龍寶酒家 (已結業)

今晚家人提早做節，當時酒樓顧客數量唔滿，叫了套餐，食了頭5味都正常出菜時間，食完條魚未到，我們未有即時催，隔了10分鐘，阿媽唔耐煩問侍應有冇漏單，個侍應搵個部長黎答，阿部長話條魚2斤重要蒸耐d, 如是者再過15分鐘未到，一般條魚在酒樓蒸爐蒸15分鐘既話應該變魚乾。阿部長話催左，我顯出不滿面色，冇說話，1分鐘後有個經理過黎話廚房手腳慢3分鐘後有，結果8分鐘後先上魚。如果你同我講手腳慢要耐d我接受，但你用條魚大要蒸耐d黎拖我，好明顯係hea我。

今天同家人選了這間酒摟，因為是假日，我們無book位，所以我未夠六點就去到，好在有位，自己一個人到咗，所以開始研究餐單，選擇多，首先點了一個大四喜（1-淮杞螺頭燉雞花膠湯2-鐡板燒汁京蔥墨魚3-果皮蒸十二頭鮑魚（六隻）4-上湯海生蝦伊麵，湯吾咸有鮮味並有花膠，墨魚腍吾錯，鮑魚最後上，好味，蝦伊麵不過不失。之後再上自選海鮮三寳（1-金蒜蒸龍躉頭腩2-翡翠炒龍躉球3-三杯焗菌皇肉蟹煲，三樣都ok,吾太差，之後點了蘿蔔清湯牛坑腩，超難食，牛腩勁瘦似柴皮，十分難食，再來一個竹䇠金菰扒菜苗，味道一般，仲有半隻燒鵝，燒鵝偏肥，味道還可以，兩個套餐送泰國椰青，叫了三次都未到，要走前先送到，服務態度好一般

今日同朋友們到石塘咀龍寶酒家去到有一碟花生食下蒸返條班仔食下-條魚都新鮮好味道,條魚幾滑同埋蒸既時間岩岩好豬手都幾大隻仲有黑椒夠香口,熱辣辣仲有啤酒一路飲一路食豬手係最正的通菜都OK既,不過相對其他兩樣無咁出色,如果佢用煲仔上會好D因為會熱一點

今晚石糖咀放工同兩個同事食埋飯先走,今日到了龍寶酒家馬拉盞通菜-都OK夠味道鐵板黑椒菌皇大豬手-除左夠香口就係香口,黑椒令到豬手更好味,仲有在鐵板可以保持個熱度清蒸虎班仔-魚都好鮮味,蒸既時間岩岩好飲下大啤解熱

2019年6月30日晚上7時半，我和太太二人到西環龍寶酒家吃晚飯。取票等位要等到7時50分才入座到房內一張四人枱坐。當時，餐枱還未執好，我便叫一名女待應開位及執枱，那名女待應只幫我們執枱及沖茶，咭也沒有開。而枱上只有一份餐牌叫特價菜及一般小菜。等了10分鐘，接近8時左右，才有一名男部長（穿灰色西裝的）入房，要我叫他才幫我們落單。我對他說還沒有開咭，他用懷疑的眼光望住我，並在枱上找有沒有咭。後來，才開一張咭給我們及幫我們落單。由於只有一份餐牌，我們選了半隻龍江鹽焗雞及一碟例牌客家釀豆腐。並問那個部長有沒有其他餐牌，那部長便給了另一本詳盡的餐牌給我們。我叫那部長先幫我們落剛才叫的兩樣餸及兩個白飯，等我們看好餐牌內的菜才加餸。怎料，我們等到8時35分仍未有餸到，但看到另一枱客比我們還遲已有餸菜到。我於是到門口服務台查詢有沒有幫我們落單。結果，查得該部長並沒有幫我們落單。於是門口的待應才幫我於8時38分落單。該部長漏了落單還藉口說我們曾轉過枱才落錯單，但我們一直都未有轉過枱。這間酒樓部長及待應的服務態度特别差，简直是在趕客！食物質數也差得很。

