐得耐、舒適、平！旺角新開，放心一試。唔知係荃灣同旺角的分別，還是政策改變了。雞煲無得再加，再加要$45。時間由2.5小時轉了2小時。比較失望係雞煲添食要加錢，原本的雞煲份量𣎴多，2個人食亦嫌少。呢個價錢，雞煲無任食，算少了個賣點。火鍋料整體質素正常。選擇唔算好多，但也不算少。湯底一如以往雞煲後加湯，不過今次覺得個湯底無味，好淡。牛要B餐，牛肉和原本的肥牛也有分別。 餐廳有一些自家制的樽裝茶，但好淡，同其他火鍋店的茶比有明顯分別，有分別。環境舒適，全場以卡位為主。上菜也快，沒有漏單情況。