101肉燥飯專門店 (厚福街) (已結業)

之前係ig見到就去左試個個60蚊左右既三杯雞打邊爐入面分量好足夠，一個女仔一定食唔晒有肉子豆腐，雞，肥牛等等味道都算ok既，有少少辣可能我唔係好鍾意食咁重口味打邊爐我覺得普普通通，吉野家好味d我朋友就幾鍾意食，60幾蚊黎講係可以試一下佢本身送個杯野飲好野杯，見到好多打邊爐既都另外叫左野飲叫左百香果唔錯

肉燥無用紅葱頭 無香味肥肉太多 有D油鹽酥雞只用太白粉 無用地瓜粉 無穌既感覺只用太白粉 D肉會太乾蒜頭唔夠多 無落甘草粉 香味不足唯一相似既只有炸花枝丸 選用既丸唔錯 有香味同口感但其他既真係...... 不提也罷

年二十八，同個女去尖沙嘴做facial。未夠鍾就搵食醫肚皮先，係厚福街搵食，見到101肉燥飯，係門口見到餐牌價錢唔算貴，因為一個set都係62-68，有飯有小食&飲品。於是入去試吓啦！入到去店舖唔大，但都坐得舒服。我地叫咗2份午餐。不過食食吓，見到有個員工打多好多次噴嚏，又唔帶口罩，而且打完噴嚏沒有洗手就拿飲品給客人。極度唔衛生。下次我唔會再去了。😡香茅豬扒肉燥飯+鹽酥雞翼拼章魚餅+柑桔檸蜜(凍)。香茅豬扒肉躁燥飯，肉燥有少少甜，豬扒好淋，入味，鹽酥雞翼就比較淡，冇咩味，章魚餅絕對唔好食，冇味之餘而且好"梅"柑桔檸蜜超大杯。豬頸肉肉燥飯+鹽酥雞+水蜜桃紅茶(熱)豬頸肉肉燥飯，豬頸肉好食，邊邊有點脆，鹽酥雞有微辣，水蜜桃茶正常味道

今日難得老公接收工，我地就諗住去科學館玩下，途中見到間台灣野，老公話未食過，所以入去試下啦~睇下餐牌都唔係好貴喎，平民價~我叫左個「醬汁雞扒拼玉子豆腐肉燥飯」，老公就叫左「鹽酥雞翼肉燥新竹米粉」。塊雞扒都係不過不失，醬汁我食唔出係咩味，唔係特別吸引，同普通白汁﹑黑椒汁既雞扒一樣，另外玉子豆腐係炸過既，都係同食開既差唔多，但係我幾欣賞廚師既心思，用玉子豆腐唔係用普遍豆腐，呢度既玉子豆腐有豆腐既爽滑鲜嫩，又有好香既雞蛋味，炸過既豆腐仲唔會散開!有心思!另外，肉燥飯有D驚喜! 肉燥飯個味好濃味，有少少甜，而肉燥D肉都唔係肥肉(之前去台灣旅行，好多平價肉燥飯都係肥肉多，真係肉比較少)而且呢個肉燥飯D汁好多，食落好JUICY!值得一讚!老公個鹽酥雞翼肉燥新竹米粉，黎到望落我覺得個湯好油，可能因為D肉燥浸埋落D米粉度，如果想飲2啖湯就唔建議了，因為好似飲左D油落肚咁! 另外上段提到個肉燥飯D汁好多，但撈左落米粉度已經溝稀左，變得無咁JUICY，遜色左少少。個雞翼因為無落胡椒粉、辣椒粉等等，變得無咁惹味，但係上菜時都好香，食落皮酥但入面雞肉嫩滑(我貪食左2啖^.^)，下次可以落埋胡椒粉、辣椒粉等配料

為甚麼來這裡食? 這晚約了朋友去THE ONE睇戲, 睇前當然要找個地方食飯。這間也只是在厚照街隨意揀。又不想食得貴，這間真是尖沙咀難得的話50樓下食店這款豬頸肉肉燥飯，豬頸肉夠腍又入味有咬口，相當好味！跟餐的小食墨魚丸，質素不過不失。員工服務態度值得一讚，而且出菜都算出得幾快。

