龍鳳祥餃子館 (已結業)

佐敦澳牛附近有好多嘢食，好多舖頭都好似好吸引咁，今次我又俾d麻辣嘢吸引咗入去川味口水雞$58好味呀～ 基本上我去唔同餐廳，每次有口水雞我都會叫，呢度o既口水雞都算頭幾位好食！ 除左佢有一般口水雞麻辣醬應有o既香料之外，仲加咗少少豆豉，多做一份豆豉鹹香味～更加惹味！下次去會再叫！麻辣豬手拌麵 $48麻辣豬手好味，食燜到好林，食落似係鹵水豬手叫少少麻辣味道，食落唔油膩，好多骨膠原～拌麵係麻辣醬，麵ok，但稍嫌油多咗d，食到尾見到咁多油有d嚇人肉三鮮餃 $42 + $5 轉酸辣湯底餃子超好食，好飽滿，裡面有原隻蝦 + 韭菜+豬肉， 咬落多汁～  一共10隻。 不過個酸辣湯就有d淡，下次要牛腩湯/番茄湯算～ 餃子必食！！！豆漿 $5好濃豆味，唔太甜，$5好抵飲！價錢唔貴但質素唔錯，屬性價比高，會再去食埋其他味餃子～

晚飯的時間，我和朋友在佐敦逛街，朋友話想米線，我們經過這間吃米線的店鋪，看見店內環境非常清潔衛生，門口上餐牌的食物選擇延多，店鋪雖然比較細，員工和客人比例十分高，證明店主著重服務的質素，所以便決定入去試一試番茄雞蛋餃子上海麵番茄湯($47)沒有任何肉類的餃子，比較健康，雞蛋嫩滑細密，上海麵爽口微彈，加上自家製的番茄湯肉三鮮餃子上海麵番茄湯($50)餃子內有黏口的豬肉和新鮮的蝦仁，上海麵軟彈煙韌，嫩紅的番茄湯酸辣黃瓜條($32)黃瓜條十分爽口微彈，黃瓜條的份量十分雞，味道酸酸甜甜，令人十分開胃花雕醉雞($58)雞十分嫩滑細密，加上花雕的甘香，令到雞十分富有水份，非常適合這夏日炎炎的時候食用豆漿($5)富有大豆的香味，而且非常便宜整體來說，食物的選擇足夠多，食物的質素非常不錯，食物十分新鮮，價錢十分合理，店員有良好的服務態度有禮貌勤力，所以我認為這間餐廳值得再去惠顧

今日同阿媽經過佐敦呢一間四川小店食午餐。招牌好簡單，裏面裝修好有四川風味不過都係以簡約為主。我哋叫咗一個麻醬冷麵配牛展，一個千層醬豬耳，一身三鮮煎餃， 豆漿加可樂。豬耳＄25叫咗個細嘅，真係見到好多層咁樣，唔知佢點樣黐埋啲豬耳，麻辣味好香但係唔係好辣，個醬好好味，陪埋啲紅椒絲同青瓜絲去食一流。跟住到個麻醬冷麵$48 ,裏面有青瓜絲蘿蔔絲同紅椒絲雞蛋同牛展絲，麻章係另上嘅，芝麻醬唔係好鹹，啲麵好爽口撈埋其他配料一齊食你都唔錯。三鮮煎餃＄45 ,外面有韭菜同埋蝦，外面個皮煎到有啲吹口，買相同味道都唔錯。杯豆漿＄5啲黃豆味好濃，同平時喺粉麵檔飲開嗰啲好唔同，大家可以叫一杯試吓。

