影片
适逢生日，今日唔自己煮就出街食，一向留意开既龙城鸡煲可以趁呢个机会试试。订左枱同老婆去食，2人枱2个人坐，坐系厨房隔离，位置一般，去厕所啲人出出入入其实都几烦。讲返食物，鸡煲啲鸡系几好食，鸡件够多肉，件数都唔少，个鸡煲既汁好浓厚，睇得出有放心机落去。鸡煲之后就点火锅料落去鸡煲既汁加汤煮，点左好多火锅料唯独是手制墨鱼丸，脆鲩腩比较好食，呢两样其他舖都比较少有。不过有啲例如牛骨髓，鱼皮饺呢啲点左没黎，可能没货啦。总体黎讲，食物选择都多既，$188任食黎讲算系唔错。唯独有一样要改善系个店员，唔知老细定店员啦全间舖得两个人，好多时攞点餐纸，加水要自己黎，明白既，舖仔细细自助形式我都觉得合理既，始终请多个人支出又多左。但系全程没咩主动问需要啲咩同帮手之外，最主动就系够钟赶人走俾钱，最后果下其实好bad feeling，其实我都熄哂炉准备走，银包都拎左出黎，都唔差左几秒，出面又没人等，其他枱又空既，真系唔需要咁。如果想食一餐正常既鸡煲火锅，加上地点近，再加上个店员helpful啲，唔好咁折讲野没咁掘呢，或者会考虑再黎。
继续阅读
屯门好似唔多任食鸡煲，系openrice见到有龙城鸡煲，虽然食评唔多，都决定一试。六点去到成为第一枱食客，餐厅唔算大，大概三十个座位。龙城招牌鸡煲(小麻小辣)平时既鸡煲都系煮得比较干身同少汁，尼间既鸡煲就好多汁，辣度适中，之后打边炉唔使点豉油都好够味，唯一唔满意既系，d鸡件系炸过既，鸡皮变得好难食，鸡肉就一般，同埋鸡件好少，唔似有半只鸡。以鸡煲泥讲，我会俾3分，勉强合格。火锅配料方面，特级雪花肥牛有惊喜，唔系连锁快餐店既质素，系正常ok好食既肥牛，第一转仲有雪花，几有牛味，有赵口；牛柳粒有牛味但太un，好难赵开；美国黑毛猪无乜猪味，但唔难食；黑草羊肉片几有膻味；日本广岛生蚝正常，叫左两转都有来；花枝片同墨鱼仔几爽口；白鳝片有鳝味，唔错；脆鲩鱼片同脆骨鱼腩比普通任食火锅好食；手打芝心虾丸有少少芝士系入面；蟹籽鹅肝墨鱼丸唔觉有鹅肝；手打墨鱼滑同手打虾滑都几弹牙，唔错；午餐肉系好食既午餐肉；日本蟹棒唔错，唔系cheap cheap蟹柳；响铃望落唔够脆，不过都可以接受；金菇正常。竹串鲜虾点左两转都无来，可能无货？(第一转)(第二转)(个人口味：3.8+3.8/10)饮品选择唔多，只有一个雪柜，例如可乐，荔枝红茶，啤酒。整体而言，鸡煲既鸡件系差少少(唔钟意炸过既鸡件)，好彩配料比其他平价($128-$158)任食鸡煲高质。餐厅只有一个侍应(可能系老板?)负责接待同传菜。虽然侍应比较沉默寡言，表现得唔太热情/好客，但都能够提供基本服务。如果有下次，我会叫麻辣火锅，然后再叫鸡件。
继续阅读
帮趁左多年，越做越好188任食都有新鲜脆骨鲩牛肉好有鲜牛味，云吞同埋韭菜饺好好食，任食仲有樽装大青岛任饮，出边真系未见过，唔怪得知仲keep到咁多人流，地方就细咗啲
继续阅读
第一次嚟呢度食饭，味道唔错。 本来想去食良景鸡煲嘅点知佢唔再做自助餐所以就嚟咗景峰。开头以为系逐碟逐碟点，点知道原来系188蚊人任食所有食物好新鲜，饮品任饮，好多嘢拣，下次会再来。
继续阅读
未食过如此难食的鸡煲零味道鸡质差真系非常非常非常非常难食去天悦打个边炉都冇咁嬲真系有啲怀疑以上七个留言都系打手无一样野系值得欣赏!！勇士可以去试下.....绝无半点虚假
继续阅读