龍點心 (軒尼詩道)

营业中

休息中

呢間餐廳主要係食創意點心，又精緻，值得再食😎⭐️鳳爪排骨飯 $58滿滿嘅排骨同鳳爪，味道正常😊😎⭐️厚切叉燒腸粉 $48叉燒真係好厚切，真係半肥瘦，腸粉夠薄，略嫌唔夠滑，但係食落其實冇乜腸粉嘅質感，主要係食叉燒，因為實在太厚😗⭐️馬拉小籠包 $48小籠包入面似係肉骨茶嘅湯，係幾特別，正正常常⭐️香辣雞軟骨燒賣 $42呢個食落口感好特別，有咬口，辣辣地，好惹味，推介🤓 (因為我本身都鍾意食雞軟骨)⭐️肉鬆馬拉糕 $38肉鬆同馬拉糕都係同平時差唔多，但係覺得兩樣嘢夾埋一齊食唔太夾

是夜要去演藝學院睇演唱會，開show前食個飯先，喺灣仔附近搵好嘢食，今晚想清清地食點心蟹粉菠菜香蝦餃 $58鮮蝦配合蟹黃做主餡，海鮮鮮味好出，估唔到用半熟嘅三文魚籽配搭係咁夾鹹蛋黃墨魚燒賣 $42燒賣用墨魚滑代替平時豬肉餡，中間有流質鹹蛋黃一口鹹水角 $38有驚喜！鹹魚味，同朋友都覺得似鹹魚雞粒炒飯 / 魚香茄子嗰種味，有兩粒橙色 兩粒綠色，綠色比橙色咸水角濃味脆脆富貴紅米腸粉 $50鮮蝦好足料，內裏脆脆亦keep到脆身 唔會淋晒濕晒，紅米腸粉做得細滑 夠晒薄淮杞螺片燉竹絲雞 $52湯頭清 又夠濃味，而且裏面好足料，瘦肉煲完都依然嫩滑，唔會好似平時煲湯肉咁又乾又柴驢打滾 $38感覺好似紅豆餡糯米糍既口感同味道，紅豆餡額外多咗份眉豆茶果既味道鳳爪拼金錢肚 $46*點心有創意之餘 又唔會令人覺得突兀唔夾*香片清香 完全無苦澀味，金色水煲好靚 好襯餐廳格調*周圍都係打卡位*唯一不足係枱太細 唔夠一次過放晒咁多樣點心，但枱與枱之間唔會好迫

行過軒尼詩道嘅時候見到呢一間點心店，個裝修好colorful好搶眼，咁就俾佢吸引咗入去食喇😝入到去環境好乾淨，裝修都好新潮，有別於一般點心店又舊又污糟嘅印象。我哋叫咗個一籠大滿足，入面有六款唔同嘅點心，每款點心都好特別，係傳統點心上面再加左一啲創意嘅元素入去，食落去每一個點心都好有驚喜😙另外，我哋嗌咗個脆脆紅米腸粉，喺香港唔係好多地方有得食，可能係大陸嘅酒樓會容易啲搵到呢一款點心。整體來講，我覺得味道唔錯，環境亦都可以，只不過我係覺得價錢上面有少少貴，不過都依然係值得一試嘅😋

冷氣系統要改善，一路食一路流汗。有個高大年紀老少少嘅侍應態度惡劣，叫佢加水都反白眼，茶錢12蚊位，唔係先比一壺茶人呀嘛。飲晒叫你加水好正常囉！食物係還可以，比平時酒樓點心靚少少。不過今次環境同侍應就…..呢間無下次囉

