龍津美食

营业中

休息中

燒賣魚蛋真係行街時醫肚的良藥~去親街都會買返串~,呢間的魚蛋不會太粉同淡味,而燒賣蒸的夠,不會過硬,配上自製的醬汁少少甜多多辣~.喜歡辣不妨叫多辣~我叫了小辣已經不行了~正!!!

最近日日落雨，落雨天無咩胃口食野。但經過路得圍，聞到好香雞蛋仔味，仲要得個7蚊件，所以買左舊做晚餐！雖然佢唔似人地滿曬饀，只係得一半，但我就係中意佢食完唔會太飽又唔會太餓同埋佢真係外脆內軟，以喱個價錢黎講都算ok喇

話說之前去外國交港識左少少朋友，佢地話近期會黎香港旅行，想我帶佢地周圍玩下，睇下有香港特色既野，試下香港既特色小食。本人就本身比較少話周圍掃街，最多去屋企附近既地方買下野食，佢地叫到我帶佢地去食，我都唯有真係試下有咩鋪頭可以同佢地介紹，原來龍津真係唔錯。平時少食，同學一直都話龍津平靚正，我見好似燒賣魚蛋＄8買一送一，所以都試下。一試，正啊！佢既辛辣唔係一般既辣油或者辣椒醬，味道單一，當中因為有沙嗲醬而令到個味道除左辣，仲有少少醎，個陣好似係花生醬既味會係你食完粒魚蛋或燒賣之後殘留係你個口腔到，有種餘韻既感覺。食魚蛋燒賣，除左醬料，最重要既都係主角。佢地既魚蛋同燒賣無話有雪藏味，而且因為佢地Keep住煮魚蛋燒賣，所以佢地本身都有一定的味道，唔會好似食緊一粒除左醬就無味既野咁。雖然算不上話彈牙，但整體都唔錯。仲有一個小問題，唔食得辣既朋友當然可以唔加辣，但食得辣既朋友可能會有少少失望，因為佢既辣唔持久，唔會令你真係食上隱，雖然個味正，但食得耐條脷又好似麻痺左，無咩感覺，但當然大家都可以一試或者你會中意咁既辣＝〕 

夜晚十二點鐘係荃灣既餐廳都關門啦肚餓起上黎就得番路德圍附近既餐廳未關啦龍津就係其中一間啦我叫左個15蚊既撈都套餐再加條腸仔加埋$19就係呢餐既總數啦等左3分左右 就完成啦我急不及待打開(宵夜)撈麵既味道好香 尤其係肚餓既時候(用既係營多撈麵)先食腸仔 燒賣  一般水平係D醬汁好香至於撈麵就比較亁 比較遜色但十幾蚊 質素算不錯了

呢篇係比美孚新開嘅龍津（因未有得寫食評）買左一個格仔餅同十粒燒賣！果個帶口音嘅後生仔，徒手拎起個餅搽醬都算！仲要無尾音粗聲粗氣問我攞$！哇～好似我得罪佢咁！我第一次幫親咋喎！？跟手我要多十粒燒賣佢又粗聲粗氣問我要5要辣，此時我真係5方5比佢辣著...講番個格仔餅，一攞上手勁輕，咬左一啖，燶的！？我真係5想再食落去！至於燒賣，除左少少辣，豉油麻油都5多滴！佢收我13$，我開頭以為只係格仔餅嘅價錢，後來原來係total數，心諗：咁平！？個格仔餅當炮灰算～我未幫親過龍津，但聽講有啲名咁所以試下！中晒伏！BL得！

今天睡不著，想到不如來一頓宵夜，於是到路德圍覓食去。辣魚旦: 魚旦爽口彈牙，精粹在於那不起眼的一PAT醬上，這辣醬很濃香，越吃越辣，越辣越想食，讚。牛什: 唔夠入味，而且韌，一般。反而底下的蘿白有甜味多汁，比牛什來得好。

今時今日六蚊有五粒燒賣五粒魚蛋係咪好抵食呢燒賣魚蛋唔會係乜好貨色質地入到口丫 唔係彈牙果隻食個豉油汁料咁之嘛豉油夠甜叫佢少辣 佢落左少少特製辣汁辣得爆喜歡辣的朋友岩曬六蚊買野有個細細個發泡膠碗不環保但食上黎超方便都算係有服務

 呢道長期PROMOTE $10 兩底格仔餅/雞蛋仔, 真係幾抵架,所以都好多人排隊買~當天好在排左4-5個人左右~製作速度都好快呢~共6部製作格仔餅/雞蛋仔機器~好開心每粒雞蛋仔也不是空心,真的很實在呢~~真才實料,又好有蛋味~雖然明知代價不菲,,很高脂肪,但很久沒吃了,食指大動破例1次~~~~ 很多客人也是堆在隔黎診所門口前,大口大口的品嚐小食~ 格餅的餡料剛好,唔會太多~有花生醬,少許煉奶~粗粒砂糖~幾有口感呢~仲有少許牛油TIM!!滿足~金黃得黎又唔會過脆~軟軟熟熟的格餅,好耐無食了~90分~~~~    呢道長期PROMOTE $10 兩底格仔餅/雞蛋仔, 真係幾抵架,所以都好多人排隊買~當天好在排左4-5個人左右~製作速度都好快呢~共6部製作格仔餅/雞蛋仔機器~好開心每粒雞蛋仔也不是空心,真的很實在呢~~真才實料,又好有蛋味~雖然明知代價不菲,,很高脂肪,但很久沒吃了,食指大動破例1次~~~~ 很多客人也是堆在隔黎診所門口前,大口大口的品嚐小食~ 格餅的餡料剛好,唔會太多~有花生醬,少許煉奶~粗粒砂糖~幾有口感呢~仲有少許牛油TIM!!滿足~金黃得黎又唔會過脆~軟軟熟熟的格

