龍門樓 - 志蓮素齋

营业中

休息中

「志蓮淨苑」係一個由細到大間唔中都會同屋企人去行嘅地方，但都係呢排先知道原來佢附近有一間幾知名嘅齋菜館而且質素唔錯，就係喺南蓮園池樹林瀑布下面嘅龍門樓。環境方面，當日因為早到，可以有靠窗位置坐，出面係瀑布流水景，都幾有意境，位置坐得幾舒服，不過就唔算得上好清幽，因為比較多人，不過就好乾淨同埋感覺幾典雅。呢度嘅食物全部均係選用新鮮食材，低油低鹽低糖而且無味精，所以味道健康得嚟亦偏向清淡。🔸陳皮欖醬蒸陳村粉：係今次食嘅唯一一道覺得偏重味嘅菜式。陳村粉蒸得啱啱好，好滑。陳皮欖醬味道非常濃郁，味道偏甜，如果唔喜歡欖醬味道嘅朋友仔未必會喜歡。🔸石菌豆腐煲：豆腐裡面煮得好嫩滑，菇味好濃厚，而且份量都幾多，芡汁幾香，係平時豆腐煲嘅少鹽清淡版。🔸素菜包：餡料係素菜，驚喜在個包皮，蒸得好軟棉棉又好夠熱👍🏻🔸香煎蘿蔔糕：入口有一絲絲蘿蔔同埋少少香菇粒，外層煎得香口，裡面就偏軟綿綿。🔸酥炸海苔卷 拼 香酥脆奶卷：兩款均係炸得脆卜卜之餘得嚟又唔會油膩，不過脆奶卷就唔係好濃稠奶味嗰啲。🔸石菌炒飯：唔算炒得粒粒分明，但用嘅米粒好煙韌，好有嚼勁而且石菌味道幾濃郁。呢度所有菜式味道都係相當平均，以清淡同自然味道為主，

今日原本打去訂位，無位就算我喇，我都未問問題就cut線！好無禮貌（女人聲）未去幫親已經咁嘅態度，唔覺得去到餐廳啲服務態度會有幾好。仲有咁多like，一啲都唔知係點做到。

今天 2/10/2021 (星期六) 和家人一共六大一小到龍門樓吃素齋晚飯, book枱時間六點, 用膳時間只有一小時十五分, 七點十五分要還枱, 六點到達開始點餐, 黑色西裝褸侍應遞上套餐餐牌, 游說我們點套餐, 當我們告訴她會單點餸菜, 黑褸侍應馬上露出不滿表情並用對講機跟對方說這枱不點套餐, 寫完菜, 我們要求覆－次, 她立刻拒絕說: 不用了, 稍後出張單你可以check, 大約七點, 我們還未吃完, 另－位侍應已急不及待遞上兩小碟水果 (重申, 兩小碟, 每碟四小片), 像要催促我們還枱, 七點十分黑褸侍應拿著帳單過來要求埋單, 怒氣沖沖的跟我們說, 這些水果是拿錯給你們的, 邊說邊起手拿走水果, 不理會小朋友正吃著水果, 我跟她說, 你們這樣計較那兩三片水果, 寧願拿走倒掉, 難道這就是你們做素菜的正確態度, 這黑色西裝褸侍應的服務態度, 又是否代表龍門樓想提供的服務, 實在令人失望, 難怪光顧客人一次比一次少!

