101台式休閒餐廳 (慈雲山中心)

黃店💛台式101休閑餐廳最近因為武漢肺炎疫情嚴重，我同家人都少咗好多出街食，今日由於太夜都未買餸，就決定出街食一餐。呢間台式101係一間位於慈雲山中心嘅黃店。餐廳好大坐得好舒適，枱與枱之間都距離都好遠，食得好放心。醬汁雞扒拼玉子豆腐肉燥飯 （$44)我叫咗個肉燥飯，份量超大耶，唔止白飯多，連餸嘅size都非常多，雞扒都好厚身，而且又香又嫩滑😋 玉子豆腐係我最愛，外脆肉軟超正，每次黎都必食！餐飲方面叫咗珍珠奶茶，咁大杯而且好似街邊手搖珍珠奶茶一樣好飲，仲要唔洗加錢，唔叫蝕底呀😆餐廳仲有口罩袋可以拎，食野唔洗怕冇位擺低口罩呀！…查看更多

屋企附近嘅黃店唔多，上次黎咗呢間101台式休閒餐廳度食牛肉麵，今次我又黎試吓佢嘅肉燥飯先。晚飯時間，人流依然唔多，一個人食都可以霸一張四人枱。而且枱與枱之間有一定距離，唔洗怕衞生問題。我叫咗一人商務套餐S2. 醬汁雞排拼玉子豆腐肉燥飯（$65）✨同上次嘅牛肉麵一樣，飯都係超級大份，今次又冇屋企人幫我食，我食淨咗差唔多一半><。餸方面有肉燥、半隻蛋、伴菜、玉子、雞排。雞排都算大塊，而且食落夠嫩滑，醬汁唔會太鹹。玉子豆腐係我最鍾意食嘅，外面炸到脆嘅皮，加埋入面軟綿綿嘅玉子簡直係天作之合。伴菜都ok，唔會好乾。飯方面，用鹹鹹哋嘅肉燥配白飯食就最正啦。，不過肉燥嘅份量多返啲會更好😆小食揀咗T7. 香草芝士玉子豆腐（唔洗加錢）✨因為我真係好鍾意玉子豆腐，所以小食都揀咗，不過呢個係有香草同芝士嘅。溶溶哋嘅芝士加埋落去呢舊外脆內軟嘅玉子，比頭先更好食。所以我之後將主食啲玉子都點咗芝士醬黎食😋飲品就揀咗J1. 珍珠奶茶（唔洗加錢）✨ 估唔到呢個唔洗加錢嘅珍珠奶茶都咁好飲。同上次個盆栽珍珠奶茶嘅分別就係冇咗啲曲奇同cream。用嘅杯係直身嘅，睇落都係差唔多size。咁大杯珍珠奶茶唔洗加錢仲好好飲！叫普通冇小食嘅一個餐五十幾蚊都可以免費飲到，超抵。珍珠好多好煙韌，奶茶又好濃味，會encore💛…查看更多

我自己係做侍應既,如果我做到咁,估計我到被人炒嫁啦尋日同家人去食,因為食過二次,覺得啲野五係最差既因為有小孩我同家人選擇左角落卡位坐,坐左低十分鐘到冇人行過黎幫我地落單,舉曬手叫曬聲到可以冇人理既好啦,有個著白衫既女侍應既過左黎,一黎到就將你地店既擺設放係我座位外面,即係叫我五準走既意思(?)定係個女侍應太睇得起我,認為我瘦到可以靠一少條空隙岀去(?)一過到黎就問幾位,頭到五抬起,4個你抬起頭到見到啦,需要我再特登講?然後問完單到冇落就走左去走左去五係問題丫,麻煩你之後翻黎丫或者叫另一個黎丫,完全冇最後火就食到一大堆,咩到冇食就走左真係差過麥當勞囉,麥當勞起碼到會問人食咩,最後會道謝我吾係西客,西到你要對我客客氣氣,我就係神個種只係我覺得我入黎你地店起碼要得到最低既尊重真係麻煩貴店管理一下你啲員工,我不會再光顧也不會推薦朋友去光顧員工態度差,環境又差...一入到去...枱下面全部到係垃圾...…查看更多

店舖人流只有三份一，不可選枱，想放袋於旁咭椅，員工也不許可。兩人叫台式牛肉麵及牛肉肉燥飯，牛肉用牛肋條好肥， 烹煮時間不足，唔淋身，湯不熱油膩 ，麵超硬身，絕不再光顧。…查看更多

