龍鳳食堂

营业中

休息中

食過一次，感覺好抵食，今次再來二訪 😆😆😆乾炒豬扒公仔麵 $54：豬扒都比得幾多下，肉既份量差點吃不完。醬汁多和麵條很夠彈性，炒得恰到好處。經典的港式麵食，很有風味。窩蛋免治牛肉飯 $51：這道免治牛肉飯搭配窩蛋仲要係流心個隻，一個字「正」可以混合埋飯同肉醬一起吃，味道好夾，飯餐有豐富的蛋白質食完好有滿足感。免治牛肉的口感嫩滑，配上飯食非常美味。呢個餐廳食物的選擇豐富，價格也相對合理。無論是喜愛肉類還是喜愛麵食的人，都能在這裡找到合適的選擇。

荃灣南豐紗廠附近工廠區有一間有唔少好評嘅港式茶餐廳，價錢經濟實惠得來食物亦相當有質素，粥粉麵飯、大排檔小炒等等，即叫即炒相當有鑊氣😆😆豆腐火腩煲 $81外賣煲仔小菜真係第一次，份量相當充足👍🏻火腩肥瘦比例均勻，炆煮過後嘅燒腩仔皮都幾有咬口，豆腐先炸好再同火腩一齊炆煮，味道夠哂惹味，加兩個白飯已經夠做兩個人嘅晚餐😆下次要再嚟試吓今日一早沽清嘅柱侯蘿蔔牛腩煲🤭鹹魚雞粒炒飯 $51即叫即炒嘅炒飯相當有鑊氣，炒飯底夠乾身粒粒分明又唔會食到成口油，雞肉切成骰仔大細嘅粒狀，鹹魚天然嘅鹹香已經夠晒味，一個炒飯都夠兩位女士食🤭性價比極高👍🏻日式海鮮炒烏冬 $54圓形粗身嘅烏冬加入多款海鮮一齊快炒，連同芽菜韭黃等蔬菜一齊炒香，炒烏冬較為濕身，每次烏冬都嗦哂啲醬汁，如果加少少辣椒醬道天好味啦😋😋黑椒牛肉炒意粉 $54喜歡較為乾身嘅炒麵就可以揀呢款黑椒牛肉炒意粉，打開就已經聞到黑椒嘅香氣，牛肉片夠軟稔而月份量相當慷慨，炒意粉仲加咗洋蔥、韭黃同芽菜一齊炒，蔬菜天然嘅甜味，加上惹味黑椒，重點係食得出師傅嘅功架，鑊氣十足👍🏻

尋日啲飯腳復活假前清假，攪到得我一個自己食午餐，無陰公🥺去左龍鳳食堂，之前都有食過但就買外賣。今次就自己堂食。好想試下芝士撈公仔麵，就嗌左。同埋配搭炸雞髀，野飲就揀左熱檸茶養下身。雖然我個樣睇落唔似會鍾意食茶記，但其實我係好鍾意茶記氣氛同野食，龍鳳食堂我真心推介，唔黎試下會後悔。撈公仔麵好大碟，一個女仔食唔晒添🫢芝士好滑同香，公仔麵好索汁。我仲將芝士淋埋上舊炸雞髀試下添。炸雞髀超大塊，炸至香噴噴，肉滑入口嫩，唔知下次臨收工買返屋企會唔會賣晒呢。熱檸茶都大杯，檸檬唔苦澀。

網上好評這間餐廳，剛好逛完南豐紗廠，來一點經濟平民餐廳都不失為好的安排。豉椒排骨炒麵 $53：這道炒麵份量是干干脆脆的哪一種。感覺上處理都花一點功夫。少不了配上主角豉椒排骨，排骨亦相當嫩滑。價格適中，物超所值。熱檸茶：作為一種經典的港式飲品，實在不喜歡現成檸檬溶液沒有檸檬的濃縮劑，🍋熱檸茶中放入數片檸檬片，提供了一種清新的柑橘味道，非常適合搭配餐飲。瑞士汁雞翼，芝士撈公仔麵配紅豆冰：這個套餐結合了瑞士汁雞翼和芝士撈公仔麵，兩者的搭配相當美味。喜歡芝士濃烈的厚重感，瑞士汁雞翼的外皮沾滿瑞士汁邪惡咁滿分送公仔麵一流，不會太鹹，芝士撈公仔麵則滿足了喜愛芝士的人的口味。紅豆冰作為餐飲，充滿童年回憶，提供了清涼的口感和甜蜜的味道。

