龍鳳號 (已結業)

環境方面 大家都知香港地方地少人多🤨所以位置比較狹窄🙈但裝修都幾有台灣味道 彷如置身國外咁啦 唔錯嘅體驗👍🏻👍🏻👍🏻只係 可能係新開餐廳所以好多食客 有點迫🤦🏼‍♂️食物方面🙆🏼‍♀️滷肉飯有點油膩 但係味道好好 值得一試 但價格就高咗少少嘅🧚🏻‍♀️淨食鴨舌 🙅🏼‍♀️就唔建議la...因為都係好🤰🏼油膩 同埋味道咸咗啲啲 🧛🏻‍♀️又唔夠爽身 似乎炆到過咗龍 🧞‍♀️麻麻地 所以 送多個白飯就夾啲嘅都有飲到奶茶 無咩特別整體而言 ok gei...

lunch同同事去呢間到食，見新開無食過就去試下聽講一到晏晝就排隊排到好誇張好彩早左去攞飛好多前面攞左飛既人都走哂lu入到去4人座位有d窄，而且無得挨又著住好多衫有d唔舒服我地一人叫左一個餐食完發覺都幾飽茶仲加左9蚊叫杯野飲，桂圓紅棗茶但杯野好甜，而且唔夠熱，似係岩岩翻熱就比人飲d餐貝係就係幾有特免，但個杯痴笠笠有d感覺唔係幾好然後個餐個炸雞腿唔滑，唔算好好食，係d鹽酥吊下味先叫入得口，個湯唔熱，咁凍天氣一陣就凍哂係個新竹米粉比較好味，湯底夠鹹，連米粉食就岩岩好，有d似阿信屋賣果隻新竹米粉總括黎講係觀塘多劣食既情況下，呢間唔算最差，平時同同事食lunch就無所謂，但要介紹fd黎就不了

很少在香港食台灣菜，總覺得兩地一樣價位，但一個係台幣一個係港幣，不如飛轉台灣一炮過吃到飽好過。但呢間個滷肉飯，特別係佢用嗰隻台灣珍珠米，又的確唔係間間台灣街邊滷肉飯都搵到呢個質素。$38藍白米通碗size的滷肉飯附有肥肉丁，而平兩蚊的肉燥飯就全瘦肉碎像肉末。飯的質品像吃高貴的日本珍珠米，有咬口有米香。滷肉肥而不膩，能看到醬汁中有乾蔥，濃杰適中惹味好送飯。加滷蛋$10一隻。三點至六點的下午茶最抵食，叫$36-4×的麵飯/小食（size同正價一樣），送價值都是$3x的甜品。龍鳳豆花，可選凍熱，有齊芋圓紅豆綠豆所有經典台式甜品的配料。豆花很滑，但豆味略遜。

兩個女仔約食飯，約左係觀塘，朋友話想食台灣野，身為觀塘友ge我竟然一時三刻都諗唔到邊度有，😂最後係觀塘工作ge佢帶路黎到呢間龍鳳號~ 呢度主打係古早味滷肉飯，haha! 開頭聽個店名覺得好中菜feel~ 點菜就用自助式點菜紙，雖然唔環保，但係的確係方便同清晰嘅，小食都有好多唔同選擇。我哋呢就叫咗三款小食兩款主食，同一款甜品。朋友叫左滷肉飯，佢話今次比上次食啲滷肉少咗，但係都算好味。惹味肉燥乾拌新竹米粉~ 突然間好掛住新竹米粉啊！所以放棄左好愛的肉燥飯，不過呢度嘅米粉始終唔夠台灣好食，肉燥唔算太多、有少少唔夠味，食到最後米粉開始出水, 有d失望。醬燒茄子~ 不過不失, 鹹左小小，茄子上面調味啲香蒜仲惹味過我d肉燥😂宜蘭蔥肉煎餅~ 看到呢個名就想起宜蘭出名的三星蔥了！ 上枱嘅時候見到圓轆轆嘅金黃煎餅都有點驚訝，😂因爲我地都以為係薄片果種煎餅。 店員提醒我哋食嘅時候要小心啲，因為一咬時d肉汁會爆出嚟而呢個都係事實，肉汁好juicy, 外皮煎得香脆, 有驚喜好似食脆嘅小籠包咁! 秘製炸大雞腿~ 點呢個雞腿嘅時候，店員話要等半個鐘，嗰時即刻諗一定係勁野啦！果然上枱嘅時候冇令我地失望！第一句就話:

