龍門冰室 (已結業)

我同友人都好鍾意食茶餐廳，今次黎到香港仔咁啱經過見到間冰室，就入去試下佢！龍門冰室提供嘅食物款食甚多，有西式嘅，有港式嘅，總會搵到一款啱自己食。入到去見到店舖用左黑白色格仔做牆磚，風格時尚，而且有好多卡位，俾人坐得舒服啲。叫左個鐵板西冷意粉，份量都幾大，用料毫不孤寒，食到好飽，入口好鬆軟，而且都好入味，意粉亦都唔會濕粒粒，乾乾地而且做得幾好口感一流，啱哂一個男人食嘅份量！佢隔離仲有啲腸仔、粟米、西蘭花所以其實配料都幾充足，一啲都唔會Dry。…查看更多

星期日同2位小朋友去個度食午餐，叫了一個粟米汁魚柳意粉，一個蔥油雞扒飯。 蔥油雞扒飯豉油好甜好奇怪，粟米汁魚柳意粉黎到我問侍應係咪黎錯左白汁，佢話呢個係粟米汁，但我整開只見到幾粒粟米，味道無問題不過"傑"左d。環境唔錯，但如果以佢介錢係香港仔我就應該唔會再幫親。…查看更多

入咗嚟依間冰室，發現餐牌好多選擇。呢個午餐嘅時間，我哋叫咗一份西式嘅all day breakfast ，同埋港式焗豬扒飯。餐湯都幾足料冰室都好新潮，有好多特飲，好多唔同味道嘅咖啡。我叫咗依杯係綠茶鮮奶咖啡。咖啡同埋綠茶嘅味道好香濃，我都係第一次試呢兩個嘅配搭。見好多食客都點紅豆冰，我哋都有試到。佢嘅椰汁味都好香濃，仲有好多香甜嘅紅豆。熱辣辣嘅焗豬扒飯一上枱就好香，上邊加咗三大塊芝士片，非常之鍾意食芝士撈飯嘅我見到就好開心啦！而佢嘅豬扒都較林，唔錯！英式早餐一望落去都好吸引！大蘑菇燒得好香好多汁，上邊擺放牛油慢慢溶化，好味，值得加分！炒蛋炒得好滑牛油多士香脆，配合埋腸仔同煙肉一齊食好好味。呢個午餐我哋都食得好飽，食完之後有動力出發去書展，哈哈！…查看更多

每逢諗唔到食乜嘢，最後都會去咗食龍門冰室😂😂今次就叫咗個普通得來幾好食嘅常餐。常餐A2入面會有一份叉燒意粉，即叫即烤嘅多士，另外可以配一份肉食。今次我就揀咗芝士腸。雖然都等左一陣，不過食物上碟熱辣辣，似係即叫即整🤣🤣都值得等嘅。值得一提嘅係呢度嘅常餐多士可以揀醬，好多地方都剩係得牛油😢呢度就有我最鍾意嘅煉奶。good!! 整體而言都算值得推薦～🏠龍門冰室 (香港仔)香港仔香港仔大道194號地舖…查看更多