唔講唔知原來喺南豐紗廠附近有間地舖舖位茶餐廳，叫做龍鳳食堂。入到黎環境好企理同大間，座位寬落。伙記好快執完枱就安排我地坐卡位。餐牌有好多款式，左揀右揀最後選擇左乾炒豬扒公仔麵（$54)&豉椒排骨炒麵（$53)豬扒公仔麵嘅豬扒好大份😲塊塊都煎得好香，醃得好惹味。豬扒唔太薄，一定嘅厚度帶有嚼勁，好食呀！公仔麵亦夠爽、彈、滑！豉椒排骨炒麵用上幼身麵，啲排骨同其他配料有成一半碟咁多，十分十分足料！蒜蓉豆豉醬好香好開胃，好味到食唔停呀🤣幼麵好掛汁，真心好味食到我shu shu聲🤣黎緊有朋友都會去南豐紗廠，我已經send左呢間餐廳比佢save低黎食lu

尋日午餐時段走左入工廈餐廳食，好多人呀差啲冇位🙈雖然係工廈食店，但環境比我預期嘅乾淨同大，而且啲職員態度都好nice,唔怕坐得耐會比人趕走嘅感覺。坐低見隔離位女士碗芝士撈丁好吸引，吸引到我跟住嗌。其實我真係第一次食芝士撈公仔麵😂另外仲有瑞士汁雞翼同紅豆冰。芝士撈丁啲芝士有成一半咁多，足夠每一啖都撈到微微杰身嘅芝士。呢碗野真係人間美食點解可以咁好味架😍😍瑞士雞翼有3隻，瑞士汁又係好足，雞翼好入味！紅豆冰嘅紅豆粒有杯嘅一半，咁足料得唔得架🫢真心覺得呢間餐廳野食野飲都好正性價比好高。

今日同同事去公司附近呢一間龍鳳食堂食下午茶😚 呢度雖然係工廠大廈嘅地舖，但係環境整潔，座位寬敞，所以亦都成為咗我哋嘅食堂😚之前早餐食過佢哋嘅沙嗲牛肉麵，覺得幾好食🤭所以今次我哋繼續叫左沙嗲牛肉公仔麵，炸雞髀，同埋一個常餐😀 佢哋嘅沙嗲牛肉麵好好食！沙嗲汁濃郁，牛肉同埋公仔麵唔會腍哂仲有口感👍🏻好岩我口味😋 炸雞髀大大隻，色澤金黃見到已經好有食慾🤭 外脆內嫩，有豐富肉汁😽 常餐揀咗豬扒配炒蛋公仔麵，豬扒夠大塊，原味公仔麵嘅雞湯湯底都好出色架！

入面都幾懷舊，茶記檯凳setting，有電視睇，好多附近街坊、上班一族都過嚟食lunch，推介下幾款食過翻尋味嘅菜式先。1. 椒鹽豬扒飯每塊豬扒都做到外脆內嫩，外層炸到好香脆，加咗椒鹽、五香粉、炸蒜同紅椒粒，非常惹味。而肉質都幾鬆軟。2. 熱奶茶 嚟到茶記，又點少得一杯正宗嘅熱奶茶呢。3. 火腿芝士公仔撈公仔麵 滿滿嘅芝士覆蓋成碗麵，上面仲有大量火腿絲。將芝士撈勻，每條麵條都沾滿芝士醬，芝味十足，好邪惡呀！

事實上其實沒有非常肚餓。但芝士作為門面擔當，異常吸引眼球👀❤️就嘗嘗吧。肥牛芝士撈公仔麵 $42：這道撈公仔麵搭配了滿滿的肥牛而且質量不錯，和芝士都非常足夠直接把上面都完全覆蓋了😳誠意十足。口感豐富，霸道而直接。這是一道經典的港式麵食，非常受歡迎。難怪看到也有很多客人叫這個。生炸雞髀外皮酥酥脆脆的😍😍平時會拿掉雞皮的我都忍不住咬一口…然後再咬一口。🙈。紅豆冰甜量剛剛好，作為餐飲非常適合，目測以紅豆冰作為餐飲的人都不算少，不用言語的港人共同回憶。真心推介，正！

中午時段人流不少，送餐時間都合理不用等待太久，合適趕時間人士，店務員亦很有禮貌。椒鹽豬扒 $75 +$8 送埋例湯和熱飲白飯：椒鹽的味道非常開胃，豬扒煮得剛好，容易咬開又不會太粗糙。附送的例湯和熱飲白飯加添了整體的飽足感。芝士燴牛肉飯 $56：燴飯充滿了牛肉和芝士作為主要食材，配上青椒增加纖維和口感，芝士醬汁都當然濃郁，餸的分量足以蓋過所有牛肉和白飯，絕對是滿足飢餓感的主食選擇，味道方面不會太鹹，牛肉亦容易咀嚼和咬開。

