1212+ (已結業)

Chinese Food and Japanese Food. Quite a wide variety of food in the menu. Quality of food is high, particularly spicy food. I like the "Lotus Leave Fry Rice" most. Wine is also served with proper wine glass. Service is generally good and very responsive. I sat at 13/F and a bit away from the stage but can still hear the singer singing the songs. Really relaxing and enjoyable dinner this evening.

本來想去酩霞飛，但衰衰o甘話要九點半交檯，不知所謂！一家人諗住慢慢坐下食下等聽歌，要比人趕，o甘就當然不光顧它啦。那便試試這一間，我們坐在第二層，環境裝修很好。六個人要了：- 口水雞- 瑞士汁鴨舌- 馬蘭頭百葉卷- 蒜香骨- 東坡肉- 醬茶鴨- 紅油炒手- 金華火腿娃娃菜- 辣子雞- 海蝦、南瓜、蕃薯天府羅- 荷葉飯、擔擔麵- 2客高力豆沙- 茶+ 1瓶紅酒食物普遍不錯，辣的菜比其他菜館做得辣，辣子雞夠入味，荷葉飯用料也挺好。服務一流，換碟斟茶做到足。九點後有人唱歌。見到有宵夜buffet和假日buffet，價錢也合理，再來的話，會選坐二樓"外邊"的紫色sofa位，像很舒服的~

環境沒有相像中那樣寛敞，當日13樓重沒有開放添！但樓高兩層都很有空間感，中間重有一個小舞台，相信晚上會有live band。食物以中日菜為主，個餐牌都幾特別。像個面譜，分中日菜餐牌。兩個人吃午餐點了一份天婦羅、一客燒鯖魚、一客茶碗蛋、一份荷葉飯及一客蘿蔔絲酥餅。其實食物質素很是一般，不過不失沒有多大驚喜。其中以荷葉飯頗具特色，拳頭般大裝在一個小瓷碗內，用點心籠盛著，幾別緻。兩個人埋單二百五十元，若當新嘗試，試一次無妨。

因有屋企人生日，所以選擇該店進餐(唔使等位)；當晚我一家五口(全成年人)到該店，選擇了一個四人餐及另加一些食品，而該晚我最喜歡的係個蝦球(唔記得乜名)及甜品，而壽司方面都好新鮮；服務方面，該晚一直都有位服務員服務我們，及對每道菜色都作介紹及推介。

乜有任咁任食咩? 只係遠望見到有set dinner 介紹,可惜我同朋友仔都最怕叫set,所以都係A La Carte.本來諗住食日本菜,但係發現上海菜仲吸引,結果兩個女仔叫o左5碟食送. 犀利哩!1. 口水雞:又麻又辣,仲有碟冰凍青瓜片俾你"過冷河",好正.2. 瑞士汁鴨舌:去o左骨,一般冷盤. 如果係花雕o既話,仲好啦.3. 排骨麵排骨炸到麻雀size,有五舊. 香口. 但係d 麵就一般.4. 番茄蝦仁窩巴:佢應該問下我o地要唔要分開上. 一o黎到就淋晒汁,食兩食都已經淋晒. 敗筆. 不過味道係做得好o既.5. 雜菌蒸旦白:好好味. 好似荷塘豆腐,正.我o地九點幾去到,覺得十二樓有live band好嘈,要求轉位,結果坐o左十三樓,d紫色太空椅好好坐. 可能係星期一晚,得六七成人, service都好ok. 唔知點解其他人d經驗好似差咁遠gae?

乜係成龍開架???唔怪得咁氹 本裝修啦. 都係因佢樓底夠高,我先同朋友黎慶祝生日咋! 如果唔係, 都唔去朗豪坊呀, 果場太逼了魚片麻麻,冇鮮咪既?? 依家想搵間好食既店真好難, 可以講呢度連好彩既質數都比唔上!不過浪費呢度既裝修. 唔係既同班客佳下傾下都幾正!

未曾到過一間服務態度如此差的餐廳!只不過是一杯熱奶茶, 等了半小時不見, 再三提醒經理, 結果要再等多半小時才來,還是凍冰冰的!主菜, 甜品亦遲遲未上, 服務生及經理的跟進好像只是應你一句就算.某些餐牌的食品描述與事實不符, 食物份量亦奇少!食物味道極之一般, 不如去快餐店好過!