去完朋友屋企拎野 想食啲嘢 咁就去咗附近嘅茶記食啦 估唔到呢一間茶餐廳啲嘢食都幾高質黑松露炒蛋多士聞落去勁重黑松露味 咬落去每一啖都係充滿着黑松露嘅香味 而且個炒蛋十分之滑 除此之外好多士都做得十分之唔錯 因為佢係烘左底 夾埋啲黑松露炒蛋一齊食簡直完美 多士嘅脆口配合埋炒蛋都好夾芝士火腿流心西多士佢嘅外貌同平時嘅西多士冇乜分別 食落去啲芝士係個西多士入面溶左 唔錯 熱辣辣食係最正瑞士雞翼撈丁瑞士雞翼同埋個面係分開上嘅 咁樣嘅話就可以因應唔同人嘅口味而落個醬汁 瑞士雞翼十分之入味 而且整得好冧 麵質方面幾爽身 而且都幾掛汁早晨全餐 其實估唔到茶餐廳裏面有早晨全餐 出乎意料之外地覺得佢唔錯 賣相都幾豐富 而且份量都幾大 仲有配埋餐湯同埋沙律 炒蛋炒得好滑 有少少奶香味 個大啡菇都整得幾好 仲保留左啲汁 德國腸仔煎得幾脆身 下午茶餐都幾多選擇揀咗個瑞士雞翼配麻醬烏冬雞翼整得好好食 麻醬烏冬每條烏冬都好掛汁 而且我冇諗過個烏冬係凍嘅 因為平時食其他餐廳啲麻醬烏冬呢系有少少熱熱地 但佢真係完全係做咗冷盤嗰啲感覺番茄蛋雞翼米線蕃茄湯底好濃 湯入面仲有啲蕃茄肉喺度 好似每一啖都食緊蕃茄 另外我覺得番茄同雞咁樣煮都好夾👍🏻…查看更多

今日想食番啲港式嘅食物，於是就搵吓有啲咩冰室呀茶餐廳啱食！最尾我哋去咗喺香港仔嘅龍門冰室！我哋去嗰陣時已經係下午茶時間，但係餐廳就非常之爆滿，好彩啱啱有一台走咗我哋先有位坐咋！我哋要咗個瑞士雞翼下午茶餐同埋一個暗然銷魂飯！每一個下午茶餐都包左一杯嘢飲我哋要咗兩杯凍檸茶小冰！瑞士雞翼個瑞士汁做得非常之好，雞翼都好入味！另外我哋仲要左一個西蘭花，不過有少少失望嘅事原來佢真係就咁白水灼熟，一啲味道都冇！…查看更多

今日同男友係香港仔做完嘢，攰攰地見到有間冰室就入咗去坐同埋叫嘢食一打開餐牌真係好驚喜，因為有好多食物款式比我地揀!我地叫咗秘製咖哩海鮮飯、原條鰻魚滑蛋飯、紅豆朱古力西多拼瑞士雞翼，飲品有紅豆奶茶冰、波蘿冰、凍檸茶先講下個秘製咖哩海鮮飯，咖哩汁好有椰香味，有一大塊吉烈魚柳、帶子、青口、尤魚同埋薯仔，真係勁多餸，好抵食，而且海鮮非常新鮮，值得一試！原條鰻魚滑蛋飯有好大條鰻魚，鰻魚汁好好味送飯一流，滑蛋非常滑好香蛋味，真心推介！至於個下午茶紅豆朱古力西多拼瑞士雞翼也非常好吃，紅豆朱古力西多都係第一次食，古唔到係咁夾，唔太甜讚，雞翼也煮得非常入味唔過火！我點了杯紅豆奶茶冰係好好飲，紅豆煮得軟滑，奶茶很滑有茶香，下次一定要再試！…查看更多

因為做嘢原因，嚟咗香港仔呢邊，咁啱飯點，就食埋先走啦。之前喺銅鑼灣試過龍門冰室，今次又見到就想試下佢其他食物。紐西蘭羊架拼香草腸（$90）扒餐要六點後先有，用鐵板熱辣辣咁上枱，好有懷舊嘅感覺，同埋滋滋聲咁令人食指大動。羊架幾肥美幾香，有兩件。德國腸成條切到有花紋，配埋黑椒汁，好睇又好味。招牌爆芝士焗厚切豬扒焗飯（$50）蕃茄幾多，酸酸幾開胃，就算係爆芝士都唔會覺得“漏”。朋友一開始覺得一定食唔晒，最後兩個人都係K.O.左呢兩碟野熱奶茶同餐湯一杯奶茶滑唔滑，其實就好睇得出水吧嘅水平。餐廳環境乾淨企理，同埋幾新淨，睇得出裝修完冇耐。地下黑白粒粒階磚，更加添左復古氣息。整體來講，食物質素幾好，又坐得舒服，CP值算唔錯，行過搵食都可以試吓。…查看更多

