龍百味大廚

营业中

休息中

餐廳：龍百味大厨地點：油麻地菜式：小菜餐牌：喺門口自己攞個托盤，之後排隊揀餸、飯、湯同飲品，最後去收銀比錢，自己搵位坐，有水機同膠水杯，仲白飯任裝添。蒜蓉蒸白鱔 $68蒜蓉蒸白鱔一客七件，整得皮彈牙，肉鮮甜，每件都加有適量蒜蓉調味，仲有蔥花同辣椒，不過味道唔辣。伴有好多雲耳仔，吸左個汁更好味。呢個餸我推介。豉汁蒸蒼魚 $55原條蒼魚單餸黎講好大碟，肉質好嫩，面頭加上好多豆豉、蔥花同少少辣椒，好夠味，下底仲有雲耳仔。鳳梨咕嚕肉 $28有超多件咕嚕肉，多過十件，味道調得唔錯，伴有少少菠蘿、燈籠椒同洋蔥，好開胃。菜心炒牛肉 $26幾片牛肉口感味道都唔錯，菜心好嫩，個汁好味得黎唔油。老火靚湯 $6今日老火靚湯係冬瓜紅蘿蔔湯，飲落肉味好濃，不過好清，絕對有阿媽靚湯風味。有冬瓜又有紅蘿蔔，好足料。白飯 $5白飯好濕潤，係我鍾意既口感。凍汽水收銀有雪櫃。餐廳裝修光猛，地方企理，午市好旺，不過人流去得快，有阿姐幫手搵位。食物質素唔錯，我見大家個d餸都係好大碟。可以望住啲餸黎嗌都幾好，上到枱唔會太熱，不過都唔會凍冰冰。平民價格高質小菜！

餐廳：龍百味大厨地點：油麻地菜式：小菜餐牌：喺門口自己攞個托盤，之後排隊揀餸、飯、湯同飲品，最後去收銀比錢，自己搵位坐，有水機同膠水杯。鳳梨咕嚕肉 $28超多件咕嚕肉，多過十件，食落脆脆哋皮而肉質爽爽地，味道調得唔錯，伴有菠蘿、燈籠椒同洋蔥，好開胃。枝竹蘿蔔炆牛筋 $26牛腩有好幾舊，算淋，好入味。伴有吸汁枝竹、白蘿蔔同清爽西芹，材料好豐富。蒜蓉菜心炒牛肉 $26牛肉份量唔少，口感味道唔錯，菜心好嫩，個汁好味得黎唔油。豉汁蒸黃花原條黃花魚肉質好嫩，面頭加上好多豆豉、蔥花同少少辣椒，好夠味，唔辣既。仲伴有雲耳仔，係要小心魚骨啫。老火靚湯 $6今日老火靚湯係蓮藕瘦肉湯，飲落肉味好濃，不過好清，絕對有阿媽靚湯風味。入面仲有兩大件蓮藕同豬肉食，好足料。汽水喺收銀前面攞。餐廳裝修光猛，地方企理，午市好旺，不過人流去得快，食物質素唔錯，一個人食四餸一湯好滿足，可以望住啲餸黎嗌都幾好，上到枱唔會太熱，不過都唔會凍冰冰。平民價格高質小菜！

我和好友去旺角行街，經過彌敦道566號僑建大廈地舖的<龍百味大廚>時，見到小菜好好味，選擇多，價錢親民，的確係平民價格的高質小菜，餐廳的環境舒適，地方乾淨衛生。我哋點咗兩個套餐：🥢蒸黃花魚、三色肉碎鮮茄蒸水蛋、苦瓜豉汁炆魚柳、老火例湯及白飯黃花魚的魚肉嫩滑好味；水蛋蒸得好嫩滑；苦瓜豉汁炆魚柳好惹味；老火湯的湯底鮮甜好飲。🥢蒸白鱔、麻婆豆腐、鹹蛋蒸豬肉餅、老火例湯及皮蛋瘦肉粥白鱔肉新鮮彈牙，蒜蓉味香濃；麻婆豆腐好惹味，豆腐好嫩滑；肉餅賣相吸引，豬肉新鮮入味；皮蛋瘦肉粥好味。

