101肉燥飯專門店 (厚福街) (已結業)

在TST行完街，又不知吃什麼好，見這間食店全店滿座而且價錢相宜，就排隊試試。等了約20分鐘，店員安排入座。店內環境有點擠迫，枱與抬相隔好近，空間比較窄。炭燒豬頸肉肉燥飯 $42點了一個飯，約5-8分鐘店員便送上。食物賣相好一般，豬頸肉肉質鬆軟，但沒有炭燒味，也不香脆；肉燥的獻汁有些偏甜。整體雖然普普通通，但以這個價錢有一碗如此足料的飯，已經不錯了。

收工同男朋友係厚福街搵野食，見到呢間食肉燥飯既幾平下，就試下。 坐位係搭枱坐既，勁迫，茶餐廳咁，坐得好唔舒服。嗌左個薑葱豬頸肉撈公，辣香腸，小食拼盤同鐵板牛排肉燥飯。香腸同拼盤食到底係有成匙油係度，張紙都吸唔晒，啲油係裝住咁上枱，好恐怖。其他野味道一般。見到啲油都唔敢再黎。

自從去左美國讀書之後，好耐無試過同中學同學食飯。難得放假返黎，終於約左去尖沙咀食飯。一行二人，黎到呢間101肉燥飯專門店。店內裝修不錯，幾有風格。我地黎到已經有大約10個人等位。大約15分鐘，我地已經可以入座。我點了牛扒熱石燒，朋友點了香茅豬扒肉燥新竹米粉。牛扒寫明是prime grade, 我想大概是宣傳口號。沒甚麼期望。最後還加了太陽蛋。點內不斷聽到熱石燒的滋滋聲，睇黎熱石生意不錯，等左10分鐘就上菜，時間合理。由於是熱石燒，成個飯真係好熱。我都燙傷左個口 。牛扒真係好軟身，有好濃牛肉味。睇黎店家真係不惜工本用上上等牛扒，值得一讚 值得一提是店員服務細心，上熱石前會提我用紙巾隔住。雖然好多人全場坐滿，但係都幾有禮貌。朋友話個豬扒好入味。新竹米粉真係同平時米粉不同。比較爽口有咬口。不錯之選。ps : 希望小店做得住，下次返黎香港都有得食 , 另外負責招呼我地個侍應阿峰好有禮貌，個樣都幾有型

厚福街呢間連鎖肉燥飯專門店每次午飯既時候門外都會排左好多人, 次次都因為怕等位而冇去食, 今次終於鼓起勇氣入去試試, 結果十分十分失望!!肉燥雞扒豆腐飯+珍珠奶茶($44)肉燥飯: 枉為肉燥飯專門店, 肉燥應該係用醬汁滷過既豬肉碎/五花肉, 汁係應該有豬油香味, 唔會杰撻撻一PAT PAT, 呢間野既肉燥只可以叫「港式」肉燥, 明顯偷懶用豉油獻煮豬肉, 只食到豉油味, 口感似漿糊, 冇豬肉香, 失敗, 去台灣夜市任何一間食肉燥飯既都好過佢, 請店家再用心學師再賣正宗肉燥飯!!!雞扒: 普通茶餐廳雞扒, 唔係台灣做法(台灣多數係炸), 而且加左厚厚既燒汁, 難食, 同肉燥飯唔夾!!豆腐: 凍既, 唔多講唯一好既就係珍珠奶茶, 有奶味, 唔係用奶粉開, 其他既都好港式, 冇下次

