龍鳳呈祥火鍋雞煲

营业中

休息中

天氣涼涼地，最好食辣雞煲🐥🌶，刺激刺激味蕾👅，係尖沙咀搵到龍鳳呈祥火鍋雞煲試下。.叫左大推嘅秘製黃蜆惹味辣雞煲同蜂巢冰豆腐，另外再叫埋魚皮餃🥟同羊肉片🐏。.秘製黃蜆惹味辣雞煲真係無得彈，估唔到雞🐥同蜆都可以成為一道菜，而且仲要咁夾，雞件嫩滑又惹味，黃蜆一粒粒飽滿鮮甜👍。.食完雞煲加返湯變打邊爐🍲，涮一涮羊肉片🐏食，肥瘦比例相宜，肉質鮮嫩，無羶味👍。落埋蜂巢冰豆腐，索咗湯汁嘅豆腐超級好味😋。而魚皮餃大大隻，餡料十足。.去到最後未夠飽，再叫埋薯粉，薯粉索咗湯汁嘅精華，惹味彈牙又滑捋捋👍。.食物質素味道都頂呱呱，環境行懷舊路線又有特式👍。.好味指數：😋😋😋😋4/5推介指數：😋😋😋😋4/5抵食指數：😋😋😋😋4/5.🍽 龍鳳呈祥火鍋雞煲📍尖沙咀加拿芬道16號金輝大廈2樓

其實我真係堅鍾意火鍋😎今日假期就約好姊妹嚟到尖沙咀嘅龍鳳呈祥黎個午餐火鍋😂依間位於尖沙咀金馬倫道嘅火鍋店，餐廳裝修走懷舊風格😊每一個位置都可以打卡📸好特別呀‼️除左裝修懷舊👍連餐具都用上火雞碗🙌真係好全面進入6-70年代咁‼️我哋今日點左個幾抵食既午市二人火鍋套餐🙌包左半隻雞煲🐥自選左墨魚丸及貢丸萵筍及飲品兩罐！額外我哋仲點左幾款火鍋配料‼️雞煲我哋點咗小辣😋自家嘅醬汁味道超香濃😊店員把香料及雞件🐥炒起嘅時候香噴噴🤤雞件保持到幾鮮嫩😜小辣味道剛剛好‼️食完雞煲我地就加豬骨湯打邊爐😜額外配料有新鮮桂花蚌😍焯大概1分鐘變白色後就可食喇☺️口感鮮甜爽滑🥰大愛呀‼️另外仲有脆鯇腩片🐟滑豆腐、金菇菜等等‼️火鍋配啤酒係必須😂嘉士伯生啤2L真係啱啱好😂店家仲留低張啤酒欠據驚我地飲唔哂😂不過對於走鬼嘅我又點會飲唔晒吖😂😂

Coconut chicken soup 🐔🥥 椰子雞湯鍋 $198呢個椰子雞湯真材實料，用咗大量椰子🌴、足料新鮮滑嫩雞肉熬製而成，入面仲有粟米🌽、滋補紅棗、杞子等配料，清甜健康Homemade prawn dumplings 龍鳳呈祥鮮蝦鳳尾餃 $78 Fried stuffed bean curd 即炸響鈴 $68 Duck blood 🩸 鴨血 $58 Rack of pork 🍖 爽脆豬天梯 $88Vegetables platter 龍鳳呈祥雜菜拼盤 $128Japanese udon noodles 🍜 日本稻庭烏冬 $38Sweet potato vermicelli noodles 🥔 薯粉 $28彈牙爽脆嘅一層一層豬天梯其實係豬嘅上顎，餐廳嘅火鍋配料好多元化，最有特色嘅係自家製鮮蝦鳳尾餃🥟，係款有埋原隻鮮蝦整成嘅餃子，好有特色😍，而雜菜拼盤有心形嘅白蘿蔔好有心思🤍，個人認為即炸響鈴同豬天梯都幾唔錯啊👍🏻Preserved salted lime🧂🍋 自家製陳年鹹檸七 $38 陳年鹹檸七嘅性價比好高，個杯好有時代感影相好靚📸，連埋打邊爐配料飲仲好夾！

