龍鳳號 (已結業)

今日約左老友食飯，佢揀左呢間。一到埗，見到餐廳是古色古香feel , 好有以前客棧的感覺，好鬼正！其實係食台式菜的，餐牌五花八門，好多選擇。價錢平，細細碟，好多野都想食，可以試多幾款喎。即時叫幾個小菜，如果可以加多一埕女兒紅就爽了 。松花皮蛋豆腐 $42開胃冷盤，豆腐切成薄片，夾住皮蛋食。重點係加左秘製的醬汁，少少酸唔太咸，有香蔥蒜味，配合豆腐皮蛋，好好味好開胃，推介必食頭盤。滷白菜 $46配料多多，有豬皮、木耳絲、大白菜、肉絲同埋辣椒絲等等。呢個配搭同煮法响香港真係好少食到，成件事好有農家菜的感覺。味道好熟悉但已經唔記得响邊到食過了，一碟餸可以勾起無限回憶......豬脆管 $72係新野，咁大個人未試過所以叫左來食吓。幾得意喎，似豬軟骨但被切成薄片。旁邊有一圈似豬腸質感，但沒有豬腸的獨有味道。整體感覺似豬耳＋豬軟骨＋豬腸的混合體，好脆口、唔油膩、冇怪味，幾得意。大腸麵線 $38朋友吃的，以為細細碗，點知份量都幾多喎。我試左少少，豬腸有咬口，麵線夠幼細，淋滑又索湯。麵線有胡椒粉調味，但味道比較淡，冇阿宗咁濃味。個人來說我鐘意加辣多D，但朋友就話淡D好，少D潻加，食出真味。古早味魯肉飯

台灣是香港人最愛的旅遊熱點之一，台灣美食深受港人喜愛，那麼香港人做的台灣食品又如何呢？ 位於觀塘的龍鳳號裝修古雅，別有一番古早風味，牆壁上的大型壁畫、龍鳳浮雕、霓虹燈甚具特色。午市套餐主要有九款，包括炸雞腿、香酥排骨、滷豬手、麻油雞等，部分套餐更可自由配搭擔仔麵、肉燥湯麵或乾拌麵、肉燥飯等，選擇多多。我點了一客黃金香酥排骨$68 配古早味魯肉飯+$5，此套餐附送無味精湯品和小菜。番茄薯仔湯味道較清淡，正好為稍後之炸物清一清口腔；小菜涼拌蓮藕爽脆入味，麻香之餘有陣陣微辣，開胃。香酥排骨即是炸豬排，用筷子一夾起隨即皮肉分離，豬排偏薄但不「鞋」不韌，尚有肉汁卻略嫌有點鹹；皮的味道其實不錯，似X大大的炸雞皮，香脆可口，如果沒有跟豬排分離同吃相信味道口感更佳！古早味滷肉飯用上手切肥豬肉，入口即融，醬汁油潤卻不膩，鹹度剛好，拌飯一流。白飯口感偏軟腍，有黏在一塊的情況，如果煮飯的水份減少會更好。餐飲加$5 轉桂圓雪梨茶，杯子甚具特色，繪有青龍氣勢十足。表面放滿雪梨片，雪梨茶清甜潤喉，養聲一流❤️杯底還有很多桂圓肉，用料十足，有誠意👍🏻無論食物質素、服務態度及裝修，龍鳳號均表現甚佳，未能飛往台灣時來止止

同同事去食紅茶冰室個陣咁岩講起上面有間台式食店，之前特登去食俾人包左場摸門釘😞咁岩今次講起就一於再訪！食唔到唔心息👉🏿✨台式迷你佛跳牆 Hkd 78 💸📌就係突然好想飲湯😂成日聽人講佛跳牆但一次都未飲過，味道都幾多層次，個人覺得係偏甜，入面都幾足料，有菇類，排骨，栗子等，叫一個都可以飲到2-3碗，間唔中有啲湯水補下都幾好😈👉🏿✨松花皮蛋豆腐 Hkd 42 💸📌豆腐切得好令好顯刀功，入口完全靠佢既醬料，就咁食冇乜味，再點下點汁連埋皮蛋一隻食真係正！叫多一碗白米飯🍚咁樣配黎食都幾下飯👍🏿👉🏿✨麻糬地瓜棒 Hkd 16 💸📌有成8條咁多😂不過勝在地瓜條入面啲麻糬超煙un！又夠甜喎，脆卜卜咁真係會忍唔住一條一條咁啪晒佢🤣👉🏿✨龍鳳豆花 Hkd 42 💸📌基本配料有紅豆，綠豆，同我最愛既芋圓！佢既豆腐花係厚實既個種口感，唔係滑溜溜的，食落好扎實😆芋圓同蕃薯圓兩個味道都好出，煙un控出黎啦！呢款好就好在唔會太甜，輕輕鬆鬆ko一碗👌🏽