呢度員工一啲禮貌都無，經理更為離譜。我指住餐牌叫L21，佢自己落錯A21。之後一直送一碟牛油多士黎我地張枱，已經講左唔係我地既。(因為佢落錯A21)個侍應又係我地隔離講粗口話邊枱叫架。最後仲要話我係叫A21。對唔住唔好意思一句都無講，仲要發脾氣拖個餐牌。野食ok，服務真係0分。我真係無試過入一間餐廳係無人招待，無人帶位，落單侍應亦都視而不見。就算食品質素ok，我都不會考慮再次光臨，真係俾錢買難受😣…查看更多

今日連埋阿女，五個人來到都慈雲山中心吃午飯， 以前這間101大排長龍，今日不用排隊，直接入去。舖頭空間大，環境舒適，座位唔會手踭撞手踭。點菜方面：為咗就阿女，要左個清湯花枝丸米線唔知幾時開始轉手工麵要加$3， 靜悄悄又加咗價， 可能因為走麻辣， 成本嘢清水煮一樣， 完全不能叫做湯, 丸切開一半， 視覺上好似好多粒，米線彈牙可口夠軟林。老公 個特盛雞扒肉燥飯賣相一般，份量稱得上特盛， 滷汁有色冇味。 花枝丸 仍舊吸引， 終於有樣食物有鹹味。盆栽朱古力珍珠- 造型有心思，朱古力味濃， 珍珠有口感，但痴住一舊舊。奶奶話個手工麵麻麻地 ，好硬又唔彈牙 ，冇乜面質量，湯底清淡，未至於難食但唔好味。三杯雞不錯，雞肉嫩滑。細佬話 蕃茄湯底無味，米線很硬，唔好食。 炒蛋好滑。 珍珠奶茶一般。…查看更多

男友叫左個午市一人套餐，炭燒豬頸肉肉燥飯+小食鹽蘇雞+珍珠奶茶。我叫左個早古牛肉麪+珍珠朱古力。先講個飯，我覺得係汁送飯，係好多生粉水既汁+豬頸肉+肉燥，十分難食。再講小食，一擺低得3小舊既鹽蘇雞，我覺得好出奇地少，就同待應講係米得咁少？跟住佢拎左入廚房同我換。點知再擺低既只不過係“剪碎返頭先個3舊迷你雞”，我地o左😓😓同埋唔脆，只係暖既。我個牛肉麪都十分一般，湯還湯，麵還麵，肉還肉，麵同蘿白唔入味，湯就不過不失啦，牛肉都ok既，唔硬就係牛肉味囉。2杯飮品係ok既。總結…唔會再幫襯囉，失望…查看更多

今日同阿妹試下食呢一間早餐 多士唔夠脆不過勝在厚底 牛油味都幾香 炒蛋煮得幾好有落牛奶炒 茄通番茄同埋肉都幾多 食落去好飽 成份早餐都幾抵食 加埋凍奶茶 都係30蚊左右 平過食麥當勞 仲要飽啲 如果有埋腸仔就更完美啦…查看更多

平時食一人邊爐多數去吉X家/大X活/牛X鍋，今次比我發掘到有台式一人火鍋，仲要係抵食！有好多唔同款式嘅湯底同味道揀，想食多啲肉，加五蚊就有，可揀雞牛豬～主食方面都唔少款式，共有八款，唔想食台式飯麵都可以食公仔麵烏冬。仲有得追加唔同配料，款式都幾多下，我就冇加喇邊爐個爐頭係用gas爐，除咗主要料外，個鍋仲有好多材料，有台灣腸、粟米、豆卜、金菇、蕃茄、玉子豆腐、冬瓜同極量嘅包心菜😂個鍋好滿，我要夾起啲嘢得滾到。沙茶牛肉小火鍋好香濃嘅沙茶味，啲牛肉由頭煮到尾都仲係好滑好入味，最後嘅湯底用嚟煮麵就一流🤤台灣卜卜蜆小火鍋個湯係豬肺湯味，好清甜，有好多蜆，正！！仲有蟲草花係入面。加咗個雞脾肉，估佢唔到咁大舊！烚咗好耐都好滑又吸湯味。我哋叫咗呢兩款台式主食。個飯好好食，啲肉燥好香；個麵係扁身，好彈牙。跟餐免費配飲品，呢兩杯係水蜜桃紅茶同柑桔檸檬，可加錢要大杯啲或其他特飲。…查看更多

