龍鳳店

营业中

休息中

今日到元朗無聊逛，想起之前朋友提起的蛋治，便立刻過去看看。小店沒有太多位置，我們一行4人剛坐到鋪內唯一的四人枱，太好了，不用到對面公園食。我們叫了4個蛋治：鵝肝、鰻魚、蟹膏及新出的皮蛋肉鬆，一到便被一大去蛋漿吸引了，很嫩滑，跟入面的味道也配合，但中間的方包被蛋漿吸水過多，變得太淋，我們都覺得口感不太好，可能用厚身的會比較好，不過可能未必做到同樣效果。味道上，鵝肝竟然很合襯，油膩感剛好與炒蛋互相配合，吃起來完全不油，滿意！反而鰻魚則沒太大驚喜，新出的皮蛋肉鬆也很滿意，跟炒蛋相當夾，可能因為我們4個也喜歡吃肉鬆，所以特別鍾情，沒有半點不久違感，大讚。另外，他們的飲品也很特別，我們試了有伯爵奶茶、馬騮搣奶茶及玫瑰奶茶，還有nutella奶茶都很想試，茶葉是很濃，喝出來是自己煲，不是用茶包，味道比例也調教得很適中，不錯。不過要另加$20就有點貴，可能下次未必會再加錢試。整體來說，味道及賣相也很不錯，值得一試，而且價錢由$40起，不算太貴，但份量未必夠男仔食，可能要另加一碟腸粉才夠飽。

之前睇FB推介見到龍鳳鰻魚蛋治，見到相真係流晒口水忍唔住去食﹗老細係即場去整個鰻魚蛋治，所以要預左時間去等，記得都等左都差唔多10分鐘有多。現場得一張枱，坐得好逼。送到上黎個陣個賣相好靚，雞蛋入面包住麵包同埋鰻魚，仲撒左少少紫菜碎係上面，打卡呃like一流﹗吃起來口感幾特別，雞蛋好嫰滑。鰻魚一定就唔係無骨也不腥，嫰滑既蛋加埋少少鰻魚，味道岩岩好。未食過既人可以一試，係幾特別既。但等得太耐同埋坐得好逼，加上價錢唔算平，所以未必有下次。

早已聽聞這間元朗小店的蛋治 完全是打卡的蛋包三文治初次到來 小店果然很小 只有一兩張枱 幸好是平日三點左右 店鋪未有顧客 不用等位鰻魚控的我 這次就點了鰻魚蛋治即叫即製 賣相非常吸引 完全是滑蛋夾鰻魚三文治份量十足的蛋完美淹沒鰻魚和麵包 蛋嫩滑但略嫌不夠香濃中間的鰻魚不算厚身 但無骨也不腥 入味甜甜的 份量不算太少薄薄的麵包吸滿蛋汁和鰻魚汁 有味 卻變淋了 質感沒有太好滑蛋鰻魚向來是個好配搭只是這份三文治索價$40 不太便宜 但可以一試

聽人講龍鳳店係最出名就係瀑布蛋治，最怕就係要排長籠去食，依家嘅風潮就完左，但就等嘅客人就已經冇咁多，遲d就遲d啦遲到好過冇到啊嘛店舖其實只係一間普通嘅小食店，只係有2-3張摺枱同摺凳，迫狹小小就在所難免。龍鳳鰻魚蛋治 $40 - 炒蛋的確係炒得幾滑有蛋香。三層嘅蛋治，底層鰻魚，中間一塊麵包，最頂先係炒蛋。鰻魚算厚身，連埋鰻魚汁味道都幾香而且同蛋治也沒違和感只不過價錢就貴左少少。皮蛋肉鬆蛋治 $40 - 皮蛋配蛋治真係第1次試，多左一層肉鬆，口感味道就更有層次。但另一方面，呢個係更平價嘅食材，對比黎講就性價比就更低喇。整體黎講，蛋治嘅質素幾唔錯，可以一試嘅，但比起出名嘅鰻魚蛋治，皮蛋肉鬆蛋治就更加有驚喜。但以蛋治黎講$40就性價比低了點。

身邊都有很多喜歡吃蛋的朋友！我們都會一起相約尋找好吃的！這家位於元朗的小店是朋友介紹我來的他說我一定會喜歡呢！那我就去試試吧！不過這位置離市區有點遠！是在新界的呢看我對蛋有多大的喜愛！那麼遠我也要去吃呢！不過現正西鐵很方便！不怕！很快就可到元朗呢！山長水遠終於來到小店！就是為了這個鰻魚蛋治！一刀切下去 內裡都是鰻魚呢！非常治癒！沒有來錯的感覺！喜歡！味道也很好！我這個蛋控非常滿意下次一定會介紹朋友來！

話說我係一個好鐘意食炒蛋既人😂 今日假期就專登入元朗試試佢! 我地叫左鰻魚蛋治同鵝肝蛋治啲蛋係真係好滑而且唔膩，碟治上左枱之後我地係無傾過計一直密密食！鰻魚蛋治我略嫌個鰻魚薄左啲，40$有啲貴。鵝肝蛋治係充滿驚喜，呢兩樣大纜都扯唔埋既野係out of expectation地好夾! 好搞笑地我地食食下停左電! 都係去小店既一種特別風味黎既!

