龍記燒味茶餐廳

营业中

休息中

收工諗住喺附近頹食，點知發現原來咁好食。叫咗個海鮮野菌魚湯泡飯，超有驚喜。因為太晏好多餐廳都收咗工，好彩呢一間茶記九點都未收。本身都冇預計個湯係魚湯，點知飲落又幾好飲唔會太鹹，反而仲有少少清新鮮味。海鮮種類好多，有魚塊、剝殼嘅蝦、魷魚、蟹柳，而野菌真係多到食唔晒，木耳、金菇、雞髀菇、紅蘿蔔、薑片，估唔到咁健康，浸埋喺個魚湯度有少少鮮味好好食，毒毒OT一人晚餐嘅弱小心靈得到治癒。凍檸茶正常茶記發揮，少甜少冰拮兩下啱啱好。

龍記新開張時我經常都會同同事一齊來食lunch，但後來轉了工作，就好耐無食過了。近排我又番左份新工在附近，又可以經常食到了😁$46一份早餐都算貴，但對比番啲食物質素，都叫做可以接受，首先杯凍檸茶係必須的，我個人都幾鍾意，雖然唔係特別好飲，但保持到水平，我已經好滿足。個餐係跟左炒蛋，餐肉，丹麥多士的。炒蛋就偏熟，要扣少少分。但個丹麥多士係抵讚，重要免費可加煉奶，變左奶油多，抵👍🏻炸菜米個份量足夠，味道好味，湯底帶甜加上潮州辣椒油，一流😋最後呢間餐廳嘅員工，服務態度好好，值得稱讚

下午茶迷你四寶飯，燒肉除左皮其他9成脂肪，雞翼超瘦得塊皮，紅腸得頭尾兩小塊，唯一食得落係半粒咸蛋同少許飯。係咪要慳到咁？五十幾唔多都唔少，食完剩返係一肚氣🙄🙄🙄

中午見人山人海坐無虛席的龍記聽別人評價各有高低今日趁差不多2點 店內人少一試他們的午餐牌都是差不多固定的我就叫了每日都有的燒鵝叉燒飯例湯夠味有渣燒鵝份量不大份但也不算少 皮脆 中層薄薄一層油膏叉燒是理想中的叉燒，有70-80分肥瘦相間，咬口軟淋，甜甜的兩拼都好食真的少有幸運了但熱奶茶太澀口，茶底不合格地方乾淨好坐，不會有一般燒味店黏淋服務員正常，好過附近燒味店

Popped in for dinner after a workout and was not disappointed. Lung Kee is a classic, competent HK canteen with a full menu worth exploring. What really brought me inside as I was walking by was the fact that they had dinner sets. It’s not the cheapest I’ve ever had, but I found the portion to be generous and the quality is there, at least for my dish. I got the G set, which included a selection of 5 meat/protein items from the bbq. The soup was hearty too. One thing to note is that the dinner s

因為同公司相隔一條街，分量又比其他餐廳大點，所以都唔係第一次幫襯，以前食，都只係油水足點，味道無咩問題，又點咗一排佢既常餐同星米，今日突然想食炒牛河，大失水準啊！12點3落單，35分攞到手，成盒炒河都好鹹，食咗一半，真係食唔落，真係第一次食淨咁多就要棄置，決定唔食幾個月睇下點

龍記是燒味起家，如果來食燒味飯是不錯的選擇。可惜我個人對茶餐廳的基本要求是一杯奶茶，店家以膠杯盛載熱奶茶，這是很影響茶味的口感，如果杯內的漂白水洗得不徹底，奶茶就會混合漂白水的味道，入口淡淡漂白水味，難渴死了。我不明白奶茶是一間茶餐廳的靈魂，為何不用瓦杯／玻璃杯？怕打爛增加成本？此外，常餐中的雪菜／榨菜肉絲米，我永遠都看不出有幾多條肉絲在內，雖然是普通茶餐，如果連這些基本功都欠缺，收費若此，實在會令人卻步。

叉燒貴妃雞飯叉燒煎蛋飯普普通通叉燒雞飯，叉燒口感OK味道方面唔係太濃上菜嗰陣係暖，一碟係半肥瘦另一碟係偏瘦。🥸雞方面唔鞋口並普通鹹雞，都係不過不失。反而飯粒偏軟，口感唔太好。但煎蛋做得唔錯，邊脆而配搭豉油撈飯幾好食。😂如果夜晚晚，喺附近又想食燒味飯都可以選擇一下。---## 評分標準食物:3.5/5環境:3.5/5服務:3.5/5性比價: 👍🏽pp$50-100回購率:🫡地址：上環德輔道中300號華傑商業中心地舖

