龍寶酒家

营业中

休息中

服務態度好差，又漏單，多次追單冇反應。成日好似人地冇錢比，叫龍蝦要多番問是否真係要。一籠壽飽等足一小時都唔嚟，態度又唔好。不建議光顧。環境不乾淨，椅子有水有污漬，最唔好是侍應講野有⻣，好似人地食唔起咁，成餐飯食左4000多元（12人）,感覺勁受佢氣。一開首就漏單，之後再叫又漏，最唔好係睇人唔起，叫一些較貴的食物就多次追問是否真係要，讓人感覺唔好。成枱碗碟又唔收，枱面混亂，好似要幫老細倒米一樣。不會再光顧，一肚氣！

一家人到這裏做冬，一坐低第一時間點了一個餐及限人數優惠的燒鵝。因為家人曾經試過嚟呢度食，那次開始點菜時就說已送完燒鵝冇得送。 所以今次一坐低，即刻點菜就即刻order 左半隻燒鵝。點知佢半個鐘頭後同我哋講話送晒，後來經過三個人說幫我哋再睇睇後都話送晒，冇得送。 過咗一陣，我哋見到其化枱有車車住碟燒鵝，仲要經過兩次，完全冇眼花，跟住同個部長理論，佢就話其他人一早訂咗。 咁樣欺騙客人嘅酒樓，以後都唔會再幫襯佢。😡😡

一家人最愛去龍寶食飯。又抵食，十幾蚊一隻乳鴿。。海鮮雜菜粉絲煲，入邊又有海鮮又有菜又有粉絲咩都有不過龍寶服務費要13%，而家假日要等位，最好早少少去拎位。見到佢而家做緊長腳蟹優惠，好抵食不過要多啲人去食。

晚餐有幾款優惠可以揀。通常我地都會叫乳鴿。跟計茶錢人頭,可以叫返甘多隻。一人一隻，一隻都係$16.8。乳鴿燒出黎熱辣辣，外皮脆，裹肉有汁。不過佢係成隻上，再另外俾剪刀你自己剪。唔會幫係你一開二或一開四。我自己都幾中意，因為食一隻剪一隻冇甘快涷。今晚仲有叫左雞煲翅。熱啲翅之前會俾你望一望啲翅先，然後又喺隔離開火煮，我地五個人，每人都分到好多翅下。至於其他小菜味道尚可，而價錢都唔算太貴。今晚我地冇食，但推介脆皮豬手，好食。每晚限量供應，如果要食就要早啲去order啦

土瓜灣來講唔算太多酒樓不過多數會去龍寶酒樓屋企人最鍾意食滷水豬腳仔$48好入味點心拼盤每次必叫$26.8馬拉糕粉果各一舊，牛肉燒賣燒賣蝦餃各兩粒。今日試咗神州大地雜錦窩麵$58.8都幾好食，夠味佢仲有啲大大煲煲仔飯$36.8一煲每日有一堆特價點心另外下午茶會係兩點開始。通常我哋一點到酒樓，叫住少少野食，到兩點可以再加單叫下午茶不過要留意星期六日及公眾假期需要加$3另外龍寶酒家的服務費是13%。大家需要留意

識於微時嘅中學同學 久唔久都有一次聚會 今次我哋決定食中菜 適逢有個同學仔住土瓜灣仲大咗肚 我哋當然遷就下佢 入座不久 噓寒問暖一番 已經陸陸續續上菜天氣實在太熱 今日仲發出 2019年第一個 酷熱天氣警告 食冬瓜盅確係首選 夠曬消暑解渴 八個人食每人食到一大碗紅燒豆腐煲 夠曬入味 一打開蓋時仲傳來陣陣酒香 應該臨上枱前 贊酒再煮一煮清湯牛坑腩 蘿蔔夠嫩 冇根冇渣 牛坑腩 有肉膜包住 內裏有脂肪入口唔會乾 而且炆得夠淋椒鹽骨 炸得鬆脆 好餸飯酒樓做 promotion 一蚊 鹽焗雞 雖然特價但冇因為平將貨就價 質素唔錯 物超所值蝦醬炒魷魚通菜 唔會過鹹 又有鑊氣 夠曬惹味美中不足 通菜再切細小小會更加好甜品有飯後水果 壽包 同馬拉糕馬拉糕夠曬鬆化 賣相幾好 應該即叫即蒸