邊個話晏就唔打得邊爐😎，晏就食先多啲時間消化呀其實🤭叫咗個 午市 八兩四人套餐，包括嘅菜式又多又豐富，性價比真係好高🙌🏻🐥招牌無骨鳳翼釀雞煲(走辣🙅‍♀️🌶)絕對係食過最好味嘅雞煲，醬汁極濃郁。雞翼入邊釀入蔬菜，有紅蘿蔔金針菇。雞煲內仲有紫洋蔥、雞髀菇、芫荽做配料，味道加倍惹味～🐮酒香陳年花雕浸牛肉牛肉浸咗好一段時間，所以花雕味好香濃， 老豆香室呢咁單調🥬龍鳳呈祥雜菜拼盤雜菜拼盤有白蘿蔔、生菜、娃娃菜、皇帝菜、蕃茄，全部蔬菜都非常新鮮，白蘿蔔仲砌咗心心嘅形狀好有心思🤍🍚絲苗白飯百花上邊放咗香港式紫菜，好香白飯味🥤自家製陳年鹹檸七咸味啱啱好，成粒上，自己篤開佢調味🤎牛骨濃汁牛丸 (4粒)一咬開係會爆汁，牛肉丸牛油味道好香非常彈牙之餘仲有牛筋！🐟自家製炸魚皮即炸嘅新鮮魚皮！非常香脆，唔浸湯就咁食都好正🐷爽脆豬天梯喜歡爽口嘅我必定食，感覺似軟骨，好有咬口，淥10幾秒卷埋就食得

天氣開始涼涼地，想搵啲暖粒粒嘅嘢食下，喺尖沙咀行完街，見到有間新開嘅雞煲，門口道閘已經好懷舊，入去試吓啦！秘製黃蜆惹味辣雞煲，辣味十足，仲有一大堆芫荽，好香。食滑滑雞件，又有蜆食，記得一路食一路拌，避免癡底，食完雞煲都飽咗一半。羊肉片，食完雞，再食過羊肉片，個肚即刻暖笠笠，羊肉片帶少少羶味，食落少脂肪唔肥。魚皮餃，個皮夠薄，裏面餡料充足，隻隻都好豐滿。最後叫咗個薯粉，薯粉爽滑彈牙，索左個湯底，更加惹味，又飽肚。

🍲 #龍鳳呈祥最近天氣轉凍，最啱就係食雞煲、打邊爐🥰 今次同朋友嚟到龍鳳呈祥試吓佢個秘製雞煲🥰🐥 秘製黃蜆惹味辣雞煲麻辣雞煲就食得多，加埋黃蜆嘅都係第一次！啲蜆好肥美，份量都算多，雞煲夠辣、啲雞又滑，過癮😆👍🏻🐝 蜂巢冰豆腐蜂巢豆腐吸晒啲湯底超級好味😋 勁juicy又麻辣又有蜆香同本身嘅豆腐味🥰🥬 油麥菜 油麥菜夠新鮮，都係吸晒啲湯汁超好味😋🍜 薯粉薯粉同麻辣湯底永遠係最好嘅組合！ 唔會太辣但又夠晒惹味🤩 正～

天氣涼涼哋，又係食雞煲嘅時候。今晚去咗呢間龍鳯呈祥到食雞煲，估唔到咁好味。我哋叫了秘製黃蜆惹味辣雞煲，雞煲醬汁惹味，而且好濃，雞肉非常入味，食到停唔到口。食完雞煲，可以加湯打邊爐，湯底加上雞煲醬，勁好味。羊肉片非常新鮮，配上雞煲醬嘅湯，辣辣哋，非常暖胃。魚皮餃皮薄餡靚，連我平時好少食魚皮餃嘅人，都食咗三四粒。油麥菜吸收了雞煲的味道，沒有了苦澀的口感，非常好的配搭。薯粉，爽口彈牙，配場雞煲湯，非常好味，食完就飽晒了。估唔到呢間龍鳯呈祥嘅雞煲火鍋咁好食，下次帶埋屋企人嚟食多次先。