收到邀請來給意見，這天與兒子到九龍區購物後便去試試。這店地方不太大，約有十多二十張檯子，我父子倆要與其他人搭檯。我讓兒子自行選擇，他選了巴東牛肉肉燥飯，我則選了豬軟骨米粉，因有現金券打底，自行加多些錢也無妨，多點一些小食試試，雞肉串，炭燒豬頸肉，另加$3 有水蜜桃紅茶和珍珠奶茶。巴東牛肉肉燥飯$44，是辣的，伴有鹵水蛋半隻和一堆雜菜，牛肉是方粒形，但煑得不夠身，很硬，頗費牙力，無法吃掉。台式豬軟骨肉燥新竹米粉$44，也伴有一堆雜菜和鹵水蛋半隻，豬軟骨肉夠腍，連軟骨都咬得開，相當入味好食，肉燥中肥肉的比例不算多，米粉幼細爽滑，愛吃。炭燒豬頸肉$28，有炭燒香，口感帶脆，過得去。雞串$8，頗多肉，不乾，調味不錯。水蜜桃紅茶，香味不算太人工化。珍珠奶茶，茶味不夠濃，這也是臺式奶茶之特点。豬軟骨米粉真不錯，又不算貴，值得一試。

是日與友人經過尖沙咀，入左呢間101肉燥飯專門店，諗住求其食個飯走人，估唔到有驚喜。友人叫左豬軟骨肉燥飯，豬軟骨用鹵水鹵得入味，而且肉也挺淋~我叫左個雞扒+玉子肉燥飯，雞扒香口，肉燥味道適中。價錢係尖沙咀區算平，會再次光顧

聽朋友成日講，尖沙咀開左間台式餐廳，主打肉燥飯，聽到都留哂口水，一直都想去試，難得班兄弟放假，一於去試一試。入到餐廳，真係好熱鬧，感覺個個都食得好開心，好enjoy，氣氛超好，甘又係，呢間餐廳裝修得幾靚，有種西餐廳嘅風格，感覺好舒服。我同班朋友全部都叫哂醬汁雞扒拼玉子豆腐肉燥飯，order完都唔夠三分鐘就黎到，啱哂我地呢班餓狼。個飯加左d醬汁唔會太乾，濃味適中，又夠大碗，食得夠飽對我黎講真係好緊要，我個fd仲加左飯，原來唔使錢。呢到d waiter service幾好，有個仲幾靚女，而且全部後生仔女，食都都食得開心d總括而言，而家落樓下茶餐廳都四五十蚊，呢間野係尖沙咀仲要賣呢個價，我睇老闆都係想薄利多銷，作為社會的一份子，我當然會繼續支持呢間台式餐廳！

提前跑夠數 ，老頂比我個半鐘去食飯休息 係佐敦同尖咀交界返工既我 梗係去尖沙咀慢慢嘆返個tea 先喇(係佐敦幾乎無人識既都食過) 行到去加拿芬道 本來想食茶木架 不過食tea食6,70蚊真係有啲貴 唯有係對面厚福街同寶勒行附近搵下有無岩食架喇。 入到厚福街 頭幾間都係啲茶記粉麵 諗住求其行埋到尾就轉去寶勒行果頭 點知 見到呢間101肉燥飯專門店 個裝修幾好wor 於是乎就行埋去睇下有咩食 發覺都幾特別 主食以肉燥飯做主打 下午茶就類似茶記+西餐混合 有傳統既多士粉麵餐(佢地個名幾特別 叫咩四重奏) 又有牛角包+沙律炒蛋因為啲下午茶餐幾吸引 所以決定試下呢 反正下午茶餐$30就找到數 難食既咪最多下次吾再黎lor 我點左個沙律+牛角包+炒蛋+煙鴨胸番茄湯麵+特飲(巨鋒提子檸檬冰) (因為牛角包賣晒 得返厚多士 個疑似店長既人話送杯特飲補數)無得食牛角包係可惜既 不過見係有杯特飲試 就算數。個餐黎到 賣相相當吸引(我隔離枱有個男sales見到我個餐 好似想食左我個餐甘 ) 我成程一路食佢就望足我份野食甘耐 攪到我食得吾係好自然。。。。講返主題先 啲野食真係吾錯 沙律吾係茶記9流流既