喜愛飲茶，自然放假又會到酒樓嘆茶，今日又來到龍寶飲下午茶啦。紅燒乳鴿湯米粉$34.8紅燒乳鴿湯米粉，喜愛食乳鴿自然又㸃乳鴿食，連湯米粉才$34.8，真是算抵食，紅燒乳鴿雖然不是脆皮，但乳鴿都醃得都頗入味。米線有小小爽口，湯底都不錯，還有兩條青菜。鮮蝦帶子腸$19.8鮮蝦帶子腸，蝦都很大粒，帶少少爽口，味道稍嫌淡少少。潮州粉果$14.8味道帶㸃清淡，有花生肉碎等很有口感。放下凡囂，閒情逸致地嘆茶，當真是一種享受。

星期六午餐時間 因為係熟客唔使點等位 一去到有張大枱 即刻狂叫 點心 聽屋企人講有一道菜非常正 就係 龍躉球蒸籠仔飯終於叫咗今個籠仔飯 蒸籠非常大 有16吋 大躉蒸籠 一打開 全部鋪滿龍躉球 非常之滿 即刻筆佢兩碗 龍躉球非常新鮮味美 用黃金炒飯做底 搭到不得了 只可惜差咁啲豉油 如果配埋啲靚豉油更正 坦白講呢個餸性價比極高 你自己去街市買斤龍躉球都唔止呢個數 佢蒸咗成碟嘢都係98蚊 抵食到不得了 極度推介其他點心都係一般酒樓質素冇乜特別 啲服務更加唔洗講 地區性譚仔阿姐 根本冇乜服務可言

適逢嫲嫲89歲生日嘅大日子，我地一家人就訂左龍寶酒家嘅「壹路發發九大簋全包宴」同嫲嫲賀一賀佢。平日一至四做緊$1688，星期五六日就做$1888，仲免收茶錢、小食同13%服務費(雖然我唔知點解唔係10%而係13%😂)，另外送唔係咁易入口嘅紅酒一枝。全體金豬接財神(乳豬)：唔包剪嘅，如果要剪埋就要另收$100，不過其實自己剪都幾好玩，同埋都唔算難剪🤓外皮少脆，好似放過一段時間咁，不過都算多肉，食落都唔會好多肥膏。上湯焗大中蝦伊麵：蝦目測有15-20隻，無仔細去數，不過麵底好少，我地10個人每日都無半碗🙈富貴彩鳳伴花枝(豬肉片花枝片炒西蘭花):不過不失，花枝片唔難咬開，不過豬肉有啲唔熟🤔杏香百花釀大蟹鉗：嘩...呢個就不得了，因為我表哥係做廚嘅，佢一食就食到d肉係霉嘅，叫經理黎睇，佢拎返入廚房之後，換左個瑤柱蛋白炒飯比我地就了事，我都都無再追究，畢竟$1888都唔可以expect太多京式濃雞湯煲花膠：花膠都真係幾足料嘅，至少十三碗花膠湯入面，每一碗都有一舊花膠，不過個人覺得濃湯稍微有啲咸，花膠都唔係太膠😂無咩漿口嘅感覺金銀蒜粉絲蒸元貝：呢個先係一道幾好嘅菜式，原本都尚算新鮮，而每一個原本上

