1212+ (已結業)

食過一次...印象好好....上黎諗住搵電話打去訂檯先知原來執左....上次三個人食左又中又西又日既野食....款款都唔錯....尤其個冷麵&煎銀雪魚....難得既係佢樓底高...坐係樓下感覺好舒服....記得上次臨走見佢有個任食宵夜時段...果陣仲話要返黎試....點知就咁執左...可惜....

好奈未幫襯過o的咁不知所謂的餐廳。差勁到值得的我花時間去唱衰佢...約了幾個friend 食，在朗豪坊。她們說已在1212+坐下，所以雖然曾聽聞負面的口碑，也即管試一試吧...其實我對食的要求很簡單...食得落口便可以了，反而對環境的要求卻很高，要坐得舒服，食得舒服，感覺也要舒服。tea set 七宗罪1. tea set 熱檸茶茶杯像盛奶和糖漿的杯一樣小(唔知邊度搵咁細塊檸檬...)2. 凍檸茶都係兩啖飲完(未上食物已飲完了........) 每人可揀兩款小食，我選了三文魚反卷& 芝士蛋糕3. 明明成個場都冇人咁濟，但等了廿分鐘都未上...一催4. 迷你反卷包著迷你三文魚...完全感覺唔到三文魚的存在...5. 再催.... 芝士蛋糕超迷你的....7-8cm左右長吧...芝士蛋糕同餅皮仲要分開的...好趣緻...只係食到一糕和麥維他消化餅....另外個friend叫了個xx多士，tea 3:15開始，我3:00就落單了(因為大家都餓昏了......)6. 4:xx 三催底下先話個xx多士賣晒......!!!......賣晒？晨早就落order，又唔見有其他食客.....賣晒...

之前12月頭到先食完,個時有中菜又有日本菜,食物ok,裝修又靚,2月頭有朋友生心,咁念住再去食中菜啦,點知入到去先發現好似有d唔對勁,咁咪問吓個仕應啦,先知無左中菜,淨返日菜,但我地入去時從來無人話我地知,佢地門口個仕應都有責任話我地知,到我地坐低都無人招呼我地,係我發現好似得張紙又無menu,一問之下先知得返日菜或日式任點任叫自助餐$178一位,咁我個friend話是旦,咁咪試吓個任點任叫啦!咁講吓d食物,都有百幾款,有一般日式的炸物,燒物,魚生,壽司,有湯,有3款甜品,咁味道平均都係一般無驚喜,魚生都算新鮮,甜品有紅豆燉蛋,梅酒果凍,炸香蕉,本人就比較喜歡燉蛋,我的朋友就比較欣賞果凍味道比較特別!總括食物味道好一般,上菜比較慢,同埋你叫10只來7樣,叫3件,來一件,所以如果叫左一段時間都未上菜,咁你最好再叫過!

2月14日幫襯,食左個極之唔抵食套餐,上菜次序亂七八糟,我地居然食完個main course先飲湯.跟住個前菜又冇上過,d侍應又發夢又反應遲鈍.九成食客都無一有enjoy感覺.仲夠將放題食品當成套餐,實在呃錢.冇好服務水準又扮高檔, 難為了一班專成幫襯的食客.個場地就真係幾好,如果唔識管理之道就交番個場俾人地識做生意人去租啦.各位千祈唔好幫襯,等佢早執早.,仲有埋單都要等15分鐘架,唉!你地話係唔係不知所謂,如果服務果欄可以揀0分我肯定俾硬

前日同朋友慶祝生日去左哩度食晚飯，佢地個a la carte menu而家得番日本菜揀，我地揀$178任食餐，係好似自助餐不過係Tick飛仔o個隻。都有過百種食物選擇，魚生壽司鐵板燒串燒物甜品乜都有D咁啦。味度一般，侍應服務就麻麻地，成日未食完or直頭未食就收你D野好似趕你走咁。

睇完戲, 唔想行得遠, 朗豪坊又無咩好食, 醒起有人讚過呢間既宵夜放題, 於是行一陣街, 等到9:30先上黎幫趁.以旺角區餐廳黎講, 裝修算好靚, 侍應安排左我地坐上層, 居高臨下得黎又靜d, 唔錯. 睇睇menu, 原來放題都有兩種, 我地就揀左比較平同多款果隻. 印象中有大約三十款中及日式菜式選擇, 我地就食左:和風沙律—菜唔係放左好耐果隻, 算係咁.燒三文魚頭—朋友好唔滿意, 話太多肉, 唔似係魚頭喎.焗帆立貝--帆立貝切成小粒, 本身唔錯, 但個汁好鹹.各款壽司—真係唔好點, 完全唔掂, 尤其是其他野都唔錯既時候.手卷—朋友食既, 佢話紫菜腍晒.水晶肴肉--OK蒜泥白肉卷—好的式, 個汁好味, 友人好欣賞, encore左兩次.薑汁蘆筍—呢味就我好鍾意, 凍食既, 清清地得黎, 加左薑汁令味道無咁單調.馬蘭頭卷—以為好穩陣既一味, 個皮原來好韌.小籠包—皮唔夠亦唔易爛, 但個肉餡質地太鬆散.紅油抄手及獅子頭—兩者情況同小籠包一樣, 個餡唔得, 懷疑係機打豬肉所致.鴨胸及瑞士汁鴨舌—兩樣都諗住係行貨野, 點知都幾好食喎.東坡肉—味道唔錯, 肥肉部分軟綿, 瘦肉部分就爭d.鵝肝水晶