千幾蚊一個套餐真係唔值，食過一次無下次首先，食物質素，每個菜既份量唔多，算少添。味道一般，尤其係最後份生果，每人得3件⋯其次係服務方面，我地食得快，50分鐘已經食完嗰套餐，嗰陣都未8點，見我地食完d嘢已經收曬d碗碟，跟住一個著黑色西裝既女侍應就主動叫我哋埋單，我睇上菜紙無我叫既小食，就俾左錢，佢比返張收據仲要摺左兩下，所以就無為意。返屋企睇先知佢漏單，無check清楚就叫我地埋單⋯食得呢個價錢，都期望有好d既服務同質素，千幾既套餐，味道一般，份量唔多，服務未見細心我覺得唔值囉。

我唔係一個素食者, 但間唔中都會去食素。呢日就去左志蓮淨苑既龍門樓食素, 一定要預早book 位, walkin 係無位既。午餐分2個時段, 分別12:00 或1:30。佢地有最低消費, 每人最少要消費 $120。 環境清優雅致, 加上播放住令人心境平靜既音樂, 已經令人放輕鬆心情。 佢地有套餐同散叫, 我地睇完一輪, 都係決定散叫。 香煎蘿蔔糕 $40/3件- 餡料有 (蘿蔔, 冬菇, 甘荀, 粘米粉) , 外表煎得香脆而內軟, 入口有一絲絲既蘿蔔, 清淡又易入口, 唔錯。 酥炸海苔卷 拼香酥脆奶卷 $105/8件- 海苔卷有 (腐皮, 冬菇 , 水根, 馬蹄, 海苔) ,  炸得香脆可口, 必點之選。- 脆奶卷有 (麵包, 牛奶, 糖) , 味道香甜軟滑, 我最愛。甘香扎蹄 $70- 材料用 (腐皮, 香料, 醬料) 組成, 味道唔差。五福拼盤 小$135- 紅菜頭沙律 - 個人最欣賞呢個沙律, 口感爽脆, 感覺清新無負擔。- 醬燒菌 – 濃味得黎, 唔會覺得好重負擔, 完全唔覺得係食緊菇菌類。- 紫甘藍醋粉皮 – 酸酸甜甜, 好開胃。 - 風味碧玉 – 其實就係小黃瓜苗, 入口爽

今次去試新野 - 齋菜 ！首先食左咕嚕菠蘿炒麥纖， 第一次食麥纖，好脆口，之後再加埋咕嚕肉啲汁酸酸甜甜好味道！仲有石菌豆腐煲，好香既菇味，再叫左碗20年既陳皮紅豆沙！陳皮味都夠香既！😍

家人想要生日吃素，於是在志蓮素齋book位食午餐。早2個星期book 左12點，每人消最少$120。之前未食過呢間素食，知道好出名，但原來來個段南蓮園池已經好靚。門口出面有2個牌有寫上有乜野食和價錢$11:45到逹餐廳門口，等多一陣，到12點準時入餐廳。入到去，坐的位置對住瀑布，好靚呢!我地2個人最後要左一個一人餐和另外要一個如意角。首先來的是(1) 金孢竹燕羹，這個味道有啲似碗仔翅，但味道較淡，仲有啲菇、荀係裡面，好味。之後來的係前菜(2)松露芙蓉和薑蓉球莖青瓜花，2個都是涼菜。松露芙蓉:有淡淡的松露味，但唔太搶，和腐皮都好夾。薑蓉球莖青瓜花: 唔知道什麼叫薑蓉球莖，但有啲似體積細好多的雪耳，好爽口;青瓜花細細條，有咬口、好清爽。呢個都好好食。跟住來的是(3)炸物，左面的是千絲黃油卷和、右面是酥炸海苔卷。呢2個個人覺得好好食，100分。千絲黃油卷的絲一條條，但唔油膩，而海苔卷亦好香口、好鬆脆。然後等左好耐(亦有懷疑漏單)，大約等左20分鐘，先至再來下一度餸，就來左(4)如意角，呢個係另外叫，唔係套餐。如意角是腐皮包住菇絲、蘿蔔等食物，每個如意角都淋淋的，真的有啲似枕頭，好食，個芡汁亦