去佐敦白加士街就只為澳牛？當然唔止，隔幾個鋪位其實有間細細地主打東北菜的「龍鳳祥餃子館」，有餃子有麵食，質素唔錯，又有特色，價錢又唔貴，下次去澳牛之餘可以考慮下呢間。招牌作餃子雖然得7種口味，但可以選湯餃或煎餃（要加錢），湯餃又可以再加錢轉特色湯底，又或者都係加錢加麵底，甚至雙拼都得，總之就非常彈性，加錢就得。心多人最啱食肉三鮮（$45），三鮮係豬肉、韭菜、蝦仁，另加左$5轉牛犇湯底。餃子一碗十隻，每隻係一口大小，唔算大，但餡料飽滿，韭菜好香，餃子皮薄薄的，滑中帶點煙韌。有足4個牛字（哈）的湯好有牛肉味，香醇但唔會膩口，飲完都唔覺口渴，建議加錢都要試試。另外一樣就點紅燒肉拌麵（$48），紅燒肉好似瘦肉部分比較多，以為會韌，但原來都煮得好軟腍，入口即化，鹹度適中。幼圓身的麵條頗滑，加埋類似牛犇湯的拌麵汁，非常配合。涼菜好多人會點千層醬豬耳，細份（$25）、大份（$48），賣相唔係尋常見到的一條條豬耳，而係幾條疊成一塊，質感非常爽脆，味道鹹香中帶好微微的辣，作為開胃前菜係唔錯的。飲品除左汽水之外就係豆漿（$5），有豆香但唔會好甜，健康解渴。

今日同朋友來到佐敦呢一帶食晚飯不過今日選擇嘅並唔係呢度出名嘅澳牛而係呢間餃子店一開始以為呢度淨係食餃子, 但原來唔係嫁! 單單麵款已經有數十款選擇同朋友一人叫咗一碗麵食之外再叫左幾款餃子麻醬牛展冷麵 $48份量真係有夠多😱😱😱個麵已經超多😅 另外配上一大碗芝麻醬除此之外...大量蘿蔔絲, 青瓜絲, 紅椒青椒絲...分量對我來講的確有點多所以配菜等等都分左好多比朋友麵條柔韌帶點口感, 吃起上嚟不會過林口感唔錯的! 而且麻醬方面亦都唔會太過杰身, 配上麻醬食係幾香幾好味的但建議女仔而又食量一般既你同朋友share會好d我分左好多比朋友都食淨😭今日做左大嘥鬼😭😭😭🙏🏻京蔥羊肉煎餃十分重羊肉味🐑🐑🐑🐑🐑而且煎餃煎得好香脆. 好味! 🤤👍🏻如果唔怕羊騷味既不妨一試韭菜豬肉水餃味道都唔錯, 不過味道較煎餃為淡身相比我屋企包既韭菜真係有點少可能係我屋企落得太多料吧! 餃子皮不會太薄或者太厚, 整體也不錯!如果唔係個面太多的話, 可以叫到更多不同口味的餃子吃. 有機會一定會再嚟試吓其他嘅餃子, 以及呢度嘅招牌牛犇麵🤗

我地兩個人坐低左四人枱有人黎搭抬 絕對唔係問題 但要求我地由面對面坐變成排排坐 安排極奇怪 碗碟又要重新擺放 要人郁黎郁去 枱面空間又無法好好善用 仲要過程中我提出過反對被無視 直接要求我排排坐成日行過黎問食完未想收走既意思 明明個碗仲有野 食緊都趕人走就算味道唔錯都唔會返兜

呢排天氣咁熱最好食粉麵，我同朋友去左佐敦一間叫「龍鳳祥餃子館」到開餐。室內空間雖少，但富有食餃子嘅特色。用咗一啲特別嘅木牌作牆壁裝飾。我哋都比較细食，所以share咗「秘制牛犇麵$48」味道濃郁且噗鼻，入口麵條香滑彈牙，而且份量都夠兩個人食。另外，我哋仲試咗呢到出名嘅「素菜餃$42」可選擇煎熬，共有10隻。餡料有(菜仔、甘荀，木耳)，欣賞真係用心製作，每一隻餃子都包得好！餃子味道鮮香味俱全，咬落已經感受到餡料豐富，絕無馬虎。而且一啲都唔油膩，完全係食素嘅感覺，食多多都唔怕肥呀！如果加$5仲會多杯凍豆漿，味道亦鮮甜清新，大大杯好抵飲呀！