🐉見到油麻地有間主打食平價高質小菜既龍百味大廚！一於去試下！🐟蒸白鱔好滑，啖啖都鮮甜，冇腥味，配埋蒜蓉一齊落肚舒服到不得了。🍖咕嚕肉外脆內嫩，唔係淨係糖醋味，仲食到菠蘿果香，惹味但唔膩。🥦牛肉芥蘭炒得夠火喉，牛肉唔鞋口，芥蘭爽口帶少少甘，啱晒配飯。🍗蒜蓉牛油雞中翼令人驚喜，蒜香濃郁，牛油唔會蓋過雞味，咬落去肉汁滿瀉。佢可以選擇堂食或者外賣，佢仲可以配埋例湯或者白飯，白飯仲係任食添！真係好抵食！

今次外賣試咗龍百味小廚幾款小菜，每款小菜$20-$28，菜式超多，花多眼亂。價錢親民之餘，質素絕對超出預期！堂食亦都可以，座位環境寬敞整潔。鳳梨咕嚕肉$28咕嚕肉外脆內嫩，酸甜汁調得恰到好處，鳳梨新鮮爽甜，開胃又惹味，絕對係誠意之作！ 泰式椒鹽豬扒$28豬扒炸得香口，椒鹽調味帶微微泰式香辣，肉質鬆化，送飯一流！ 馬來咖喱薯仔牛筋腩$28咖喱香濃帶椰奶香，牛筋腩炆得軟腍入味，薯仔吸盡咖喱精華，辣度溫和。 粟米吉列鮮魚柳$26魚柳外皮酥脆，內裡魚肉嫩滑，配上甜甜粟米醬，醬汁分開裝，返到屋企先淋上魚上面，魚柳唔會腍，大人小朋友必定鍾意！ 西蘭花炒雞柳$26西蘭花翠綠爽脆，雞柳嫩滑，簡單小炒鑊氣足，健康又好味。 韮黃炒滑蛋$26炒蛋滑嫩帶蛋香，韮黃爽甜，份量足料！ 白飯煮得粒粒分明，軟硬適中，完美襯托各款小菜。

七月十五，中午十二点左右，我和媽媽去到油麻地龍百味食午飯，一入店內，我先去找個位置坐下來，媽媽就去揀餸，她見到椰菜花炒肉片，就問姐姐：哩味餸辣唔辣？一名姐姐快捷清楚地回答：唔辣，唔辣㗎，媽媽就要咗；坐下來一食，辣到她即時吐出來，拎返碟餸問姐姐，一個話：我無講過唔辣，我無講過；另一個姐姐大大聲話：唔辣，唔辣㗎，我食過係唔辣㗎！此時一個男人行出來問個究竟，他裝束似係該店廚師，我將過程講一次，他話係辣，因為係用XO醬炒，所以係辣㗎！他就叫嗰位話自己無講過嘅姐姐退還碟餸嘅錢比我；之後我想揀多碟餸比媽媽配飯，由剛剛退錢比我嗰位姐姐負責挾餸，我揀咗西蘭花炒雞柳，她只挾咗半碟就比我，我問点解得半碟呀？人人都係一碟滿，我哩碟得一半；她大大聲話係咁多啦，要一碟滿比多D錢囉，其他姐姐一起大聲笑；我就比返碟餸佢，即時帶媽媽離開。係香港飯店食飯竟然要受到無慾，真係好離譜！！！

喺油麻地食lunch見到呢間餐廳好多人排隊 就排埋一份😂模式係先排隊揀飯餸 再俾錢 之後自己搵位餸嘅款式超過20款 有魚有肉有菜分別揀左糖醋排骨、南乳豬手、蝦仁炒蛋、蒸白鱔 同埋炒雜菜味道唔錯 調味足 唔怕好鹹 個人最鍾意糖醋骨 酸甜開胃 好厚肉 豬手入味軟腍 蝦仁炒蛋亦都幾滑 蒸白鱔蒜味比較重 魚肉爽脆呢度嘅白飯任裝😂好適合大胃王 亦都可以揀粥、蒸包 仲有例湯同其他飲品 價錢幾合理 而且可以自由mix and match 都係唔錯嘅選擇

