101台式休閒餐廳 (小西灣廣場) (已結業)

上次自己一個人食過覺得幾好，今次同幾個朋友再去去食午餐，貪佢哋鋪面寬闊，坐得舒服，最啱同朋友一齊食飯傾計，點左三個餐，分別係蟲草花木耳炆雞飯、慢煮咖喱牛坑腩飯給香茅豬扒肉燥飯，再配合埋大大杯嘅台式飲品，三五知己去食個午飯嘅好選擇

今日晏晝一個人落商場食午餐，去咗101枱食休閒餐廳點咗個午市一人餐，點左個炭燒豬頸肉肉操飯，個餐配一款小食，我就揀咗台式腸，仲可以轉台式飲品，我就點左個大大杯嘅台式珍珠奶茶，雖然佢嘅套餐飯嘅份量唔係算太多，但係由於有跟埋小食，仲有杯台式飲品好大杯，食完都好飽下，絕對係物有所值

去小西灣幾次，見到這間餐廳，空間大，坐得舒適WOR~~好，一於入去試下。初時以為是好似大X樂果D要自己order，哈哈，原來有服務員，真係笨蛋了！ 基本的台式食品都有，而且選擇很多~~是一個特點呢~~ 我們點了台灣麻辣麵，古早牛肉麵，小吃有鹽酥雞和台灣腸！ 古早牛肉麵，牛肉是淋的，都入味，湯有點偏鹹。 麵我比較喜歡軟身少少~~ 小吃鹽酥雞和台灣腸~~意外地好好味~~我喜歡個腸，香脆， 而鹽酥雞都很有風味，令成件事不同了。坦白講，這裡的主食不太大吸引，反而小吃很掂！ 台灣麻辣雞扒麵。光睇個樣就已經不太吸引，而且吃下去都只可以評普通， 個湯味道不突出，而且個麻辣欠缺驚喜和辣度....ER....麻辣不是要有麻有辣嗎？ 還有一個我忘了，不過這店是比較普通。 要讚一下空間大而且服務好，一定揾到位，所以想休休閒閒的朋友可以來~~不怕阻人做生意！ 我的美食之旅： https://www.openrice.com/zh/restaurant/userinfo.htm?userid=63738402

行過成日見到101既台灣野幾抵食，我鐘意食牛肉面，女友又鐘意食麻辣同冷拌麵，咁岩101都有齊，咁就去試下啦！叫左古早牛肉麵同雞扒麻辣麻醬拌麵。牛肉麵湯底比平時食既深色，但味道不會過濃，蘿蔔大舊多汁又冇渣，有小小蔥係面增加香味，牛肉份量亦不算小。雞扒麻辣麻醬拌麵，麻香味非常夠，唔太食得辣既我就覺得太辣啦！雞扒煎得金黃香脆，邪惡既雞扒食落脆卜卜帶小小甜，好食👍🏻👍🏻2個餐包飲品，凍飲就加$2，叫左凍珍珠奶茶同蜂蜜綠茶，珍珠奶茶較甜奶味重，蜂蜜綠茶就剛剛好。

月尾想食平dd.午餐就黎左101肉燥飯度食.貪夠平又夠飽。叫左古早牛肉麵，湯底顏色好深，有2舊大大舊蘿蔔同3-4舊牛肉，蘿蔔清甜多汁冇根👍🏻牛肉不韌亦不算非常淋，不過不失啦！但面就唔係好吸到湯底既味道！另外再叫左雞扒麻辣麻醬拌麵，麻辣同麻醬拌麵都係我既最愛，點可以唔試！但係個人覺得比較咸，最令我意外竟然係塊雞扒，雞扒煎我好香脆，平時食雞不食皮既我，將雞皮食哂，雞肉帶點甜味。2個餐都送飲品，揀左熱蜂蜜綠茶同凍珍珠奶茶。凍飲都只係加2蚊就飲到，但奶味重茶味較淡。

打風前夕都係返屋企附近食穩陣d好耐冇食過101台式菜，今晚就黎試下而家轉左唔係自助式，會有人帶位落單，最後先出去比錢埋單餐牌款式都多左，仲會有鋸扒食🐔🐮🐷但見到有得一人一鍋，即刻被吸引😋今次3個人試左3個湯底記得滾左後熄細火食左d麵先呀1. 麻辣湯底(中辣)-芝士竹輪卷, 雞肉, 午餐肉- 米線湯底麻味較少，帶甜味(台式特式)，非川式的辣得嗆口同油膩，所以中辣都唔會好辣米線都幾滑口，而且滾咁耐都唔會爛👍吸哂湯的精華配菜可以揀3個送，份量都正常芝士竹輪正呀👍好多芝士流出黎午餐肉冇厚切就較冇口感，雞肉就少少少“鞋”口2. 三杯雞湯(小辣)-魚皮餃, 芝士丸, 油麥菜-米線湯底比麻辣湯再甜d，帶少少辣，仲會好香雞湯味，十分惹味魚皮餃幾好食，有d似四海，皮薄肉嫩，而且肉味濃郁👍芝士丸同平時較不同，外皮較硬，唔係好吸湯3. 豬骨清湯-貢丸, 芝士竹輪, 蘿蔔-渝川麵湯底幾清澈，不過又唔會好淡味，岩哂清淡d既人蘿蔔煮得幾淋，且清甜，好配合個湯貢丸同芝士竹輪都幾彈牙渝川麵有d似刀削麵，較厚身有口感，掛湯都唔錯👍總括黎講: 食物質素ok, 服務態度ok, 50蚊一個晚餐絕對抵食😋💵，凍珍珠奶茶都係加2