星期六行完南豐砂廠又未食lunch, 諗著食個tea, 見到呢間茶記即刻入黎食餐廳係舊式茶記既裝修, 有種好地道既感覺首先叫左個茶餐瑞士雞翼芝士撈通粉同埋西多士通粉好掛汁, 好濃郁既芝士味, 瑞士雞翼極出色, 肉質鮮嫩多汁, 最重要係好入味, 證明浸既時間好足, 而家已經唔係好多地方有瑞士雞翼食, 整得好食既更加難得, 強烈推介西多士就緊係配紅豆冰, 呢一對組合係茶記既經典, 西多士新鮮炸起, 外層酥脆, 內餡鬆軟香甜, 配埋紅豆冰恰到好處既甜度同埋冰涼感, 好享受因為肚餓既關係, 我地仲叫多左2個小菜食, 分別叫左蕃茄肉片炒蛋同埋啫啫雞煲蕃茄肉片炒蛋炒得幾好, 肉片鮮嫩, 蛋岩岩好仲有D蛋汁, 蕃茄唔會太酸, 有少少甜甜地啫啫雞煲既雞肉軟嫩Q彈,, 濃郁既煲汁令人想食多兩啖飯, 如果單食就有少少咸, 但撈埋飯食就岩岩好, 而且好有獲氣總括黎講, 呢到係一間好地道同埋懷舊既冰室, 而且味道好出色, 推介!

最鐘意周圍遊走香港各區，食正嘢，無論平民貼地餐或者高尚餐廳，都要試盡佢。嚟到荃灣，上網有推介呢間港式茶記，位置都幾容易搵。門口同入面都俾我嘅感覺都好懷舊，好地道嘅港式味道。今日入去試一試，果然冇揀錯，夠晒香港味道。下午茶嗌咗個炸雞髀配埋一杯冰凍嘅紅豆冰，真係透心涼～～生炸雞髀，炸到金黃香脆，皮脆肉嫩，一咬落去，爆汁。加多一碗沙嗲牛肉公仔麵，牛肉片大大塊，沙嗲醬醃咗之後都幾濃味，配埋清湯底公仔麵，咁就唔會太鹹。

星期六要食個豐富早餐，同埋要補充多啲預備出發去行山。又去左我成日忍唔住不停encore嘅冰室 - 龍鳳食堂。平時我就隔個星期六都會嗌個招牌炸雞髀食架，今次都有嗌，再配紅豆冰。另外一碗就屋企人order嘅吉列魚柳配火腿通粉。呢度嘅炸雞脾嘅吸引之處在於外皮炸得酥脆可口，內裏雞肉細嫩又厚肉，總之食極我都唔厭，同埋食完有種幸福感！紅豆冰我都成日嗌，杯內嘅紅豆粒都唔少，幾真材實料。吉列魚柳同樣外皮好酥脆而且炸粉唔厚，做得幾好。大過手掌size嘅魚柳配火腿通做早餐好食又好夠飽。

去開荃灣 今日我同朋友就去呢間龍鳳食堂食番個快lunch 😁我地叫左2個小炒套餐share 😙 可以食到2個餸 +2個飯 同埋 2個野飲 加湯其中一個餸叫左椒鹽豬扒 另一個就係豆椒鯪魚炒時菜 🥬2個小炒都好大碟 份量好多 😍 同埋都好有鑊氣！椒鹽豬扒很厚肉 食落口唔會一味得炸粉 🤪同埋炸蒜都幾多 啖啖肉好味😋餸飯一流呀😍然後豆椒鯪魚炒時菜都食到好有鑊氣 ！ 是日時菜係菜心 啲菜新鮮熱辣😆 加埋豆椒鯪魚真係絕配呀個湯就係青紅蘿蔔湯 有家既味道👅 啲青紅蘿蔔好甜 唔錯飲品方面 就叫了紅豆冰同埋凍奶茶 咁熱既天氣飲佢地真係透心涼 ☺️ 紅豆冰既紅豆超級多 同埋紅豆及奶既比例山岩好 大大推介呀！至於凍奶茶都好順滑 好香 茶味香 朋友都好鐘意😆雖然唔係呢頭返工 但間唔中行開呢頭都會去呢間食😍

趁住假日，和老公去荃灣南豐紗廠拍拖👫 經過嘅時候見到呢一間位於工廠大廈地舖嘅冰室，餐牌有椒鹽豬扒飯已經非常想食！😍 行完街就即刻過咗去食飯😽午市嘅時候，好彩仲有位，冰室環境整潔，座位都幾舒適👍🏻 我哋叫咗兩個午餐，分別係椒鹽豬扒飯同埋肉醬意粉！🍝 椒鹽豬扒飯，真係冇得輸，豬扒帶有少少肥膏，食落超級香，椒鹽味極邪惡👅 唔會過鹹好惹味！ 肉醬意粉醬汁煮得幾好食，酸酸甜甜，份量又多，係經典嘅茶餐廳肉醬意粉味道！🤩 大家經過，不妨一試！