星期六叫一圍中菜全包只需要$1888， 確實係幾抵嘅。所以，我哋就揀咗龍寶酒家提前食我哋嘅端午節飯。呢個套餐叫一路發九大簋全包宴，平日$1688，星期六日order要加200蚊。啲嘢食質素同一般酒家差唔多， 不過不失。比較出色嘅係個酥炸日本廣島生蠔同埋蘿蔔清湯牛坑腩。 而且個大蟠桃壽包係有蛋黃嘅，值得一讚。但係條魚就蒸得過咗龍， 嘥咗條魚。特別提一提嘅係隻乳豬如果要幫你切埋嘅話係要加100蚊嘅， 所以我哋就原隻上，自己剪，慳番一舊水都好吖。但真心要彈嘅地方就係啲服務質素同態度。 首先啲嘢食上得勁快，完全食唔切， 有兩味菜甚至一上枱就要換細碟。 另外大堂侍應完全唔夠， 仲要好多都面口唔好，。因為我哋啲食物食淨好多，問佢哋拎外賣盒同膠袋打包，都叫咗好多次先拎黎，同埋態度明顯係差嘅，希望酒樓可以改善下呢一方面啦。總括嚟講， 如果服務質素冇改善，呢間酒樓應該係冇下次。

近近地諗住同老媽子同爸爸食個晚飯，叫完嘢食，上菜果陣，上菜個位唔夠寬，要郁下位先得，甘老人家行動慢，要我幫先郁到d椅，但上菜個人就𠵱𠵱唉唉，唸唸有詞，之後直頭放低d菜係隔離台就走左去。喂，有無搞錯，你對我無禮貌唔緊要，但係咪要尊重下老人家，人地都移開緊比你，老人家無理由要受你氣！！！！之後有其他人上緊菜，佢又係就甘放d菜係隔離台，大叫d菜放左係度，大佬，冬瓜盅黎ga，你又唔係無車仔，又唔係我阻住你上菜，點解要甘ge服務態度呢

周六提早慶祝媽媽節，不過好多餐廳都full booking, 加上打電話問過仲有特價餸可以點，即刻扑槌！乳鴿特價$16.8上檯時熱辣辣，忍唔住即刻起筷，所以無影到相好味！啫啫通菜無咩穫氣，出面一般會用蝦乾炒，但呢度只用蝦皮，唔夠惹味孜然牛肉四季豆牛肉「喇」過無咩肉味，但四季豆就炒得幾香 蒜蓉蒜龍蝦仔$168/隻好好肉，用左粉絲墊底，好味脆皮豬手 起埋骨，方便食蟹蒸荷葉飯總括黎講算過得去，不過埋單唔係加一，而係加13% 就貴左d 囉

作為一個港大人，其實真系好辛福因為周邊除左有大型連鎖食市仲有好多小店。 今日要為大家推介嘅就系呢間龍寶酒樓。首先講講個location , 佢基本上同香港大學站b2 出口大嘅3 分鐘距離。 晚飯而言佢有好多選擇。而優惠都有好多種包括1 蚊雞， 各種三免套餐同17 蚊乳鴿，當然一餐只可以揀一種。 今人我地兩個人食左呢個 268 嘅油雞餐。 呢個餐包老火湯，半隻蔥油雞，一喋菜，咕嚕肉同一個炒飯而且一人有一個橙送。 基本上每一道菜都 8／10 分或以上而最值得一讚系個雞，隻雞滑之如蔥油都好夠味。而個老火湯十分足料，系入面竟言揾到幾隻雞爪同一字骨。加上打包費兩個人食左271 蚊 而且打包嘅夠第二人兩個人lunch (因為呢個系4人餐 😂)。 總的來說， 呢間餐廳性價比超高為一要彈嘅系服務就一般。

朋友約我飲茶，我推薦去石塘咀龍寶酒家，等朋友嚐嚐味道，周一沒訂位，只等幾分鐘左右，就有位點心紙花多眼亂，很多選擇，我們這次決定點了“五色點心拼盆，鴨腳札，淮山浸春菜，藥膳浸鳳爪，牛肉球，鯪魚球，和最有人氣“紅燒新鮮乳鴿“朋友說下次吃晚飯，我當然贊成