這一天，在油麻地吃過簡單的午餐後，信步來到到尖沙咀，在商場遊逛一番後，已經開始肚餓，便到厚福街吃點東西。經過這間「101肉燥飯專門店」，見下午茶過擇似乎不少，便入內吃個下午茶才回家。雖說已經肚餓，但也不想吃得太多，以免到了晚飯時沒有胃口，便只在餐牌中點選了一個名為「小食二串一」的茶餐，再加杯沒喝不知多久的「凍珍珠奶茶」做下午茶。「小食二串一」其實有數款 1+1的配搭可揀，而我的選擇是的「醬汁雞扒」配「奶醬厚多士」。「醬汁雞扒」的雞扒不大不小，肉質過得去，醬汁不算很好味，還可以。「奶醬厚多士」正正常常的，奶醬塗得均勻，不過多士就烘得不太夠脆。始終是吃台灣食物的地方，「凍珍珠奶茶」是及格的，雖然奶味偏濃，茶味稍薄，味道仍算對辦，珍珠也多，不過冰就多了一點，要是冰少一點的話會好得多。只不過是二十九元一個的下午茶餐，這樣的質素，不算好，也不算壞了。

101的下午茶幾好味同價錢都合理雖然又加價了見個餐單又吾同左少少於是叫左香茅豬扒，都幾大塊香茅味則十分淡，幸好有醬汁搭救沒有太多鬆肉粉，合格想健康啲就叫左凱撒沙律大大份又新鮮係芝麻醬👍🏻👍🏻加六元有雪菜肉絲米粉米粉係新竹米粉好味又多雲菜肉絲份量都算多肉燥有少少肥膩及少少鹹不過可以接受叫左杯熱蜂蜜綠茶正正常常有足夠蜂蜜味拌勻才喝否則喝到底會太甜佢地的珍珠奶茶好像也不錯下次可以試試😊員工都好nice

今日自己一個係尖沙咀食午飯, 想快快脆脆食一餐就算啦, 因為仲要趕主下場有野要做. 係厚福街見到呢間肉燥飯專門店人山人海, 咁不如就試下啦! 其實肉燥飯都係小妹的至愛黎架!打開個menu有唔同款既肉燥飯, 價錢相宜. 我揀左鹽酥雞翼肉燥飯, 黎到既時候感覺個Size有D細, 而且有少少頽飯既感覺, 都不及當年學生年代既仙跡岩同仙踪林, 食落個未都OK既, 雞翼唔太油, 肉燥飯個SAUCE就有D結.另外再叫左杯珍珠奶茶, 自從塑化劑發生事之後好耐飲了, 呢度既珍珠奶茶都幾好飲, 不過D珠就略嫌靭左D.呢度稱自己為肉燥飯專門店, 我覺得幾搞笑, 因為通常真正係出名既餐廳都唔會叫自己做乜乜嘜專門店嘅, 不過都姑且一試. 整體而言呢度我覺得OK. 因為實在坐得好唔舒服, 我短短係到食左碗飯已經要被調左兩次位, 可能我一個人吧! 不過都OK啦, 費事阻住做生意啦

～豬軟骨肉燥飯 $45～美咪指數：8/10抵食指數：8/10喺尖沙咀難得搵到一間價錢只需$50樓下包飲品嘅餐廳，而且食物質素都唔錯！豬軟骨煮得夠哂腍又好入味，肉燥甜甜地又多汁份量亦多，撈飯食幾好味！

放工立刻趕到尖沙咀做Facial，做完之時已是晚上9時正...男友剛好收工便1同吃個簡單的便飯，平平地同時不用等位就入去用膳其實之前已在旺角店吃過下午茶餐，價錢10分實惠，固想推介給大家*男友表示不肚餓，便單點了一個醬汁香茅豬扒肉燥飯，燒汁味重，但吃不到香茅的香味，豬扒略乾飯量10足，男士1定夠飽*+$3 便有普通size的飲品而男友選了珍珠奶茶，奶味較重，珍珠煙韌彈牙，認真頂呱呱*鹽酥雞翼肉燥飯，雞翼香脆，炸得乾身通透，吃下去1點都不油膩，好吃肉燥與台灣吃的風味不同，這的肉燥下的茨比台灣為重，但合港人口味，伴飯1流。*套餐附送加大裝的飲品，此為朱古力雪香，朱古力味濃，1交足功課，正!!*套餐附上1款小食，口癢的我倆選了花枝丸，1般般。個人認為豪大大的比較香口好食。*在尖沙啞這地段，晚餐可做到這個價錢，10分實惠

