龍城雞煲火鍋 (已結業)

適逢生日，今日唔自己煮就出街食，一向留意開既龍城雞煲可以趁呢個機會試試。訂左枱同老婆去食，2人枱2個人坐，坐係廚房隔離，位置一般，去廁所啲人出出入入其實都幾煩。講返食物，雞煲啲雞係幾好食，雞件夠多肉，件數都唔少，個雞煲既汁好濃厚，睇得出有放心機落去。雞煲之後就點火鍋料落去雞煲既汁加湯煮，點左好多火鍋料唯獨是手製墨魚丸，脆鯇腩比較好食，呢兩樣其他舖都比較少有。不過有啲例如牛骨髓，魚皮餃呢啲點左沒黎，可能沒貨啦。總體黎講，食物選擇都多既，$188任食黎講算係唔錯。唯獨有一樣要改善係個店員，唔知老細定店員啦全間舖得兩個人，好多時攞點餐紙，加水要自己黎，明白既，舖仔細細自助形式我都覺得合理既，始終請多個人支出又多左。但係全程沒咩主動問需要啲咩同幫手之外，最主動就係夠鐘趕人走俾錢，最後果下其實好bad feeling，其實我都熄哂爐準備走，銀包都拎左出黎，都唔差左幾秒，出面又沒人等，其他枱又空既，真係唔需要咁。如果想食一餐正常既雞煲火鍋，加上地點近，再加上個店員helpful啲，唔好咁摺講野沒咁掘呢，或者會考慮再黎。

屯門好似唔多任食雞煲，係openrice見到有龍城雞煲，雖然食評唔多，都決定一試。六點去到成為第一枱食客，餐廳唔算大，大概三十個座位。龍城招牌雞煲(小麻小辣)平時既雞煲都係煮得比較乾身同少汁，尼間既雞煲就好多汁，辣度適中，之後打邊爐唔使點豉油都好夠味，唯一唔滿意既係，d雞件係炸過既，雞皮變得好難食，雞肉就一般，同埋雞件好少，唔似有半隻雞。以雞煲泥講，我會俾3分，勉強合格。火鍋配料方面，特級雪花肥牛有驚喜，唔係連鎖快餐店既質素，係正常ok好食既肥牛，第一轉仲有雪花，幾有牛味，有趙口；牛柳粒有牛味但太un，好難趙開；美國黑毛豬無乜豬味，但唔難食；黑草羊肉片幾有羶味；日本廣島生蠔正常，叫左兩轉都有來；花枝片同墨魚仔幾爽口；白鱔片有鱔味，唔錯；脆鯇魚片同脆骨魚腩比普通任食火鍋好食；手打芝心蝦丸有少少芝士係入面；蟹籽鵝肝墨魚丸唔覺有鵝肝；手打墨魚滑同手打蝦滑都幾彈牙，唔錯；午餐肉係好食既午餐肉；日本蟹棒唔錯，唔係cheap cheap蟹柳；響鈴望落唔夠脆，不過都可以接受；金菇正常。竹串鮮蝦點左兩轉都無來，可能無貨？(第一轉)(第二轉)(個人口味：3.8+3.8/10)飲品選擇唔多，只有一個雪櫃，

幫趁左多年，越做越好188任食都有新鮮脆骨鯇牛肉好有鮮牛味，雲吞同埋韭菜餃好好食，任食仲有樽裝大青島任飲，出邊真係未見過，唔怪得知仲keep到咁多人流，地方就細咗啲

第一次嚟呢度食飯，味道唔錯。 本來想去食良景雞煲嘅點知佢唔再做自助餐所以就嚟咗景峰。開頭以為係逐碟逐碟點，点知道原來係188蚊人任食所有食物好新鮮，飲品任飲，好多嘢揀，下次會再來。

未食過如此難食的雞煲零味道雞質差真係非常非常非常非常難食去天悅打個邊爐都冇咁嬲真係有啲懷疑以上七個留言都係打手無一樣野係值得欣賞!！勇士可以去試下.....絕無半點虛假

尋日放假去左屯門搵個朋友，行左陣諗食咩，就見到呢間雞煲，整整齊齊咁，門口坐左幾枱，由於食煙關係坐左出面，一坐底就立即中野食，半隻雞煲微辣($128)，安格斯肥牛，蓮藕片，雞子，白鱔片，桂花蚌同埋涼拌海折頭!先來涼拌味道唔道加埋青瓜絲食非常爽口^^，雞煲來到滾起有待應會幫收蓋，不錯!!雞保味道夠雞肉也很嫩口，配料陸陸續續上晒，份量充足，由其碟雞子，白鱔片同桂花蚌很新鮮，價錢也公道!!配料确實有驚喜，九龍也少有這種價錢享有這種配料，下次再入屯門必定會食!!