2018.01.27 SAT 14:30-15:20sorry 呢間野一次就夠，令我好失望，特登申請account寫食評。同友人一行三人嚟食台式野，雖然係星期六，但較遲去到，所以唔使等就可以入座，環境睇得出有花心思。未見有套餐供應，只能散叫-$78 台式迷你佛跳牆 :一開始係比呢個吸引嚟食，menu聲稱入面有素翅、芋頭、栗子、冬菇、鵪鶉蛋、排骨酥、豬手及魚皮，然而食完都無見過栗子、豬手、魚皮，可能溶咗係底(??)。食落一般般，排骨酥味道同質感都似糉入面既肉，湯冇鮮味，亦未如某飲食誌所講「好黏口」。我個人認為有啲苦味，但朋友就唔覺。值得一讚係鵪鶉蛋有炸過，芋頭夠粉。可不試，唔好有所期待，會失望。-$78 砂鍋麻油雞:一直以為雞先係主菜，其實只有2隻雞槌、一隻雞翼，其他部位通通都冇。酒味濃到飲唔出其他味，唔知好事定壞事，白菜甜、豬血份量足。但麻油雞?? 唔該改名，3件雞加比呢啲部位我，可以改叫雞全翼，仲要係冰鮮貨。呢個可以唔叫，完全唔值呢個價。-$38 魯肉飯 :值得一讚，呢個好好食，唔會食落好油，飯同肉既比例岩岩好，可以食多兩碗。-$38 肉燥乾拌面 :幾好食，但味道神奇地好似冷麵，重蒜

黎到觀塘，想食下台灣野星期六8點幾黎到無咩人，唔洗等直入對於menu無珍珠奶茶，真心有d失望 兩個人又有d餓叫左一飯一麵幾個餸首先黎ge係魯肉飯其實我唔知肉燥同魯肉飯有咩分別不過睇openrice 話魯肉飯推介就試下啦碗飯偏細碗，魯肉有咬口+偏甜。之後係肉燥板條，同樣細碗，有蒜泥同有蔥+芫茜，神奇地唔知有咩材料食落有d辣其實菇同雞翼味道係一樣ge椒鹽味，只可以話我地個位見住佢炸完上枱幾‘新鮮’。但我唔明炸完d九層塔放旁邊有咩作用？其他腸同青菜都不過不失。

首先，講下佢點賣法先。主要有四個主菜，每個主菜可以配唔同既飯麵等等，而每個主菜都會跟一個小食同埋一碗湯。首先講下環境都係唔好諗住慢慢食，因為位置有限，但又好多人，所以繁忙時間等候較長。係門口等緊時候已經諗好想食咩！一坐底即叫兩個餐！小食，個芽菜好開胃，好好味，送飯一流！個湯亦都唔會話好味精，都好好飲！黎到個主菜，小妹好鍾意食飯就緊係環跟飯喇！個排骨炸到好鬆軟 一d都唔硬 仲要大大塊，真係好夠食❤️❤️！

去開觀塘美樂士多睇下影下相，就去左呢間新開既台式小店，到達時係五點幾，仲趕到食下午茶時間！ 三四十蚊有主食加飲品或者甜品。我揀左雞脾加燒仙草，而老公就揀左魯肉飯加麥冬桂圓雪梨茶，魯肉飯份量夠，肥肉比例相對外面有名既台式店較少，但我又覺得OK 喎，唔錯唔錯。雞脾夠大隻，係椒鹽味，幾好，可惜肉質好鞋，食落去好似食緊雞胸，唔掂另外加左$15蚊叫左台灣腸仔，好食呀份量都適中，充滿蒜味，正！甜品佢一開頭就上先，如果貼心少少主動問一問駛唔駛後上就好喇！嘩一係，好好食呀，唔會太甜，有芋圓地瓜圓，連我老公唔鐘意食甜品都覺得yummy雪梨茶就唔甜唔咸，係有少少怪....總括黎講，下午茶超抵食而家個燒仙草真係好好食，如果正價就略嫌有d overprice, 不過都值得一試呀

首先一見到個個所謂嘅焦點食評就忟 30幾蚊一個大排檔白飯份量叫多叫抵？ 我就真係諗唔明喇 所有野都好似台灣價錢直接標做hkd咁 野飲都要二十幾蚊一杯 唯一可取係雞脾炸得皮脆但都係偏貴 最唔掂就係個芋圓同滷水豬耳 豬耳滷太耐皮同軟骨一夾就散哂 芋圓就粉到輕鬆咬爛完全冇煙un qq嘅口感 我冇食過係台灣嘅龍鳳號但台灣野食連芋圓最基本嘅要求都做唔到 真係名過於實 大家咪再受新x期啲報導影響 完全係收錢就做野 違背良心 日頭經過都可以試下嘅 專登去就不用了

觀塘返工呢頭開咗新食店同事帶左我去試吓短短的人龍等左10分鐘終於可以入座入到去先發覺午市係唔可以散叫一定要點套餐以佢嘅套餐份量真係幾大我同兩位同事都無人可以將套餐吃光光我點左黃金炸排骨，加台式拌麵連一碗蛋花湯同一碟菜。排骨炸得香口，皮上佈滿味粉，好似台灣嘅豪大大雞扒。但肉質較厚！不錯。但佢份量大，食到一半就好滯開始放慢步伐。聽到隔離枱班女仔話直頭兩個女仔share都得拌麵我覺得唔夠乾身,有肉碎在面上。麵質不錯，軟硬適中，但味道過咸。茶同蛋花湯是伴菜兩碟就不作評論。套餐都幾豐富，均衡。但味偏咸。如果能改善一下，相信更能迎合香港人口味。