週末想話去有香港小金閣寺的南蓮院池遊玩，出發前幾日預訂左園內一間知名齋菜館食素（walk-in通常冇位記得提前預約，溫馨提示預個時可以問下職員坐近水車位，會系不一樣嘅視食體驗）。跟住隨着文章帶你睇下景溫下素睇下上面幾張餐廳附近嘅園內景色，已經令人心曠神怡加上胃口大好，一路睇住啲靚園藝園景真系對跟住落嚟嘅素菜充滿期待頭盤先來一個五福拼盤（小），有五種唔同素菜，包含甜酸苦辣鹹五味，但都唔會太濃味，放心食加點香桃梳打，有桃肉，但冇咩桃味，系天然左但味道一般，建議可以不點，其實餐廳免費嘅茶已經好好飲，講真你飲完杯免費茶系唔想叫哩杯野，個人都系好奇叫左，小小伏提下大家菠蘿咕嚕麥纖，菠蘿幾新鮮，個咕嚕汁夠酸甜，啲麥纖吸飽汁後，可以以假亂真，好有肉嘅口感，好味石菌炒飯，炒飯夠乾爽，加上石菌粒幾爽兩人買單$388，人均$144，唔叫個梳打可便啲最後附上園內一啲奇石雕刻盆栽比大家欣賞下，心動就快啲去遊下食下玩下啦

#香港人竟然唔知道嘅一個景點 #BB小青瓜真係未食過 #齋菜都可以好好味😋婆婆係觀音誕生日🎂，每年嘅呢一日啊佢都會同佢去食齋慶祝🪅，平時都係去屋企附近第一間齋館食。但自從上年去完這個打咭非常靚嘅景點之後，知道裏面有間非常出名嘅齋菜館。香港人可能唔係好知道嘅一個景點，但係對於遊客來說，這裏喺香港數一數二嘅景點區。一來係 #免費入場，而且入面嘅園林景觀亦都非常之值得一訪，樹木修葺得非常之細緻，一池一花一草🌿🌳都值得大家入去。講返今次去食齋，預先book咗枱會比較好啲，晚市人均消費最低$150 (小朋友一米以下不需計費)，不能攜帶任何食物進入餐廳除奶粉外⚠️聽遊客講咁出名，就等我哋試吓幾好食啦😆😆我哋叫咗個六人餐，另外家長每位$30轉左燉湯。其中有幾樣嘅食物之前從來都冇食過(sorry見識少😂)🌟超級BB小青瓜前菜見到佢嘅時候大家都覺得好特別，婆婆同姨婆們都話好少可會喺BB時期摘咗佢🤣，因為生大左去買先至值錢，平時街市直情冇見過。食落口好爽脆鮮甜（唔好意思，掛住食唔記得影相，淨係影得一舊仔🤣）🌟繡球🍄係菇菌類嘅其中一種，外型勁似雪耳，但係咬落好爽口彈牙，又係喺街市度未見過嘅其中一款，婆婆們都係

第一次嚟呢度食，比想像中普通。以週圍環境嚟計，呢個絕對係好評👍🏻👍🏻以食物質素嚟計，最多都係俾個👌🏻👌🏻今日六個人，叫咗點心為主賣相其實冇乜驚喜，所以都唔係全部嘢有影到相😅😅😅以下幾樣我覺得稍為好食一點，其他嘢就唔多提喇蘿蔔糕煎得幾香松露百合蘆筍餃香酥脆奶卷砂鍋粥-個粥好棉總括而言，可以一試，環境舒適不過價錢稍為偏高。佢哋飲茶分兩輪， 12:00或1:30 ，相信佢哋真係生意唔錯，不過食嘢就有點急勁😅😅不過如果真係想食好食嘅齋或素菜，我就覺得有好多其他選擇🤔🤔🤔

生活在五光十色都市下，日日大魚大肉，正所謂YOU ARE WHAT U EAT係時候洗滌心靈今天和次子去了志蓮靜苑食素~望住玻璃外的瀑布 好清靜和風赤膠耳 - 日式胡麻醬拌赤膠耳，質地幾得意，但唔會再試~ 石菌炒飯粒粒分明，炒得幾好食，唔覺意食曬一碟。 金菇菜苗餃 - 不過不失~ 水晶皮包住金菇菜苗~ 足料~翡翠百福袋賣相吸引，食落有多款不同蔬菜，爽口唔油膩蘿蔔糕這個是FUSION! 因為她有別於坊間的蘿蔔糕，加入了紅蘿蔔，取其溫潤綿綿口感，食落甜甜地又帶本來認知蘿蔔糕的咸味~ 一個字~ 正

