龍蝦燒

今日約咗幾個同事去食飯但係又唔知食乜有旺角行吓行吓行到落去佐敦，見呢度門口甘多人排，睇吓原來就係食燒烤，於是走入去試下。我哋點最出名嘅龍蝦龍蝦味鮮甜肉多，最緊要抵食扇貝新鮮又夠甜香，送啤酒一流燒鰻魚味道夠香，味道幾濃，似食緊爐端燒甘，哈！仲有燒埋麵包啊有叫到燒蠔，用不同既醬汁燒，一次過試幾款味道幾特別，蠔都算幾大隻又新鮮好味。下次要再燒下其他食物。…查看更多

一心來吃九層海鮮塔，但食物質素、海鮮塔的建構、上菜速度與服務都非常唔得。上菜速度奇慢叫左九層海鮮鍋，單係俾個爐具與最底果層雞煲都要大半小時之後 深信佢今晚廚房忙到踢晒腳，但叫個罐裝飲品廿分鐘後都未到，其實是想我走乎﹖食完最底的雞煲，姐姐加完水等佢滾完再等到水都乾，差不多燒燶個煲了，一層海鮮都未到。千呼萬喚，終於有海鮮來了 (至少等了個半小時，乜生海鮮咁難serve的嗎﹖），但原來只來了兩層，今晚看來不是食九層海鮮塔，而是逐層蒸海鮮而已頭兩層，龍躉和龍蝦---龍躉肉質不對勁，散開無彈性，龍蝦尚算可以，至少有啖肉食下之後來的海鮮都是望穿秋水才等到的，聖子還可以，蜆沒啥味道，無鮮味，朋友大多不停落調味。最過份的是無蟹佢話轉生蠔俾我地，朋友們不吃生蠔的，問可否轉龍蝦，至少價錢與level 都同蟹近番D，姐姐居然話唔得，要加錢。下﹗你無蟹俾我，安排一些我唔食的東西又唔可以轉﹗之後姐姐話咁當是八層塔，咁八層塔即是計我幾多錢﹖姐姐又話唔知，攪完一輪終於是話換龍蝦OK。這一餐九層海鮮塔超唔抵食，本以為四個人$988，叫多少少野食後就可以，因為等得耐，又要叫住燒烤串燒來頂肚，一餐飯下來，海鮮不新鮮，串燒主要靠濃厚的調味粉，食牛脷居然有一大片肥膏的﹖總括而言，食物質素差，服務劣，埋單時仲要好多叫左無來的食物都計埋入數，好在有check單。…查看更多

幾個人行佐敦道，行到去文英街見到街頭有間寫明食燒烤和九重塔。前幾日才打邊爐，所以今晚決定食燒烤。先試燒雞翼、燒魷魚，水準都吾錯，味道很香口，又不會燒得太黑。於是乎再叫了，燒菜、燒豬大腸，外層燒得香脆，要趁熱食呀。燒露筍肥牛卷。再加，燒鴨舌，原來甘樣食鴨舌都幾香口。追加泰式燒魚，魚肉新鮮，好有魚味，燒得吾太乾身，魚肉嫩滑又香，建議加少少lemon 汁會更香。…查看更多

同事介紹帶我來呢度食燒野，我就當然睇下有乜好野食啦。此店出名既有燒龍蝦，龍蝦肉新鮮甜的，爽口及有口感，夠哂大隻抵食。燒生蠔味道幾香口，蠔味新鮮，不過蠔身型略細啊！試下燒番茄先店長幾殷勤，介紹吃煙肉芝士大蘑菇，嘩！好香既菇味，再加上濃郁的烤芝士味，芝士絲綿綿，好正。跟芝士甘好味道，再來一客芝士珍寶大元貝，這樣烤芝士加元貝，芝士味包圍住元貝，使元貝味道滲入芝士內層，入口有兩種既層次，好滿足。…查看更多