即叫即整，但好彩嘅話都會有機會有位坐，因為得一張枱4個位，仲要係好迫，或者可以坐門口，不過就會食晒塵😂因爲對住條馬路我試過外賣食同坐喺度食，咁即刻食係好食好多，上次外賣食，大約過咗10分鐘先食，入面塊包淋晒，完全係另一回事今次經過見有位就入去食，我叫咗個鰻魚滑蛋，啲蛋好滑，而且佢落紫菜都好多，入面仲有塊薄薄嘅方包同鰻魚，味道都好味嘅，最主要係啲滑蛋吸引，價錢$40，無記錯係最平嗰個嚟，個人嚟講價錢算高了點，不過可以一試

作為港島人的我，基本上對元朗的美食認識很少，只知道涼粉和雞翼尖，所以今天特意安排在工作之後留在元朗逛街尋找美食。龍鳳店也是看到別人的食評才打算一試，作為一個蛋控，我是不會放過任何一家有好吃蛋類食物的食店😎。店面一眼看去只有一張桌子和四個椅子，感覺店面有點狹窄，店面都算整潔，但如果不是逛得太累，我可能會選擇外賣吃而不是堂食，坐位太少了🙈。雖然大部分人都選擇吃鰻魚蛋治，可是偏愛試新東西的我，卻選擇了鵝肝蛋治。蛋治未上枱已經聞到濃濃的蛋香味兒了，炒蛋色金黃、蛋香足、蛋味夠，只是吃蛋都值得我再回來吃了！對於一間小店而言，我相信所謂的鵝肝也應該只是比較便宜的鴨肝（Foie gras de canard），不過店家把「鵝肝」煎香了才夾進蛋裏面的麵包之中，使「鵝肝」吃上去有少許甘香油潤，沒太大的腥膻味兒，味道竟然意外地配合香滑炒蛋。唯一我覺得需要改善的地方，就是麵包的部分 —— 雖然說用炒蛋蓋著三文治也是其賣點，但這樣也會令裏面的麵包變得軟趴趴的，店家何不先烘好麵包才放在蛋裡？這樣麵包不會容易變軟變形，味道應該會更好。

一向喜歡食邪惡芝士、炒滑蛋之類，最近網絡熱推，剛好入元朗就去吃個豐富早餐。店內有售邪惡蛋治，也有售腸粉燒賣，飲品有豆漿、奶茶。三重芝士蛋治($35)，欣賞佢包入面塊芝士有烘過，好香。面包比較薄，其實比較難食得出口感。蛋係好滑，顏色都好靚，但就食唔出蛋香，失望鰻魚蛋治($40)賣相加埋海菭好靚，但同一個問題，就係不夠蛋香。少甜桂花烏龍奶茶(單售$28，跟餐加$20)，飲得出淡淡桂花味，好飲。店內仲有好多款唔同味嘅奶茶。整體我覺得期望太高，蛋味不夠濃，奶茶值得一試，不過食物飲品都定價偏高，試一次夠了。其實我見區內街坊黎到都係買腸粉食，無人叫蛋治食

假日起身起得晏，就食個遲來的早餐。龍鳳店呢個名一早聽聞佢既鰻魚蛋治做得好出色，吸引不少人慕名而來。由於我咁耐都仲未試過，就決定去一嘗佢個蛋治到底有多出色！去到龍鳳店既鋪位十分細少，只有兩張細枱仔，出面亦有一條小人龍排隊等食。我大概等了15分鐘先有得坐低食。不過啲客都快來快去食完就走。等待途中可以先行拎飲品，我飲左馬嬲摵奶茶，另外朋友試伯爵奶茶。兩隻都好濃好香滑，但個人就鍾意馬嬲摵多啲喇因爲茶味出啲！叫左一份鰻魚蛋治同蟹膏蛋治。鰻魚蛋治鰻魚的存在感相對較低，而蛋就十分滑嫩，蟹膏蛋治比較足料好多新鮮的蟹柳，亦同蛋治好夾！配香滑奶茶就真係完美既配搭，食完都已經夠飽了，鍾意食蛋治既朋友不要錯過啦～

