龍鳳號 (已結業)

有見過人推薦呢間就林住試下，點左個滷肉撈米粉及醬燒茄子，因為覺得呢2樣嘢應該好安全，唔會難食得去邊，米粉好細碗，滷肉中規中矩，唔覺得特別好食，茶木嘅都比佢好食；茄子就真係可以用難食形容，燒到好乾，蒜蓉唔熟定點，辣嘅，而且係無味嘅；因為唔夠飽，再叫多個姐姐涼麵，其實普通涼麵加芝麻醬唔會難食到去邊，但是佢加嘅麻醬我覺得類似黑芝麻之類嘅醬，的確好清新，但係唔夾，難食🙃🙃可能係我唔好彩，叫嘅都係佢招牌吧，不過都無下次了，有D失望

朋友喺附近番工就黎搵佢食lunch。午市套餐價錢合理，一般都係六十七蚊左右。等咗大約15分鐘就有位都唔算太耐。麻油雞麵 - 本身好鐘意食麻油雞，但呢個就有d失望！個湯底勁淡，冇乜麻油香，而且雞都唔入味，成碗野清到爆。鹽酥排骨配肉操飯 - 排骨炸得唔錯，幾香口，而且都幾大碟。肉操飯不過不失，整體唔錯大腸麵線配虎咬豬刈包 - 通常食台灣野都會叫大腸麵線，呢碗頗有驚喜！湯嘅質地杰度適中，食落唔會一pat pat咁，麵線質地都唔錯，而且味道又唔會太咸。唯一挑剔就係大腸比較少。除咗食物之外，其實飲品款式都算多，不過叫咗杯熱嘅珍珠奶茶，侍應就俾埋支飲筒我，點知杯野係超級熱，所以叫熱飲嘅朋友要留意一下啦！

今日16/11 7:50坐低，7:55落單，叫咗個大腸麵線，香蔥豬肉卷同埋個古早味魯肉飯。大約5分鐘8:00就嚟咗個麵，之後個麵食晒，個麵線食落奇奇怪怪，叫佢比醋又比咗黑醋，食落似飲湯咁。但去到8:15分個飯都未到，個蔥卷又未到，去到8:20分我同女朋友等唔到 決定要走。比錢個陣個待應又話：「咁等埋你個小食先一齊出個飯比你呀嘛！」我心諗，咁你個麵又唔等埋一齊上？廢話連篇，個飯同個麵你地都係整好晒熱返佢拎出嚟渣嘛！ 仲要借口多多，待應就4-5個，見到我地冇野食，都冇人serve我地，幫我地睇吓有冇野食未到，個個企係到望天打掛。 一定冇下次！

台式風味🤤(⁎⁍̴̛ᴗ⁍̴̛⁎)坐落喺觀塘嘅一間樓上舖門面已經好吸睛👀一口氣叫咗好多嘢食但係原來份量都好大😳特別推介刈包同豬手🥰刈包做得好地道 仲有少少花生碎做點綴🈵⭐️ Dishes ordered⭐️👉🏻 鹽酥雞🐔👉🏻 古早味魯肉飯(份量大,味道ok)👉🏻 大腸麵線👉🏻 虎咬豬(刈包💯)👉🏻 阿婆鴨舌(食食吓都幾辣但幾好食)👉🏻 家鄉紅趜滷豬手(每件都好多肉🥺)👉🏻 雪梨🍐桂圓茶

😳無得去台灣咪嚟食嘢囉👉🏻👈🏻估唔到晚市都咁爆滿😧好彩等咗一陣就有位揀咗招牌古早味魯肉飯(五花腩。肉粒)滷水蛋古早味楊桃汁原本仲嗌咗🐅虎咬豬🐖落左單無耐先黎話賣晒😔唯有改單啦😌食少樣嘢魯肉飯比以前大碗咗😮都幾入味魯肉粒大細適中有咬口😬索晒汁嘅白飯啖啖滷水香保持到水準👍🏻滷蛋浸住滷水汁🤤仲有少少黏住蛋嘅感覺😳頗具台灣嘅風味古早味楊桃汁未飲過就試吓味道少少甜甜酸酸帶有濃濃嘅楊桃味生津解渴😋😋

呢間台式餐廳我真係估佢唔到, 估唔到開係一個商業大廈嘅地方, 而呢棟大廈內裏有好多唔同既餐廳, 當日選中呢間台式餐廳因為佢外觀或內裏都好有台灣既感覺🥺見到多人嘅三五知己就過嚟食好友一個小天地/聚腳點👯‍♀️👯因為太掛住台灣嘅關係我哋兩個人叫咗好多嘢食, 但好彩嚟到嘅時候全部都係細細碟, 而且佢價錢都好經濟實惠令到我哋可以試到好多唔同嘅食物😋😋絕對推介佢嘅滷肉飯同埋芋泥珍珠奶茶, 完全搵返台灣嘅回憶😆😆