今日同朋友嚟到呢一間尖沙咀加拿分道專門食港式雞煲嘅火鍋店食晚飯😆-秘製黃蜆惹味辣雞煲首先雞煲調味好正 夠惹味🤤唔會話太辣蓋過晒啲雞味🐔雞肉份量亦都幾多肉質嫩滑-羊肉片另外我哋亦都叫咗羊肉片👍🏻肉片厚薄適中 唔會話好臊😋-薯粉薯粉煙煙韌韌 仲可以吸晒啲味🤣最適合就係用嚟打邊爐或者雞煲嘅時候食 唔使驚好快煮到淋晒-蜂巢冰豆腐冰豆腐好似個蜂巢咁所以可以吸收更多湯汁😍-油麥菜最後都要嗌少少菜清吓腸胃🤣菜好新鮮非常爽口

今日帶個外地個朋友去食飯，去呢間好有香港懷舊特色既餐廳，一黎可以打卡影相，二黎比朋友感受香港舊時結婚既氣氛。連我自己都好興奮見到咁多懷舊佈置，影左好多相，放上IG可以握到好多like。當然黎到係要食雞煲，連個雞煲都係同細個呀嬷用果個煮食煲，雞煲個配料好充足，味道好豐富，雞肉又夠嫩滑。食完雞煲再食其他火鍋料，個鋒巢豆腐口感好實在，用雞煲個汁去煮，味道一流。另外，個魚皮餃好新鮮，完全無我好怕既雪櫃味。今次食得好開心，會推薦朋友黎食。

位於尖沙咀的火鍋雞煲店，玩味十足，裝修及設計呈現懷舊香港的面貌，不論是格仔牆壁、廣告壁紙、霓虹燈、鐵閘、傢俬、擺設，連餐具、容器都是仿當時香港的特色作主題，置身其中，別有一番風味。金牌雞煲：秘製黃蜆惹味辣雞煲餐廳提供多款雞煲，每款都各有特色。雞煲一大窩，可以挑選辣度。雞煲醬汁濃香，店員炒香雞件、爆香洋蔥、大蒜、芫茜，確保雞肉及其他食材不會燒焦，雞肉鹹香十足，又入味，黃蜆大大粒，沒有細沙，味道鮮甜。吃完雞煲後，就是火鍋。火鍋湯底一樣多樣化，一般的火鍋配料、海鮮拼盤、牛肉拼盤都有，牛肉有不同部位，如雪花肥牛、牛肉粒、牛舌等等。另外還有羊肉片，手切薄片，油脂不多，肉味濃郁。即炸響鈴脆口，灼一灼滾湯，完美地吸收湯汁。另外餐廳也有供應三文魚、油甘魚刺身。

最近天氣涼咗，諗緊食咩晚餐，兩個人食個雞煲都唔錯😋呢間成間鋪頭嘅裝修都好懷舊，好有特色！復古味重重的😝-秘製黃蜆惹味辣雞煲，好多芫荽洋蔥嘅配料，成煲野又香又夠辣😋仲有好多雞塊，好正👍🏼個雞煲醬夠辣又夠濃味🤤鐘意重口味既朋友必試吓！-炸響鈴，打邊爐最愛之一 ，點落雞煲度好yummy 🤤 外脆內軟，每次都會食1-2碟-有好多蔬菜揀，簡左油麥菜，油麥菜夠新鮮而且食落嫩脆爽口👍🏼食完唔會咁燥熱😘清下熱整體環境好舒服 好適合約埋幾個朋友黎食！