專食玩味蛋治既小店，本身都唔知有呢間店，但睇Youtube見到有人介紹就黎試下，佢專賣蛋治，但係個蛋治唔同平時，一於帶大家睇下！環境面積較細間，得幾個坐位，真係一間望落去全自給自足既小店，未知係咪老闆娘，年紀都有啲大，老闆娘似係一間打發下時間既店舖。 餐牌餐牌都係係哂餐廳既牆上面，有唔同花款既蛋治，但係瀑布炒蛋入面放各式各樣三文治，連蟹膏、鵝肝都擺入去！ 亦都有唔同味道既奶茶，估唔到小店咁有創意。龍鳳鰻魚蛋治 $40我就試鰻魚，份量其實一個人食都唔會覺得飽，瀑布炒蛋好吸晴，半生熟質感，上面灑左大量碎海苔，炒蛋嫩滑！但食落其實都唔係好食到麵包口感，因為炒蛋一黎整濕左個包，二黎蓋過哂麵包既味同質感，而鰻魚就正常水平，配搭係幾岀乎意料，不過我會覺得貴，試一次都夠。食物還可以，幾有創意，而唔係果啲得創意但唔好食，我食既呢款「龍鳳鰻魚蛋治」係好食，夾得黎，加上係小店經營，值得支持下，不過價錢就真係貴左少少。

今日朝早去咗呢間開咗都有一段時間嘅龍鳳店度食早餐，其實一直都想試但係每次經過都好多人所以費事等冇入到去排隊。今朝見到冇乜人所以就入咗去食，帶咗一個帝王蟹棒蛋治同埋一份鰻魚蛋治，仲有一支少甜嘅馬騮搣奶茶。蟹棒蛋治方面，佢中間夾咗日式麻醬，食落幾惹味，不過佢個蛋應該冇乜落鹽，而佢枱面上亦都擺左幾樽唔同嘅鹽，但係要問清楚店員究竟嗰啲鹽嘅味道係點樣先好落。鰻魚蛋治方面不過不失，係識得一試嘅。至於奶茶，茶味好濃，奶味亦都好重，價錢係有啲貴但係嗌一支飲下都冇乜所謂啦。

The shop is very popular as it gains its publicity from the media. The restaurant's main dishes are the specially made egg sandwiches, which include parma ham egg sandwiches, crab meat, foie gras, etc. The shop is very small and only have 2 people working there, therefore the waiting time is very long especially when there are quite a few tables waiting there. I finally chose the parma ham egg sandwich for takeaway as there are not enough seats for dining in. The portion of eggs outside of the b

第二次吔龍鳳店🐍🐥佢開店時間唔係咁穩定，神龍見首。。。今次試堂食，個賣相真係一流，蛋包麵包同饀既蛋治都諗到，堅勁，同重新定義E=MC2有得fight。越簡單既嘢，越難變。"蛋治由細到大都係咁架喇，你想佢識飛咩" ，大概我哋都習慣咗呢啲思維😔😔今日試咗鰻魚饀，其實兩次吔饀料都偏重味，有少少過咸，可能係個人口味，又或者要撈埋啲蛋黎吔掛。早餐吔差少少，可能做下午茶會合適啲❤️樽仔奶茶幾有驚喜，試左馬騮搣少甜。茶香同奶味平衡得唔錯，茶味唔會無定企，奶味又唔會唔爭氣🤭🤭不過舖頭細少少，內外加埋都係6個位，買外賣拿走要小小心心將佢捧在手心，唔係番到屋企真係碎了一地玻璃心☠️☠️

假日下下屈係屋企，會悶到出菇。專程去遠啲，食好野，當散下心都唔錯啊。😉今次山長水又遠咁去到元朗，之前都見過介紹，話呢間食「蛋治」既小店好正，今次都算慕名而來。😄—去到「龍鳳店」門口，發現真係一間「小店」。😱鋪頭裡面只係得一張摺枱，坐到4個人。我同男朋友坐一邊，後尾有對朋友坐我地對面，都好Close下。🤣Menu貼哂係牆到，有埋圖，一目了然。我地好快已經決定到食咩。—藍妹果日唔舒服，叫左熱豆漿，佢用水座熱個豆漿，飲既時候係超暖，冬天飲既話一定暖笠笠。☺️—係咪好靚呢？唔單止賣相吸引，出面明明比好厚既炒蛋包住，但係依然聞出裡面好香既鰻魚味。🤤－裡面到底係點嫁呢？切開黎睇下先🤭龍鳳鰻魚蛋治能夠睇到煎得好香既鰻魚，鰻魚唔算厚身，但係做到啖啖都係。😁藍妹特別欣賞佢既多士壓得好扁好薄，唔會令人有食左好多包好飽既感覺，好聰明呢！😆－皮蛋肉鬆蛋治冇諗過皮蛋肉鬆原來咁夾，皮蛋味比咸香既肉鬆味中和左，成件事好Match。👍炒蛋又滑又香，同埋皮蛋肉鬆一齊食，口感超級順滑😬出奇地，原本以為鰻魚蛋治會好味啲，因為真係好香，點知到最後，藍妹非常鐘意皮蛋肉鬆蛋治。😅所以話唔到最後都唔知邊個先係最岩自己口味既。－一間小