同學生日，搵地方食飯慶祝，最尾揀左呢間成龍開既中日ｆｕｓｉｏｎ菜餐廳。因為要食９點後，所以決定食宵夜ｂｕｆｆｅｔ，由９點半開始，可以食到１２點ｌａｓｔ　ｏｒｄｅｒ，之後仲可以坐耐ｄ。９點半去到，佢話要等多一陣先有位，所以叫佢幫我雪住個ｃａｋｅ先！！入到去，環境唔錯，樓底好高，仲有ｌｉｖｅ　ｓｈｏｗ，有個菲律賓男人唱歌，不過無乜人聽佢唱，但係因為我地坐係個台前面ｄ卡位，所以都俾下面拍下手，費事佢咁慘。但係好大聲，搞到次次都要等到佢停左先講到野。由於係任點任食，所以唔知佢既份量，所以問定佢一即係代表咩先，佢話係一人份量。見到張食物紙，款唔多，大約有五十幾款，一半係日，一半係中，最後我地決定分開點，第一ｒｏｕｎｄ淨係點日式，壽司，串燒，天婦羅，普通貨，無咩等別，第二ｒｏｕｎｄ就中式，乜餃乜餃，乜都點，好麻麻，最好都係個麻辣擔擔麵。第三個ｒｏｕｎｄ就點甜品，因為大家都好飽，所以每個款淨係點一人份量試下先，諗住好味先左點，最後都係無再左點過。食到飽飽都係１１點，所以決定黎多個ｒｏｕｎｄ，叫返之前覺得好味既黎食～～其間，食到一半，我就出左去叫人拎返個ｃａｋｅ俾我，同埋叫佢幫我點唱生日歌，ｗａｉｔｅ

上星期六晚同埋班Friend唻食飯，共四女二男（記住呢個人數組合），八點幾到但冇訂位，好好彩又唔駛等位喎，坐左響鐵板燒前面那張檯。六個人嗌左個六人餐，但因為唔係我嗌dish，都唔太記得有乜得揀，再者d野食普通過普通，都唔記得具體食左邊幾樣啦，淨係記得有大蝦天婦羅、醉雞（個酒味勁「特別」）、紅米sushi、紅燒雞絲翅、菜螃蟹、甜酸魚塊...Order非常細，四女二男，四女都係唔係好食野個type，點知六人餐都唔夠食，要嗌多個雙子乜乜炒飯先夠，即係又貴又唔好食而且又要細細碟。講多四個好笑野俾大家知：(1) 一坐低佢會問你飲中茶定日本茶，問佢中茶係乜日本茶又係乜，佢好似冇答我中荼，淨係話日本茶係綠荼，所以我地要晒日本荼。拎左兩壺唻，兩壺都唔同味，我地問返佢，佢夠膽話一壺特登淡d而另一壺特登濃d，好細心喎～！最終我地要求要兩壺濃既，但d荼真係好唔掂（可能變左中日溝埋一齊）。(2) 寫單時冇嗌甜品，點知個小姐話落單時已然定左中式，但我地其實冇嗌過，而中式係番薯糖水（我地差唔多全部人變臉），問佢日式係乜，佢話紅豆燉蛋，但又唔改得...我地嗌返落單個部長埋唻叫佢轉啦，佢竟然話「燉蛋賣晒啦，冇辦法」，

Visit this restaurant on last Sat for dinner, the decoration is good. But price is very expensive, $120 超細件勁薄網燒牛肉.........very very small portion, miss order and order wrong food for us happen TWICE!! Very expensive, doesn't worth, NOT RECOMMENDED.

