龍門樓 - 志蓮素齋

营业中

休息中

平日煩囂既生活，响假日時想慢活一下又清淨一下....咁岩下午要去牛池灣睇show,响市中心又遠離煩囂既好去處，我突然諗起志蓮淨苑。因未去過，今次可以輕食齋菜，又可以去行一下。。。。响openrice seach 見到有幾間餐廳，食齋菜既環境又不錯的話，我地挑選咗龍門樓。我地今次walkin 差d 無位😅餐廳有3層，建議假日去要預先訂枱。。。我地今次輕食，淺嘗咗4款菜色：～1. 五福拼盤 (小） 💰$168原本諗住叫（中） size,但經過店員建議我地揀咗（小）， 份量已足夠2人份，五福包括：🥗紅菜頭沙律Mix 咗沙律醬既紅菜頭，酸酸甜甜，配以紅菜頭既質感，好開胃😋🍄‍🟫醬燒菌d 菇吸晒醬汁入晒味，配以紅燒既煮法，乾身又入味🪻紫甘藍醋粉皮平常涼伴粉皮都係用胡麻醬，餐廳用咗醋既做法，酸酸地好開胃💐風味碧肉賣相黃黃綠綠好靚，黃色既花仔，原來係小黃瓜花，好特別，清清地，感覺好健康🧆香麻海苔麵根涼菜必選既麵根，吸晒醬汁d 味。惹味但又唔會好咸2. 菠蘿咕嚕肉麥纖 💰$125平時食小菜我都必叫既咕嚕肉😍，今次就試下齋菜版。 好有驚喜，口感同真肉版差不多，無論味道同質感都同食普通既咕嚕肉極度相似。糖

本身諗住星期日家庭聚，帶媽媽去食𪗋，打去訂位已經燥曬，我只係問，你哋方唔方便輪椅出入，第一次吾答及我線，再打第二次，我一問直接及我線，真係不知所謂服務態度。我再打第三次，你因乜及我線，個位陳小姐答我好忙，我又要收銀，又要聽電話，呢個吾係可以及我線原因。你可以答我，我哋係無障礙設施的。即使幾好食都吾會去。

是日聚餐。我都係第一次嚟呢度食飯，友人建議就一試究竟。地點唔多就腳，由鐵路站出口一直行到公園中央位置 😅餐廳會有啲規矩。訂枱攞咗飛就唔好離開，方便安排座位 😏訂枱用餐時間比起walk in 來的多少少 😏。會催交枱，明嘅，要經營就係咁 🤷‍♂️。咁嘅價錢咁嘅節奏，我一定唔推薦 😂出餐侍應都有些年紀，有禮貌 👍餐廳亦有些保健食品出售。記得蘿蔔一樽5片，盛惠$200。反正都係齋菜，睇字都分辨唔到架啦 🤷‍♂️。隨性揀個最貴嘅餐，因為友人請客嘛 😁對我嚟講係特別嘢，皆因從未見識過。又無睇餐牌呢，估計係菇菌豆腐菜瓜呀咁 😛。友人話茶滑，哦！原來咁樣係滑，見識見識 👍埋單 $1500 全包免加一 😮

農曆新年想食齋，可以試下黎呢間餐廳試下。食完仲可以去埋志蓮淨院，洗滌下心靈。食物好食，但價錢比一般齋鋪高。如果係多人食既話，仲可以叫套餐，唔洗花時間諗食乜。我一年應該都會去呢間餐廳一次。餐廳最signature 係出面個瀑布同埋個水車，食完飯可以出去打卡。1）五福拼盤（小）（$208）👍🏼👍🏼👍🏼推介，兩個人食份量剛好。紅菜頭新鮮，菇亦好食。而且新年叫呢個餸，好意頭😍😍😍2）松露忌廉燴手幹麵（$198）👍🏼👍🏼👍🏼雖然賣相不討好，但個麵好滑，正👍🏼👍🏼3）腰果桃膠露（$80）一細碗，有D貴，但食得飽，可以二人share 黎食。食埋個甜品就大滿足。

我哋一行5人 有個小朋友訓著左， 分配我地係旅行團樓層 嘈到不得了， 我地要求轉其他枱 ， 只係一味話冇得轉 已經落左單。 完全唔識轉彎 仲怪我地一早唔話要轉枱 落左單先要求（旅行團係之後先上黎）