【灣仔區】【龍點心】有一日喺會展站嗰頭搵嘢食，點知撞正演唱會，所有餐廳都爆晒，要行遠啲食。行行吓見到到「龍心」兩個字，我以為係三藩市某啲幫派嘅膠椅喺度大張旗鼓，仔細啲睇先見係「龍點心」。入去就要畀 $12 嘅茶位，真飲茶咁。叫完壽眉就叫嘢食，$68 嘅「一龍大滿足」就啱晒我，有「酸菜魚鳳眼餃」、「蟹粉菠菜香蝦餃」、「筍尖蝦餃皇」、「松露野菌晶瑩餃」、「鹹蛋黃墨魚燒賣」、「豌豆桃子」各一隻，都好好味，美中不足係有一隻係辣嘅。叫埋 $48 嘅「龍燒賣」，四款包括「懷舊燒賣」、「麻辣牛肉燒賣」、「龍蝦汁墨魚燒賣」、「滷水鵪鶉蛋燒賣」各一隻，又係有粒係辣嘅，其他都唔錯，幾特別，又好食。而 $38 嘅「一口鹹水角」好精緻，味道上都幾好味。最後叫埋 $68 嘅「宮廷三小拼」做甜品，「驢打滾」、「荷花酥」、「桂花糕」三者各有特色，前者更令我憶起林海音《城南舊事》嘅情懷，係值得食吓。一條友咁食法加埋一要 $257，不過我係食得有啲多，先係呢個價。。。（地址：灣仔軒尼詩道216-218號地下A&B號舖）#1amfoodie #foodie #hkfoodie #thatfoodiething #food

之前已經聽過龍點心喺觀塘非常有名，個個都讚不絕口話點心好精緻，又好好味。今次知佢哋灣仔開分店，就帶媽媽來飲個夜茶啦。一入到去有個「龍」字嘅霓虹燈管，夠晒霸氣。地板採用70年香港家居常用嘅細塊格仔磚，超有懷舊感，好有香港特色又cyber。「龍餃子」筍尖蝦餃王：筍配蝦絕配蟹粉菠菜香蝦餃：菠菜皮夠彈牙，上面橙色波子夠彈牙、中間蝦肉夠實彈。酸菜魚鳳眼餃：超有創意嘅蝦餃配搭。松露野菌晶瑩餃：紫色餃就係松露野菌晶瑩餃，好香菇味。「龍燒賣」懷舊燒賣：回味過去麻辣牛肉燒賣：牛肉重牛味，麻辣牛肉燒賣真係有中辣以上，食唔到辣嘅朋友，敬請留意。龍蝦汁墨魚燒賣：墨魚膠爽滑彈牙滷水鵪鶉蛋燒賣：鵪鶉蛋燒賣夠蛋香味而又彈牙。「一龍大滿足」內有六件不同點心，跟「龍餃子」其中4種點心相同。鹹蛋黃墨魚燒賣：要小心吃的是龍蝦汁墨魚燒賣，咬它會爆汁，小心盪唇。碗豆桃子：豌豆桃子包內綠色豌豆少甜剛剛好。「脆脆富貴紅米腸粉」夠香脆、紅色的腸粉皮配上沙律醬加上了彈牙蝦和脆炸両，就算唔點配襯嘅三款醬料（花生醬、豉油、辣椒醬），十分好味。

食物唔錯嘅, 不過張檯比較細. 服務幾好, 侍應待人有反應, 唔會唔理你. 茶 ok 好飲, 門面乾淨企理. 餐廳裝潢似懷舊冰室.好味蔥燒海參餃, 松露野菌晶瑩餃, 懷舊燒賣, 筍尖蝦餃皇, 鳳爪拼黑椒金錢肚正常厚切叉燒腸粉 (可惜叉燒唔係好得), 龍蝦汁墨魚燒賣 (比正常唔係好大分別)

#父親節 落好大雨唯有選擇室內活動～灣仔會展舉行 #創科展覽 就去睇吓👏🏻👏🏻👏🏻當然喺灣仔搵食～#新派點心專門店裝修得好别緻，座位又唔太迫🔸 #鳳爪排骨飯應該係即叫即蒸💨份量非常足，有兩大碗飯以上多排骨、兩隻鳳爪，仲有兩條菜心正常在酒樓，家姐一個人食一個飯都唔夠。。。今日佢竟然食唔晒😅🔸#拉絲菠蘿包 見到成個菠蘿包脹卜卜，賣相已經好出色👍入邊係鬆軟嘅芝士妹妹一個人食咗兩個🥰🔸 #鳳爪金錢肚我好鍾意食金錢肚金錢肚要整得夠林和入味呢間都好好食雙拼又唔使一次過食咁多👍🔸 #麻辣牛肉燒賣 嫌佢唔夠辣🌶辣啲仲好🔸 #筍尖蝦餃皇 而家啲點心專門店蝦餃通常都做得好出色比正常酒樓仲好食好多🔸 #厚切叉燒腸粉 其實腸粉吸咗啲厚切叉燒味腸粉好香，腸粉滑而薄真係得好少腸粉，唔夠食🫣🫣🫣相反啲叉燒太厚太實唔想食啲叉燒😔中國茶好似唔係好夠味可能座位有限，店員比較緊張🥹