聖誕節晚上約左班朋友去旺角，係朗豪坊度野食。雖然商場收1 點,但很多食店都就來關門，因己經10點。最後看來這裹有宵夜自助餐由10:30開始，咪試吓囉。我們一行8人入去就座樓上,條樓梯係幾靚,不過行到眼花我地叫野食,門口話$178一位,點知唔包drink。drink 要$68, total 每人$271。(入到去先知)食物方面選擇很多,但無乜貴價野,主要是北方及日本菜式。大部份食品都有水準。我推介瑞士汁鴨舌及小籠包,而刺身很新鮮,淨食刺身都底返。飲品方面都係大路野,可以任飲。我飲紅酒,酒幾好。服務ok,也很快。唱Live的歌手幾好,但唱中文歌就...佢一路唱我地一路笑。環境算衛生,但較嘈。本來大吃一餐好開心,點知上到來才知平時咁平,個心立時一沉,但係聖誕節就算啦。

食物:餐牌有兩邊, 一邊中, 一邊日. 我地集中食中菜, 價錢比較相宜, 而且見人地都係點中菜多.荷葉飯- 很袖珍, 仍夠3人淺嘗. 很重豉油味, 無乜荷香. 足料, 飯都算炒得香口.排骨湯麵- 難食. 出前一丁麻油味湯底.手撕鹽焗雞- 聲稱半隻, 但量很少, 普通.小籠包- 皮薄多湯, 合格.魚湯白菜膽- 一鍋上, 連湯都飲埋. 略嫌菜有d老.芒果蟹子沙律- 幾欣賞個賣相, 冰船載住沙律, 一路食d沙律都係冰凍o既, 感覺很涼快, 新鮮.眼闊肚窄, 結果食唔晒. 或者因為個麵嘛嘛地, 個個都唔想食.....總括黎講, 食物中規中矩.環境&服務:我地選擇坐上層o既欄杆位, 可以清楚睇個台. 以為無樓下咁嘈, 其實差唔幾. 座位闊落, 坐得舒服.服務我覺得幾好, 殷勤有禮. 有幾檯都慶祝生日, 有生日歌送埋. 只係... 俾兩位菲律賓歌手唱o既國語/廣東話歌嚇親, 有時忍唔住笑. 聽左半首都以為係英文版o既"無賴", "童話". 勇氣可嘉o既, 最後我地都有鼓掌.

早己頂了位在平安夜來這裡吃日式加中式放題，我們是頂了五時半到八時十五那段時間的。到達後因見二人枱細得可憐，放下杯杯碟碟及茶壺後只餘少許位置，跟本放不下食物，我便要求轉圓枱。但經過多次詢問後，要我們等完又等，侍應問完又問，都說全晚的位已full，不能換位，我們跟本不能相信全晚都full，於是我們再三堅持下，他們很快便安排了圓枱給我們，過了兩小時全晚都沒有full，其實當初只是他們不肯換，而不是沒有位。說到食物方面，大部份都不錯，雖不能與酒店比較(因平日酒店的自助餐都是差不多價錢)。日式的以帶子黃金燒最得我心，刺身中以希靈魚刺身最為特別，酸中帶甜，開胃好味，枝豆也不錯，鐵皮燒三文魚頭(其實比左個魚腩)，魚腩好滑，好味，而雜菜餃子鍋及地獄牛肉鍋熱辣辣，唔錯。中式的很多都沒試，因個人對肉沒多興趣，帶子燒賣皇及露筍都不錯，但我們幾乎沒有吃過麵食因實在吃不下。甜品我也吃了不少，尤其是紅豆沙燉奶，我吃了兩碗，但不知怎的第一碗比第二碗較好吃，奶味較濃、質感較好。濃情咖啡奶凍、香芋西米露、鮮奶南瓜糕都可以一試。環境都唔錯勝在樓底高，坐位都算舒服。

昨天一行五人到1212+吃晚餐\和聚舊，由六時坐到十一時。1212+Waiter們的Service亦很好，盡力去滿足每位客人的要求。整間餐\廳的氣氛也不錯，在場有一男一女在台上唱歌，以英文歌為主，雖然國語、廣東話歌都有唱，但聽得出是不合音的!!至於食物方面，落料有點吝嗇，以海手卷為例，只有一少點醬，點些鼓酒就完全蓋\去海的味道!!