近排肥妹仔發覺原來觀塘開咗好多食店，包括泰國菜，台灣菜，越南菜，火鍋店等等!而今日肥妹仔咁啱經過一間台灣菜既鋪頭，主煮打古早味， 一於試下先。砂鍋三杯雞  $88肥妹仔少見多怪，其實唔係好知三杯雞係乜嘢，所以又叫咗嚟試下!肥妹仔食完覺得三杯雞就好似我哋香港嘅啫啫雞一樣，因為味道又係好香濃 ，同埋好香麻油味!所有嘅雞件全部都係用雞髀肉，所以食落去好嫩滑，一啲都唔鞋，惹味。鹽酥菇  $42呢一個鹽酥菇好似肥妹仔喺台灣嘅夜市食既鹽酥菇一樣，佢嘅外皮用咗地瓜粉去炸，所以外皮係煙煙靭靭，而內裏仲保持得好juicy，好濃嘅茹香。另外仲灑上椒鹽，所以食落去超級香口同好食。阿婆鴨舌  $62呢一個鴨舌又係超級好食，佢嘅鴨舌好香滷水味，食落去好香。雖然鴨舌唔係好大件，但係勝在厚肉，食落去唔會淨係食骨咁樣，肥妹仔我差唔多清唒成碟!古早味魯肉飯  $38佢嘅魯肉飯魯肉大大粒，好濃肉燥味，好好食!佢嘅飯比較黏口，食落去每一粒飯都有鹵水汁，食曬成碗會無難度。惹味肉燥湯新竹米粉  $38呢一個肉燥米粉好特別，因為除咗肉燥外，仲有一大匙蒜蓉膏喺個湯入面，撈勻喺個肉燥湯後成碗湯除咗肉燥味外，仲有好濃嘅蒜味。新竹米粉乾

一入到舖頭真係有種台式古早風味少少懷舊feel講返野食咁岩仲有下午茶餐5十幾蚊食到魯肉飯+台式烤香腸+紅棗桂圓茶魯肉飯好好味！唔駛講野！烤香腸都係好好好正！紅棗桂圓茶足料到好似飲緊中式糖水咁好有heart!我見人地嗌凍飲嘅話係一樽樽咁上好似幾正！野食整體真係高質！但有一樣野就係野食嘅單價其實唔係下午茶嘅話真係偏貴本身對其他炸物、滷水野都好有興趣但就真係嗌唔落手可能搵次多啲人一齊食就可以試多幾款啦！

前幾日去咗觀塘食嘢，搵吓攞嘅時候見到中海日昇嗰邊有間裝修幾靚嘅餐廳，都幾有特色嘅台灣感覺。由於下午茶時間所以唔係好多人，而且有下午茶餐都好抵食。叫咗個滷肉飯下午茶，可以加小食。我就揀咗雞髀菇朋友就揀咗豆腐。呢度嘅滷肉飯好入味，同我喺台灣食嘅都有啲相似。另外太肚餓嘅關係我哋都另外叫咗鴨舌同埋香酥排骨。鴨舌並唔係好麻辣，偏香辣味。香酥排骨外皮一啲都唔厚，入邊亦都有肉汁。由於太多人冇飲湯所以都想試吓呢一度嘅湯品，都幾多選擇。四神湯幾特別，係著名台灣湯品。有勁多淮山、芡實、蓮子、茯苓，豬小腸，好足料！另外仲要試吓佢呢個嘅甜品，下午茶餐加$15就有。我就點左芋丸仙草、非常唔錯。

古早味肉燥飯我食過覺得好食嘅有程班長，渡小月，旺中，呢間味道係接近旺中嘅味道，未有太大驚喜，都係嗰陣古早味嚕～不過肉燥都多㗎，可以平衡撈勻一碗飯，同埋有小小蝦米提鮮～.古早味魯肉飯食嗰位話似梅菜扣肉😂我無食到，不能評論吧.黃金香酥排骨鹹味有了，酥脆都有了，是名乎其實的香酥排骨了！豬扒肉質夠鬆，經油炸後仍保持著質感沒有變硬，脆皮上灑上嘅椒鹽粉是靈魂，質感和味覺都配合得天衣無縫了～.燙青菜生菜個汁底食得出經過調配，並唔係一般港式蠔油油菜咁，細味下有小小酒味，無論汁料都係足夠去滿足每一塊生菜，令每一口味覺都滿分，就是面頭嘅炸蒜也夠誠意了～