🍜惹味肉燥湯新竹米粉 $3️⃣8️⃣新竹米粉同肉燥既配搭係穩陣之選，不過男仔食既份量未必夠🍚古早味魯肉飯 $3️⃣8️⃣份量比我想像中大碗，魯肉混雜少少瘦肉，食落唔會太漏，醬汁甜甜地，幾岩送飯～🥤古法烏梅汁 $2️⃣8️⃣第一啖已經飲唔到烏梅獨有既味道，唔會太甜，用樽仔無加冰，唔會越飲越淡～不錯☕️黑糖薑母茶 $2️⃣8️⃣薑母茶幾夠薑，原來落左一大塊薑片係底，冬天飲一流～🥚滷蛋$1️⃣0️⃣& 滷豬耳 $4️⃣2️⃣滷蛋我覺得貴左少少🤏滷豬耳既份量幾多，但滷水既味道略嫌單一，如果係麻辣更正～🍧傳統黑糖刨冰 $7️⃣0️⃣8:30後堂食甜品8折，小編忍唔住叫左個刨冰。原來實物係面盆咁大😹配料仲充滿澱粉質，包括芋圓、地瓜圓、迷你麻糬、珍珠、寒天。我最鍾意芋圓同寒天，隔離位就話麻糬太甜。

建議：留意文未優惠情報 🤭係觀塘食完晚餐，見時間尚早想搵個甜品食下。醒起附近龍鳳號有台式糖水，刨冰、芋圓 同仙草凍個啲，所以就行左過去日昇中心。無黎一排好似又多左啲新店，下次再黎試下先😋舖頭係二樓，譚仔再上一層就到。晚市仍然多人，之前午市黎過都係好多人。其實之前已經黎過龍鳳號，亦係區內算唔差既台食店❤️ 今次試左：▫️檸檬冬瓜茶 (HK$28)上次黎飲既燕麥奶茶仍然有售，今次就一試樽仔茶，就算飲唔哂都可以拎走慢慢飲。不過坐落一路傾計一路飲，好快就飲哂。如果鍾意偏酸既茶飲，依樽檸檬冬瓜茶應該好岩口感。飲落🍋好出，帶淡淡既冬瓜茶味，都幾解膩醒神😎▪️龍鳳荳花 (凍 HK$42)一大碗好足料，有紅豆、綠豆、芋圓、地瓜圓 同豆腐花做底👍 豆腐花味道唔錯，食落夠滑。紅綠豆亦煮得岩岩好，唔會太硬/太腍。而且應該係用黑糖一齊煮，所以帶有淡淡既甜味。芋圓、地瓜圓口感唔差，大大粒之如仲好夠煙韌😋 食完成碗真係大滿足❤️如果下次人多啲會再黎試下刨冰🍧 ，總共有3️⃣款，都好吸引。最正應該係－傳統黑糖刨冰，因為除左有兩色芋圓😎 仲有珍珠、黑糖寒天 同迷你麻糬❤️ 一定勁飽要開心Share 先得👯1️⃣外賣自取85折2️⃣20:

又係頭痛食咩lunch嘅時候我提議咗食台灣嘢跟住本來諗住去食阿元點知貓貓同學話介紹我哋試吓另一間好啦即管去試一試呢間龍鳯樓佢哋呢度選擇好似又多啲見到隻雞髀二話不說就叫咗雞髀飯佢呢個餐幾好喎，首先有湯，然後又有菜，跟住仲有一碗滷肉飯，加埋一個肉呢度嘅性價比比較高仲有我想講吓嗰隻雞髀冇諗過佢個皮係可以咁脆👍🏻👍🏻不過我覺得呢度啲滷肉飯嘅滷肉比較多肥豬肉🙈另外嚟台灣嘢，梗係想飲珍珠奶茶嗰啲啦不過呢度有杯燕麥珍珠奶茶好搞笑個燕麥味道都OK嘅😋

《觀塘台式小店》呢間舖頭都叫做喺觀塘市中心，成幢大廈都好多嘢食，返工放飯時間多人到唔見隊尾。見佢店舖裏裏外外裝修都有台灣特色又幾特別咁佢嘅碗都好有特色，大讚佢嘅設計同裝修👍🏻呢到係散叫嘅，我哋2個人，叫咗：🐷古早味魯肉飯🍚💰$38好好味，多魯肉👍🏻夠汁夠味，食過咁多間魯肉飯，呢間都可以放頭三位👍🏻🉐推介🉐🐷惹味肉燥湯新竹米粉🍜💰$38湯底清淡，但肉燥夠晒味，整體都好好，最鐘意新竹米粉嘅幼細👍🏻🧂鹽酥雞🥢💰$42🧂鹽酥菇🥢💰$42即叫即炸，上枱熱辣辣，好濃味香脆👍🏻仲要好大份，真係食唔晒🉐推介🉐🥒涼拌秋葵🥒💰$42平時都有食秋葵，凍食熱食都鐘意，食完炸嘢食返啲涼拌菜感覺清涼好多，佢呢個仲要加咗蒜蓉醬，味道更好👍🏻🉐推介🉐💰$202/2ppl⭐️4星/5星🈵分🚩龍鳳號 (觀塘)📍觀塘駿業街56號中海日升中心2樓2B號舖