與家人來吃開年飯，因為過年後有開年飯優惠，所以過來試試看。來到這裏六點半左右沒有太多人，到七點以後整個酒樓爆滿。這裏該是中街坊生意，價錢也比較優惠，看到平常叫乳鴿也只是$16.8號一隻。叫起菜，所有餸菜便很快來。乳豬來到已經來到,上菜時發現切件,但我們是要全隻上菜不需切開。將來切開了要另外給$100，二來切件的乳豬會比原隻小很多,不太化算。所以我們要他重新上全隻乳豬，上菜後發現乳豬不是熱的,雖然皮還是有點脆，但因為冷卻，沒有熱食那麼好吃。有點兒失望。其他餸菜一般花膠湯雖然好喝但是有些少味精值得一提的是它的粉絲扇貝,調味適中，如果喜歡蒜頭味的人會比較喜歡這款菜式。

媽媽至愛龍寶，每次屋企食飯都會嚟呢間中式酒樓，價錢都幾平，之前食親覺得味道麻麻，今次食好明顯進步左好多，可能因為食團年飯嘅呢一日佢唔算好滿座，所以食物質素好咗。佢嘅龍躉兩味，真係幾好食，啲魚幾彈牙。佢嘅瑤柱扒豆苗，其實好多都係禁錮嚟嘅幾乎冇咩瑤柱，但佢個豆苗都算幾好食，好嫩綠。佢既一蚊雞好大隻抵食、夠滑！

大年初一，當然就是團拜，新年不是這麼多酒樓開的，這跟座位比較多，不過人客不多，坐得舒服。大部份的點心都是即蒸的，所以等的時間比較耐。由於人比較多，每人點一樣，都有十幾樣，不同的時間，上菜速度慢，一下子來了很多碟，有豉汁蒸排骨、點心拼盤、錦鹵雲吞、腸粉、燒賣、鹹水角、豉汁鳳爪。個人比較喜歡腸粉和點心拼盤。

今日又來龍寶下午茶啦，非常多人呢，都好難搵位呀，好不容易才搵到兩個位。下午茶限量特製大優惠鮮蝦脆皮百花角三件$12.8裏面蝦肉帶爽口，外皮帶點脆，價錢夠平民，味道都ok。蒜蓉蝦醬蒸魷魚$12.8蒜蓉蝦醬蒸魷魚，雖然蒜蓉及蝦醬味道較濃，但魷魚及粉絲都是較為淡口，2者加埋尚算ok。南安油鴨飯13.8秋風起食臘味，要了個南安油鴨切雞飯，南安油鴨顔色好像有㸃深，雞肉味道都不錯，抵食，不過，多些飯就更好了。

侍應服务非常差的酒家，大把枱竟然話沒枱要等。當人客知道真相時竟然話D枱是剛剛整理好，其實是没報枱給出面員工。做錯嘢唔緊要，最緊要係承認，唔好當的顧客是傻瓜。 其實這個問題是小事，但係該名侍應的 服務態度及對答就認真差勁，因此本人決定 寫食評已反映事實。

本人跟朋友於9月14日於土瓜灣龍寶酒家食晚飯！發現這間酒家不但員工服務態度散漫，收銀員更有偷竊之嫌！晚上8:40入席，不但沒有人招待，揮手叫招待員落單，一個男招侍員明明看見，一於不理，只顧跟同事繼續傾計，不知所謂！落單後等了45分鐘還有一道菜未到，只好叫埋單！職員可能覺得叫餸太少又要他們修改帳單，所以態度極差，埋單時間要差不多15至20分鐘，收銀員更説另一部長把單拿走了沒法埋單，後來發覺賬單一早已經在收銀處，她沒有找續給我們！不知是否等客人不耐煩走後然後私吞款項！本人要求用意見箱表達意見，他們你推我讓！曾國威部長了解事情後，不說一言走開沒有一個任何交代，跟侯志明部長說要意見箱，他更說沒有意見箱，不設投訴部門，問他們的名字(因為侯志明部長站在面前，他沒法用假名)但其他人的名字時，他用假名字欺騙客人，以便他們編作另一故事！這間是否真是一間酒家呢？這個經驗十分恐怖，不知道現在是否經濟十分好可以這樣待慢客人！還說香港應需要有優質服務態度！這間樓剛好有一個唔反面教材！