話說，少女今天太忙的關係，只匆匆吃了條香蕉當早餐就算了。於是少女3點半時肚子就咕咕叫了。原本只打算吃碗米粉就好了(減肥中嘛~~)。誰知走到Etude House拐彎的街就看到一家紅噹噹，非常亮眼的新食店了。看看門前一目了然的餐牌，少女就被拐了進去。店裡檯與檯之間比較窄，沒什麼空間。但只要看看餐牌價錢你就不會太介意了。竟然於尖沙嘴地區有賣$21-$30左右的下午茶？！ 應該很容易中伏吧~我點了「芝士牛乳炒蛋撈公仔麵」$22+「冰珍珠奶茶」+$3(卡路里爆錶，到底這名少女是不是在減肥呢？)賣相還可以啦~面質不錯，並沒煮得爛溶溶的。芝士汁比較像普通白汁，味道中等。炒蛋完全不合格，過老變一塊塊硬蛋。旁邊的菜反而很驚喜，因為通常都會超難吃的！這個是調了味，在略略炒過的，很香口。(喂！少女！重點錯了吧~~)珍珠奶茶挺香口的，還不錯。總結：價錢來講，非常抵吃。食物來講，不叫炒蛋就好了。看到旁邊的叫的魯肉炸玉子雞排飯賣相很不錯，份量也挺大的，下次再試試(人家主打根本就是魯肉飯嘛，叫什麼公仔麵呢？)。***笑評主要是給「抵食」！

都有一段時間沒有分享負面經驗，話說昨天要到尖沙咀，一個人揾食，到厚福街發現未試過101肉燥專門店，門口又排隊，當然不會錯過。選擇不多，最有我揀香茅豬扒肉燥飯，加＄3還可配飲品，而我則選了珍珠奶茶。見到肉燥汁還汁、肉還肉，汁還打了獻，已唔開胃，再試豬扒，所謂香茅完全缺乏新鮮香味，簡直係香茅粉再加味精，沒多吃兩口已棄權，再次證明。

尖沙咀咩都貴，厚褔街中不少茶記，坐得不太舒適但起碼四十多元。至年初開了101, 像發現了新食堂，另一間是附近走英倫路線的Gastrobox.王牌三重奏是茶餐非常抵食的選擇，當中肉燥米粉好好錯，這常餐的改版，好好食。蛋亦不算神级但亦不錯。熱賣飯類亦不錯 雞扒肉燥飯比豬扒肉燥飯較好，豬扒香矛味是有，但豬配豬，口感略太單一。雞扒軟身有嚼勁。食過幾次，大部份唔錯亦易入口，唯一失望係蔥油雞公仔面，油淋上公仔面，整個配搭好油身，酥雞翼不及雞粒般好。環境雖簡單亦稍迫，但考慮價錢，無話講。加上服務亦唔錯，從無茶記催迫之意，總算有台餐應有態度，加油。

一個人喺尖咀做完運動之後去左厚福街覓食。食街果然選擇眾多，有越式，港式，日式等等。行到去一間叫101肉燥飯既餐廳，發現有得鋸扒，門面紅當當，幾醒神。好！今晚就試下你啦！坐低就order左熱石板牛扒同杯冰凍蜂蜜綠茶。我份晚餐唔使10分鐘就黎左啦。勁熱丫，喺張相都見到出晒煙架。IMG:1]熱石板同肉燥飯呢個配搭幾fusion。肉燥飯 - 個肉燥有少少偏甜，不過用黎送飯幾好食。牛扒 - 合格，稍微有點過熟。配菜 - 有什菜，薯角同牛油栗米。蜂蜜綠茶 - 清清地唔會係死甜，抵讚！BTW, 見到呢到啲下午茶好似幾抵食，下次可以再黎試下