服務態度不錯，但食物不成。三杯雞火鍋太甜而且肉沒有肉味。肉燥飯的肉太濕，沒有真正台式食物的風味。太太點了一個熱朱古力，她說太甜，喝了後不舒服，心情也被影響。😵🔥

尖沙咀餐廳很多，特別係韓國菜，但一個人又唔會去，想搵一間平平哋真係幾難，喺門口見到這間101肉燥飯專門店， 有飯有飲品都係＄39， 咁就入去試試啦，叫咗豬扒肉燥飯賣相幾好，肉燥甜甜哋味道OK，但無喺台灣食嗰啲香味， 可能無豬油呱，豬扒煎得幾香，肉質結實但鬆化，不錯，最怕啲餐廳用鬆肉粉拿到啲肉，肉不似肉咁，滷水蛋普普通通，加咗三蚊要咗珍珠奶茶茶味淡淡的， 總結今餐都滿意

真的不知香港仍有如此抵吃的食店，下午茶套餐無骨三杯雞肉燥飯加配凍珍珠奶茶，只是$28，而且是真的讓人吃得飽那種份量。先評主食肉燥飯，肉燥頗多，見到肉粒，味道香甜，吃到最後一口，仍見肉燥，米飯爽身分明，不是珍珠米那種軟糯型，配這種較多汁的肉燥就剛好。無骨三杯雞調味香辣微甜，和肉燥也夾，不消十分鐘便幹掉全碗! 它不台味，但甜甜辣辣，也算啱本人口味。珍珠奶茶的珍珠就偏腍，茶底卻算有茶香及奶味。看見隔離枱吃鹽酥雞翼吃得津津有味，便加$11，柯打了二隻一份的雞中翼，表面炸得夠乾及脆，內裏仍有肉汁流出，調味不過火，十分滋味!

因為比賽關係, 差不多每個星期都要到尖沙咀一次, 厚福街簡直係常去, 基於趕住準備比賽, 多數都會揀D快餐店形式既餐廳, 101肉燥飯專門店經過好多次, 今日就揀左佢黎試試我揀既係瑞士汁雞扒蔥油撈麵, 其實係唔差架, 個瑞士汁雞扒唔錯, 雞扒好滑, 瑞士汁唔錯夠香, 蔥油撈麵唔係度度都有得食, 所以見到都好想試, 蔥油勁香, 但個麵做得唔係咁好, 食落有D硬, 但又濕濕地, 如果個麵好D就正喇男友揀既係三杯雞肉燥飯, 同朋友揀既係豬扒肉燥飯, 三杯雞食落唔係台式既三杯雞, 唔夠惹味, 肉燥唔差, 但都係同台式有D出入, 豬扒就好普通另外叫左個炭燒豬頸肉, 唔係講少, 好佩服師傅刀工, 竟然可以將個豬頸肉切到咁薄薄到好似豬肉紙咁, 連食落都好似豬肉紙, 豬頸肉應有既口感冇左, 而且燒得過左火, 要點醬先食到如果睇埋價錢同地理位置, 可以叫做唔錯既選擇, 不過你話係咪好食就見人見至啦

第2次去呢間餐廳食野 ,位於厚福街好方便，地鐵站出行一陣已經到左，食兩次， 兩次味道都不錯。 員工服務態度好好， 值得一讚好照顧客人嘅需要， 佢見到我地拎一袋二袋就大方比個大d嘅位比我地放係隔離椅上，話有人先再拎走。點餐時 , 唔記得叫加飯， 佢立即叫廚房師傅比碗飯。值得一讚