龍門冰室 (已結業)

我同友人都好钟意食茶餐厅，今次黎到香港仔咁啱经过见到间冰室，就入去试下佢！龙门冰室提供嘅食物款食甚多，有西式嘅，有港式嘅，总会揾到一款啱自己食。入到去见到店舖用左黑白色格仔做墙砖，风格时尚，而且有好多卡位，俾人坐得舒服啲。叫左个铁板西冷意粉，份量都几大，用料毫不孤寒，食到好饱，入口好松软，而且都好入味，意粉亦都唔会湿粒粒，干干地而且做得几好口感一流，啱哂一个男人食嘅份量！佢隔离仲有啲肠仔、粟米、西兰花所以其实配料都几充足，一啲都唔会Dry。…查看更多

星期日同2位小朋友去个度食午餐，叫了一个粟米汁鱼柳意粉，一个葱油鸡扒饭。 葱油鸡扒饭豉油好甜好奇怪，粟米汁鱼柳意粉黎到我问侍应系咪黎错左白汁，佢话呢个系粟米汁，但我整开只见到几粒粟米，味道无问题不过"杰"左d。环境唔错，但如果以佢介钱系香港仔我就应该唔会再帮亲。…查看更多

入咗嚟依间冰室，发现餐牌好多选择。呢个午餐嘅时间，我哋叫咗一份西式嘅all day breakfast ，同埋港式焗猪扒饭。餐汤都几足料冰室都好新潮，有好多特饮，好多唔同味道嘅咖啡。我叫咗依杯系绿茶鲜奶咖啡。咖啡同埋绿茶嘅味道好香浓，我都系第一次试呢两个嘅配搭。见好多食客都点红豆冰，我哋都有试到。佢嘅椰汁味都好香浓，仲有好多香甜嘅红豆。热辣辣嘅焗猪扒饭一上枱就好香，上边加咗三大块芝士片，非常之钟意食芝士捞饭嘅我见到就好开心啦！而佢嘅猪扒都较林，唔错！英式早餐一望落去都好吸引！大蘑菇烧得好香好多汁，上边摆放牛油慢慢溶化，好味，值得加分！炒蛋炒得好滑牛油多士香脆，配合埋肠仔同烟肉一齐食好好味。呢个午餐我哋都食得好饱，食完之后有动力出发去书展，哈哈！…查看更多

每逢谂唔到食乜嘢，最后都会去咗食龙门冰室😂😂今次就叫咗个普通得来几好食嘅常餐。常餐A2入面会有一份叉烧意粉，即叫即烤嘅多士，另外可以配一份肉食。今次我就拣咗芝士肠。虽然都等左一阵，不过食物上碟热辣辣，似系即叫即整🤣🤣都值得等嘅。值得一提嘅系呢度嘅常餐多士可以拣酱，好多地方都剩系得牛油😢呢度就有我最钟意嘅炼奶。good!! 整体而言都算值得推荐～🏠龙门冰室 (香港仔)香港仔香港仔大道194号地舖…查看更多

去完朋友屋企拎野 想食啲嘢 咁就去咗附近嘅茶记食啦 估唔到呢一间茶餐厅啲嘢食都几高质黑松露炒蛋多士闻落去劲重黑松露味 咬落去每一啖都系充满着黑松露嘅香味 而且个炒蛋十分之滑 除此之外好多士都做得十分之唔错 因为佢系烘左底 夹埋啲黑松露炒蛋一齐食简直完美 多士嘅脆口配合埋炒蛋都好夹芝士火腿流心西多士佢嘅外貌同平时嘅西多士冇乜分别 食落去啲芝士系个西多士入面溶左 唔错 热辣辣食系最正瑞士鸡翼捞丁瑞士鸡翼同埋个面系分开上嘅 咁样嘅话就可以因应唔同人嘅口味而落个酱汁 瑞士鸡翼十分之入味 而且整得好冧 面质方面几爽身 而且都几挂汁早晨全餐 其实估唔到茶餐厅里面有早晨全餐 出乎意料之外地觉得佢唔错 卖相都几丰富 而且份量都几大 仲有配埋餐汤同埋沙律 炒蛋炒得好滑 有少少奶香味 个大啡菇都整得几好 仲保留左啲汁 德国肠仔煎得几脆身 下午茶餐都几多选择拣咗个瑞士鸡翼配麻酱乌冬鸡翼整得好好食 麻酱乌冬每条乌冬都好挂汁 而且我冇谂过个乌冬系冻嘅 因为平时食其他餐厅啲麻酱乌冬呢系有少少热热地 但佢真系完全系做咗冷盘𠮶啲感觉番茄蛋鸡翼米线蕃茄汤底好浓 汤入面仲有啲蕃茄肉喺度 好似每一啖都食紧蕃茄 另外我觉得番茄同鸡咁样煮都好夹👍🏻…查看更多