好少係屯門食飯,朋友帶黎呢到,一入門發現好多人,入面唔大,基本都坐爆>"<睇黎星期六都係要留位,本身都唔想等,但熱到死又唔想行去第到,跟住有個好靚仔動漫男走左出黎,話坐外面好冇等等,傾完一輪,我地怕熱,寧願等成20分鐘,終於坐低叫野食,3個女仔叫左半隻雞走辣$128 , 另加辣汁,個辣汁勁誇張,見到都想噴火,配菜都幾多下~有冬菇~洋蔥~芫茜等咁上下~味道還OK~不過家姐話咸左少少,配料叫左 肥牛,芝心包,皇帝菜,魚旦,手打墨丸~ 加湯做火鍋都幾惹味~ 配料新鮮但冇咩太特別,冇海鮮真係差少少,裝修唔錯環境幾好~坐得舒服,個男仔服務談吐不錯,睇得劉德華多對小店大排檔都開始有要求@_@?家姐請埋單不知幾錢~睇價單就應該不貴,間中聚舊會再來

我地三個人叫佐一隻雞，要佐微辣，但一開始都覺得好夠味, 可能我地都唔食得太辣我地重叫佐手打墨丸，有意外驚喜，好正烏冬，稻庭牛拍葉，都ok la 雲吞，一般貨仔但食到尾太辣就食唔到點菜

尋晚第1次黎呢度食雞煲，感覺不錯，地方雖然細小，但乾淨整齊，不過火鍋配料選擇不多！招牌雞煲（半隻）～味道香濃，雞肉嫩滑，食過唔少雞煲，呢間算有水準！蝦滑～爽口彈牙，正！雲吞～算是ok雞子～新鮮又大粒雞翼尖（熟食）～味道可以，但略嫌煮得太耐，欠缺口感！整體算是不錯，九點半後仲有85折，ok抵食，值得一試！

開業到而家已食過三次, 每次食完過一排都心思思想去再食, 因為個煲汁真系好好味.今次同個大陸朋友一齊嚟食, 佢本身都系做廚師嘅, 都話味道唔錯. 雖然啲雞無大陸走地雞甘好食, 但都比市面一般嘅雪霉雞好食好多. 小弟唔係太食得辣, 所以每次食招牌雞煲, 個汁夠味, 啲雞又淋, 唔似宝x雞煲咁又霉又淡.其它餸好似牛肉, 丸, 豆扑, 都係standard 料, 不過因為個煲汁好, 淥起來都好食好多.手拍青瓜又爽又脆, 個汁又係做得非常好, 我一個人可以食成碟啊當日老細話有豉椒炒蜆 （唔係日日有）, 叫咗一份, 炒出來夠味夠鑊氣, 好味.有讚有彈, 老細太正經, 笑多D人客都開心D 啦, 你唔笑個樣幾惡架, 另外D 菜要洗乾淨的啦因為冇乜食海鮮, 所以一人一百左右, 五個人, 係市區最少二百但都未必食到咁好質素嘅雞煲,會再幫襯.

今日天氣突然轉壞，被困虹橋走唔到，見到有間食肆裝修幾好，入左去食.佢係食雞煲同打邊爐的，我地四個人叫左招牌雞煲一隻，中辣188廣島蠔配雪花肥牛168西洋菜  25,  雞子 48， 田園鮮什菌 48 ，白魚旦 大份30 ，手打蝦滑大份68店入面個後生仔推介左凍豆腐同前菜雞翼尖，個雞尖好惹味，我地有飲啤酒，送酒一流上菜了，煲多陣先食，一打開好豐富，入面有好多料，有菜有冬菇，啲雞好滑，辣度幾好，少少麻唔算好入味但屯門黎講算最好，先落凍豆腐，無食過原來係雪到結冰嘅豆腐黎, 食果陣口感好多層仲吸左啲湯底好入味，無見過其他有呢樣，定係無留意到，因為店員推介先叫的，無介紹錯，個牛好大碟質素都唔差，雞子勁大粒，差啲想問咩雞黎，個手打蝦滑好特別，食到有蝦肉同好爽口平時手打都成百元，呢個又抵同大份，整體我地都係食得晒睇翻入面好干凈，裝修好仲有畫有字，天氣唔凍佢應該開左冷氣，因為全程都唔熱門口可以泊車，下次可以叫朋友一齊揸車黎，見到2個店員做嘢好快手，但笑容差少少最後埋單原來仲有八五折，因為九點半後入座，每人150唔駛，真係幾抵

入冬後一直想食雞煲，可惜每次天氣轉冷大部份火煱店都爆棚年初四送親友入屯門，剛好到晚飯時間，去紅橋一帶搵食見到呢間舖頭開咗唔好係耐，環境望落幾乾淨可以一試由於時間尚早，舖內得三幾個客人，一行三人柯打了以下食材雞煲一隻 $188 - 叫少少辣，雞煲醬料好香，雞足料有肉韮菜餃 - $32 - 一碟8隻，味道ok粉絲 - $25 - 正常魚片頭 - $30 - 大約有8粒肥牛 - $68 - 唔算好肥，雖然係急凍料，不過食落去都仲有牛味出前一丁 - $10 食到最尾至淥麵，索晒d精華，唔落味精粉都好夠味，加包麻油係一絕唐蒿菜 - $28 - 食唐蒿最喜歡佢陣味，可惜今晚唐蒿唔係太重"唐蒿"味西洋菜 - $28 - 唔老，食落唔會一口渣白飯一碗 $8 - 頭round撈雞汁食一流王老吉 x 4 - 因為有揸車所以唔飲酒，唔想飲汽水飲到一肚氣，王老吉係首選以上價錢只作參考，可能有少許出入最後埋單$460左右