今晚屋企冇飯食，本身想煮個公仔麵食就算，附近開咗間新嘅台式餐廳都未食過，於是決定對自己好啲，落去試一試新野！本身諗住叫個滷肉飯食，點知見到竟然有台式一人火鍋，睇落好似好吸引咁，就決定叫黎試吓！我揀咗個無骨香辣三杯雞涮涮鍋，個鍋份量好豐富，除咗三杯雞，仲有台灣腸、鴨血、肥牛、豆卜同埋花枝丸。麵底可以自由選擇，我就揀咗渝川麵。我個人本身唔係好食得辣，但係三杯雞鍋嘅辣到都接受到，佢仲帶啲甜味，而三杯雞都做得好入味，麵就有少少似上海麵咁嘅質感。另外佢個鍋入面都有好多唔同嘅菜，呢樣我幾欣賞。餐飲就叫咗凍珍珠奶茶，都只係需要加兩蚊咋，超抵！

上一次同老公急急腳甘試左呢間台式休閒食店，由於我上一次冇試到佢個牛肉麵（我見大部分食客都係叫牛肉麵）所以今次特登再要求老公陪我食呢間！所以一坐底已經諗都唔使諗，二碗牛肉麵呀🖐🏻唔該！整體都可以，個賣相似係非常惹味，不過竟然唔係，佢個湯甘深色，理應可以做到好惹味，所以有D失望；不過個麵都煙韌爽口，有索到D汁，牛肉都炆得可以，都好淋口，不過又唔算好好味，因為牛腩個香味唔夠出，至於個白蘿蔔係極度唔掂，又老又多根，，牛肉麵個精粹相信個蘿蔔係大家都期待的一部分，不過係完全冇味。

呢間台灣餐廳開左一段時間，我地第一次幫襯。之前聽人地講，呢間野麻麻地，味道一般。不過，甘晚叫左三個套餐，分别係三杯雞火鍋，牛扒鐵板燒，牛肉面。之前係台灣食過類似既餐，相比之下，感覺甘晚既味道尚算唔錯。

呢間分店轉左做先入座後叫餐以前係大xx形式叫左一碗麵同一杯香芋珍珠奶茶先評論麻辣手撕雞麻醬涼拌麵雞就幾嫩既配上秘製麻醬其實吾錯但個涼拌麵就差少少野咁食落口好乾 吞吾落可能因為無野飲送住食但杯香芋珍珠奶茶都等到20分鐘先到杯野味道好淡珍珠好難咬

見開左咁耐都未去試過食去買過外賣試下 落單都正正常常第一次買 落單果個又冇講 單上面又冇寫鬼知要交單咩 仲以為一張收據 一張攞野果陣比返佢 個男仔勁大聲 串77咁講 交單啦我冇比單佢 佢都唔駛咁ge語氣呀🤷叫左杯凍珍珠奶茶 一早就整好左個飯等3個字先整好 堂食都幾多人 咁就算啦點知個女仔 嗌number 咪遞張單比佢佢就一句 行過黎攞 然後走行開左呢刻已經唔對佢地d態度有d咩期待啦好彩 d野食算中規中距 但應該都冇下次架啦

今日同朋友去行山小西灣上去大浪灣來回,熱到爆炸行到落山熱到呢,跟住就想搵野食行左去小西灣邨睇下有咩吃入左去101台式休閒餐廳,見到有好多一人火鍋但真係好熱,所以食其他算一人一個餐雞扒玉子肉燥飯,三杯雞肉燥飯再加2蚊要凍既珍珠奶茶雞扒玉子肉燥飯,三杯雞肉燥飯---其實係雞扒定係細舊雞肉而言個味都OK既,仲有蛋,肉燥都還可以珍珠奶茶--正常野,一般啦,茶唔算香茶既味道,奶既化例都OK既

呢間本身都一般般。。但今日實在太熱。。商場內選擇不多。。想坐低飲杯野。。又唔想去大家樂同老人家迫。。呢度就比較舒適。。店員態度好左。。因為請左個後生既唔錯。。但我個多士真係等左好耐。。佢主動問我有咩未到。。跟完之後就有喇。。但成個多士係凍既。。食完之後好想嘔。。。唔多新鮮。。。係唔記得左整熱定本身係咁? 杯台式奶茶。。我唔想好似上次咁飲珍珠奶茶但飲管唔夠粗食唔到珍珠。。所以叫左台式奶茶。。結果都係冇麥茶味。。飲左一半放棄左。。

這間「101」台式店分店處處，有「101肉燥飯」、「101涮涮鍋」、「101牛肉麵」等不同主題的店。這間「101休閑餐廳」則集合了牛肉麵、涮涮鍋和肉燥飯，不再獨沽一味。先來兩杯珍珠奶茶，台式奶茶味道一般，茶味欠奉，奶精略多，但珍珠大粒煙韌，口感很好。我點的台式牛肉麵湯底水準一般，蘿蔔亦不太入味，麵條亦偏硬，是快餐店質素的牛肉麵。辣味台式牛肉麵湯底香辣濃郁，調了味的洋蔥惹味香口，令人驚喜。整體味道一般，珍珠奶茶更加可以不點。

要講台式食物，小西灣來計，勉強得一間「台灣小食」，而且仲要只係賣麵食。所以101算係小西灣唯一一間主打台式食物既餐廳（要遠至杏花邨才有茶木）。店面基本上無乜店員，因為採取大家樂式銷售模式，係櫃檯俾曬錢買飛點好餐，就會有人送餐。而上圖豬扒滷肉飯不過不失，唔算太濃太重口味同油膩。牛肉麵，牛腩處理較粗糙，入口比較油膩，不過份量充足，麵條軟硬適中，蘿蔔清甜總結來說，晚餐大概$60-$70左右（連飲品），算係大家樂、其他連鎖式餐廳以外多一個選擇吧