龍邦燒味小廚茶餐廳

营业中

休息中

夜晚8點係上環諗唔到食乜，就行入龍邦燒味小廚茶餐廳，打算試下曾經係全香港數一數二嘅叉燒。不過，可能太夜去嘅關係，啲叉燒真係令我有啲失望。先講外觀，落單時講明半肥瘦，黎到片片都偏瘦，最慘係勁燶，有一半係黑蚊蚊，睇相都見到 。真係特登黎食叉燒變左食淨一半 ，超級失望😞好在我叫左雙併飯，另一併係豉油雞係唔差，幾好味，雞肉嫩滑，好在有雞搭救，如果唔係我都唔知點食落去 。就算8點都仲係好多人入黎食飯，我地都等左好耐先有人得閒落單，但整體服務態度算親切，同埋好有人情味，聽到隔離熟客係一早留定餸俾佢地，呢啲街坊生意係有溫度嘅 。仲見好多遊客黎食Tim

成日聽人講呢間燒味好食，經過下午4:30左右順便入去試吓，叫了叉燒，生腸湯米+凍啡，有個光頭肥的男人落單收$63，我諗是出名價錢可能貴少少，點知後來朋友話有下午茶的$35+雙拼$5+凍飲$3，我上Openrice 查餐牌發覺有下午茶的，但抬面冇下午茶餐牌，原來唔問他們就收你正價，這樣服務我不會再去幫襯了。

每星期都會食一兩次，上次去食晏搭枱坐收碗碟車仔前面，個男侍應好大力將碗碟掟入架車仔，d水濺起整到成枱客都濕晒，有個疑似老細（係youtube 睇過訪問佢）講兩句打完場就算，道歉都冇句。唔講食物質素差左，我覺佢d侍應幫老細趕緊客，除左對客人態度惡劣，侍應之間亦經常互寸講野有骨，我食晏短短半個鐘，都感覺到成間鋪個工作氣氛超差，好心你d侍應做得唔開心就唔好做，唔好搵d客出氣，再係咁遲早執笠。

尋日晏晝諗住入去食個飯，我哋兩個人入去我都好好態度問佢哋啲侍應我哋應該坐邊，門口嘅侍應態度其實好正常佢叫我哋直入去最入，跟住入到去見到有張卡位，我第一個坐低跟住有個戴口罩個樣五十幾歲嘅阿叔同我講嘢好似喝狗咁（同我坐埋一邊呀！）佢嘅態度令我十分之反感我即刻回應佢你講做得咁唔開心你唔好做呀嘛！我入嚟畀先食嘢！係咪要受你氣唔怪之得個個都話要返上去食飯喺香港就係畀呢啲咁嘅侍應拖低曬啲level，呢一間茶記以後永遠不會有下一次

鍾意食燒味飯的話唔可以錯過上環呢間龍邦！外面睇係一間普通燒味茶餐廳入到去會發現有本地人打工仔之外仲有好多外地旅客係一間老字號好出名既燒味鋪個人最鍾意食雙拼飯，特別係叉燒油雞飯堂食$60每次食都係叫瘦叉🐷瘦但又唔會好dry好難咬係減肥人士福音！而且每舊都好厚肉～最鍾意係佢有好香蜜糖味外表燒得唔會太燶但又好夠香又甜又鹹岩岩好既叉燒～至於豉油雞都唔差就算係雞胸位都好滑食飯期間見到仲有唔少人買外賣，睇得出好受歡迎

$70 乳豬三寶飯 送湯/熱飲 凍飲加$3三寶飯選擇配搭極多，有叉燒、燒肉、燒排骨、燒鴨、紅腸、生腸、燻蹄 、貴妃雞、豉油雞。今晚食左乳豬叉燒燒肉飯，燒味份量足每樣都4-6舊，乳豬同燒肉都仲脆皮，乳豬皮脆大舊有肉中間有少少脂肪，係燒肉有啲甩左皮，同無跟芥末醬，叉燒個質地幾好，少少燶邊夠淋，但個味太咸….無蜜汁既味道。燒味飯搭送菜芯一條，少飯真係會跟足比少飯。埋枱即刻比杯熱水洗餐具，餐具好新淨。呢個價錢食到三餸有乳豬包飲品，難怪落雨加晚上9:00依然坐足6-7成台