年初一好多地方都不開，兩個人不得已吃撿了龍寶酒家。門口大招牌寫著乳豬半隻148乳鴿16龍躉68等幾個招牌覺得好平，(被騙一）進去要點餐被阿叔告知要點套餐才可以在五個特價菜裡選一個。（被騙二）點了268石斑兩味套餐，點菜阿叔不停話要我點388套餐說肯定不差這百几蚊。這要不是和家人吃飯這位阿叔這樣講話要我點請人食。（被騙三）點了套餐和特價乳鴿，先發現特價菜是每檯可以點一個無需點套餐。（被騙四）叫的普洱阿叔拿來的茶水已經淡到沒有顏色絕對是別桌飲過的 頓覺惡心卻因菜沒上齊不敢和阿叔分辨怕被菜裡加料，滾水壺裡卻有幾片茶葉，龍寶酒家你們茶壺用過都不會用水沖的麼？（被騙五）喊過買單樓下迎賓的公關拿著2288的賬單要我簽，我話我們兩個人只點了一個套餐一個乳鴿點會這個價。（被騙六）阿叔拿來我們檯的賬單，見到被收小菜費12蚊而檯上並未給過小菜。阿叔說那特價菜要收原價。（被騙七）我說好的乳鴿給原價。阿叔發現乳鴿原價和特價差不到12蚊立刻反口說小菜費取消不掉必須收。（被騙八）我說那並未吃過小菜憑什麼收錢。阿叔說你要的話我立刻給你。都食過飯你把一碟花生和辣醬摔在我桌上算什麼？？？奇差的餐廳！年初一各種被騙的一餐

今天下午去龍寶酒家拿票喝茶，我要的是四人枱。剛剛才坐下不久，一個戴眼镜的男服務員走過來招呼都不打，便怱怱從我枱拿走兩張櫈。當我對他說這兒有四個人喎，他頭也不回便說: "人呢？隔离枱要用!" 但是隔离枱根本沒有人，他還踢開我的櫈子，我的袋便掉在地上，我問他這是什麽意思，他不答還用很惡的態度说：“拿了櫈又點，你唔鍾意可以走！” 部長走過來，沒有做什麼，扮忙走開了。 旁邊枱的客人也不值此人所為，還叫我去報警。最後我當然立刻走，服務那麼差，食物好也沒用！

同事同我慶祝生日。想起好耐無食過蟹，於是黎左石塘咀的龍寶食。得兩個人關係又時值中秋期間，原來菜式價錢同平日係有點分別。首先我們要了一份三寶，有蜆，有蟹同蟶子，已經十分滿足了。從來未吃過蕃薯蜆的我發覺還是湯浸的沒豉椒炒來得惹味，或許蕃薯蜆size比平常的豉椒炒蜆大，以湯浸更能帶出它的鮮甜吧！晚飯特價菜式我們選了龍蝦，頗合口味，以這個價錢來說是不錯的。蟶子都有4大隻，蒜蓉蒸最perfect蟹是我要食的菜式，中式茶樓薑葱炒始終最適宜。之前係另一間東南亞餐廳吃過胡椒炒蟹，味道實在太好，配上大大粒整串黑胡椒粒至今難忘。其次我喜歡的煮法便是薑葱炒，始終我都是喜歡較濃味的吧！事前不知的送的椰青，還以為一度送錯。退還後再送回來才知是送的。10月再來酒樓慶生，發覺部份此食評的餐牌已有所分別。順帶一提，10月份再惠顧嗰次與家人黎同媽慶生要了半隻燒鵝，沒一點微暖，又柴皮。感覺與上周到深井要了一份例牌感覺差天共地，雖然裕記要170大元只有例牌，貴得值，因為又熱又脆。所以是次的88元燒鵝令爸媽有點失望。

慶祝長輩生晨，中式酒樓晚飯最合適。龍蝦加e noodle 底，加$30，上湯開邊焗，星期六日再加$10 龍蝦唔太隻，e noodle 超少！乳鴿唔熱，勝在多肉。正價$38/ 隻，平過街市既～ 胡椒大芥菜魚肚煲冇乜胡椒味，大芥菜超少西lan 花scallop Scallop 又係超細隻韓式炸鮮蠔呢個要讚！蠔好新鮮，炸得好好味！驚喜！又有好多隻，一人食到幾隻呢！$10 紅豆沙，平靚正！蓮子夠多，紅豆又lum 綠豆沙又有香草味好難食既楊支甘露好味桂花糕總括，食物半好半差，只覺得乜都加錢，價日樣樣貴$10加一變加十三，唔係過年wo!

今早二人到石塘咀的龍寶酒家飲早茶, 2人上去就有位. 水滾茶靚. 點了好幾個點心加2個蒸飯.  幾個點心的味道不錯, 菜餃皮薄涵靚,絕對不會一夾就破皮甩漏. 鳳爪亦很入味,腸粉很拉得很細滑帶米香.兩個飯雖然是特價但絕無將貨就價,依然是材料豐富的. 兩人埋單連加人都只係80多元, 平均每人40幾,其實今時今日這個價錢真係物有所值, 相當益街坊. 見到有廣告$88一隻燒鵝. 相當吸引, 有機會一定要再來食晚飯.