我住在香港仔，這是個人口老化的舊區。但在翠華多年前進駐後，其他連鎖食店如翠河、譚仔等也如雨後春筍，陸陸續續啟業。今天我要幫襯的是其中一間－龍門冰室。踏入五月天，綿綿的下了幾天雨，怪悶氣的，便趁個雨停的空檔，來這裡喝下午茶。冰室面積很大，卡位足夠而且寬敞，空間感十足。但坐下後舉了一會手拿餐牌，也沒有人搭理我。好不容易來了位店員，態度麻麻，一點兒熱誠也懶得付出，擺明我這個客人是可有可無。是我要求太高了？現代人連笑容也吝嗇得徹底。我點了一個下午茶餐，38元有奶醬多，叉燒湯意，凍檸茶和炒蛋白。後者正是我多次幫襯龍門的最大原因。叉燒湯意有5，6片瘦叉燒，吃來可口。但整碗湯意一點兒味道也沒有，淡而無味，我想廚房大佬可能沒放鹽。失望！奶醬多醬料充足沒有欺客…讚！但那片麵包卻愈來愈細…最最最開心的便是炒蛋白，份量不少而且不油膩。我不知道香港哪裡，可以吃到同樣的炒蛋白，簡直是健康首選，亦是我頂住服務員的冷傲能度，不時幫襯龍門的主要理由。凍檸茶就是凍檸茶，一般。龍門冰室食品種類多樣化，價錢亦可接受。如果你可以漠視服務員的質素，值得一試。…查看更多

今日去左香港仔食飯，見到呢個有得自己揀汁既雙併焗飯好似幾抵食，我就叫左個黑椒加咖哩，應該伏既都有個譜掛。等左一陣個飯送到黎仲有少少氣泡，黑椒同埋咖哩汁融埋一齊，食左少少飯同汁已經覺得好正，黑椒汁好濃味同埋好重黑椒味，所以都杰身唔會太水，咖哩汁就係一般茶餐廳食到既咖哩汁，有港式既風味! 加埋個焗飯有雞扒同埋豬扒，以49蚊黎講算係抵食，而且又唔太多人，好正既一個lunch!…查看更多

今日咁啱經過香港仔做嘢 順便搵個朋友聚舊 朋友建議食茶餐廳 嘆番個下午茶裝修帶有懷舊風格 地下嘅階磚用咗黑白間色 既時尚又帶有懷舊冰室嘅情懷 座位要坐位之間都算寬敞坐得舒適這裏早午晚三餐嘅食物都可以喺度解決 食物款式種類夠曬多 焗飯，鐵板餐，湯麵類， 炒麵炒飯……不能盡錄，而且價錢一啲都唔貴 非常親民流心芝士西多士 麵包炸到金黃色上面加咗糖漿同埋一大嚿牛油，好鬼邪惡！ 切開中間驚喜從從， 芝士已經達到流心效果， 加埋火腿嘅鹹香味，呢個組合真係冇得頂咖哩牛腩飯$49除咗有牛腩，薯仔之外 原來仲有牛筋 牛筋炆得好林 有種入口即化嘅感覺 好充膠質 完完全全入曬味醬汁非常惹味及濃郁 下飯一流 真係可以汁撈飯咖哩厚切吉列豬扒公仔麵$49咖哩汁是日式風味 味道不會太辣 香滑濃稠偏甜的 每條公仔麵都吸收曬醬汁嘅味道 太好吃了吧吉列豬扒又厚又多汁 表面嘅脆漿夠薄而且酥脆 塊豬扒大過塊面 抵食！整體經濟又實惠 而且食物質素高 呈現出來又美觀又好吃 香港仔居民實在太有口福了…查看更多