觀塘既台灣野有返啲質素啦🤤（小時光同哈豆食過都覺得麻麻🙈）呢到menu得幾樣餸揀，而lunch set仲包埋湯🥘四季豆🥦同主食🍚（滷肉飯肉操飯米粉擔仔麵板條等），分量好足，幾抵食架🤪今次試左#黃金香酥排骨 炸得好香脆🤤食落一啲都唔油☺️層粉唔算厚，入面舊肉都juicy而且都有醃 唔會得層皮有味，好食😍 主食我試左#惹味肉操乾拌板條 ，板條係類似河粉咁但係一大塊既野，味道都唔錯☺️最後仲有一個重點，就係呢到有！芋！圓！食！仲要係好味既😍😍紅豆湯偏甜左啲但啲#芋圓 #地瓜圓 都好煙韌好好食🤤🤪

個日9pm去到都重有4 、5台食緊， 不過last order 係九點半 ( 大家要留意 ) 我哋坐咗張2人枱有啲細👉 我哋只係叫咗，一杯檸檬冬瓜水、一個冬瓜排骨酥湯、2個小食、 一個魯肉飯 、一碗米粉 、 秘製醬汁 菜心， 如果全部一次過嚟曬👉根本放唔落 🙈🙈🙈 要食食下放埋一碟先可😥 滷肉飯D滷肉及汁唔夠多 ( 如果可以多番啲鹵肉同汁會好味好多) 酥炸排骨 有啲硬同 酥皮過份味精感覺😣😣😣 最好味 秘製汁秋葵 及秘製汁菜心， 仲有嗰支 檸檬冬瓜水

本人甚小黎觀塘食飯，原本今日既跌錢之行因爲遲收工告吹，地胆朋友介紹我黎試試呢間台灣小店～位於中海日升中心2樓，係上年11月開業，原來好多報章雜誌同電視台都介紹過～聽到呢個店名時，感覺很重江湖味😆😆店內係自行點菜的🖊🖊我們一共點了5款食品，首先上枱既係「古早味魯肉飯」，滿滿的魯肉飯，肥肉既比例（8:2）非常好，女仔始終都唔太鍾意食肥肉的😝豬肉新鮮，飯用上珍珠米，汁味道適中唔會太咸👍🏻👍🏻再黎到「台南擔仔麵」，麵是蛋麵黎的，配上豬肉碎、蔥同蒜粒，湯底落左胡椒，飲落口feel 到有啲辣辣的，冬天食可以暖暖身原本我地係想點「燙青菜」，點知咁啱賣晒，我地就轉點了「滷白菜」，賣相唔算吸引，但這個白菜會配上木耳絲、紅蘿蔔絲同埋豬皮，味道完全無違和感，真係有驚喜最後上枱既係「秘製炸大雞腿」，看上去非常香脆可口，但一咬落口到好濃既急凍味，我和朋友吃左一件就無食了呢碗係「經典紅豆湯」，點解咁多白泡，因為落錯單，我地要求更換，廚房將原本凍既紅豆湯落窩煮，不但令紅豆湯面鋪上好多白泡，而且我地外加既湯圓仍是凍的，令人有點失望來個小總結，舖內裝修簡潔明亮，但座位略爲狹窄，冬天大衣頸巾同手袋，全部要攬住，食物方面飯

睇完j2個揾食飯團介紹衣間台灣野第二日放lunch就心血來潮黎左食三點幾黎到 好好彩不用排隊🤣但就無左午餐😢冇咁扺食 如果有下午茶餐就好叫左個肉燥飯 同滷豆腐個肉燥飯一來已經好香👏食落好惹味 好正 Feel到吾係茶餐廳hea到爆個d肉燥飯個滷豆腐都幾入味 吾錯 👍

早排睇人喺網上share有間台食新開， 啱啱呢個星期日去觀塘行outlet就順便去試下。可能係因為我哋去嘅時間唔係平日所以食客唔算太多。平時post食嘢相通常都係去旅行嘅時候post喺google map，不過香港人喺本地比較少喺google map search嘢食所以決定將呢篇嘢寫喺呢度。講番嘢食先，果日去食得我同我大人， 所以叫得幾樣嘢➡ 豆腐皮蛋， 炸雞脾， 魯肉飯， 冬瓜茶。➡豆腐皮蛋味道唔錯，不過我就覺得如果佢用糖心皮蛋就會仲好食啲。➡ 炸雞肶反而我覺得好有香港舊式生炸雞髀嘅味道，唔使太多介紹，汁多鹹味恰到好處，呢一個真係好食。➡ 魯肉飯係我覺得最有台灣街頭味道， 只係我自己鐘意多汁，如果佢啲汁同肉多啲啲就好食啲。➡ 冬瓜茶我就覺得甜咗少少，不過原裝呢一支嘢喺台灣都係偏甜。總括我覺得呢間嘢食我去開觀塘會返去再食第二次。要努力keep水準呀。🤣