今次來到觀塘食台灣菜！餐廳裝修主要以木調為主,更顯古早味。平日夜晚都有不少熟客光顧。看了看餐牌，感覺菜式真的挺正宗呢！惹味肉燥湯新竹米粉$38湯底惹味清甜，新竹米粉爽滑！係我至愛！古早味魯肉飯$36因為想吃到大粒一點的肉，就點了魯肉飯。豬肉是西班牙豬下腿肉，肉味濃，脂肪甜而不膩。配上綿軟的台灣珍珠米，非常開胃！鹽酥菇$42雞脾菇充滿水份，富有口感，口感外脆肉軟，加上椒鹽令其更惹味。紫蘇葉薄脆，更加帶出鮮味。砂鍋麻油雞$78 配台灣手工麵線$20湯底充滿麻油和薑的香味！雞肉幼滑，吃到白酒香。配料還有爽口豬紅及充滿香菇味的貢丸。另加了麵線，一濃一淡，非常搭配。燙蕃薯葉$42蕃薯葉鮮甜嫩綠，配上醬汁，味道更豐富。燒仙草$38 （熱）雖然已經好飽，但男友還想試試糖水。就點了一碗燒仙草碗芋圓。燒仙草冷卻後會呈啫喱狀，甜度對我來說恰恰好（如果嗜甜的，可能會覺得不夠甜）。芋圓軟韌，芋頭味十足，蕃薯芋圓味道則較淡，味道清甜。餐廳離apm 約10分鍾路程，雖然是要行遠少少，但可以食到咁有風味既台灣菜，絕對值得！

喺觀塘工業區嘅一間台式菜呢間鋪頭唔難搵，一上扶手電梯就見到，樓下仲有姨姨派傳單。門面都幾靚，好有中式風。木枱木凳全部都係好中國風，同埋有好大盆好靚嘅蘭花不過木凳就唔係咁好坐㗎啦。叫咗個魯肉飯，唔錯，都幾入味，同埋啲肉好冧，撈飯食一流。如果黎食呢間一定要試吓豬耳就唔好叫啦，又貴又冇乜味雖然份量唔算少但係兩個人都食到唔係好想食。。。不過我哋呢間鋪頭最失望嘅係，紙巾又要買水又要俾錢買。同埋佢啲糖水一啲都唔平。

曾經在台灣住過一陣子的我..成日都好掛住台灣嘅小食同肉燥飯...聽朋友講話觀塘有以台灣古早味食物為主打的餐廳很不錯，我當然要去試下啦！餐廳裝潢設計很有台灣味...看得出花了不少心思....但座位就有一點逼....這天我們兩個人是剛過了午餐時間才到..所以人不算太多...我們叫了兩個午餐加一份小食和兩支台灣風味飲料...先來一個招牌黑白切配擔仔麵 - 台灣的黑白切即係師父隨意切一些滷水小食...這𥚃的黑白切滷得相當入味..加上少許薑絲，真的好食...台南的擔仔麵 - 面條Q彈、湯底清香👍👍炸秘製大雞腿配古早味肉燥飯 - 炸大雞腿皮薄鬆脆、咸度適中、大大隻好抵食.... 肉燥飯 - 不是很大碗、但滿滿嘅肉燥足夠拌整個飯...味道濃郁而不會油膩...皮蛋豆腐 - 加上一點醬油膏整體味道不錯...但個人意見就系用糖心皮蛋會好一點....最後加上兩支台灣風味飲品 - 桂花胎菊蜜和檸檬冬瓜茶.....令這一餐富有台灣古早味的一餐完美結束...

依加係觀塘工業區想食咩餐基本上都會搵到, 今晚經友人介紹去呢間食台菜裝飾幾古色古香, 牆上有個以霓紅燈整色嘅店名, 兩邊配以龍鳯, 貼題之作食物選擇幾多樣化, 飯, 粉, 小食, 小菜, 招牌黑白切 (新鮮直送黑毛豬), 台式飲品, 手工啤酒及甜品都有供應古早味肉燥飯 ($36) - 成碗上, 肉燥煮得相當惹味, 相比起魯肉飯仲無咁肥膩, 而飯係選用台灣珍珠米, 入口煙韌, 要食晒成碗飯絶無難度! 惹味肉燥湯新竹米粉 ($36) -  份量比起肉燥飯大碗, 湯裏除左有肉燥外, 仲有蔥, 芽菜, 芫荽及蒜泥, 增加口感之餘仲多一份香味!  台灣嘅新竹米粉果然名不虛傳, 幼細度滿分, 入口幼滑有略帶少少口感, 同惹味肉燥係好搭檔!鹽酥鷄翼 ($46/5隻) - 每隻都肥嘟嘟, 炸至金黃色入口熱辣辣炸物當然要趁熱食, 皮薄脆肉嫩滑, 味道比較濃味, 用黎送凍飲一流!宜蘭蔥肉煎餅 ($48) - 每隻份量相當精緻, 煎至金黃色再灑上蔥粒入口似食緊炸餃子, 餡料有蔥及豬肉, 調教味道唔錯, 口感外皮帶少少煙韌, 內餡仍帶少少肉汁流出!  若果點埋醋一齊食會仲好味D!四神湯 ($52) - 個人黎

