影片
今日经过龙门居，见到呢间手工豆腐花，就买嚟试下，我买咗一碗芋圆豆腐花加花奶黄糖，豆腐花豆味好浓，非常好味，食完好满足，但价钱稍为略贵，下次可能买支豆浆比较经济。
继续阅读
龙门手工豆腐花一星期最少三次行去龙门居散步🚶♀️每次散步完之后都会去同一个地点买个甜品返屋企同家人慢慢食，呢个情况已经持续左个半月，真系食咗好多次，实在太好味😋冻芝麻糊 小 $15冻豆腐花西米露 小 $14芝麻糊好浓郁嘅味道，口感好细滑，甜度适中，真系好保健。冻豆腐花好滑，系手工豆腐花，人手磨，食咁多次个质量都系一样冇参差，真系好犀利，椰汁西米露好透心，黄糖嘅份量好够，好钟意❤️个味道真系夹，食完就去瞓觉好舒服😌千祈唔好以为小碗系好细，对我来讲食一碗都够饱，一人一碗就刚刚好。如果你系学生👩🏻🎓出示学生证🪪或者你系老人家🧓出示任何证明，都可以每碗减两蚊，真系好抵呀。每次都见到佢有好多人排队。店员系好勤力，唔会偷工减料，又有礼貌，真系要多啲支持。
继续阅读
一个什果西米露少得可怜4粒西瓜，3粒火龙果，3两粒菠萝成碗野稀到好似水咁得果少少西米重话系特大size... 特级揾笨就有咁就收我45蚊另一碗蛋花马蹄露又系稀得可怜重要有只蚊之仔唔好玩啦一定black list坚冇下次
继续阅读
龙门居一向是屯门朋友宵夜的好地方，糖水的选择亦多，不过不多会在午膳时间开门。今日买了大及烧作午餐，觉得有点单调，所以买多一个糖水，只有这间是开门，想不到有惊喜。糖水选择很多，我最喜欢是吃芋圆，当然是选择芋圆系列，店主以碗的大小分价钱，不用怕吃不完。芋圆紫米露(小)$22以20元的价值来说，这碗糖水简直是物美价廉，物超所值。一是足料，不会是稀释了紫米露，而是浓稠，二是芋圆都有三种口味，三是不会过甜。个人来说，糖水最难做到的是糖度，要甜度刚好，真是好难迎合每个人的口味。所以我觉得此店值得光顾和支持，下次再试其他口味。
继续阅读
今日上朋友屋企，喺龙门居楼下见到四蚊就有嘅豆腐花好奇心下买咗两碗。疫情之下，好多食肆出计做生意。试咗一碗姜汁冰糖豆腐花同一碗新鲜黑糖热豆腐花。佢唔细碗，糖度适中，豆腐花热食好食姜糖嘅姜度适中，黑糖好香每一啖入口都觉得系手工做有豆味。睇落佢系专卖豆腐花因为见到有好多唔同种类嘅豆花甜品，但佢四蚊一碗真系多劳多得冇乜点赚钱，好似冻嘅要再加一蚊。咁健康嘅港式手工甜品，如果我喺呢头住我我会多多支持小店希望佢哋喺疫情中营运够继续生意兴隆。
继续阅读