用餐時間1.5hours, 我們有坐輪椅長者，招待說六點正才可入坐，早一點不能進入，只好在沒有冷氣的等候區等候。我們已很合作，馬上叫野食，野食馬上到，食物是很好吃，因每人$150最低消費，小朋孩子也是$150，我們第一輪未叫夠$，總數要叫$1050，很快侍應便叫你叫多D。然後只是7pm, 一位西裝女部長或經理走來拿著收$的皮visa 夾，說差不多啦，你地先埋單。我看看鐘，才是7pm. 然後我們找銀包出來，正在找銀包，那女部長大聲說「我等緊你地呀」然後我們再快快吃埋枱上食物，只是7:15pm, 另一侍應又走來，夠鐘啦，然後在你面前連同部長大聲執走你面前的碗筷真係嚇壞人，一家有老有嫩吃齋，完全感受不到是佛門清靜地。但是廚師功力很好，古老肉和餃子，黑松露麵，也是非常好吃，茶也很好喝，連幾歲小朋友也喜歡吃的齋，所以如不介意如此服務態度，只專心吃食物，食物真是很不錯。不過以一千多元埋單，咁既價錢，比去茶餐廳更要趕，吃一次體驗過便夠了

朋友生日揀左黎呢度食素，由地鐵站沿路行去餐廳風光如畫，好似去左外國咁，後悔冇早d黎行下，朋友一早訂定枱，因為聽聞好多人book，黎到見到餐牌已經好好奇，因為好多名都唔識，侍應好好，叫到我地朋友之間估緊食咩，佢會行過黎解釋俾我地知，野食好好味，好味之餘，有好多都係平時唔會食到，最喜歡係蓮藕苗，燉湯，炸鮮奶，其實其他素菜都好好味，仲學左好多唔同菇菌類，朋友上網查返，全部都好多益處，係有益健康美味素菜，真心推介。

刻意安排十五食齋菜帶埋父母點知遇上大風大雨一個禮拜之前已經打電話訂位12點3位當日遇上大風大雨搭的士去到對面停車場點知推住輪椅真係行唔到我就係12點打電話去一直都打唔通到我打通嘅時候已經係12:15我話俾佢聽因為好大雨喺附近等緊避雨會嚟緊點知聽電話嗰位小姐話個位已經俾咗人🤭我當然好嬲啦因為我一直打電話都係唔通當我打通咗就話俾咗人😢我去到正面同佢講已經係12:30佢叫我等1:30嗰轉，我話梗係唔可以啦我約咗而且你都望到出邊大風大雨到最後佢都比張枱我但係開枱叫食物已經係一點但係叫我1:30離開😣當其時我已經濕晒唔緊要繼續叫嘢食唔想掃興好彩到最後1:30都係落緊好大雨其他職員叫我慢慢坐唔好走住⋯感恩遇上另一個職員！我一直都唔會嬲因為冇必要！好彩當日所有食物都OK！埋單七百幾蚊！希望下次天氣好再去多一次😙

中午去食齋，淨化下自己😆三人同行，叫咗個個金菇如意餃，最清新，好味。蘿蔔糕，偏甜，不喜歡。鼓油皇炒麵，偏油、麻麻甘香扎碲，冇味道。香麻羊肚耳青瓜花苗，一啲都唔麻、其實都係冇味。可能係食齋嘅地方，味道要清淡啲？😆😆最後試左一個叫欒樨餅，外皮好似一種特別嘅草藥，內裡係紅豆，唔太甜，好特別，不過唔算好食🤣總管食物一般般，不過環境一定唔會輸，好舒服、好有特色。