點心不論是午市或晚市，都係我哋一家嘅最愛。今次嚟到灣仔呢間出名有唔同創新煮法嘅點心餐廳，試咗好多唔同口味嘅點心。1️⃣糉配點心孖寶要講性價比高嘅，一定唔少得點呢一個孖寶！嚟緊端午節仲可以叫個鹹水糭或者鹼水糭，孖寶套餐仲可以平家底色另一款點心，我哋就揀咗肉鬆馬拉糕，蛋糕鬆軟肉鬆令口感味道層次增加，又咸又甜好好味。2️⃣鳳尾蝦多士蝦多士外皮炸得非常脆口，入面嘅蝦亦都非常鮮嫩，鮮味十足。3️⃣脆脆富貴紅米腸粉醬料唔係得傳統嘅麻醬，仲有泰式甜酸醬，一個腸粉試晒風味不同嘅感覺！4️⃣南北杏菜膽燉豬肺燉盅非常清甜。5️⃣滷水鵪鶉蛋燒賣 3隻（辣）鵪鶉蛋燒賣好多間餐廳都有，但係呢間居然有風味完全唔同嘅滷水口味。6️⃣筍尖蝦餃皇 4隻蝦餃鮮蝦好大粒，皮薄足料！7️⃣馬拉小籠包 4隻小籠包正常都冇馬拉口味，依間餐廳嘅創新真係非凡！

平時打卡都係去cafe，第一次發現飲茶食點心都可以影打卡相😝 全部都係手工點心🥠 即點即做除咗平時食到嘅傳統款式，好多都係自家原創點心無論食材配搭，點心造型都別具特色🉐好似#蝦餃 #燒賣 已經有好多款#龍蝦汁墨魚燒賣 #鹹蛋黃墨魚燒賣 #麻辣牛肉燒賣 #蟹粉菠菜香蝦餃 #酸菜魚鳳眼餃 人少少想試多啲款 所以點咗#龍燒賣 $48一次食哂4種燒賣 個人最鍾意#滷水鵪鶉蛋燒賣另外個#松露野菌晶瑩餃 $38 都有驚喜紫色花形好靚💜 餃皮夠薄 松露味餡料香我濃#鳳爪拼黑椒金錢肚 $46 兩樣都係我平時必食點心估唔到一齊煮幾夾 味道惹味 金錢肚多啲就更好😆最抵食係套餐‼️靚糭配靚粥 $48 靚糭配點心 $58可以揀#鹹肉糭 或者#鹼水糭 隻糭大隻多餡夠味👍🏻 推薦❤️#芝士鮮蝦腐皮卷 好出色😋 外面腐皮脆脆地裡面嫩滑蝦肉配半溶芝士🧀 點會唔好食😎

話說已經畫好單，準備比個金毛男員工，佢好串咁叫我地掃QR Code, 咁做咩比單我地畫，你應該一早收埋晒d單，唔好比客畫，咁你做咩要收加一服務費，我就係唔識掃QR Code, 咁點呀，佢仲叫佢個員工唔好幫我地落單，服務到咁，唔該你唔好做服務性行業，如果我食完肚餓，我一定報食環

傳統點心係一種習慣 咁有時都要破舊下食啲創新既點心試下佢既fushion 同埋mix & match 可以點發揮🍽️龍餃子 $50荀尖蝦餃皇 蟹粉菠菜香蝦餃酸菜魚鳳眼餃 松露野菌晶晶餃 新野驚伏！？太多驚食唔哂！？唔緊要 一籠入面有以上每樣一款 就算唔岩口味都唔怕 四款餃都好特別 個人鍾意蟹粉菠菜香蝦餃 因為面頭放左啲三文魚子 為下層添加左啲咸香味道 🍽️一龍大滿足 $68呢個入面果4款餃同龍餃子一樣 另外多左2款係鹹蛋黃墨魚燒賣同埋豌豆桃子🍽️一口豆腐 $58炸皮夠脆 入面個豆腐好滑好有豆味 面頭灑左少少椒鹽 味道岩岩好🍽️脆脆富貴紅米腸粉 $50蝦膠爽口彈牙 腸粉外皮有煙韌口感 中間果層都夠脆 不過個人唔太鍾意佢上面淋左沙律醬 因為佢隔離仲有3款醬汁比你點 沙律醬再點果啲醬個味道 個人覺得有啲唔太夾