呢期聽聞好多人去佐敦食烤，落到文英街，成條街都係食店，又真係幾多人。去左呢間專食燒烤既，嘩，好多樣野揀，好在我地夠大班人，食到好多款色，哈哈密汁燒風蟮要趁熱食西冷牛扒，味道都好香牛味，吾靭雞中翼^_^ 要叫甘多先夠牛脷夠香口煙靭燒魷魚，好香既燒汁必食梗有招牌燒龍蝦啦，肉質好爽。7寸大海蝦，好大隻茄子、香蕉都有得燒，正仲有好香甜既燒菠蘿，不過燶左少少。最後仲有烏頭都有得燒hehe，烏頭通常都係蒸，原來燒係另一番風味。…查看更多

朋友介紹去佐敦八文樓那邊吃燒龍蝦+九層塔。 我聽到都覺得幾新奇又吸引，終是乎我們一行幾人便去光顧。呢間店名叫龍蝦燒，出名係食燒龍蝦+九層海鮮塔。顧名思義就是食海鮮，有鮮元貝、蜆、花蛤、鮑魚、馬刀貝、龍躉肉、龍蝦、羔蟹、蝦等，再加一個原味雞煲。當店員拿九層海鮮塔出來，嘩一聲，真係好巨型既塔，足足要蒸九層，仲好似幾重手，店員真落力啊。呢個就係原味雞煲，雞味好濃郁又香，雞肉夠滑入哂味道，雞湯夠香甜!鮮元貝，都幾大隻，味道鮮甜，肉質爽口花蛤肥美，新鮮清甜ok龍躉肉爽，入口有好香魚味，肉質地夠厚又大份，抵食羔蟹，蟹肉非常甜又多膏，必讚^_^鮑魚就新鮮爽口兼彈牙再加碼一碟肥牛主角出場，燒龍蝦，呢碟蒜蓉燒龍蝦，味道非常香口，龍蝦肉經過蒜蓉一起燒，陣陣飄香龍蝦蒜喜片蓉味，龍蝦肉實夠淨新鮮，好有味道同口感。推薦^_^整體來說，鍾意食海鮮既一定要試下，海鮮新鮮好味，明碼實價，價錢公道兼抵食。…查看更多

本身係好為食嘅人，貪心要多選擇 ，想兩個人傾吓密偈，但又想痴班Friend八吓佢哋今晚去邊度巢嘢試...卒之打聽到佢哋今晚去佐敦文英街試呢間" 龍蝦燒 "呢度有招牌燒嘢、冷盤、粥底火煱，呢期仲有個海鮮九層塔；但今晚兩條友有密偈要傾，所以投其所好就揀幾樣送到啤酒嘅餸就算喇！點咗............頭盤 "麻醬冷豆腐"+"凉拌皮蛋"+"凉拌青瓜" 醒醒胃先、還過得去......"三文魚腩"，大大件好肥美 、同老闆推介嘅"火炎醉翁蝦"，視覺效果俾佢嚇親 ，新鮮到呢...(好殘忍)自己最愛"燒紐西蘭羊仔架"，送啤酒一流 、同Share咗隔離枱班friend嘅九層塔"椰青燕窩精華粥' 聞到好香，搞到我忍唔住要痴番碗嚟試 ......今晚傾偈吹到十一點，都Ringring哋，好彩係閒日嚟，如果唔係可能會俾人趕(Haha)呢餐總結就如題目"選擇多滋味"，不失為一間得閒聚脚好地方，可以再嚟！…查看更多

宵夜時間今次黎到佐敦''串燒街'' 真係串燒店林立😂最後揀左呢間食物種類算多 叫左幾款串燒 味道偏啖 選擇左小辣 都冇咩味：（ 串燒要野味同重口味d先正芝士煙肉焗蘑菇 好cheese 幾正 但蘑菇吾夠大個上面有肉鬆 呢個食法比較特別 但可能辣粉等香料吾夠 冇平時燒茄子既水準百香果特飲 $26 甜左d另外，店員服務態度幾好 仲同我地講係facebook打卡有蝦送😂 呢間串燒價錢算貴 味道淡 試過就算了…查看更多