I love the dumplings here and never get bored of them.This time had the egg and tomato dumplings in tomato soup.Each one was filled with tender scrambled egg and tomato and there was a fragrant sesame oil taste to it.The noodles were great because the spicy sauce was served separate so you can mix it yourself.I found the sauce delicious and powerfully spicy!The trotters were ok but some of them had a strange taste to it.

放工經過佐敦，行到澳牛門口，熱到暈又唔想入去逼。見到呢間好似唔錯，上網睇過食評唔錯，又唔使等，試吓。坐低，叫咗肉三鮮煎餃（豬、蝦丶韮菜）、跟個酸辣湯、加個涼拌豬耳（小）、一杯凍豆漿。煎餃真係幾好，足料，餃皮厚度適中。煎嘅火候剛好，唔會太乾，亦唔會食到成口油，好過連鎖店多多聲。豬耳亦唔錯，切得夠薄，爽脆微辣。天氣咁熱，呢碟幾開胃。酸辣湯就真係麻麻，唔酸又唔辣。豆漿無乜特別。一個人，$88，可以食好啲，算係咁。

接近夜晚10點，油尖旺一帶一定係覓食的好地方交通方便，食肆夜收，總有一間有質素的食肆係附近係佐敦白加士街，左望右望，間間都好似好好味，最後決定食“龍鳳祥餃子”，openrice一下，comments好正面～可以一試叫左一碗羊肉汆麵~羊肉味濃，麵質爽口，冇鹼水味，唔錯 （其實我唔知汆麵有冇分正宗。。。反正之前係太子另一間鋪頭都食個汆麵。。。大家的麵質唔同，各有各特色！）。至於湯底係蕃茄湯，一上枱的感覺比較糊（可能夜，個湯底已經煲左一日啦），感覺介乎湯同麵綫中間，不過越食越稀。。。另外叫左碗麻辣豬手撈麵~對於只能淺嘗辣味的我來說（親戚米綫連鎖店食10小辣），係好辣。。。對於嘗辣的老公來說（佢係親戚米綫連鎖店食小辣）可以再辣D...至於主角“豬手”，好淋好入味。。。除左主食外，我地仲叫左一碟醉雞同2杯凍豆漿。。。一見到碟醉雞好大碟，係連鎖集團的兩碟，不過就唔夠入味。。。而碟底的青瓜就吸晒d酒味，係bonus總結，食肆環境舒服，食物質素唔錯，份量大，價錢實惠。。。比起連鎖集團，我都係鍾意依d小店。。。如果你去開佐敦，不妨一試

朋友約食飯，本身目標其實係食煲仔飯，但天氣太熱，我地頂唔順啦，行到去佐敦就被良心餐廳龍鳳祥餃子店深深吸引了進去。餃子店良心在於經過之時的一股涼入心的冷氣風，天氣熱得很，涼風吹來更顯貼心。店子座位不多，只足夠20人左右進膳。地方細細，但五臟俱全，該有的也有，不該的就沒有。看得出老闆在裝潢方面下過一番苦工。食物方面，我們點了牛牛面，餃子，2個小食分別為雞絲粉皮和豬耳。牛面表面平平無其，估唔到驚喜就出現。飲一口湯，湯底香濃，充滿香濃醬油味配合牛肉香，牛肉口感鬆軟，味道豐富，肉質鮮嫩，唔會老。面是一般上海面，但煮得時間剛好，口感煙靭， 我最鍾意係佢上面有少少嘅芫茜，食落味道多咗一種清新嘅感覺。豬耳麻中帶辣爽口又脆小食來講，涼拌之選。 鋪頭最好嘅地方係豬耳下面，仲有大量青瓜喺底。爽脆又清新。炎炎夏日食落，分外窩心。雞絲粉皮，我嘅至愛喺屋企都成日食，貪佢夠簡單，最重要就係個醬， 佢個醬唔係我出面街食到嘅，更加唔係我屋企可以自己買到，食落好香嘅花生味又滑，最重要食完唔會成口油， 好有衝動問老闆 可唔可以教我溝佢出嚟。正!!!平時唔太鍾意甜嘢嘅我，都要飲番杯豆漿 其實想叫走甜㗎，不過我都知呢啲冇㗎喇，