好耐無行過慈雲山中心，依加商場裝修緊，行咗一圈發覺都幾多新餐廳。下午茶時間見肚餓，揀咗一輪都係決定食呢間101。我地叫咗兩樣嘢：豬扒雪菜米：豬扒醃得幾入味，肉質唔會好硬實，亦唔會癡牙，加上醬汁甜甜地，幾好味。雪菜米就普通啦。藍莓多士：多士搽上酸酸甜甜的藍莓醬加上少少煉奶，幾好味。餐廳地方都幾闊落，幾好坐，環境明亮，上餐速度OK，價錢相宜，下午茶時間都幾抵食。…查看更多

台式卜卜蜆火鍋蜆份量偏少 追加牛肉更加唔抵🤡早知食吉野家湯底加左蟲草花 紅棗 味就冇乜 不過心理上覺得養生.試完伏 都係叫返台灣野先抵食穩陣雞扒章魚餅麵+小食(台灣腸)+飲料湯麵入面仲有前菜嘅手拍青瓜 蓮藕 滷蛋呢個套餐真係抵到爛 食餸都食飽 幾好味…查看更多

因為返工響呢頭附近，所以間中台灣菜癮發作，都會嚟呢度食。大約一年前食過幾次，我覺得唔錯，牛肉麵好濃郁，加上份量又略為大碗，對打工仔嚟講價錢稍貴，但都值得。後來舖頭好似轉形，還是改左風格，開始又有火鍋，又將牛肉麵轉左味，失水準左好多好多，由以前想食好西個日必要，慢慢收成無咩選個時先去一兩次。聽同事講，呢間又改左少少，下午賣嘅變左咖啡牛腩飯等茶記嘅野。於是又上去試一次。我都係堅持食番台灣牛肉麵，但係⋯⋯⋯真係不及當年。雖然都係得落⋯但無咁好味。結果我扭轉唔到我對佢嘅期望。…查看更多

未結婚前，我同媽咪住，都係住慈雲山，間唔中返嚟慈雲山，唔係媽咪屋企食，就會去慈雲山中心搵食。其實我對仔女都好鐘意食肉燥飯，所以台式食物都永遠係首選。老婆揀咗咖哩牛坑腩飯，辣辣地，好香口，而且牛腩入面我比較鐘意食坑腩，因為好咬啲，同埋多啲肉。而我就叫咗個台式火鍋，揀咗沙茶牛肉小火鍋、肉燥飯，仲加咗午餐肉 & 鮮蝦雲吞，肥牛配麻醬真係好夾。飲品：朱古力雪香 (左) & 水蜜桃紅茶 (右)，水蜜桃紅茶跟餐唔洗加錢，朱古力雪香就加$7，其實都唔貴。老婆鐘意雪香加咗啲麥皮，一粒粒有咬口。…查看更多

火鍋口味比以前更加好食，而且仲多咗啲餸除咗吉野家愛可以選擇當然口味不是正宗嘅台灣味，但麻辣湯底做得不錯，配上新竹米粉吸收湯底味道，食起上嚟非常過癮。火鍋髀起肉操飯更加好食，而且份量較多一鑊可以兩人食。唯獨卜卜蜆既蜆，因為唔係新鮮，所以完全冇味道亦都冇口感。$69有一個煲一款肉一款飯/面+一杯台式飲品，算是平價…查看更多

中午約咗人食飯，諗住坐得舒服啲，嚟咗呢間食台灣野，地方好大，可以坐到好多人，唔使驚無位，見到好多學生哥嚟食飯。我係一個無辣不歡嘅人，嚟到呢度梗係食返個麻辣牛肉麵啦。但佢嘅麻辣令我好失望，雖然我諗住小試牛刀叫個小辣食下先，但係佢完全冇辣味，我仲以為佢上錯咗俾我。我問職員佢隨口就叫我加枱面上面嘅辣椒醬，我心諗：唔係咁hea我下麻。嚟到呢刻我已經對呢間餐廳冇任何期望，所以就加咗啲辣椒漿入去食就算。佢哋所謂既辣係完全唔香亦都唔麻，所以對於一個喜歡食辣嘅人來講真係極度失望，唔會再嚟呢間餐廳食。…查看更多