To whip up a feast, this eatery has created "Lobster grill in flame” that leaves us an impressive visual presentation! Sprinkled with a couple shots of Rose wine and then ignited to add complexity to the fresh seafood, and a slightly roasted flavour.For festive times, it offers big bowl meal with a lobster twist (pun choi), priced ranges from $788-1888, including Abalone, freshly caught lobster, shrimps, chicken, dried oysters, fishball, a highlight of dee fried golden squid cake and many more! A great year of Monkey!Besides festive times, BBQ lobster is aptly named that serves wonderful seafood. Hotpot with congee base and Steamed seafood in 9 layers of towers are two of its signatures. Before doing the steaming ( Clams, shrimps, scallops, cod fish, lobsters, crabs, abalone), we were highly recommended to finish the chicken pot (the 9th layer) at the bottom first so the meat remains tender and juicy. The golden yellow broth was excellently seasoned; you can tell many ingredients, from chickens and to herbs that give a wonderful flavour. Priced at $988 for 4 people- get your money worth!Congee hotpot set was another winner. ($200/head). You might underestimate this plain congee broth until you discovered a spoon of coconut meat and precious cubicles inside! Served with fixed set of chicken, veggies, high quality australian wagyu beef, and crustanoues freshly bought at wet market nearby, no where can you get this feast at such price!…查看更多

經常都諗唔到食乜既我哋,琴晚行咗去佐敦搵食,行左幾個圈,都係唔知食乜好, 行過見到有海鮮九層塔食, 而有人話未食過九層塔, 間鋪有個叔叔係門口好有善咁介紹,所以就入咗去試下, 入到去,大部份人都食串燒同飲啤酒……我哋叫咗麻辣雞煲做底一坐底等咗10分鐘左右, 個麻辣雞煲就上, 見到個煲入面ｄ汁唔多, 而且佢地用最大火煲佢, 我哋怕煲乾, 所以決定熄火, 再問下店員點食法, 店員話食咗個雞煲先, 而d海鮮就用第二個煲, 用滾水蒸熟…….店員話蒸10分鐘就食得佢一咁講, 我就覺得已經中咗伏.打開煲蓋, 冇麻辣香味,見到半隻雞都冇, 仲要係d雞腳雞頸雞背位, 冇乜肉食, d汁同水係分開, 一睇就知用d汁再加水煲過,食咗幾件雞件後, 就食d海鮮第一層 - 東風螺 + 蟹好普通既東風螺蟹: 唔新鮮, 差 第二層 - 鮑魚 +扇貝鮑魚: 爽口唔靭, 普通扇貝: 乾第三層 - 蜆 +蝦蜆: 超乾, 有沙蝦: 非常唔新鮮最後一層: 龍蝦 +龍躉龍蝦: 細, 冇膏龍躉: 多骨我哋叫咗一杯竹蔗茅根, 水蜜桃蒟蒻, 對唔住, 我真係要用 “垃圾” 去形容, 兩杯都係糖水, 非常差總結, compare其他海鮮, 龍躉龍蝦係比較正常, 我以後都唔會再幫襯兩個人$494 + 10% service charge都唔知食咗d乜, 完全不知所謂的九層塔差唔多食完, 門口個叔叔行黎問我地d食物得唔得, 我哋擰哂頭, 之後佢好無奈咁行開咗…查看更多

天氣凍凍哋，去食個時興清蒸海鮮九層塔...我哋叫咗雞煲做底，再有8款海鮮！建議分幾次蒸，每次1-2層咁，咁啲海鮮就唔會過熟啦～～等我逐一介紹下。 大扇貝：原隻帶子肉厚味鮮，蒸熟之後仲好甜添鮮鮑魚：望落得幾隻咁（以人數計），其實每人一隻都好夠，爽口而且一啲都靭蟹：除咗蟹殼好硬之外，蟹肉好甜，絕對唔駛沾任何醬汁蜆仔：呢個就唔特別，送上檯已經打開哂，再蒸有啲靭 另外仲有...細隻龍蝦：蒸熟之後橙紅色好靚，肉質彈牙，又多蝦膏，鍾意食膏嘅人唔可以錯過龍躉肉：油份較多嘅魚肉，肉厚，但唔多特別，如果有得揀，我唔想食呢種魚，唔太環保 花甲：都係老咗啲 數嚟數去得7款海鮮，因為今晚無蝦，所以送咗我哋每人一隻即開生蠔！😆😆😆Medium body，只需要沾啲檸檬汁，入口清新，正！忍唔住encore咗😝 最後係個湯底，我哋揀咗雞煲，呢個雞煲集合咗所有海鮮精華，真係超濃郁，下次要試粥底先，連汁都食埋先夠徹底！👍🏻 …查看更多