今日係拍拖紀念日, 為左睇場戲而去就邊度搵食最後9點幾睇完, 去到1212+ 剛好10點可以食宵夜呢度星期日至四,9:30後, 五至六日, 10:00後有宵夜, 我今日食中日式$118, 如果想食刺身, 就要$178講返餐廳, 佈置不錯, 服務都好好, 一路都識笑住對客人同佢講唔該, 起碼都識答返句唔使客氣至於食物, 有火焰壽司揀, 不過係搭紅米的有野菜粥, 小籠包, 帶子燒賣, 蝦蛟王, 水晶包...我食得簡單, 覺得全部味道都唔差相比起BB等等BUFFET, 價錢相若, 但質素真有差別食食下仲有人唱歌, 好似係外國華僑, 識唱中英日/普通話既歌星期五去都幾多空台的, 同埋有得訂位

20 November 2005尋晚一行17人黎咗呢度食飯，有時聚會既嘢真係唔知去邊度好，所以食自助餐或者打邊爐或者BBQ會係最好選擇，今次既搞手揀咗呢度都算係唔錯既選擇，呢度夜晚10:00打後有宵夜任食，價錢都算抵，只係$98 (星期日至四，如果係五至六好似要$118），我哋叫咗好多好多嘢食，爭啲食唔晒，不過真係ok，可能因為坐得舒服（我哋坐上面嗰層），而且服務都非常好，態度好又有禮貌，所以我都幾欣賞。至於食物其實屬一般，不過唔係差，我幾鍾意佢個炸多春魚，啲春好多而且並唔燶，連個小籠包都真係非常多汁，甜品亦唔錯，有我第一次食既朱古力湯圓，好得意，又有我最愛既楊枝金露，幾夠味．．．壽司就只係ok 啫。總括而言，算係幾抵，佢好似仲有life band，不過我坐上面嗰層，所以睇唔到個歌星，不過好似幾high咁間嘢！原本茶錢好似要另收，但係佢話見我哋咁多人，所以可以括免，我覺得佢哋好識做同令人覺得食得開心，連臨走個captain幫我哋影相時都好好人，有賓致如歸既感覺！

昨天晚上去1212+ 食宵夜buffet,10 pm 開始, 環境ok, 我們坐在上層靠窗位. buffet 是任點任食, 食物種類不算太少,都食都開心. 以這個價錢$118/person 就ok, 不過如果按原價$178/person 就唔會去. 唯一唔好係在11點左右, d侍應已在我們旁邊clean up, 搞到好似就close, 我地想慢慢坐都唔得. 可能因為我地附近個part無人坐, 佢地諗住收定先...最後都係11:30 左右就走啦...不過都會考慮再去的...如坐下層多d人, 我諗會好d....

之前行過見到好多人等位，以為好正．於是某星期六７點幾在沒有訂位的情況下，去搏一搏看看有沒有位，居然沒有人排隊喎．香港人果然係貪新鮮呀！裝修ｏｋ，樓底極高，感覺都唔錯．食物有日式同中食．我同朋友因為唔想諗，所以叫左$268 per head的特價套餐，有日式同中式菜式．另外再叫左一杯紅酒和一杯白酒．sashimi幾新鮮，不過得幾片．茶壺湯好清，都幾好味，幾特別，可以一試．其他野都一般啦，沒有什麼特別，所以都唔係好記得喇．In general，唔可以話抵食，但都唔算係好貴0既．服務都唔錯，captain同waiter都有禮貌．

今日一行七人,興祝相識十一週年敍會;餐廳分兩層,地方不太大但樓底很高,沒有壓迫感;一坐下來服務都很好;我哋全點中菜;1)塞螃蟹2)炒四季豆3)上海炒年糕4)瑤柱荷葉飯......5)生煎包6)小籠包7)楊枝金露8)榴槤糕9)朱古力湯圓我最愛個小籠包～因為很久未食過咁薄皮.而D肉又唔會太實嘅小籠包啦~正!!!(一籠有四件)第二樣就係個瑤柱荷葉飯~連個蒸籠上枱,一打開傳出陣陣荷葉&瑤柱香味...好好食呀~~~(這是一人用)值得推介的還有個炒年糕~口感十足,唔會太焾;另外其餘D餸都好好食.而甜品就一般,個榴槤糕揶汁味太重,完全無榴槤嘅香味;楊枝金露太奶......總括甜點不值得推介;呀~現場有人唱歌助興,都唱得唔錯~~~~~D小菜都幾貴,以上叫的都是餐牌較抵食的菜色；但就用料十足～～～＜＜值得一試＞＞～～～