龍鳳食堂

平时叫外卖都会叫呢间茶餐厅今日经过 就一于试吓堂食门口有好多eye catching嘅poster 入到去有一行卡位 再有一啲对住坐嘅位一坐低 职员就会比低中汤同埋一杯水汤好足料 有猪骨 红萝卜 同埋啲瓜餐牌有午市快餐 每日都有唔同款亦都有得叫小菜 又或者即炒今日堂食 就叫咗一啲平时外卖少叫啲嘅嘢食芝士虾球烩伊面 红豆咖啡芝士酱好足 一定够捞个面个伊面唔会煮到太腍太烂 食落去反而有少少烟靭而芝士虾球 啲虾都算大只同埋弹牙仲有青椒同洋葱做配料 食落去唔会太热气 芝士又唔会好腻好咸红豆同咖啡都好夹 咖啡唔会太苦太浓饮落会偏甜 可能因为有红豆嘅关系避风塘猪扒炒公仔面 冻奶茶表面已经好多避风塘碎碎食落去好有镬气 有好多块嘅猪扒仲有啲炒银芽 个面炒得干身 所以食落去唔会好油 而个味就有少少似平时食炒面嘅味 但就多咗避风塘𠮶阵辣辣地 脆脆地嘅味好满足冻奶茶系港式茶餐厅风格够茶味 够大杯食食吓够两点见到佢哋有下午茶平时好多茶餐厅都要2:30先有但呢度两点就已经有啦忍唔住叫咗好耐冇食嘅西多士系传统港式下午茶 多士中间有花生酱佢仲成支蜜糖俾我哋加另外试埋佢哋嘅瑞士鸡翼配杂果沙律瑞士鸡翼好入味 甜甜地咁鸡翼都好大只杂果沙律系传统沙律酱捞但佢又唔会多到好腻𠮶只份量啱啱好 食落去好Fresh 茶餐厅黎讲 呢间真系又抵食又好味讲紧嘅系揾返传统嘅港式茶餐厅味…查看更多

荃湾嘅龙凤食堂，我同同事成日lunch 都会食佢，近公司而且食物又有镬气。平时赶工就买外卖返office食。主打港式家常小炒同饭类，味道地道又够味，我最推荐嘅系「生炸鸡髀太阳蛋葱油饭」。鸡髀炸得香脆，外皮金黄松化，咬落去卡滋卡滋声，里面鸡肉依然嫩滑多汁。太阳蛋煎得岩岩好，蛋黄半溶半熟，捞饭食特别滋味。葱油饭就咁食都好味，葱香油香，邪恶好滋味。同事就相对无咁邪恶，拣左「豉椒豆卜滑鸡饭」，滑鸡真系好滑嫩，而且份量好多，豆卜吸满咗豉椒酱汁，味道咸香带少少微辣，十分惹味好送饭。饮品要咗杯「红豆冰」，红豆煮得够绵密，冰凉入心，喺食完热辣辣嘅午餐后好醒胃，系一个好好嘅结尾。…查看更多

今日去左荃湾工厂区入面既一间餐厅，环境同食物都好有怀旧冰室既感觉我地本身谂著都系坐底食午餐，但系整整下都够钟食下午茶，索性叫下午茶，呢到既下午茶真系超抵，30几40蚊就得我地分别叫左西炒饭同埋窝蛋免治牛肉饭，西炒饭炒得好有获气，而且都有好多料，有肠仔，蛋，火腿，蕃茄等等，饭都炒到粒粒分别，唔会太油又唔会太干，大厨有啲功力! 窝蛋免治牛肉饭而家出面都唔系好多茶餐厅有做，呢到仲有得食，上黎个阵见唔到只蛋仲以为佢漏左，点知原来佢系放左系啲饭入面，真系估佢唔到，免治牛肉好够味，加埋中间只窝蛋，蛋黄流出黎包著牛肉同埋饭一齐搅匀，一啖食落去，个味道同口感真系好正我地仲叫咗个咖哩牛肉煲，呢个煲黎到个阵好香，咖哩味浓郁，牛肉本身有煎过，所以有少少脆口既感觉，但又唔会好韧，都仲好软嫩，食落去好有口感，挂埋咖哩汁，好送饭最后我地仲叫左去怀旧餐厅必叫既瑞士鸡翼，鸡翼完全入晒味，瑞士汁个种甜甜地既味真系好令人怀念，而且鸡翼煮到好淋，基本上唔使咬都已经可以啃到旧骨出黎，好出色! 我地仲特登再叫多4只食!整体来讲，呢到既野食味道好好，价钱都好抵，绝对适合做平时既饭堂!…查看更多

今日出黎荃湾做野，揾到呢间街坊饭堂！装修怀旧似旧式冰室，一入去听到啲熟悉既吵杂声劲有feel，厨房仲要闻到劲香蒜味，果然系平民美食基地💥🍜 避风塘猪扒炒公仔面邪恶度爆表！公仔面炒到好弹牙，重点系铺到满泻嘅黄金炸蒜😍蒜香味劲浓，猪扒大件得黎好软身，夹埋炸蒜一齐食脆卜卜够晒咸香，食到停唔到口🫶🍚 避风塘扬州炒饭将经典再上一层楼！炒饭底好干身，蛋丝虾仁叉烧料足，灵魂系面头𠮶浸避风塘蒜酥，捞匀之后每啖饭都有脆蒜，镬气直逼大排档，必试🔥🐮 黑椒牛柳惊喜之作！牛柳唔系薄切欺场，厚肉咬落松软，黑椒汁辛香浓稠唔死咸，洋葱青椒爆炒索尽酱汁，送饭简直无敌☕ 红豆冰鸳鸯怀旧野必似！啡茶比例顺滑唔涩，底层绵密红豆蓉甜度刚好，捞匀饮有咬口又解辣，冰凉透心❄️…查看更多

## 食评：荃湾龙凤食堂今日我喺荃湾南丰纱厂附近，去咗一间工厂大厦食堂买外卖。餐厅环境宽敞，带有怀旧风格，令人感到亲切。### 食物1. **黑椒牛柳**： - 呢个小菜做得唔错，黑椒汁香浓，牛柳肉质鲜嫩，带有明显的牛味，份量亦够，用黎送饭非常合适。2. **鸭腿汤饭**： - 汤嘅味道唔错，鸭腿肉质多汁，份量充足，配搭白饭食落去十分满足。3. **芝士虾球烩饭**： - 味道有啲出乎意料，唔算特别惊喜，但总体来讲味道还可，虾球的芝士味道适中，配搭米饭都几合衬。4. **猪扒太阳蛋葱油饭**： - 猪扒份量大，肉质亦算不错，配有两只太阳蛋，蛋黄流心，搭配葱油非常香，整体味道令人满意。### 总结整体来讲，呢间平民食堂性价比非常高，食物质素稳定，适合想快速解决一餐的人。下次再来试试其他菜式！…查看更多