平時買飯盒2餸飯會係首選，因為成個feel係好均衡，而且仲可以揀唔同既餸菜去做配搭，自由度好大，所以我都好appreciate 2餸飯呢個香港文化👏今日經過呢間龍百味見到入面既餸排得咁靚真係好吸引，就揀呢到搞掂個晚餐🥣。🐒蒜香西蘭花炒肉片💰$26🐒西檸雞💰$28🐒白飯(堂食任添)💰$5🐒檸檬水(凍)💰$12佢地可以堂食/外賣，如果外賣就記得揀餸個陣講埋，佢地既模式係好似學校canteen咁係有個餐盤再揀餸，佢唔同餸有唔同嘅價錢，如果想知個餸係咩或者咩價錢都可以直接問職員，佢哋好helpful，而揀好之後就可以去到最後睇吓有冇需要加飯或者加湯或者加嘢飲，如果嗌白飯嘅話堂食係可以任裝，一定可以食到飽👍🏼我覺得如果多人食係好抵，因為佢平均每個餸都係20幾蚊，而且佢係碟上，所以係好方便大家一齊share，我見到隔離有幾枱都係咁，而且佢地店舖好闊落都坐得好舒服，亦好freestyle，唔會趕人走都無壓力，所以如果想帶朋友過嚟睇驗兩餸飯，我覺得都係一個幾好嘅選擇

近幾年大熱嘅兩餸飯遍佈各區最近去旺角呢間堂食位置乾淨又寬敞仲有白飯任裝叫兩個餸真係保證食到飽外賣盒獨立將每款餸菜分開唔怕兩三款菜汁撈埋一齊多達三十幾款小菜見到賣相令食慾大增．樣樣都好吸引真係好多選擇✨鳳梨咕嚕肉 酸甜開胃．兩餸飯好味嘅必點菜式✨陳年黑醋一字骨呢款都係招牌菜式加入黑醋酸酸地．鍾意食一字骨必試✨沙嗲牛肉炒芥蘭芥蘭新鮮爽口配上軟腍嘅沙嗲牛肉．非常惹味揀咗兩款蒸魚．食到停唔到口✨蒸倉魚原條倉魚加入大量豆豉肉質嫩滑又新鮮✨蒸白鱔白鱔厚肉．口感爽彈無細骨．啖啖肉．超好食白飯同例湯 只係$6堂食嘅話仲可以無限添加

龍百味大廚今次要介紹一間喺油麻地有一間平民價錢高質小菜餐廳叫「龍百味大廚」，呢間餐廳有好多小菜屋企煮都幾麻煩，而且價錢好親民，就好似一碟白鱔都只係$68，其他最平小菜都只係$20起，親民到你唔敢相信！呢間餐廳門口都有一級，輪椅人士就要自備斜板入去，餐廳入面都好大，足夠一部輪椅行入去，店員都好細心我想食咩，佢哋會幫你拎去枱面，招呼非常好！1.蒸白鱔$68（9.5/10）呢碟蒸白鱔份量都好多，一共有8舊白鱔，每一舊白鱔肉緊唔梅，肉質有少少肉彈，食白鱔要小心細魚骨，仲有加咗雲耳都幾創新！2.馬來咖哩薯仔雞$28（9/10）呢碟咖哩薯仔雞唔算好辣，雞件都有5舊，都幾多肉，最初以為肉質好鞋，點知幾嫩，仲有薯仔、三色椒等！3.菜心牛肉$26（9.5/10）呢碟菜心牛肉份量都多，菜心好清甜，唔老無渣，牛肉唔韌，都有6片，唔錯！4.白飯任裝$5（10/10）呢碗白飯個口感幾啱我，仲要係任裝，如果係大胃王嘅你就啱啦！5.老火湯$6（9.5/10）老火湯日日都唔同，我果日係沙葛排骨粟米紅蘿蔔湯，呢個湯好清甜，好好飲！2人總共價錢$138個人口味總評分：9.5/10  地址：油麻地彌敦道566號僑建大廈地舖