我最欣賞嘅餐廳就係提供免費upgrade 咖啡或茶, 轉做latte espresso, 佢嘅 我點了LATTE, 真材實料, 非常之香 , 雖然上面冇雕花, 但係以茶餐廳嚟講佢質素已經非常之好, 口感十分柔順,仲要免費添另外嘅就係佢嘅餐包, 再配埋炒蛋, 係用咗3.6北海道牛乳, 份量非常之大, 切開一半嚟食, 佢嘅蛋汁仲係流出嚟添, 非常之香, 另外一半就將佢夾埋喺餐包一齊食, FEELING非常之正嘅!咬落去非常之實在, 我覺得感覺拍得住澳牛添 !再配埋佢嘅叉燒湯意粉, 意粉非常啲彈牙,叉燒有口感,分量都不少呢!一餐真係非常之豐富, 作為一個午餐嚟講, 非常之滿足…查看更多

今日路經香港仔散心，見到依間餐廳就入去食個tea1.奶茶紅豆冰紅豆剛剛好軟熟，奶茶香滑濃厚，甜度剛好2.流心芝士西多士第一次試有其他餡既，心得我心熱辣辣，芝士完全係多士入面溶化3.黑松露炒蛋多士送上枱既時候已經好重黑松露味，炒蛋超滑同好多蛋夾埋麵包一埋好味，仲有薯餅配埋4.芝士咸牛肉脆豬脆豬用牛油塗焗好脆，芝士同咸牛肉好夾依間冰室流量都好高，員工態度十分好卡位都好多選擇，亦都好舒服下次要同朋友一齊去試下招牌菜先…查看更多

之前都去過屯門分店嘅龍門冰室 覺得d食物比一般嘅茶餐廳嘅質素高👍🏻好鐘意佢地嘅肉醬意粉🍝今次就試下其他野😍試左至尊海鮮鐵板餐🤩入面有青口 魷魚圈 蝦球 帶子同龍利柳配龍蝦汁 好大份好足料👍🏻絕對夠兩個人一齊食 跟餐仲連埋個羅宋湯🤩 好濃味又唔會太咸 👍🏻下次想試埋個星級雜扒鐵板餐 之後仲叫左個是日晚餐-黑椒牛扒炸帶子飯 d牛扒好juicy😍d帶子大大粒 同埋炸得好甘香🤤🤤兩份餐其實都可以夠三個人食 每份都好大碟 份量十足🤭總括黎講 我覺得佢地食物質素真係比一般茶餐廳高之餘價錢又底👏🏻👏🏻下次一定要再黎試下佢招牌嘅蜜糖雞翼✌🏻…查看更多

又黎到香港仔，不過今次係黎打波，無論係邊到打，都一定要去龍門冰室整個鐵板餐，因為係又正又抵食👍👍👍先講個鐵板香草腸仔牛扒，我一向都配龍蝦汁，吾係話其他汁吾好食，只係龍蝦汁好少有整得好味，一般龍蝦汁都好鹹，又冇鮮味，不過最欣賞係龍門有鮮味，所以食咩扒我都會配龍蝦汁，另外大份就不在話下啦，最啱我啲偽運動員😂另外點了一份黑松露炒蛋多士，一個字：好好食呀🤪，黑松露味好香，而且個蛋多汁，再加上烘到有小小干脆既多士，真心舒服不過當中不得不提到有小小敗筆，芝士焗西蘭花，我個人比較重口味，中意濃香芝士，而依份芝士焗西蘭花整體十分清淡，食得比食材新鮮，不過口味偏淡，如果你比較中意清新啲既焗菜，可以嘗試一下最後，環境方面比較普通，不過不失，服務方面做得比較周到，基本上有求必應，有笑容，十分客氣，可能因為我去的時間人很少，服務很是滿意整體來說是很棒的平民飯堂，我也很常去，不意外，好吃👍…查看更多