101肉燥飯專門店 (已結業)

行過101 見到佢個三杯雞鍋好吸引就決定係度食午餐啦食物好快就上臺啦有石油氣爐煮番熱鍋內食物好似食緊一人一鍋咁我叫左新竹米粉，米粉唔會煮到軟哂而唔好食，仲係好有咬口，吸哂三杯雞香香辣辣既精華，十分好食鍋內配料好多，有無骨既三杯雞、豆卜、玉子豆腐同鹵蛋我另外加左巴東牛肉，巴東牛肉真係好好食牛肉好嫩滑，而且好入味，一咬落塊就有豐富既牛味爆發出黎！三杯雞既湯汁都係成個鍋既重點，三杯雞本身就辣度十分足夠，香濃美味！豆卜吸哂辣辣既湯汁，係另一番美味！太辣時食啖玉子豆腐又可以中和下，成鍋配料既配搭不錯！餐飲：珍珠奶茶都好飲

今日去完太和買野，就去坐附近食肉燥飯。原來呢度都有間分店。其實之前食過其它分店，覺得肉燥都幾好味，好似去左台灣食咁。今日就叫左個雞扒肉燥飯黎食。個份量好大，正呀！又係呢個濃郁既肉燥。一入口，香濃既味道即刻散發出黎。好懷念呢個口感，濃但唔膩，好食！雞扒都好大塊，而且質感好滑。食完呢碟其實已經好飽，真係好抵食。因為跟餐，叫左個雞翼拼章魚餅，章魚餅入邊仲有少少章魚粒，幾有口感。鍾意台灣既炸雞，特別香脆。最後叫埋個綠茶蜂蜜，超級大杯。好凍好甜，夏天飲正呀！食完熱氣野，加呢杯大杯的綠茶蜂蜜，咁就完成左今日簡單的午餐！

有時候會好想飲珍珠奶茶，順便食個飯，見餐牌選擇多，且價錢相宜，於是來到這間101肉燥飯專門店。見到餐廳頗full，等了一會兒，邊等邊想著心儀的珍珠奶茶。。。快點快點有位！甫坐下來，點餐後即送上大大杯珍珠奶茶，正！呷一口，很多珍珠隨奶茶入口，唔，茶味比較出面的香濃，而且不太甜，好飲好肚餓，點選了鮮牛油多士，嘩，厚切牛油，熱辣辣上枱，牛油正在溶掉，吃一口，充滿油香，很正😎估不到這台式小店供應如此港式美式，還那麼好味道看見隔壁4個女生在滾，涮涮鍋好像好美味，我也來一個，並追加和牛一碟。鍋是三杯雞為主打，還有丸、肥牛、紹菜、甘旬、台式肉腸，很豐富呢⋯⋯湯底可選辣度，我選中辣，好味呀，其他配菜涮一會也沾上香辣味，不錯！邊爐肥牛，個人喜歡較嫩的肉質，通常將牛肉稍稍淥至變色便食用，但有些劣質的牛肉若用此食法，風險較高。臺灣101午餐火煱可另加48蚊點選店內上等牛肉，價格便宜但滿滿一碟絕不欺場。牛肉看上去很新鮮，雪花紋細緻，賣相不錯。將牛肉滾4-6秒即可吃，這塊牛入口肥美，腍，滑，再細嚼時上等牛肉的油香，肉香同時充斥嘴裡，肉味香濃涮涮鍋可選配主食，面/米粉，我想台灣地道米粉真的與別不同，所以試試看，看

初開時食，各樣食物都好有水準，而家慢慢就好似差左。中午12點左右去食lunch，客人唔算多，叫左個汁燒雞柳章魚餅肉燥飯，上菜時間都快，賣相同份量都可以，但食入口啲飯唔夠熱而且有部分好硬，肉燥味道還算ok，章魚餅都係唔夠熱，雞柳就強差人意，凍、硬、唔入味，食左一舊就唔想再食，於是係勉強食左半碟。加$5既珍珠奶茶，一下子唔記得叫少冰，啲冰真係多到好誇張，因為冰一溶多，成杯野就沖到好淡，真係有啲失望，開業都唔係好耐，希望會改善番。

去完台灣旅行，返到嚟最miss嘅係台灣肉燥飯嘅味道，以為係香港比較難食到，但估唔到係101肉燥飯店竟然食番果種滋味店鋪小小，都等咗一陣先有位，入到鋪頭見到有唔少食客打緊一人邊爐，好，唔使諗咁多，就要呢個爐-無骨香辣三杯雞涮涮鍋記住揀辣度呢個鍋好正，一上枱就有陣香辣味飄過，估計係濃湯嘅香味。無骨三杯雞係懶人至愛，大大塊，啖啖肉，本身都已充滿三杯醬料味，滾多陣入哂辣湯味，仲惹味除了雞，另有台灣辣腸、丸、菜、甘旬。。。好足料、又惹味！配上台式肉燥飯，不得了！肉燥飯真的台灣滋味，秘製肉燥汁唔油，少少肥腩肉碎，加上食到香菇味，總之成個肉燥汁就係靈魂，好美味呀另外追加了花枝丸同鹽酥雞酥炸花枝丸，大大粒，唔會一團粉，正！鹽酥雞，鍾意外層嘅香料，炸完仲香口，內裹雞肉肉汁鮮嫩，熱辣辣食最正！無得頂芝士薯角，本身鍾情粗薯條，夠多薯肉，賺咗😍😍撈呢個芝士汁，一流，它地好夾，啱哂我😝試咗朋友嘅台式米粉，好好味呀！d米粉浸完唔會漲大，仲呈透明體，咬落不會淋，而仲彈彈地同爽，係貴價台灣正宗米粉，好得今次試胚芽咖啡，鍾意它唔重奶味，啖啖咖啡香，每啖都有胚芽，好重本喎⋯⋯😬😬

今日揀選了一間近巴士站的台式餐廳吃晚餐，裝潢普通，但是服務員的很有效率 ，上餐速度亦很快。我點選了一人餐，主餐+小食+飲品:醬汁雞扒拼玉子豆腐肉燥飯+凱撒沙律+檸檬柑桔。因為台式食物通常較味較濃，所以小食和飲品我就選一些較清新的食品。出品的賣相都相當不錯，而且精緻，份量剛剛好。肉燥飯與傳統的比較淡一些，雞扒煮得恰到好處，入口肉汁豐富，與醬汁配合得天衣無縫，不過天婦羅玉子豆腐就有待改善，因為除了吃到肉子豆腐味，還有很濃烈的魚腥味。不過，食完飯飲下一大杯冰凍的檸檬柑桔，在炎炎夏日真是一件痛快的事。