一件有肉既雞，一件有肉既鵝，3塊柴皮叉燒，全肥肉乳豬皮x5，兩塊燻蹄（我食咗），三條菜心，其他淨係得骨頭嘅雞骨同鵝骨，，啲飯有豉油汁撈下夠晒飽肚，睇相都知道有幾好味，講真第一次食六寶飯諗住有啲咩驚喜，真係俾咗好多驚喜我，包裝都幾好分開兩個盒個感覺幾豪華，好友嗰種期待感，食完之後完全感覺到嗰一種黑人問號嘅感覺，飽到個胃頂住頂住，鍾意食燒味同識欣賞嘅人，一定係啲相裏面睇得出啲燒味有幾咁出色👍🏻👍🏻👍🏻👍🏻👍🏻👍🏻

平日食下午茶，叫左個燒鵝瀨加凍檸茶，48蚊，一上菜見度份野咁樣，問侍應阿姐呢份野係咪咁肥？佢話呢個部位係尾，係整隻鵝最靚嘅部位，算我唔識食啦，食左一舊成口油，夠哂肥美…..

☺️龍記港式茶餐廳 全日套餐 $63^_^大塊魚柳 唔會好油，鬆脆好食，炸得啱啱好，好食過我之前食過嘅茶餐廳（雖然係廚房佬同某啲冰室）。^_^牛油多士 第一次係茶餐廳食到呢個口感嘅多士，係比較綿密嘅口感🤔有d難形容，鐘意「卡磁卡磁」嘅硬脆口感可能會麻麻，但都不妨一試，我都鐘意。其他冇乜特別。隨街walk-in有驚喜的茶餐廳。地址：上環

今日忙到甩轆咁滯，啲會一個接一個，晏都無時間食。所以求其喺公司樓下間龍記食個快Lunch再番上去做嘢。一坐低即刻嗌咗個茶餐，多士奄列，雪菜米。茶記果然係最有效率嘅餐廳，唔駛5分鐘，所有嘢已經嚟齊。多士佢係俾丹麥酥，咬落去好鬆化同有淡淡嘅甜味，可惜呢排戒緊口，所以食咗一半就要擺低。奄列唔係就咁火腿奄列，入面除咗火腿之外仲有洋葱同磨菇。食得出係即煎而唔係整定，唔錯。雪菜肉絲米就正路啦，唔會好好食又唔會好差，合格。由坐低到埋低前後都係用咗十五分鐘。趕時間嘅話龍記都不失為一個好選擇。

(自費食評) 今天平日我們兩人來到龍記茶餐廳吃午餐。日式雞絲炒烏冬，雖然餐廳上菜速度比較快，但質素真係比較普通不過係入到口但炒得比較濕羅漢齋扒西蘭花$59，比較健康一般整體

上次話三點半前先至有午餐食要視乎尋日兩點幾去到上環龍記其實都諗咗一陣去第二間食肥叉乳豬飯定係去龍記電第二間燒味店坐滿人於是乎去番西港城附近嘅龍記食午飯我最鍾意就係食肥叉燒鵝飯多色加薑蓉凍檸茶少冰😁😁今日例湯係合掌瓜紅蘿蔔都幾入味唔知依排啲燒鵝係咪冇咁靚平時好juicy好淋身架噚日食雖然畀咗係燒鵝髀但係啲肉冇咁嫩口韌韌地冇曬我最鍾意食嗰種口感爭少少希望下次食有改善呢個時間喺龍記唔係咁多人雖然下午茶時間通常呢個時間都有梗枱你坐坐得舒舒服服唔使行日一至五午餐時間人逼迫坐滿人

尋日晏晝返公司做嘢諗住食肥叉燒鵝飯平時食開多色加薑蓉凍檸茶少冰呀唔該！誰不知道嗰陣時三點半, 三點後就冇午餐食於是乎其實都唔係咁肚喎轉食下午茶餐叫咗個香腸肉丁加出前一丁加杯凍檸茶少冰有幾驚喜啲肉丁平時食開好硬呢隻唔知咩牌子好軟身又入味腸仔都應該係廚師腸我加多幾蚊轉做出前一丁麻油另上因為呢段時間人唔多可以慢慢坐喺度啲侍應冇趕住執嘢叫你走坐得安樂啲！整體都好好味最鍾意飲埋啲湯底飽住個肚可以返公司做嘢...