🤍 龍點心（灣仔）🤍.記得科勞  ٩(˃̶͈̀௰˂̶͈́)و些些！..............................🍽 龍燒賣 $48（👏🏻8/10）可以一次過試四種唔同嘅燒賣 燒賣控必叫！傳統燒賣同酒樓水準差嗰多 蝦肉都幾爽彈麻辣牛肉燒賣好惹味 唔食得辣嘅朋友唔好亂試🤣龍蝦汁墨魚燒賣食落好得意 墨魚滑口感嘅燒賣第一次試！滷水鵪鶉蛋燒賣食落有少少台式feel🤣.🍽 鹹蛋黃墨魚燒賣 $42（👏🏻8/10）咬落會爆汁 起沙嘅鹹蛋黃鹹鹹香香好正.🍽 大澳蝦醬鮮魷卷 $58（👏🏻8/10）外層係炸到脆卜卜嘅越米網紙皮蝦醬味夠哂濃 食到蝦肉同粒粒嘅鮮魷仲食到好香嘅薑味 重口味人士一定要試😍.🍽 脆脆富貴紅米腸粉 $50（👏🏻7/10）紅米腸好特別 出邊好少有得食腸粉裏面包住咗層炸脆嘅米網紙 好似炸兩咁餡料方面就係蝦肉同埋豬肉 都幾足料.🍽 蟹粉菠菜香蝦餃 3隻 $58 （👏🏻8/10）蛋味唔算太明顯 但整體嘅味道都幾鮮甜仲有三文魚籽做點綴 鹹鹹香香咁同蝦餃都幾夾😆

今晚老公話想飲夜茶，我諗起年頭我去過一間喺灣仔嘅點心店，於是今晚就帶佢去。8點去都仲有6-7個人等緊位，好受歡迎。不過我地等咗10分鐘左右已經有位，好快～*茶位 💲12/位* * 加一服務費* 電子落單夠方便～ 《 一龍大滿足 💲68 》有六款點心，各一件：酸菜魚鳳眼餃 - 放有魚肉喺面，入面有蝦肉，微辣；蟹粉菠菜香蝦餃 - 有三文魚子增加鮮咸香～筍尖蝦餃皇 - 蝦肉爽脆鮮甜；松露野菌晶瑩餃 - 菇香味濃；鹹蛋黃墨魚燒賣 - 彈牙爆汁；豌豆桃子 - 豌豆蓉微甜香滑～《 脆脆富貴紅米腸粉 💲50 》內裏包住金黃香脆嘅蝦肉同豬肉，再配搭3款醬汁（沙律醬、豉油、泰式辣醬），一次過試到3種滋味！原來腸粉配泰式辣醬幾惹味架喎！《 一口鹹水角 💲38 》的的式式好可愛一口一粒，一啲都唔油膩。綠色嗰款係微辣嘅魚香茄子餡；橙色嗰款係鮮豬肉餡，兩款都外脆香糯～《 笑口叉燒包三隻 💲32 》個包都幾軟熟，叉燒餡飽滿～《 馬拉小籠包四隻 💲48 》小籠包注入咗肉骨茶，再加上肉汁令湯汁充盈而不膩～蘸少少醋汁仲提味～ *優惠僅限灣仔店使用*9:30後入座全單八八折！9:30後外賣自取七折！下次飲宵夜茶都得喎！

灣仔有一間食特色點心🥢 見款式多而且配搭新穎，所以就同朋友嚟試吓😚 整體點心味道唔錯，而且價錢相宜，啱打工仔嚟食😆滷水鵪鶉蛋燒賣 (3隻) : 滷水鵪鶉蛋配燒賣第一次食😆 帶點辣味 配搭幾新穎!蟹粉菠菜香蝦餃 (3隻) : 蟹粉蝦餃 用菠菜汁令餃皮好靚~ 蝦餃爽彈新鮮👍🏼馬拉小籠包 (4隻)大澳蝦醬鮮魷卷一口豆腐口水汁龍利魚腸粉 (辣) 拉絲菠蘿包黑金流沙包 (3隻) 🫘紅豆沙奶蓋: 紅豆沙香綿清甜 加奶蓋更幼滑奶香~桂花糕 (2件)