早排同朋友一行4人去咗鑽石山志蓮靜苑食素，呢度環境真係非常優美，荷花盛開，好有禪意，令人心情放鬆🌸🌿。呢次我哋試咗幾款素菜，真係好滋味：首先試咗五福拼盤，每樣小食都好精緻，用料新鮮，美味非常👍。然後係松露百合露筍餃，餃子皮薄餡靚，松露香味撲鼻，再配上爽脆的露筍，真係絕配😋。金菇菜苗餃亦係好推介，餃子咬落口感豐富，餡料鮮嫩可口，一啖接一啖，停唔到口。石菌豆腐煲係我哋最鍾意嘅一款，豆腐軟滑入味，加上石菌的香氣，煲煲熱辣辣，好滋味。🍲另外，銀棯醬茄子都好好味，茄子煮得好淋，加上銀棯醬嘅特別調味，味道非常出色。🍆最後，免茶芥就係用綠茶粉製成嘅一款清爽甜品，甜度適中，口感滑溜，非常滿足。最重要係呢度不收加一服務費，真係良心食肆👏！成餐飯喺咁靚嘅環境度食，真係一大享受。

佛門清淨地，食到成個人好唔清淨！老媽子生日，佢又係食長齋，所以專登搵間靚少少的餐廳！一行6人+1個兩歲小朋友，店員力推套餐，都知道套餐方便你地，無所謂啦都費事揀，講真食物質素一般般！重頭戲由個兩歲小朋友食自帶食物開始上演，因為第一次去，我地唔知入面連BB食物都唔比食，店員就過黎講唔比食，要求小朋友出去餐廳門口食，咁ok 啦，餐廳規矩係要尊重及遵守！咁嚮出面食得好地地，又有兩個店員嚮旁邊冷言冷語話好唔尊重個地方…..喂大佬，都已經出咗黎食啦，仲要對住你地個廁所….你地仲想點！冷言冷語一番之後仲要兜口兜門話下次唔好啦，咁我地咪回一句我哋唔會有下次黎羅！我覺得人地都出左出面食啦⋯⋯唔使趕到咁絕！你出黎冷言冷語個用意係乜姐？你估人地真係好鍾意對住你個廁所食野，專登帶野黎食咩！同埋book 位個時都講左有BB 要BB櫈，咁你哋係咪可以提一提唔可以帶野食黎呀⋯⋯

餐廳位於志蓮淨苑內，由鑽石山港鐵站步行5分鐘左右，便到達南蓮園池門口，慢步10分鐘左右，就抵達餐廳了。餐廳門外有個大水車和池塘，非常容易找到。和朋友兩個人吃飯，分量可以選擇小份，不用擔心吃剩胡椒繡球菌煮勝瓜繡球菌爽口，胡椒湯味溫和，配着勝瓜一起吃，口感豐富松子仁蘿球莖酸酸甜甜的口味，十分開胃，除了松子仁和蘿球莖，還有西芹、子薑和紅椒，顏色配搭很豐富地衣牛肝菌白玉炒飯炒飯炒很乾身，還有很多配料吃過飯後，還可以在園池內欣賞着美麗的庭園景色散步

🔹️之前與朋友去過幾次位於礸石山南蓮園池內“龍門樓” 食齋🥗 水準唔錯, 今次帶家人試試, 順便可行行南蓮園池, 打吓卡📸🤗 店內環境寧靜舒適🎶服務比以往進步👩🏻‍💼👩🏻‍💼🔸️鹽焗竹根以錫紙包着竹根、芹菜、芫茜、沙薑、沙薑粉, 食材新鮮, 味道清甜甘香😋🔸️翡翠百福袋以精緻小巧的百福袋, 餡料以油揚、金茹、紅椒、西蘭花和薑粒, 味道鮮香🤤🔸️芥蘭以清炒芥蘭 ~ 色澤翠綠、爽脆鮮嫩😋🔸️藜麥松露露筍炒飯以有益藜麥配香濃松露和爽口露筍, 健康又惹味👍🔸️腰仁三菇粥以腰果、石菌、舞茸、金菇、蘑菇、薑絲等餡料, 菇味濃郁, 越食越開胃🤤另外加點了是日例湯🥣🔸️腰果桃露每次也不少得腰果桃露, 以濃郁腰果香和綿滑合桃露Yummy 😋🔸️欒樨餅以季節限定推出的欒樨餅以紅豆餡料, 外皮軟糯、口感煙韌, 味道層次分明, 第一啖咀嚼時, 味道有點苦、第二啖有點甜, 而第三啖帶甘👅