❏古早魯肉飯 👍🏻 (唔記得📸🥲)比想像中大碗，魯肉肥瘦適中，配埋珍珠米飯🍚，超值🌟❏蔥肉卷 👍🏻薄豬肉片包住香蔥一齊食，好有咬口，仲有醬汁😋❏青蔥炸大腸 👍🏻炸得好香脆，熱速速😋。唔會有太多肥膏，食晒成碟都唔覺得油膩😆❏涼拌秋葵 👍🏻大大碟秋葵，好新鮮又黏口❏仙草凍 👎🏻呢個甜品食一次已夠🥲。因為芋圓好硬身，一啲都唔煙韌🥺❏黑糖薑汁荳花（熱）非常滑溜又唔會太甜👍🏻❏珍珠奶茶🧋👍🏻正常😉❏阿里山烏龍茶 👍🏻超清新，下次ᴇɴᴄᴏʀᴇ😉🤘🏻呢間台灣小店環境好懷舊，整潔，食物質素👍🏻⋯⋯😋，冇加一好抵🤘🏻

台灣真係好耐冇過去，開關冇期，為左解決思鄉之情，今次我就試試龍鳳號。門口有一個木製大招牌，十分搶眼。門口中午時段已經好多人排隊，想食嘅朋友就要早啲到。因為一張枱只坐到4個人，如果多人就要分枱，依樣就唔係好方便。食物方面，台灣傳統美食炸排骨，魯肉飯，三杯雞就有齊哂。今次我決定試試佢個香酥排骨，主菜揀左之後，佢仲有近9款面同飯可供選擇。最後我就揀左個肉燥飯。飯送到黎嘅時候，會跟一碟小菜同埋湯。小菜係苦瓜，本人就覺等冇咩特別。然後就到主菜排骨，剛炸出黎顏色金黃，有些許肉汁流出，香味撲鼻，令人食指大動。不足之處係排骨偏油，如果注意健康嘅人可能會唔鍾意。至於肉燥飯，肉味偏濃，個汁比較甜，確實易入吃，加埋排骨一齊食就冇咁油。個餐就冇跟飲品，想飲就要自己加10到20蚊。

本來想食另一間附近嘅台灣嘢食，但係咁岩冇開，誤打誤撞就嚟咗呢度食。呢度嘅裝修好特別，好有台灣風味。呢度嘅嘢食都算多選擇。🔸大腸麵線 $42 啲面試有少少碎，食落去有啲麻煩。啲大腸食落好似臭臭地咁樣，唔知係心理作用定咩。不過成碗麵線個汁係幾好味嘅。🔹古早味肉燥飯 $38可以見到有好多肉燥，撈飯唔會唔夠食，不過啲肉燥就有少少鹹，雖然撈咗飯會淡啲，但係都仲係覺得偏鹹。🔸台式烤香腸 $32呢個份量真係好多，其他餐廳呢個價錢應該呢度嘅一半都未必有。台灣腸配埋蒜頭真係絕配👍🏻🔸黃金香酥排骨 $42呢個排骨好大塊，而且新鮮出爐，卜卜脆好好味。🔹青檸百香果 $28原來依款係一早沖好，唔係即沖。不過都唔係好大分別嘅，飲落酸酸味味好開胃。依間餐廳所有嘢食嘅份量都好多，價錢又唔算好貴，大件夾抵食。

係觀塘見到依間平民價的台灣野食, 試下先, 估唔刑性價比都幾高! 鹽酥雞 ($42)鹽酥雞炸得好脆, 有啲九層塔同蒜同椒鹽, 雞肉好滑好入味. 古早味魯肉飯 ($38)魯肉份量都幾多,魯肉好入味同好淋. 啲汁撈飯好好食. 惹味肉燥乾拌麵 ($38)怕食肥肉的人可以食下肉燥, 都魯肉一樣都係好入味. 龍鳳荳花 ($42)食完重口味的主食, 要食番個甜品先. 龍鳳荳花個底有豆腐花, 上面有有好多煙韌芋圓, 同紅豆綠豆.撈埋一齊食真係好好味. 

呢間台式餐廳，一到lunch time都好多人等位。入到餐廳見到大部分人都係食緊秘製炸雞腿套餐，所以冒住肥既危險都要試試佢。主食方面有米粉、冬粉個d可以揀，我就揀左肉燥飯，肉燥味道都幾濃郁，好好送飯，但細食既女仔最好唔好揀飯，因為配埋雞髀，我都食唔哂個肉燥飯。雞髀個皮非常脆口，唔係平時茶記個d生炸雞髀，呢款應該有加脆漿炸，好似食緊薯片甘脆，調味都岩岩好，有少少五香粉既味，重點係非常juicy，咬一啖，雞汁同雞油會滴出黎。跟餐仲會有一碗例湯同蔬菜，68蚊黎講都幾抵食。