今日出左尖沙咀買野，行到腿軟，路過厚福街即刻食個晚飯先⋯見到呢間101肉燥飯專門店，賣相好似唔錯，仲要幾多人食緊，我地兩個即刻衝左入去⋯同男友坐低，佢叫左個豬軟骨肉燥飯，我叫左個醬汁雞扒玉子肉燥米粉，本身諗住加大杯珍珠奶茶兩份飲，但係加$10仲貴過分開兩杯叫，於是叫左一杯珍珠奶茶，一杯蜂蜜綠茶。先黎杯珍珠奶茶，飲左一啖，已經覺得中伏！好難飲！未試過飲咁難飲嘅珍珠奶茶！味淡，得奶味冇茶味，珍珠冇𡁻口，完全唔煙un,唔知食緊咩野膠粒咁！再黎醬汁雞扒玉子肉燥米粉，個湯超級味精，我唔係特別飲個湯，純粹食米粉時食到！我番到屋企飲左幾杯水！！！唔知係咪因為個湯太咸，我食肉燥同雞扒都覺得偏咸了，碗麵我食到一半就冇食。男友個豬軟骨肉係碎上，我冇食到，所以不評了。呢間店我唔會再去！呢個價錢我都覺得嘥錢！

小妹今日放假，和我朋友到了尖沙咀閒逛， 逛了良久，發覺肚仔餓，就同友人去尖沙咀食街厚福街覓食。 當時是晚上六點幾， 厚福街的人流還不算多，但有一間叫101肉燥飯專門店的已經在排隊， 為食加好奇的我當然走過去看看， 這間店走的是平民化台式快餐，價錢相當抵食， 49蚊竟然可以食到台灣熱石燒。 光是價錢已經無法抗拒， 我和友人決定就算要等位，也要試試是否真的那麼抵食。 等了差不多十分鐘已可安排入座， 坐下後看到精美的餐牌，噢！ 選擇困難症又來了。 餐牌上的選擇非常多，而且價錢真的非常吸引， 一碗肉燥飯只是三十多元， 熱石也是四十多元，在尖沙咀晚市時段還可能找到嘛？ 還有小妹最愛吃的芝士撈麵，也只是三十多元。 我最後還是情歸炭燒豬頸肉熱石燒。 五十多元的價錢實在冇得輸。 等了五分鐘左右已上菜，上菜的速度快得驚人呢！ 店員會在上菜前細心的把紙巾給你， 以免弄污衣服， 因為鑊氣很足呢！ 貼心的服務值得讚許，而且店員在極繁忙的情況下，還能保持笑容及良好態度，非常難得。 食物質素方面， 比我想像中高很多，因為這個價錢令我覺得這間餐廳會將貨就價，始終一分錢一分貨。但實情反而不是，肉燥的肥瘦適中，味道很特

星期五的晚上, 等埋豬仔放工, 四圍遊下遊下都唔知食咩好去到厚福街竟然見到大大隻招牌寫住「肉燥飯」唔使諗, 2位丫唔該!!!入到去, 坐到好密質質...都要攝入去先入到個SOFA位坐呀!睇睇MENU基本上個組合離唔開「肉燥」「豆腐」同「飯」XD分別只係你揀咩配菜~見隔離枱食緊一個用鐵板上炒炒炒咁既東西..我諗同PEPPER LUNCH差不多原理但加左肉燥~哈哈!!不過太熱氣喇我地最後都係揀左一人一個飯加D小食..我要左個玉子豆腐肉燥飯豆腐全部上哂漿炸過, 加埋本身有味道, 都OK既肉燥方面...唔似得曾經食過係嘉樂商場樓上個間台灣野咁濃味呢度係好簡單帶少少咸味的肉燥..冬菇粒都好似唔係幾見到.@@不過整體都可以既~豬仔要既係肉燥雞扒飯..原來都有玉子!!! )0(個樣就幾靚喇塊雞扒, 食落豬仔話一般啦其實我地仲叫左一個大既小食拼盤 (好似個飯餐加錢就有)小食拼盤都OK既, 有雞肉串, 炸魚餅同2隻雞翼仲有呢個...鹽酥雞一開始俾「鹽酥雞」呢個名吸引左但一上菜就真係....又要用「媽, 為何結果不是我想的那樣」喇........orz首先個炸漿真係唔係幾ok, 一來食落好膩口, 二來好厚