今日去掃街掃到呢間買一送一既燒賣魚蛋小食店自然唔可以放過佢我叫了2串魚蛋魚蛋好好味 有肉質又有味道而且真係好抵食 6蚊10粒!!我忍唔住再叫個燒賣個燒賣雖然唔知比咩壓到變左形但係一樣抵食又好味啦

燒賣:有口感,但所謂口感跟食香口膠無分別, 較難咀嚼, 味道完全不行,豉油味再濃也搶救不到牛雜:汁料淡, 選擇少, 份量亦少. 以一碗$20 價格比十分不伐算沒有柚皮供應已經比較失望, 蘿蔔在口中還有怪味,牛膀硬如石頭後記：看見大師傅的手又要整燒餅/雞蛋仔,又要處理冰冷食物十分容易有交叉感染, 我都卻步不去選擇...

同友人掃街, 食O左魚蛋, 燒賣, 雞蛋仔+格仔餅魚蛋($6)有2串, 好味, 因為魚蛋口感好, 唔似有地方又腥又唔彈牙燒賣($6)都係買1送1, 呢個唔好食...我成日都周圍食燒賣, 要燒賣好食, 除豉油外就係燒賣本身的來貨...好明顯佢來貨O既呢隻唔掂, 自家豉油又幫唔到手雞蛋仔+格仔餅($10)雞蛋仔好好味外脆內軟, 正 唔駛比3倍$食北角雞蛋仔格仔餅都係外脆內軟, 好少格仔餅可以有脆感, 讚 但由於入便個女人整, 落我唔夠蛋漿, 內裡太薄, 偷工減料的後果因為個雞蛋仔, 我決定要比第一個"笑"呢間舗頭

今次係我係開飯咁耐第一次比劣評,,早排家中阿媽見到龍津開張,話魚蛋燒賣買一送一,格仔餅都係6蚊件,,好抵食,叫我一定要去試,其實今日唔係第一次架喇,之前去試左個格仔餅,當日好多人排隊,.見佢D雞蛋仔同格仔餅不停做,心唸一定係新鮮貨,點知當日一拎,唔係好熱既,而家一到行一到咬第一啖,,真係好硬..之後已經唸住唔會再食..今日再去,因為男友想食格仔餅,買既時候同佢講,我想要新鮮做唔燶既,(之前係深水PO四喜買過係可以咁叫佢做無咁燶既)結果佢話可以,,入到去叫果位阿生做,,佢仲要吸埋果啖廢氣..然後我以為佢動手做啦,.,..結果仲要用佢食完煙對手黎拎起塊格仔餅,,我即刻話,,我要無咁燶,,佢竟然話我唔識食,話咁先夠脆喎.... 之後仲想落料,,我即刻話,,咁我唔要喇,,真係激死人,,以後咪洗我去幫趁阿,,仲有大家要去食之前都要唸清楚...其他野我未試唔講,,格仔餅就真係唔好再試喇...

雞蛋仔四圍都有，但想吃到好味的雞蛋仔就難上加難，路德圍開了間小食，賣雞蛋仔同一串串個d，我買了雞蛋仔，6元一底，熱辣辣，呈黃色，口感林滋滋，無蛋香，不脆，吃了半底就放棄，天呀............幾時先可以吃到外殼是鬆化的，雞蛋仔呈金黃色，有蛋糕嘅香味，咬落口感彈牙脆口的雞蛋仔呀！

我同老公想試下荃灣既龍津, 所以買左10蚊2底雞蛋仔同夾餅, 雞蛋仔勉勉強強都OK, 而夾餅真係好唔掂呀, !我食左1-2啖都隊比老公食啦!, 個餅底好硬口呀~雖然雞蛋仔都係硬口, 但呢個夾餅仲硬口, 入面仲要勁少醬至於買一送一既魚旦同燒賣真係好抵, 又係一個抵字, 擺落口真係麻麻地, 魚旦同燒賣個質素口感味道差, 個醬汁又麻麻!

遊車河遊左去荃灣，見有少少口痕，買串燒賣食先，而家做緊買一送一，本來$6就6粒，而家有12粒好魚肉既燒賣，雖然d燒賣係變晒型，但都幾煙韌，唔似有時果d無口感既粉燒賣，同埋佢用個杯裝~都幾user friendly~因為自己覺得一串串果d有風味d，但係會滴晒d豉油同醬>"<