一直有幫襯開龍邦，以前既龍邦，乳豬，肥叉，切雞，尤其個薑蓉，真係好正。之前一段時間無去，早幾日去食，真係有啲嚇親！第一個感覺係，龍邦個燒味師傳係咪轉左人！乳豬皮係唔脆的，冧的。要肥叉俾左瘦叉都算，以前瘦叉都好食好冧，但今次又柴又咸！發生咩事？咸到直情食唔到要吐出！同埋，感覺d豬肉唔係新鮮！好離譜！呢個質素，求其一間燒味舖都好過佢喎！切雞都無以前咁好食。幫襯左咁多年，今次對龍邦極之失望！亦感慨高質素嘅餐廳真係買少見少！一間餐廳無左個好師傅/厨師，又無人繼承到手藝，基本上等於無左靈魂。

食左咁多年，今日無喺個邊返工都專登返去買，真係好失望。落單兩盒乳豬三寶飯，要肥叉燒肉外賣。乳豬：兩盒都正常好食既叉燒：一盒正常唔肥既叉燒少少燶邊；另一盒頭頭尾尾又柴又硬，好似人地賣唔出攞嚟做叉燒湯意個啲叉燒，8年入邊喺龍邦食過最衰最垃圾既叉燒，直頭食唔曬要掉個隻。對一間出名叉燒既鋪頭真係做壞自己個名。 同時間買兩盒，質素可以差咁遠真係好出奇，想做壞自己個朵既最直接方法。燒肉：中伏，燒肉比沙莉篤，又柴又un，有豬臭味，又係要掉。我買得乳豬三寶都對個飯有少少期望，可能反差太大，專登都要寫編食評講返個現實出嚟，做起左個名質素真係差左好多。真係去呢間食，呢個質素周街都好過佢。

堂食叫咗乳豬三寶飯，原來係有飲品送，但落單侍應講都唔講。我見人地有野飲，睇餐牌先知原來係包飲品，再問侍應先幫我落飲品。三寶飯我揀咗乳豬、油雞，叉燒。食咗一啖我先發現原來個飯無油雞。再問侍應佢話俾咗乳豬，燒肉同叉燒我，因燒肉切到乳豬size, 同乳豬擺埋一切，又得嗰兩件，我真係發現唔到。但侍應走開咗，唔要跟進。然後，換了另一個侍應，佢又唔想處理。仲要乳豬只有皮和肥膏，肥膏至少有1cm 厚，似扣肉嗰種肥膏既厚度！點食？！侍應話豬有肥有瘦，呢隻係肥豬。我係點乳豬唔係肥豬呀！根本就似係廚餘！自問食過唔少乳豬，都從來無餐廳會俾啲肥到咁既乳豬我食囉！離晒大譜。最後，我嬲到想即刻走，侍應先肯死死氣俾番油雞我同唔計乳豬錢。我真唔明點解咁既服務質素仲可以客似雲來。我已好多年無再寫open rice 食評，呢間劣店令我不得不重出江湖。我拎願食白面包都唔會再幫襯呢間劣店。咁既服務質素，根本唔值得人去幫襯。

中上環早餐系列上環龍邦餐廳下一間燒味舖，燒味鋪做早餐，叉燒自己燒，同其他舖頭派貨叉燒冇得比！朝頭早八點經過上環對面燒味寶掛喺度嘅叉燒吸引住，即刻走過馬路睇睇，竟然有早餐食，雖然款式唔係多，但係見到其中一款係叉燒通粉，再望望佢哋吊起嘅叉燒，即刻忍唔住要入去坐低試試佢。一入去之前靚姐有禮貌地問我幾多位，即時帶位，坐低叫嘢食，可以將通粉改做公仔麵，叫埋杯凍奶茶少冰，等開餐。荷包蛋餐包凍奶茶一叫即到，正正常常，不過不失。很快，主角出場，蜜汁叉燒，鬆軟肉嫩，肥瘦均勻，蜜汁味出眾，沉浸於口中，久久不散，一試難忘，自家燒製同派貨始終有着天淵之別！😬食飽埋單，只收現金，咁啱身上帶唔夠錢，靚姐不但冇嫌麻煩，仲話如果帶唔夠錢，下次先俾都得，好耐冇聽過咁有人情味的話🥰拜拜