在IG看到這間網紅打卡雞煲火鍋，約定了和妹妹在g今個星期日一起到尖沙咀吃飯和逛街。位置：在加拿芬道的一棟舊唐樓，就是在奇華餅家的樓上，有電梯直達2樓。環境： 展現七、八十年代的場景，以大排檔和摺凳方式入座，也有卡座，近門口就有龍鳳大禮堂，一個茶樓婚禮擺酒場景，四處裝飾了通花鐵閘、格仔磚牆、霓虹燈牌、留聲機、桌球檯、足球機、梵高壁畫、懷經時鐘、經典廣告海報等，最欣賞是連餐具和碗碟都是雞公碗，老式搪瓷杯和熱水壺，真是好像回到八十年代。此外，可以一邊用餐，一邊聆聽五十流行經典金曲，滿有唱K氣氛。服務：提供雞煲套餐，同時有三種火鍋湯式選擇， 分別是雞湯、豬骨湯和蕃茄湯，選了雞湯，不過分別不大，因為雞煲醬汁已完全蓋過。另外每枱會呈上一份配料，自製個人口味的醬汁，每人收費$22。午市：🥢秘製黃硯惹味辣雞煲🥘(小辣) $29一隻雞的份量(不小心選錯了🥲)， 連無沙的大隻黃硯，舖滿面層的芫茜和洋蔥🧅，用秘製醬汁炒至入味，醬汁的沙嗲味道挺重，所以鹹香十足， 不過不太辣，雞肉幾嫩滑又入味😋，配菜🍄菇片和🎋荀片都爽口，所以吃完雞煲已經很飽😆。🥢牛骨濃汁🐮牛丸 $58👍🏻必食推介，一咬就感受到牛肉汁爆出😍，非

有位好友想搵我吐苦水🥲搵左間有特式既港式火鍋店食野同佢盡訴心中情❤️舖頭由裏到外各處都有香港特色的舊式佈置，鍾意影相📸️打卡既人就岩哂黎，包括我朋友😂清熱椰子雞湯鍋（半隻）鍋中椰子🥥和雞🐔份量都好足 最精華係鍋中雞湯 我同朋友都飲左唔少碗滋潤下自己酒香陳年花雕浸牛肉牛肉酒香味濃 碌熟牛肉後當中既酒香仍然存在 另外薄度適中 打邊爐岩岩好 而且食完唔覺太飽濟牛胸尖上碟望落有少少似魚生🫠煮熟後食落口感有少少似花膠 十分爽口蝦丸（墨魚+蝦肉）彈牙而口感豐富的丸 而且味道比平時食啲丸好味好多牛骨濃汁牛丸必試既丸類之一 彈牙爆汁 而且丸內有一細舊軟牛骨 口感多層次即炸響鈴/炸魚皮喜歡打邊爐食炸嘢都必叫 炸皮浸入湯中比出面無咁易淋 咬落清脆最後仲有叫左我哋想食既炸枝竹同鴨血結束我哋既晚餐😛

裝修走懷舊路線，好有舊時香港個陣特色，都幾岩打卡秘製黃蜆惹味辣雞煲佢地個秘製黃蜆幾新鮮，食落都好鮮甜；雞煲嘅雞都好多，而且辣度十足！即炸響鈴唔會係淋身個隻，一夾已經Feel到啲脆嘅聲，配埋佢個辣辣地嘅湯底，一咬落去啲湯都飛曬出黎。魚皮餃都幾彈牙，啲肉嘅調味都幾香，而且一客個量都多！薯粉啲量都唔少，而且係彈牙嘅，唔會變到一舊野咁，配埋佢個湯底食，簡直一絕。滋潤菊花蜜，竟然係用舊式嘅熱水樽去上茶，令到成個感覺都更有Feel，個菊花蜜都幾潤，唔係個種死甜嘅甜味，都可以幫到我減輕重口味嘅影響。

最近尖沙咀開左間懷舊主題嘅雞煲火鍋店日日都瘋狂洗板 因為成間鋪都係打卡位一入到嚟有種時光倒流嘅感覺 好似去左七八十年代嘅香港咁 求其影都咁好feel仲係咁播哥哥梅姐嗰個年代嘅懷舊金曲添除左環境有特式之外 佢嘅雞煲都好特別最吸引我嘅一定係佢秘製榴槤雞煲真係超超超鍾意榴槤 所有榴槤野都想試呢個雞煲仲要係期間限定 一定要試下啦餐廳用泰國金枕頭 所以味道偏甜同小辣雞煲都幾夾呀食完雞煲就可以加雞湯/豬骨湯/蕃茄湯打邊爐叫左幾款火鍋料有比較少見嘅新鮮魚卜同田雞魚卜勁爽口 田雞好新鮮好滑西班牙黑毛豬肉質爽彈 唔怕有豬臊味菊花蜜唔會好甜飲落好清潤 懷舊壺好特別最後仲送個棉花糖 好開心呀6點前埋單散叫有7折仲有二人同四人餐 超抵食再約多啲朋友嚟打卡先