七時到達，但待應竟話位置好的都已訂了，於是上了二樓，之後附近枱開始有客，而且來的客人都smoking，待應竟給了smoking area我地，我地一早話non-smoking 。之後上菜的速度超「快」，我地吹左好多次，就連結帳都要吹，我地仲見到枱枱都捉住個部長投訴，我地當然都投訴。到結帳時個部長收左錢竟唔找錢，為了被免掃興，就放棄再捉住個部長追數。總结1. 被"帶位"人員老點遊花園~ 非吸煙變吸煙區2. 四人食飯被當作只有三人~ 不斷拿走碗筷/只給三套碗筷3. 斟茶的茶壺的"獨特漏水"設計4. 據說似玄米茶的japanese green tea (味道卻像苦茶) 5. 被店內樓梯的"未ready 好"手柄的刺"拮親"手6. 叫三款食物等大半小時也未到7. 看見在店中原地轉圈兼呆呆地像暑期工的店員8. 看看店員在派"醬油"給沒有人坐的空桌子的"奇景" 9. 看見每枱食客也面露不悅/ 投訴後送上的怪味楊枝甘露

入到裹面,覺得佢地既裝修好堂皇,樓底好高,而係旁邊重有部透明既玻璃電梯.感覺好特別^^ 至於食物方便,我就最欣賞佢地既神州生煎包,小籠包,除此之外,我重食左一個叫"去骨雞奕..道菜出既時候..d汁係個石頭度滾滾下...好特別呀... 至於服務..都幾有禮貌...衛生都幾好.... 價錢都算合理啦^^

今日同老公去朗豪坊, 正煩食乜, 點知經過1212+, 想起雜誌提過是成龍開的, 即管去睇下乜料. 入到去, 樓底夠高, 又有小型舞台, 仲有玻璃做嘅電梯(不是載人, 而是載食物的), 幾特別.原來假日午市有放題, 一問價錢,每人$138,再睇點菜紙, 選擇都幾多. 有剌身,壽司,日式及中式食品,甜品, 我地二人分三輪,共點了60樣食品,d食物都嚟得幾快;且侍應態度都幾好.瑞士汁浸鴨舌,開水白菜,薑汁拌露筍,特色湯炒麵馬蘭頭百葉卷均是不錯嘅選擇,剌身亦夠新鮮(奇怪甜蝦並沒有"mock"殼,食時頗麻煩).吉士鵝肝石榴球幾特別,但建議只食有肉部份,不要吃白色薄皮,因炸過勁索油.侍應會一早問你飲乜,但就無俾drink list,要小心. 唔好以為飲茶可慳番d錢, 因為會跟茶樓一樣, 每位盛惠$9.

我又睇雜誌介紹，o尋日同老公走o黎試下。先講環境方面，樓底高、地方閣落，玻璃樓梯，仲有架兩層高全玻璃傳菜電梯，在設計方面睇得出花了不少功夫。再講食物方面，玩fusion野，有中菜同日本料理，睇落好似好多元化，不過要食落先知。有兩款set menu，唔算貴，分別係$188同$3xx一位。不過唔多o岩食，所以決定散叫。因為有中有日，所以揀了好耐先決定得到食d咩野。中方面有：麻辣擔擔麵，要了加辣，一上已知不錯，湯底非常之夠麻辣，唔算太辣，不過辣過後，真係有種麻痺感覺。可能湯底好的關係，麵就不算太突出，叫做OK啦。口水雞-雞算滑，但沒有雞味，不過精粹在於醬汁中，又係好清楚有麻有辣的口感。到日式方面有，先o黎了牡丹蝦刺身，簡直就係普通甜蝦仔，蝦肉唔通透，唔夠彈牙。而蝦頭唔多膏，算叫做鮮甜。真係好懷念係孝勢食個d牡丹蝦。雜錦旋風卷-與普通的加洲卷差不多，外層的紫菜勁腍，飯亦都一樣，腍pat pat，而又少。海膽手卷同鵝肝手卷各一件-塊紫菜又腍又韌，勁難食，海膽尚算鮮甜，而鵝肝似係普通的雞肝鴨肝，質地好實，我以為自已食緊件豬潤手卷。講到壽司同手卷，都係失敗之作，元氣好食過佢、又平過佢多多聲。麻醬露荀

昨晚, 去左食宵夜任食餐. 結果感覺超差, 原全係道拖時間, 叫乜都冇來, 要3吹4吹先有d大件超飽食物來(叫1件來2件)等你快d食飽走人, 50多種食物單內, 我地叫左其7成, 但只有食左以下數種包括: 多種壽司, 燒賣, 鴨舌, 牛肉鍋, 果凍, 串燒. 其他完全冇來, 前後由落單至有得食, 最快為壽司-大約30至40分鐘, 最慢係燒賣- 大約1小時30. d伙計都有禮貌.結帳時, 真係有被騙的感覺.