E家食台灣野都唔平，但明明台灣野就係唔貴，官塘新開左間個名幾特別,見到價錢又岩心水，一於同朋友去食。幾有特色，又有霸氣既名。MENU D野唔少,又唔係好貴,可以叫多D一齊SHARE。大腸麵線 $38大腸麵線 雖然$38，但都幾大碗好多汁唔會杰，大腸都有4-5片，可能我個人重口味,如果可以加多D調味會正D。肉燥湯新竹米粉　$38個樣好似好DRY咁,但係新竹米粉係勁勁勁幼架,仲要好滑！！好易入口又會飲到湯味，加D肉燥唔會覺得冇味! 唔重口味既人可以試。青菜$38$38都唔少，仲要幾新鮮好多汁，一定食得晒。松花皮蛋豆腐 $42好推介！豆腐好滑切得好薄，夾既時候要小心Ｄ,皮蛋有4片左右。加上D汁好惹味!!仙草凍 $38 加$6蘆薈仙草凍好多，本身有埋芋圓唔洗自己俾錢加，有兩隻味，芋圓偏向硬身有D咬口。黑糖薑汁豆花　＄28黑糖薑汁勁多，豆花都薄切，同樣芋圓偏向硬身有D咬口。桂花胎菊蜜　$28個底好足料，好熱幾潤。雪梨茶$28凍野都係支裝，幾好可以拎埋走,雪梨茶唔會好甜，唔係一味糖水，都唔錯。真心食到好飽都係$290兩個人，唔算好貴。

自從番咗呢份工，最令我A姐唔開心就係我公司嘅呀頭，佢無膊頭㗎，問佢攞approval，永遠唔會理你，到出事就話一早就覺得有問題啦。今日仲勁，同客開完會，亂應承咗啲嘢，反轉豬肚私下打電話同老細落藥話係我亂嚟，而我老細當然信晒佢......好彩我仲有錫我嘅M佬，知我唔開心，特登嚟觀塘接我收工，等咗佢成個鐘先見到我，就帶我去到中海日升中心食正宗台灣菜嘅龍鳳號。豬氣管第一次食豬氣管嘅我哋，就先俾佢嘅甜醬汁吸引住，好開胃。而豬氣管原來係好脆好爽口，食落會有chop chop聲，佢嘅鮮味俾醬汁提升晒。豬蝴蝶腩連筋帶肉嘅豬蝴蝶腩，肉味香濃，肉質爽脆，同樣用上甜醬汁，底下仲有索晒汁嘅豆腐，好好味。台式烤墨汁香腸墨汁香腸嘅墨魚味香濃，識食一定連蒜片一齊食啦！燙蕃薯葉菜類就揀咗少有嘅蕃薯葉，食落有油葱香。惹味肉燥拌乾麵肉燥唔一定配飯，仲可以加埋香蔥蒜嚟拌乾麵，撈埋嚟食，好有台灣感覺。

Book左7點，都唔算太full，餐廳好中國風。坐低睇下menu，又幾似係台灣食野，自己剔野食，價錢唔貴。我地2個人叫左4樣野食，2個野飲2個甜品，埋單都係$290。1. 大腸麵線麵線幾好食，大腸都算多，幾淋，但略嫌唔夠蒜同辣，太掛住阿宗麵線了！2. 惹味肉燥湯新竹米粉米粉夠健康，加埋肉燥真係幾惹味，唔錯。3. 燙青菜好多炸蒜，加埋醬汁，連唔鍾意食菜既朋友都食左一大半。4. 松花皮蛋豆腐涼拌黎講味噌ok,但皮蛋同豆腐唔可以夾埋一齊食,有點可惜。5. 桂花胎菊蜜，桂圓雪梨茶養生的感覺呀～喜歡6. 黑糖薑汁荳花，仙草凍芋圓麻麻地，黑糖薑水幾濃味，豆腐花夠滑。

見到觀塘呢間台灣野最近好似好出名WO鐘意台灣既我 梗係要去試下啦仲藝術氣息添聽講仲係好出名食冷門豬氣管添不過我去到已經賣晒啦 傷心唯有下次早d去啦入到去真係以為自己去左台灣全部台式野飲仲要全部都係樽裝 好方便 飲唔晒仲可以拎走魯肉飯 香噴噴茄子鹽穌菇 正呀 以前係淡水食到果個味呀呢個好好食 但係唔好放太耐 凍左感覺就無甘好食了 濃濃既酒香貌似真係台灣人或者係台灣住左有一陣日子既人先會煮到呢個水準出黎當然有d野可以再加強不過係香港食到呢個鹽穌菇真心不得了