有朋自遠方來，已移民至加拿大好耐嘅朋友返嚟探我，同佢一齊出去食飯，聽講話佐敦渡船角多左好多野食，於是就去試下。去到入咗去一間叫龍蝦燒嘅BBQ飯店，記得美食節都聽過一蚊一隻龍蝦，問過老細仲有冇一蚊龍蝦，老細話淨系推廣先有，有點失望，但老細還都比番D優惠我，一蚊一枝大啤，限用三枝。咁都舒服D。叫咗燒龍蝦，燒三文魚大樹波蘿帶子，餃，燒磨姑大蝦，燒雞泡魚，燒羊排等。D食物都過得去嘅，都幾鮮味，龍蝦細細隻，但鮮甜多肉大樹波蘿帶子，，帶子好鮮甜，夾埋大樹菠蘿的果。個燒羊排，啖啖肉，肉質嫩口，調味得都幾滋味。磨菇大蝦，好香嘅磨味覺得連隻蝦都好食D。香，確係唔錯的配搭。整體黎講，都幾抵食，朋友都話想番加拿大開番間，應該都會受歡迎。…查看更多

之前睇倒網上介紹話哩度有千層火鍋於是就約貧友一齊黎食因為係星期日關係所以都一早book定枱, book左19:00, 一黎到已經坐得睇下有咩食先哩度其實原本係食打邊爐最近先引入左千層火鍋咁黎得當然都係食千層火鍋雖然叫千層, 但其實係得4層每一層有唔同用途為左用盡每一層點野食時都有講究而店員都會介紹每一層有咩用適合咩野食醬料每人要另加$5極品龍蝦海鮮雞煲同招牌龍蝦鮑魚雞煲相差一舊水又話隻龍蝦大隻左o既?!*0*據店員所講最底層係用作普通打邊爐第2層係燒烤, 面頭o個張係吸油紙第3層係保溫, o個d熟左, 又未食住o既野食可以放o係度先最頂層係清蒸因為我地叫左極品龍蝦海鮮雞煲所以千層鍋一上枱, 最底層已經係一個雞煲因為叫左一隻雞, 所以份量都幾多但雞肉就冇乜味, 同埋鞋左d$28一碟的娃娃菜就得3棵-,-為左可以用盡個千層鍋我地特登叫左蜆, 咁就可以有清酒煮蜆XDDD蜆肉係size中, 所以唔會太軔超大隻扇貝, 都幾鮮甜而又為左用倒燒烤層我地又特登點左d串燒XDDD好豐富呢最後埋單每人要$250雖然話叫做有海鮮食不過份量其實好少主要質飽我地係o個隻又鞋又老o既雞以哩個價錢黎講, 大把選擇千層火鍋只係卓頭試過就算了…查看更多

一直都覺文英街多好野食,特別串燒果d...今次一行5人去食晚餐"龍蝦燒"..去到已經覺得位置迫坐得吾太舒服,但因為朋友都已經飲緊就繼續食。整體覺得野食比心目中差,海鮮還可以,但肉類燒得一般。可能因為品質一般所以覺得梅梅地感覺。九菜,青椒,粟米和洋蔥還燒吾錯,但菠蘿又加辣粉又甜又咸不好吃。一條雞泡魚收三十幾仲要超乾身冇味。最過份4粒薯仔收$18蚊。其他地方都冇咁貴又淋晒,牛舌和蜆乾都不能再乾身,冇味又鞋。失望有新鮮生蠔(9點左右打後有優惠)。味道正常但細隻。飲品正常味道,甜左少少剛解熱氣。感覺舒服點。待應單又好多錯晒,吾係我地叫又黎。最後食左一半枝酒未飲晒都寧願去另一間串燒再食。人…查看更多

呢度有蠔食，上次黎就食左，但今次同fd黎就無食咁貴，每人食左100蚊左右埋單，還可以過得去，呢度有好多海鮮食，但如果食海鮮就比較貴，今次食左蝦同蜆就算數，仲有叫左普通羊架，燒茄子，牛肉個啲。…查看更多