龍鳳祥餃子館肉三鮮(豬肉 蝦 韮菜)$45每一粒都有一粒蝦 但冇特別 唔返兜🙄八方雲集仲好味啲😐+$5酸辣湯如圖 得啲筍同木耳既爽口 基本係冇乜味😂價錢:$50(可選淨餃十粒or餃五粒+麵)

彌敦道近幾年被金行藥店佔據後, 食肆小店只能向內街搬遷, 上星期經過內街, 發現左右兩條街道全部是餐廳, 大排長龍的光速快餐店旁邊就有一家餃子店, 店鋪名夠傳統及吉祥 - 龍鳳祥星期六下午2時多店鋪內還是坐滿, 店員周不時會走到門口跟客人介紹餐店食品, 進店後, 內在環境具中國風, 牆上餐牌以木牌示人餐具亦印上本店Logo示人主打餃子共7種, 每份有10隻, 可自由配搭+$5 可以雙併, 選五隻餃子可配湯麵, 湯底+$5也有三款可選, 如果想食煎餃, 3點後可+$8, 選擇非常彈性最後選了素三鮮餃子配韭菜豬肉餃子, 酸辣湯湯底材料有雞蛋/木耳/肉絲/荀, 不會太辣, 兩款會餃子混在一齊, 真的要在吃時才知道是吃那一款每粒餃子都包得非常實, 咬一口都沒有散開, 在進吃的期間, 店員在旁邊不停地在包餃子, 非常整齊韭菜豬肉餃子, 韭菜的比例比豬肉多, 餡料切得夠碎, 無可否認是脹卜卜, 真材實料素三鮮(菜仔/甘荀/木耳), 全部餡料切成粒, 煮熟後原汁原味保留在餃子內, 蔬菜餃做得非常好除了餃子, 涼菜款式多, 有細份及大份選擇, 點細份可多試幾款雞絲拌粉皮(細份), 份量絕不比外面餐廳的

今日做野經過佐敦，佐敦出名多又平又正既美食，平時食澳牛食到厭，見到呢間專係食餃子嘅舖頭，又未食過，又到左下午茶時間，就入去試吓。我叫左個淨肉三鮮餃加牛犇湯，再加個熱豆漿，因為呢個時間比較靜，可以慢慢食咁岩見有人包緊餃子，即包即食，三鮮餃係呢度推介，入面有豬肉、韮菜同蝦，一碗有10隻，餃子皮薄餡多，認真唔錯。牛犇湯夠香夠濃，入面仲有兩舊好焾嘅牛肉，雖然要加5蚊，不過都算值回票價豆漿就不過不失，加5蚊都可以接受

去到佐敦的白加士街, 本來打算去品穀買麵包, 不過太好生意, 麵包已售罄, 店外的閘亦已拉了一半下來, 為了唔好令自己白行一趟, 所以周圍行下...最後覓食成功 - 龍鳳祥餃子館最吸引的係因為有煎餃....白菜豬肉餃 - $40, 轉煎餃 - $+8等了大約10分鐘, 有得食喇! 金黃色的煎餃子賣相好靚, 皮薄...可以隱約見到內裡的餡料, 白菜豬肉餡料味道唔錯美中不足的地方係餃子皮唔夠脆....令我掛念經常光顧的那間餃子店