兩餸飯的店舖越開越多，但良莠不齊，有些就大排長龍，有些則人煙稀少。位於油麻地的「龍百味」則日日都有人排隊，非常受街坊歡迎，皆因餸菜種類超多，而且很美味。店鋪光猛整潔，座位多，白飯每碗$6，堂食還可以白飯任裝呢！《蒸倉魚》$55 ～ 大條新鮮《陳年黑醋一字骨》$28《蒜香西蘭花炒雞柳》$22《苦瓜豉汁炆魚柳》$26合掌瓜老火例湯清甜好飲 $6餸菜味道調得很好，每日新鮮即煮，真是比自己買餸煮飯來得更方便和經濟。

梅菜扣肉 $48五花肉肥瘦均勻，梅菜鹹香適中，肉質鮮嫩，而且燜煮得十分軟腍，份量都幾多，送飯一流。枝竹蘿蔔炆牛筋腩 $26牛筋腩炆得夠淋，枝竹吸滿湯汁，蘿蔔清甜無渣，味道唔錯。 韭黃海鮮炒滑蛋 $26蛋身夠嫩滑，韭黃夠爽脆，蝦仁亦都爽口彈牙，味道都幾滿意。 鳳梨咕嚕肉 $28酸甜開胃，外脆內嫩，鳳梨嘅自然甜味平衡咗醬汁嘅濃郁，食落唔會膩。 紅燒肉 $35紅燒肉醬香濃郁，肥瘦適中，肉質鬆化。陳年黑醋一字骨 $28黑醋一字骨酸甜適中，醋香突出，食落醒胃。白飯 $5 可以任添任食。老火例湯 $6凍檸茶 $12

油麻地食到家常小菜，又好食開胃美食，就要來龍百味大廚排下隊啦。無錯，龍百味大廚呢度主打平民價高質小菜😋🍚，一到食飯時間就超多人來搵食，排曬長龍食飯墟撼，想食好西又想便靚正，住油麻地既街坊，又或者附近做野的打工族，來呢度搵食就岩曬啦。今晚吾想煮飯，收工來買飯返屋企食，自由配搭，好多菜式任君選擇。就點左4 個餸，魚香茄子🍆，涼瓜排骨，酸甜咕嚕肉同香脆雞翅，另外仲有例湯送，搞掂成家人一晚既伙食，味道👅亦都拍得上媽媽的味道，絕對係好好的一餐家常便飯，以後吾煮飯或者買外賣就吾洗頭痛唸食咩啦，直接來龍百味大廚點菜啦🤭😋

今日想幫屋企加餸，去咗油麻地呢間龍百味大廚買幾個餸！😎 覺得佢哋啲食物質素都 OK 喎，推介一下俾大家！👍🍖 陳年黑醋一字排個一字排幾厚肉，入味得嚟又易咬開，唔會好硬！👍 最抵讚係冇雪味，處理得唔錯，好好餸飯！😋 🐷 果味糖醋小排炆豬腩肉酸酸地，夠晒肥，又係撈飯一流！🤤🐷 炆豬手豬手炆到好淋，充滿膠質，易食！👍 木耳爽口，索埋啲汁幾好！🤤🍍 鳳梨咕嚕肉酸酸甜甜好開胃！😋 粉有少少厚，但係可以接受，整體都合格呀！😌 呢間啲餸都幾好，選擇都唔少，晚飯想加餸嘅家庭一定都啱！🥰 📍 油麻地彌敦道566號僑建大樓地舖

我在这家餐厅点了他们的特色糖醋排骨，价格是28元，但味道让我非常失望，实在不太合我的口味。糖醋排骨应该是酸甜可口的，但这道菜却显得味道平淡，完全没有让我期待的那种美味。此外，我还点了两道素菜：一道是豆干，价格20元，另一道是土豆丝，价格也是20元。两个菜都是和豆瓣酱炒的感觉，土豆丝非常粗，真的有待提高，而且菜量很少，相较于55的三送餸差不多吧，真的吃个寂寞，再加上一份米饭，花费7元，总共算下来，我的餐费竟然高达75元。这样看来，价格显得极其不合理。与其他地方的菜单相比，那里的三荤三素套餐价格更实惠，而且菜量也更足。这样的对比让我感到很失望，觉得在这家餐厅花了这么多钱却得不到应有的品质和份量，实在不值得。以后我可能不会再光顾这里，希望大家在点餐时能多加考虑，避免像我一样被坑。选择餐厅时，性价比才是真正要考虑的因素。