外面公園典雅清優，內館齋菜好味，不過碟細量少，如果有人生日就不要去了，不比自備蛋糕，不會幫攝影，自行攝影，衹好叫間離枱幫影相，我唸衹是一次，下次都不來，母親節繁忙節日只有一小時15分鐘就要離開

打算母親節去食餐飯，樓面服務員態度非常惡劣，我們一行16人，要分兩張枱坐，八個人一張長枱，又大枱都不給，樓面的服務態度很差，食物非常細碟，價錢與食物不符！簡直食到一肚氣，不會有下次😤😤

嚟到志蓮淨苑一行入嚟已經好舒服，環境清幽園景靚，再食埋志蓮素齋簡直係完美。今天8個人食，提前book咗枱，唔使驚食白果 。開胃頭盤，涼拌清新，酸酸甜甜，份量又夠多 。腰果露足料，甜度啱啱好 。唯獨點心餃和薑汁糕口感不好之外，點過的所有食物都很不錯、好吃 。

志蓮靜苑⋯鬧市中的淨土。環境清幽，山山水水～參觀庭園食過齋菜，洗滌心靈！整體環境舒服，齋菜不過不失、價錢並不便宜。前菜 、五福拼盤 唯獨比較特別是紅菜頭配上黃豆沙律醬⋯酸酸甜甜，清新開胃金菇菜苗餃 酥炸海苔卷腐皮、冬菇、水根、馬蹄、海苔食落有多重口感、但反而掩蓋了海苔的味道翡翠福袋這個油揚很厚身但一夾就散開⋯而且吃不出有什麼特別味道～

齋菜係煮得幾好味，可惜嗰啲夥記態度惡劣 ，點餐時態度惡劣 ，預算每人點一個菜 ，跟住佢就喝啲客，話你已經點咗喇喎，點咗兩個豆腐啦，究竟點㗎？ 都唔知呢啲咩嘅服務態度， 点菜落單諗下改下都好正常， 又唔係落咗單煮咗出嚟唔要，使唔使咁喝D客呀 ！ 我哋都冇當面斥責佢，只係私下議論幾句， 啲夥記知我哋講佢， 仲喺度夾埋一齊咬耳仔，啤住我哋。 嗰個落單夥記係高級，著花裙，唔係一般嘅白卹衫夥記仔。嘢食煮得幾好食， 今時今日咁嘅服務態度 ，一定唔會返轉頭幫襯囉。

千萬不要去這間餐廳慶祝生日或者什麼紀念日。餐廳門外已寫明不準攝影及錄影。（不明白點解咁多人仲影到呢間餐廳食物照，所以這篇食評唯一張相片就係走出餐廳後拍的收據。 本來諗住同親人慶祝生日拎著蛋糕入了南蓮園池已被保安叫停， 話園內不可飲食 呢樣都明白。入到餐廳， 諗任雪個蛋糕， 職員講入面唔可以食蛋糕，因為你個蛋糕可能有蛋。 咁諗住借雪櫃雪下， 又話唔得。 但可以擺在冷氣位下吹（職員其實有講可以拎個蛋糕出來影相。 我心諗你貼哂告示在門外， 不準拍照， 我蛋糕又唔食得，到時我拎出黎影， 又話我，貪過癮咩） 如果你要帶嬰兒來食飯， 你都要考慮清楚。餐廳有張紙 寫明 除咗奶粉之外，所有外來食品都唔可以食。 所以嬰兒糊仔， 餅呀，你都唔好諗住拎俾bb食。 食物方面， 茶係普洱，好飲的。 菠蘿咕嚕麥纖 口感比較特別。腰果桃膠露， 腰果味完全唔特出. 細細碗，價錢仲要72元。價錢方面偏貴。 一個8人套餐$3288. 仲要無糖水，所以我地無叫。 散叫較化算。 晚餐只有一個半小時用膳。由於九點鐘就要關門 ，八點半要埋單, 八點九開始收你張枱啲嘢及關冷氣，要趕客了呢個價錢， 呢個服務質素， 你地諗諗啦。