This restaurant is famous of the cha siu. But order something else🤣, we want to go for the pan fried stuff. Such as : Beef Chowfun, and pork pan fried noodles Tasty place, worth to try(Don’t expect service and the seats are tight, not too comfortable)間舖頭呢？無論晏晝或者夜晚下午茶，經常都拍晒長龍最出名嘅應該就係嗰啲燒味，因為個個人都係嗌不過呢我哋就叫咗叉燒，同埋試吓其他嘢，濕炒牛河同埋肉絲煎麵，叉燒確實係好好食，但少少甜味。至於兩碟炒嘢呢就好夠鑊氣份量都幾足！不過呢間嘢冇乜服務，你唔好有期望！

Have tried having their Cha Siu which was so good so I revisited, with a hope that the roasted pork will be equally good. However, it was such a disappointing experience😡The roasted pork was chopped in very thin slices and most of the pork skin was gone, this feels like some kind of food residue to me and I am pretty sure they would not dare to serve this quality of food to customers that eat in🤨

龍邦最著名的是其叉燒, 有說是香港燒味店中數一數二的, 對我而言水準就是可以, 半肥瘦叉燒有香脆的燶邊, 肉質偏爽彈, 不會柴口但也不太Juicy.這𥚃的乳豬反而有驚喜, 這裏的乳豬是店家自己醃好和燒烤, 不是由其他店加工的, 特別是新鮮出爐吃得出其熱和酥香, 外面的芝麻皮香脆但不會散開, 內裏的脂肪和豬肉結合一起, 甘香而不會死鹹蛋, 如此質素的乳豬不用點醬也相當出色, 只是起皮的乳豬當然較為精緻, 但作為功能性的燒味飯, 連脂肪合肉的版本才夠滿足呢!

成日見龍邦燒味勁多人排隊，諗住新年期間未有咁多人開工就去食下啦😬點知人多到爆炸，無論係外賣定堂食都係要等等等…好彩我獨自覓食，比較容易攝到位入座。待應忙到無停手，然後阿叔A終於得閒幫我枱人落單，可能我個飯字講得太細聲，阿叔A就唔耐煩問我要乜，所以再講多咗2次要飯。可能就撻著咗阿叔個澳牛mode ☺️🤌係咁ee um um 含住啖口水咁話「我哋有米粉、河粉、麵……」再嚟阿叔A好晦氣講咗句我完全聽唔到佢up乜嘅句子😳😳😳😳我下咗佢3-4次終於聽到，佢話「要等唔好催單，催單就走去取消」之類。係咪我有耳病🤦🏻‍♀️🤦🏻‍♀️🤦🏻‍♀️其實叉燒未出爐要等啫，你講咪得囉！唔等嘅客你就咪同佢落叉燒單🤦🏻‍♀️再嚟阿叔B送2杯凍檸茶上枱，話呢杯小甜，我都9秒9答係我嘅，佢又係勁晦氣回一句「咁你囉啦」。我坐係最外邊，你放咗係我面前，仲攞乜，你唔叫坐入邊個男人攞佢杯凍檸茶🤣🤣🤣我真係要爆了！叉燒係好食，好似係梅頭位。豉油雞正常發揮。燒味飯雙併加埋凍檸茶total $63。碟頭飯都算大份，上環區嚟講抵食兼好食。如果你唔介意澳牛服務，又或者enjoy 澳牛風格嘅可以一試。又或者你哋係一班大男人嚟食，啲阿叔都無咁串😬

早兩日喺上環睇完醫生大概11：30， 突然想食叉燒記得朋友介紹龍邦，於是行過去睇下多唔多人，其實都已經坐在七成食客！我叫左肥叉乳豬飯。嘩！叉燒真係好得，林、滑夠味又唔會太甜、肥瘦均渾、份量唔少。乳豬 OK, 但唔及叉燒出色！接近12：00已經坐左九成食客，所以我食完都即走！不過斬料師傅得一個，又有超多外賣，所以會等耐小小，大家要留意下！